Alisa möcüzələr ölkəsində (film, 1999)

Bu adın digər istifadə formaları üçün bax: Alisa möcüzələr ölkəsində (dəqiqləşdirmə).

Alisa möcüzələr ölkəsində və ya Alisa möcüzələr diyarında (ing. Alice in Wonderland) — 1999-cu ildə istehsal olunmuş televiziya filmidir. Film Luis Kerrollun "Alisa möcüzələr ölkəsində" və "Alisa güzgü arxasında" əsərləri əsasında hazırlanmışdır. Filmin rejissoru Nik Uillinqdir. Film bir çox mükafat və nominasiyalara layiq görülmüşdür. Filmdə Tina Macorino, Riçard Kumbs, Ken Todd, Vupi Qoldberq, Ven Kinqsli, Ceyson Birn, Robbi Koltreyn, Corc Vendt, Cin Uaylder, Kristofer Lloyd, Miranda Riçardson və başqaları iştirak edirlər. Film 12 mart 2010-cu ildə DVD disklərdə satışa çıxarılmışdır. Filmin büdcəsi qiymətləndirməylə $21 milyon dollardır.

Alisa möcüzələr ölkəsində
ing. Alice in Wonderland
Janr	Macəra filmi
Rejissor	Nik Uillinq
Prodüser	Riçard Holl-kiçik Riçard Holl-böyük Dayson Lovell Kris Tompson
Ssenari müəllifi	Kitab: Luis Kerroll Uyğunlaşdıran: Piter Barns
Baş rollarda	Tina Macorino Vupi Qoldberq Martin Şort Robbi Koltreyn Kristofer Lloyd Cin Uaylder Miranda Riçardson
Operator	Stefan Lanc Cillz Natqens
Bəstəkar	Riçard Hartli
Rəssam	Rocer Holl Rozalind Şinqlton Alan Tomkins Çarlz Noud Karen Bruks
İstehsalçı	Hallmark Entertainment
İlk baxış tarixi	28 fevral 1999
Filmin növü	Macəra filmi
Rəng	Rəngli
Vaxt	150 dəqiqə
Büdcə	$21 milyon
Ölkə	Böyük Britaniya ABŞ Almaniya
Dil	İngilis dili
İl	1999
IMDb	ID 0164993

Seçilmiş sitat

• Təxəyyülün şah əsəri (ing. A Masterpiece of Imagination)

Məzmun

Alisa otağında "Yetişmiş albalı" (ing. Cherry Ripe) mahnısını bağa qonaq gələn tamaşaçılar qarşısında ifa etmək üçün hazırlaşır. Bu qonaqlar möcüzələr ölkəsinin personajlarıdır. Sadəcə, onların əsl kimliyi həmin möcüzələr ölkəsində açılır. Həmçinin, Alisanın otağındakı oyuncaqlar da möcüzələr ölkəsində yaşayan insanların vəziyyətini əks etdirir). Lakin o qəfil səhnədəki qonaqlardan qorxur və meşəyə qaçır. Burada ağacdan bir alma aşağı düşməyə başlayır. Bu alma sanki Alisanın üzünə parlayır. Birdən ağacların yanından insan boyda olan Ağ Dovşan çıxıb qaçır. Ağ Dovşan elə qaçır ki, sanki harasa tələsir. Onun əlində saat olur. Bu da Alisanın marağına səbəb olur. Alisa da onun ardınca qaçır. Beləliklə, Alisa Ağ Dovşanın ardınca qaçaraq "Möcüzələr ölkəsinə"nə düşür.

Alisa "Möcüzələr ölkəsi"də səyahət etməyə başlayır. Bu zaman müxtəlif insanların həyatı və problemləri ilə qarşılaşır. Alisanın boyu "Möcüzələr ölkəsi"nə daxil olan zaman normal qalır. Lakin elə də böyük olmayan bağa açılan qapıdan keçən zaman Alisanın boyu kiçilir. Alisanın göz yaşlarını görən Cənab Siçan və onun dostları ona kömək etməyə başlayır. Sonra Alisa Ağ Dovşana rast gəlir. Otaqda şüşə qabda mayeli su içir. Qabın üzərində "İç Məni" yazılmışdır. Bu zaman Alisa həddindən artıq böyüməyə başlayır. Ağ Dovşan və onun bağbanları Pet ilə Vill Alisaya kömək etməyə başlayırlar. Lakin yenədə Alisa kiçilməyə başlayır. Alisa Meşədə azaraq mayor Keterpiller ilə rastlaşır. Keterpiller ona kiçilməzdən əvvəl qorxmamağı tapşırır. Alisa göbələyin hissələrini ilə qidalanaraq böyüməyə başlayır. Bu zaman Alisanın boyu normal hala düşür. Alisa yenidən səyahətini davam etdirir. Manor Evi adlanan yerdə qadın musiqi Hersoqu ilə rastlaşır. Alisa körpəni əlinə alır. Lakin əlindəki körpə tədricən donuza dönür. Alisa onu yerə buraxır. Çeşir pişiyi ona Dəlisov Papaqçı və onun dostları Mart Pişiyi ilə Sonyanın yanına getməyi məsləhət görür.

