Babamızın babasının babası (film, 1981)
Babamızın babasının babası və ya Babamın babasının babası — 1981-ci ildə Azərbaycan-sovet rejissoru Tofiq Tağızadə tərəfindən "Azərbaycanfilm" kinostudiyasında komediya janrında çəkilmiş tammetrajlı bədii film. Filmin əsas qəhrəmanı sevgi və əbədiyyət ideyalarının daşıyıcısı kimi təsvir olunan 160 yaşlı çoban Əziz babadır. Filmdəki əsas rolları Hüseyinağa Sadıqov, Samir Qədirov, Şamil Süleymanov, Səməndər Rzayev, Hamlet Qurbanov, Həmidə Ömərova və Sabir Məmmədov canlandırırlar.
Babamızın babasının babası | |
---|---|
| |
Janr | komediya |
Rejissor | Tofiq Tağızadə |
Ssenari müəllifi | Ramiz Rövşən |
Baş rollarda | Hüseynağa Sadıqov Samir Qədirov Şamil Süleymanov Səməndər Rzayev Hamlet Qurbanov Həmidə Ömərova Sabir Məmmədov |
Operator | Hüseyn Mehdiyev |
Bəstəkar | Mobil Babayev |
Rəssam | Arif Əbdürrəhmanov |
İstehsalçı | Azərbaycanfilm |
İlk baxış tarixi | 12 fevral 1982 |
Filmin növü | tammetrajlı bədii film |
Rəng | rəngli |
Vaxt | 72 |
Ölkə | SSRİ |
Dil | azərbaycanca |
İl | 1981 |
IMDb | ID 1402414 |
Film Ramiz Rövşənin ssenari müəllifi kimi diplom işi idi. Kino mütəxəssisi Aydın Kazımzadənin sözlərinə görə, bu film Azərbaycan kinosu tarixində mühüm yer tutur, hansı ki, Azərbaycan SSR xalq artisti Hüseyinağa Sadıqovun son film idi. Filmdən bir kadrda Azərbaycan Sovet Ensiklopediyasında Sadıqov haqqında bir məqalə təsvir edilmişdir.
Filmin çəkilişləri Şəki şəhərinin yaxınlığında iki-üç ay ərzində aparılmışdır. Filmin premyerası 1982-ci ildə Kürdəmirdəki Yay Kinoteatrında baş tutmuşdur. Premyerada çəkiliş qrupunun üzvləri, eyni zamanda filmdəki işlərdən və bir neçə maraqlı hekayədən bəhs edən aparıcı aktyor Hüseynağa Sadıqov çıxış etmişdir.
Film 2017-ci ildə Azərbaycan Dövlət Film Fondunun əməkdaşları, əməkdar mədəniyyət işçiləri Rafael İmanov və Xuraman Pişiyari tərəfindən rəqəmsallaşdırılmışdır.
Məzmun
Əziz baba (Hüseynağa Sadıqov) Azərbaycan kəndlərindən birində yaşayan uzunömürlü bir kişidir. Kəndin bütün əhalisi Əzizin qohumları olsa da, heç kim onun neçə yaşında olduğunu dəqiq bilmir. Çoban Əziz kolxoz qoyunlarını otarır, hərdən ötüb keçənləri xatırlayır, ilk məhəbbətini yada salırdı. Bir gün məlum olur ki, Əziz babanın 160 yaşı var. Onun doğum tarixi babasının Əzizin anadan olması ilə əlaqədar sifariş verdiyi mis qablara həkk olunmuşdur. Təntənəli yubileyə hər yerdən insanlar gəlir. Əziz baba təmirli bir evə köçürülür və onun üçün fərdi həkim tutulur.
