Bir ailəlik bağ evi (film, 1978)

Bir ailəlik bağ evi — tammetrajlı bədii filmi rejissor Yuli Qusman tərəfindən 1978-ci ildə ekranlaşdırılmışdır. "Azərbaycanfilm" kinostudiyasında istehsal edilmişdir. Film yazıçı Rüstəm İbrahimbəyovun "Qum üzərində ev" pyesinin motivləri üzrə çəkilmişdir. Əsas rolları İqor Kvaşa, Firəngiz Şərifova, Larisa Xələfova, Süleyman Ələsgərov və Rasim Balayev ifa edirlər.

Bir ailəlik bağ evi
Janr	dram
Rejissor	Yuli Qusman
Ssenari müəllifi	Rüstəm İbrahimbəyov
Baş rollarda	İqor Kvaşa Firəngiz Şərifova Larisa Xələfova Süleyman Ələsgərov Rasim Balayev
Operator	Valeri Kərimov
Bəstəkar	Xəyyam Mirzəzadə Rafiq Babayev
Rəssam	Firəngiz Qurbanova
İstehsalçı	"Azərbaycanfilm" Kinostudiyası
İlk baxış tarixi	13 fevral 1978
Filmin digər adı	Qum üzərində ev
Filmin növü	tammetrajlı bədii film
Rəng	rəngli
Vaxt	84 dəq.
Ölkə	Azərbaycan SSR
Dil	azərbaycanca
İl	1978
Texniki məlumat	9 hissə 2435 metr genişekranlı "Svema" kinolenti (Şostka kimya kombinatı) "Tasma" kinolenti (Kazan kimya kombinatı)
IMDb	ID 0212900

Məzmun

Ana (Firəngiz Şərifova) ilə ata (Süleyman Ələsgərov) dənizin sahilində bütün ailəliklə bağ evi tikməyi qərara alırlar. Valideynlər fikirləşirlər ki, övladları, gəlinləri və nəvələri istirahət üçün buraya yığıla bilərlər. Lakin düz deyiblər ki, sən saydığını say, gör fələk nə sayır. Nə oğlanlar, nə də qız heç cür vaxt tapıb valideynlərinə kömək etmək üçün bağa gələ bilmirlər. Onların başları həmişə qarışıqdır: gah kiminləsə görüşür, gah da iclasda, elmi şurada iştirak edirlər. Nəhayət yalnız böyük oğul Eldar (İqor Kvaşa) ana ilə atanı başa düşür... O, ananın arzusuna şərik çıxır və inanır ki, dağınıq ailə üzvlərini bağ evi bir yerə toplaya bilər.

Film haqqında

Film yazıçı Rüstəm İbrahimbəyovun "Qum Üzərində Ev" pyesinin motivləri üzrə çəkilmişdir.

Rollarda

İqor Kvaşa — Eldar

Firəngiz Şərifova — ana

Larisa Xələfova — Validə

Süleyman Ələsgərov — ata

Rasim Balayev — Əli

Mayya Danilyan — bacı

Sergey Yurski — direktor

Yusif Yulduz — Ağamehdi

Hamlet Qurbanov — Qulam

Filmi səsləndirənlər:

Şahmar Ələkbərov — Eldar (İqor Kvaşa) (titrlərdə yoxdur)

İstinadlar

1. Aydın Kazımzadə. Azərbaycan kinosu — 1 (filmlərin izahlı kataloqu (1898-2002)). Bakı: 2003, səh. 99

Mənbə

• “Bir ailə üçün bağ evi...” [C.Cabbarlı adına "Azərbaycanfilm" kinostudiyasında R.İbrahimbəyovun "Qumluqda ev" pyesinin motivləri əsasında eyniadlı bədii filmin çəkilişi haqqında] //Bakı.- 1979.- 30 avqust.
• Азербайджанской ССР кинематография. Кино: Энциклопедический словарь / Гл. ред. С. И. Юткевич; Редкол.: Ю. С. Афанасьев, В. Е. Баскаков, И. В. Вайсфельд и др. — Москва: Советская энциклопедия, 1987. — стр. 13.
• Кино: Энциклопедический словарь / Гл. ред. С. И. Юткевич; Редкол.: Ю. С. Афанасьев, В. Е. Баскаков, И. В. Вайсфельд и др. — Москва: Советская энциклопедия, 1987. — стр. 34.
• Azərbaycan Respublikası Mədəniyyət Nazirliyi. C.Cabbarlı adına "Azərbaycanfilm" kinostudiyası. Aydın Kazımzadə. Bizim "Azərbaycanfilm". 1923-2003-cü illər. Bakı: Mütərcim, 2004.- səh. 220.
• Ala-yarımçıq filmimiz – “Naməlum kino” layihəsi

Xarici keçidlər

• Filmi izlə
• Filmin musiqiləri (video)
• Filmin musiqiləri (audio)