Birinci Qarabağ müharibəsi şəhidləri (H)

Siyahı

S/S	Şəhid	Rütbəsi	SQ	Qısa tərcümeyi-halı
1.	Hacıyev Asif Ələddin oğlu	polis		1973-cü ildə Şəmkir rayonu Çaparlı kəndində anadan olub. 19 iyul 1992-ci ildə Ağdərənin Həsənriz məntəqəsi istiqamətində gedən döyüş zamanı şəhid olmuşdur. 19 noyabr 1992-ci ildə "Azərbaycan Respublikasının Fəxri fərmanı" ilə (ölümündən sonra) təltif edilmişdir. Məzarı Bakı şəhərindədir.
2.	Hacıyev Əli Kamal oğlu			2 yanvar 1965-ci ildə Ağdam rayonunda anadan olub. 1988-ci il fevralın 22-də Bəxtiyar Quliyev ilə birgə Əsgəran rayonunda şəhid olub. Məzarı uzun müddətdən sonra Ağdam rayonunun işğaldan azad edilmiş Qarağacı qəbiristanlığında tapılıb.
3.	Hacıyev Namiq Talıb oğlu	əsgər		1967-ci il martın 4-də Lerik rayonunun Tikəband kəndində anadan olmuşdur. 9 may 1994-cü ildə Tərtər istiqamətində gedən döyüşlərdə şəhid olmuşdur.
4.	Haşımov Fərhad Ağasalah oğlu	əsgər		25 yanvar 1959-cu ildə Abşeron rayonunun Digah qəsəbəsində anadan olub. 1966–1976-cı illərdə Digah qəsəbə tam orta məktəbində oxuyub. O, qarmon sinfi üzrə də 5 illik musiqi təhsili alıb. 1978–1980-ci illərdə Ukrayna SSR-in Kiyev şəhərində hərbi xidmətdə olub. 1992-ci ilin may ayının əvvələrində könüllü olaraq Azərbaycan Ordusu sıralarına yazılıb. Milli Qəhrəman Koroğlu Rəhimovun komandirlik etdiyi dəstədə olmuş, Başkənd, Madagiz, Gülüstan, Buzluq, Çartaz, Erkeç, Mənəşli kəndlərini düşmən işğalından azad edib. 1992-ci il iyul ayının 3-də Ağdərə uğrunda gedən döyüşlərdə itkin düşüb.
5.	Həmidov Teymur Həzi oğlu	əsgər		31 yanvar 1974-cü ildə Yevlax rayonunun Yuxarı Qarxun kəndində anadan olmuşdur. 1992-ci ilin iyun ayında ordu sıralarına qoşulub. O, cəbhədə olduğu 2 il müddətində Ağdərə rayonunun Çıldıran, Marquşevan, Ağdərə, Tərtər, Füzuli, Ağdam, Qasapet və neçə-neçə kəndimizi ermənilərdən müdafiə etmişdir. Teymur Həmidov 1994-cü ilin aprel ayının 24-də Tərtər ətrafında gedən döyüşlər zamanı şəhid olmuşdur. Yevlax rayonu Şəhidlər Xiyabanında dəfn olunub.
6.	Həsənov Çərkəz Muxtar oğlu	gizir		21 fevral 1965-ci ildə Qazax rayonunun Musaköy kəndində anadan olmuşdur. 1987-ci ildə ailə qurmuş, iki övladı dünyaya gəlmişdir. Çərkəz Həsənov Gəncədə 5477 saylı (indiki 17072 saylı daxili qoşunlar) hərbi hissənin avtomobil bölüyündə gizir işləmişdir. 19 iyul 1992-ci ildə Ağdərənin Həsənriz (Aterk) kəndi uğrunda gedən döyüşlərdə həlak olmuşdur. "Vətən uğrunda" medalı ilə (ölümündən sonra) təltif edilmişdir.
7.	Hüseynov Mövsüm Xudu oğlu	əsgər		1965-ci il yanvarın 13-də Gəncə şəhərində anadan olmuşdur. O, orta təhsilini 5 nömrəli orta məktəbdə almışdır. Mövsüm Hüseynov 1992-ci il noyabrın 18-də Nizami Rayon Hərbi Komissarlığı tərəfindən həqiqi hərbi xidmətə çağırılmışdır. Bacarıqlı qumbaraatan idi. Müxtəlif döyüşlərdə düşmənə xeyli tələfat verib, hücumda hər an öndə gedərdi. Hüseynov Mövsüm Xudu oğlu 1993-cü il yanvar ayının 26-da Fərrux yüksəkliyinin alınması uğrunda gedən ağır döyüşlərin birində şəhid olmuşdur. Mövsüm Hüseynov Gəncə şəhər Şəhidlər Xiyabanında dəfn olunmuşdur.

İstinadlar

1. "Arxivlənmiş surət". 2022-04-19 tarixində arxivləşdirilib. İstifadə tarixi: 2022-04-22.
2. "Qarabağ münaqişəsinin ilk şəhidlərindən birinin məzarı tapıldı - FOTO". Oxu.Az (az.). 2024-03-31. 2024-03-31 tarixində arxivləşdirilib. İstifadə tarixi: 2024-03-31.
3. Birinci Qarabağ müharibəsi şəhidləri (H) // Azərbaycan Respublikası Xatirə Kitabı (20 cilddə). V cild. Bakı: "Respublika Xatirə Kitabı" redaksiyası, 2005.
4. "Arxivlənmiş surət". 2022-04-19 tarixində arxivləşdirilib. İstifadə tarixi: 2022-04-19.
5. "Arxivlənmiş surət". 2022-04-19 tarixində arxivləşdirilib. İstifadə tarixi: 2022-04-19.
6. "GƏNCƏ ŞƏHİDLƏRİ". 2024-02-26 tarixində arxivləşdirilib. İstifadə tarixi: 2024-02-26.