İzləyicilər Əzizi üç kadrda görürlər. Balaca Əziz özündən böyük olan bir qıza aşiqdir. Bu qızı ərə verirlər və Əziz çox məyus olur. Filmin ikinci hissəsində Əziz (Şamil Süleymanov) artıq böyük bir kişidir. Onun Zeynəb adlı bir sevdiyi var. Lakin bir gün Cəfər adlı bir bəy oğlu Zeynəbi zorla qaçırır və Əziz tək qalır. Filmin üçüncü hissəsində yaşlı Əziz, rayon komitəsinin katibi Əliquliyevin (Səməndər Rzayev) oğlu Cəfərlə zorla evlənən Zeynəbin (Həmidə Ömərova) toy günü onu yəhərə salır və dağlara apararaq qaçırır. Nəvəsi Tapdığın (Sabir Məmmədov) bu qızı sevdiyini öyrənən Əziz çox xoşbəxt olur və Zeynəb Əzizin nəvəsi ilə evlənir. Əzizin böyük sevincinin səbəbi ondan yan keçən xoşbəxtliyin nəvəsinə çatdığını görməsindədir.
Rollarda
Hüseynağa Sadıqov — Əziz baba
Samir Qədirov — Əziz(uşaq)
Şamil Süleymanlı — Əziz(gənc)
Səməndər Rzayev — Əliquliyev
Hamlet Qurbanov — Kolxoz sədri
Həmidə Ömərova — Zeynəb
Yelena Qaracova — Nərgiz
Sabir Məmmədov — Tapdıq
Rafiq Əliyev — Müxbir;Eşşək otaran
Eldəniz Zeynalov — Həkim
Süleyman Ələsgərov — Professor
Eldəniz Rəsulov — Cəfər
R. Həsənov
Y. Əhmədov
F. Qasımov
Q. Məmmədov
Bəşarət
Muxtar Avşarov — Qonaq
Filmi səsləndirənlər:
Hacı İsmayılov — Kolxoz sədri (Hamlet Qurbanov)(titrlərdə yoxdur)
Pərviz Bağırov — Əziz(gənc) (Şamil Süleymanlı)(titrlərdə yoxdur)
Bahadur Əliyev — Eşşək otaran (Rafiq Əliyev);Həkim (Eldəniz Zeynalov)(titrlərdə yoxdur)
Ötkəm İsgəndərov — Tapdıq (Sabir Məmmədov)(titrlərdə yoxdur)
Fərqanə Quliyeva — Zeynəb (Həmidə Ömərova)(titrlərdə yoxdur)
İstehsal
Çəkilişlər
Kastinq
Analiz və tənqidi
Qeydlər
- Kolxoz sədri bu barədə reportyora danışır və gülərək Əzizi "babamızın babasının babası" adlandırır.
- Hər kəs Tapdığı Əzizin nəvəsi hesab etsə də, əslində Tapdıq Əzizə sığınan və Əzizin öz nəvəsi kimi himayə etdiyi bir yetimdir.
Mənbə
İstinadlar
- ↑ Kazımzadə, 2013. səh. 22–23
- Советские художественные фильмы: 1980-1981 (rus). Moskva: Нива России. 1995. 375.
- ↑ Kinovedçeskiye zapiski (rus). 2004. səh. 326.
- ↑ Quliyev, 1984. səh. 256
- "Набор 1977–1978 гг". kinobraz.ru (rus).
- "В Баку прошел вечер памяти народного артиста Гусейнаги Садыхова". news.day.az (rus). 16 fevral 2013.
- "Gürcü qızının oynaya bilmədiyi Azərbaycan filmi". news.milli.az (azərb.). 20 avqust 2014.
- Azəri, 2017. səh. 11
- Sitat səhvi: Yanlış
<ref>
teqi;Dadaşov
adlı istinad üçün mətn göstərilməyib
Ədəbiyyat
- Kazımzadə, Aydın (mart 2013). "Piri babanın nağılları". Kaspi (2–4). Bakı.
- "Садыгов Һүсејнаға Әләсҝәр оғлу". Азәрбајҹан Совет Енсиклопедијасы: [10 ҹилддə]. VIII ҹилд: Прадо – Спринт. Бакы: Азәрбајҹан Совет Енсиклопедијасынын Баш Редаксиjасы. Баш редактор: Ҹ. Б. Гулијев. 1984. (#invisible_char); (#invisible_char); (#invisible_char); (#invisible_char); (#invisible_char); (#script_parameter)
- Azəri, Lalə (aprel 2017). "Dövlət Film Fondunda bir gün". Mədəniyyət (azərb.) (19). səh. 11.