Wikipedia
Boris Baykov
Boris Pavloviç Baykov (24 iyul 1896, Kislovodsk, Terek vilayəti – 6 oktyabr 1958, Bakı) — Azərbaycan-sovet teatr və kino aktyoru, pedaqoq, Azərbaycan SSR xalq artisti (1940).
Boris Baykov | |
---|---|
Doğum tarixi | |
Doğum yeri | Kislovodsk, Terek vilayəti, Rusiya İmperiyası |
Vəfat tarixi | (62 yaşında) |
Vəfat yeri | Bakı, Azərbaycan SSR, SSRİ |
Vətəndaşlığı | Rusiya imperiyası→ SSRİ |
Fəaliyyəti | teatr və kino aktyoru, pedaqoq |
Teatr | Azərbaycan Dövlət Rus Dram Teatrı (1930–1952) |
Mükafatları | |
Həyatı
Boris Baykov 24 iyul 1896-cı ildə Terek vilayətinin Minutka kəndində (hazırda Kislovodsk şəhəri) anadan olmuşdur. O, Həştərxan və Dağıstan Rus Dram teatrında çıxış etmiş, 1930–1952-ci illərdə Azərbaycan Dövlət Rus Dram Teatrının aktyoru olmuşdur.
Boris Baykov Azərbaycan kinosunda da müxtəlif xarakterli obrazlar yaratmış, bir neçə filmə çəkilmişdir. Bundan əlavə o, Bakı Teatr Texnikumunda pedaqoji fəaliyyətlə də məşğul olmuşdur.
Boris Baykov 6 oktyabr 1958-ci ildə Bakıda vəfat etmişdir.
Təltif və mükafatları
- "Azərbaycan SSR xalq artisti" fəxri adı — 23 aprel 1940
- "Azərbaycan SSR əməkdar artisti" fəxri adı
- "Şərəf nişanı" ordeni — 1940
İfa etdiyi əsas rollar
Teatr səhnəsindəki rolları
Rol | Tamaşa | Müəllif |
---|---|---|
Laqutin | Temp | Nikolay Poqodin |
Koşkin | Dostum | Nikolay Poqodin |
Bondarenko | Müdaxilə | Lev Slavin |
Koşkin | Lyubov Yarovaya | Konstantin Trenyov |
Berest | Platon Kreçet | Aleksandr Korneyçuk |
hersoq Alba | Don Karlos | Fridrix Şiller |
Dudukin | Günahsız müqəssirlər | Aleksandr Ostrovski |
Fyodor Protasov | Canlı meyit | Lev Tolstoy |
Нerşov | Döyüşçülər | Boris Romaşov |
bələdiyyə rəisi | Müfəttiş | Nikolay Qoqol |
Qorxmaz | Od gəlini | Cəfər Cabbarlı |
Bərbərzadə | Xoşbəxtlər | Sabit Rəhman |
Koba | Xanlar | Səməd Vurğun |
Filmoqrafiya
Rol | Film | Rejissor | İl |
---|---|---|---|
Zaxarıç | Bakılılar | Viktor Turin | 1938 |
dəmiryolçu Petro | Kəndlilər | Səməd Mərdanov | 1939 |
Sergeyev | Sualtı qayıq | Aleksandr İvanov | 1943 |
İstinadlar
- ↑ Azərbaycan Milli Ensiklopediyası (25 cilddə). 3-cü cild: Babilistan – Bəzirxana (25 000 nüs.). Bakı: "Azərbaycan Milli Ensiklopediyası" Elmi Mərkəzi. 2011. səh. 313. ISBN 978-9952-441-07-9.
- Azərbaycan kinosu. Ensiklopedik lüğət. 1-ci cild. Bakı: Elm və Təhsil. 2017. səh. 100. ISBN 978-9952-8176-1-4.