Alisa "Trio" ilə görüşən zaman səhnədə qorxmağı necə dəf etmək müzakirəyə qoyulur. Dəlisov Papaqçı stolunu üzərinə hoppanır. Bu işi Dəlisov Papaqçı "Qırmızıtoxmaq Kraliça"nın konsetində görmüşdür. Alisa səhnəyə çıxan zaman Dəlisov Papaqçı və Mart Pişiyi qabları sındırmağa başlayır. Alisa kiçik qapıdan gəlir. Alisa Qırmızıtoxmaq Kraliçaya məxsus Labirintə düşür. "Qırmızıtoxmaq Kraliça" Alisanı qəribə Kroket oyununa dəvət edir. Lakin "Qırmızıtoxmaq Kraliça"nın insanlara qarşı münasibəti və onların edam etdirməyə məhkum olmaları, Alisanın xoşuna gəlmir. Çeşir pişiyinin başı gözlənilmədən görünməyə başlayır. Qadın Hersoqu Kinqin sualına cavam vermək üçün gəlir ki, pişiyin kimə məxsus olmasını tapsın. Lakin Çeşir pişiyi gözdən itir. Alisa Kroket oyununu tərk edir. Alisa macəralarını davam etdirərək, Qrifon və Sınaq Tısbağası ilə rastlaşır. Sınaq Tısbağası ona oxumağı öyrədir. Əvvəlcə "Xərçəng Kuadrill" (ing. The Lobster Quadrille) mahnısını tək ifa edir. Ardınca isə Alisa onunla ilə birgə "Gözəl şorba" (ing. Beautiful Soup) mahnısını ifa etməyə başlayır. Alisa onlardan məmnun qalaraq, buranı tərk edir. Alisa buranı tərk etdikdən sonra Ağ Cəngavər ilə rastlaşır. Ağ Cəngavər ona ixtiralarından danışır və ona mərd olması bildirir.

Alisa səyahətini davam etdirərək güllərlə qarşılaşır. Onların sırasında ən dərrakəli Pələng-Lili olur. Onların arasında bir çox dələduz itburnu və çoxilli qızçiçəkləri olur. Alisa Pələng-Lilidən meşədən çıxmaq üçün hara getməyini soruşur. Bu zaman bütün güllər ona müxtəlif istiqamət göstərir. Alisa onların sözlərinə qulaq asmayaraq, yoluna davam edir. Alisa bu dəfə Tvidli Dam və Tvidli Di ilə rastlaşır. Bir müddət sonra onları arasında mübahisə baş verir və onlar bir-biri ilə mübarizə aparmağa başlayırlar. Tvidli Dam və Tvidli Di zədə almamaları üçün onlar cəngavər paltarı geyinirlər. Lakin bu geyimlər ağır olduğundan onlar tez bir zamanda yorulurlar. Bu zaman burulğan yaranır və onlar buranı tərk edirlər. Alisa da burulğandan xilas olmaq üçün buranı tərk etmək məcburiyyətində qalır. Ardınca Alisanı məhkəməyə çağırırlar. Məhkəmədə "Ürəklər Valeti"nin Kraliça Piroqlarını oğurlaması mühakiməsi aparılır. Şahid kimi Dəlisov Papaqçı və onun dostları dəvət olunur. Lakin Kraliçanın Piroqlarını başqası oğurlamışdır. Bunu sübut edən dəlil yoxdur. Alisa məhkəmə qarşısına çıxarılır. Bu zaman Alisa həminki kimi göbələyin hissələrini yeyərək daha da böyüməyə başlayır. Alisa kraliçanı və kralı tənqid etməyə başlayır. Alisa saxlanılan şəxsin günahkar olmadığını və piroqların yerində olduğunu bildirir. Ağ Dovşan başqalarının fikrinin ona lazım olub-olmadığını və həqiqətən, qərarında əmin olması barəsində ona iki sual verir. Alisa ilk suala "xeyr, nə vaxt ki, mən haqlıyam", digər suala "Bəli, mən əminəm" cavabını verir. Bu zaman Ağ Dovşan Alisaya "Onda biz sənə artıq lazım deyilik" deyərək, Alisanı geri qayıdır. Alisa əvvəlki kimi ağacdan almanın yerə düşdüyünü görür.

Evə geri qayıdan zaman Alisa mahnını həvəslə valideynlərinin və onların qonaqların qarşısında oxumağa başlayır. Lakin ifa edəcəyi mahnının əvəzində "Xərçəng Kuadrill" mahnısını oxuyur. Bu mahnı əvvəlki mahnıdan da maraqlı olur. Qonaqlar bu mahnını bəyənərək onu alqışlamağa başlayırlar. Bu zaman Alisa Çeşir pişiyinin də sevindiyini görür. Qarşılıqlı olaraq Alisanın simasında təbəssüm yaranır.

Filmin heyəti

Aktyor/aktrisa	Rol	Qeydlər
Tina Macorino	Alisa	Əsərin baş qəhrəmanı
Vupi Qoldberq	Çeşir pişiyi	Alisaya "Möcüzələr ölkəsi"nin bir sıra qanunlarını başa salır.
Kiran Şah	Ağ Dovşan
Riçard Kumbs	Ağ Dovşan
Ken Todd	Cənab Siçan
Miranda Riçardson	Qırmızıtoxmaq Kraliça
Martin Şort	Dəlisov Papaqçı
Cin Uaylder	Sınaq Tısbağası
Kristofer Lloyd	Ağ Cəngavər
Robbi Koltreyn	Tvidli Dam
Corc Vendt	Tvidli Di
Ken Dodd	Cənab Siçan
Ben Kinqsli	Mayor Keterpiller
Cerard Naprous	Qara Kral
Ceyson Birn	Pet
Cerard Naprous	Ürəklər Valeti	Ser Cek və ya Ked
Donald Sinden	Qrifon	Qrifon personajını səsləndirən
Elizabet Briqqs	musiqi Hersoqu
Coanna Lamli	Pələng-Lili
Meri Heli	rolu yoxdur	Dayə
Cenin Ezer	rolu yoxdur	Alisanın anası
Ceremi Brudenell	rolu yoxdur	Alisanın atası
Conatan Broadbent	rolu yoxdur	Krallığın bağbanı #1
Metyu Sim	rolu yoxdur	Krallığın bağbanı #2
Kristofer Ryan	Kris Ryan	Krallığın bağbanı #3

Hazırlanma

Filmin məzmunu Luis Kerrolun "Alisa möcüzələr ölkəsində" və "Alisa güzgü arxasında" əsərlərinin məzmununa yaxın yaradılmışdır. Film üçün xüsusi effektlər "London animasiya studiyası Framestore CFC" tərəfindən yaradılmışdır. Filmdəki bütün oyuncaqlar ABŞ-ın xüsusi vizual effektlər hazırlayan «Jim Henson’s Creature Shop» adlı kompaniyası tərəfindən hazırlanmışdır. Filmdə təxminən 875 vizual effektdən istifadə edilmişdir. Filmdəki qəhrəmanların obrazı Luis Kerrolun "Alisa möcüzələr ölkəsində" və "Alisa güzgü arxasında" əsərlərinin ilk illüstratoru olan ingilis rəssamı Con Tennielin (ing. John Tenniel) illüstrasiyası əsasında yaradılmışdır.

Saundtreklər

Aşağıdakı cədvəldə 1999-cu ildə çəkilən "Alisa möcüzələr ölkəsində" filminin bütün saundtrekləri göstərilmişdir:

Bütün mahnılar Riçard Hartli tərəfindən yazılmış və bəstələnmişdir. 

1999-cu ildə çıxan bonus-treklər
№	Başlıq	Müddət
1.	Prologue / Cherry Ripe	0:49
2.	Main Title	3:08
3.	Rabbit Hole	2:07
4.	Round House	3:40
5.	Swimming In Tears	2:09
6.	What Am I Going To Talk About	0:51
7.	The Caucus Race	1:24
8.	The Prizegiving	1:10
9.	Mr. Rabbit's House	2:24
10.	Pat	0:16
11.	Bill	3:24
12.	Tiny Cakes	2:20
13.	Caterpillar	1:29
14.	You're Old Father William	1:44
15.	Magic Mushrooms	0:51
16.	Wow Wow Wow	1:33
17.	Little Pig	0:39
18.	The Blossom Tree	0:56
19.	Meet Hatter and Hare	2:55
20.	Auntie's Wooden Leg	0:43
21.	Twinkle Twinkle	1:04
22.	The Trackle Well	2:47
23.	Alice Leaves The Tea Party	2:55
24.	Queen's March	0:53
25.	Croquet March	2:20
26.	No Thanks To You	0:50
27.	The Dutchess Reappears	1:31
28.	The Griffins Grotto	1:28
29.	Will You Won't You Join The Dance	1:52
30.	Beautiful Soup	2:30
31.	Into The Book	2:08
32.	The Red Knight Leaves	1:17
33.	The White Knight	1:55
34.	Flowers To The Tweedles	1:53
35.	Tweedles Fight	1:09
36.	The Walrus And The Carpenter	4:00
37.	The Monstrous Crow	1:13
38.	Twinkle Twinkle Little Gnat	0:18
39.	Waking Up	1:59
40.	Will You Won't You Join The Dance	1:07
69:41

Ölkələrdə çıxış tarixi

Ölkə	Çıxış tarixi	Adı	Dil	Qeydlər
ABŞ	28 fevral 1999	Alice in Wonderland	İngilis dili
Portuqaliya	2 may 1999	Alice no País das Maravilhas	Portuqal dili
Almaniya	23 may 1999	Alice im Wunderland	Alman dili
Avstraliya	13 avqust 1999	Alice in Wonderland	İngilis dili
Böyük Britaniya	23 aprel 2000	Alice in Wonderland	İngilis dili
Fransa	24 dekabr 1994	Alice au pays des merveilles	Fransız dili
Yaponiya	14 noyabr 2000	Alice in Wonderland	Yapon dili	Video premyera
Finlandiya	30 yanvar 2002	Liisa ihmemaassa	Fin dili	DVD premyera
Macarıstan	Rəsmi çıxış tarixi yoxdur	Alice csodaországban	Macar dili
İspaniya	Rəsmi çıxış tarixi yoxdur	Alicia en el país de las maravillas	İspan dili
İtaliya	Rəsmi çıxış tarixi yoxdur	Alice nel paese delle meraviglie	İtalyan dili
Polşa	Rəsmi çıxış tarixi yoxdur	Alicja w Krainie Czarów	Polyak dili
Yunanıstan	Rəsmi çıxış tarixi yoxdur	I Aliki stin hora ton thavmaton	Yunan dili

Dünya kanallarında yayımlanması

Ölkə	Kanal
ABŞ	NBC
Böyük Britaniya	Channel 4
İspaniya	Tele5
Polşa	KidsCo

Ədəbiyyat

• Cohen, Morton (1996). Lewis Carroll: A Biography. Vintage Books. pp. 30–35. ISBN 978-0-679-74562-4.
• Clark, Ann (1979). Lewis Carroll: A Biography. London: J. M. Dent. ISBN 0-460-04302-1.

İstinadlar

1. Alice in Wonderland Business Imdb.com sayında, Yoxlanılıb: 17 sentyabr 2015.
2. Alice in Wonderland Awards Imdb.com sayında, Yoxlanılıb: 17 sentyabr 2015.
3. Alice in Wonderland Allmovie.com saytında, Yoxlanılıb: 17 sentyabr 2015.
4. Alice in Wonderland Locations Imdb.com sayında, Yoxlanılıb: 17 sentyabr 2015.
5. Alice in Wonderland Albums Soundtrack.com saytında, Yoxlanılıb: 9 dekabr 2014
6. Alice in Wonderland Ratings Imdb.com sayında, Yoxlanılıb: 17 sentyabr 2015.
7. Alice in Wonderland Releaseinfo Imdb.com sayında, Yoxlanılıb: 17 sentyabr 2015.
8. Alice in Wonderland Fullcredits Imdb.com sayında, Yoxlanılıb: 17 sentyabr 2015.

Xarici keçidlər

• Alisa möcüzələr ölkəsində — Internet Movie Database saytında.

• Alisa möcüzələr ölkəsində Rotten Tomatoes saytında
• Alisa möcüzələr ölkəsində Allmovie.com saytında