Şamil İbrahimov
Şamil Zülfüqar oğlu İbrahimov — Azərbaycanın teatr və kino aktyoru, rejissor.
| Şamil İbrahimov | |
|---|---|
| Şamil Zülfüqar oğlu İbrahimov | |
| Doğum adı | Şamil Zülfüqar oğlu İbrahimov |
| Doğum tarixi | |
| Doğum yeri | Şahbuz, Naxçıvan, Azərbaycan |
| Vətəndaşlığı | Azərbaycan |
| Fəaliyyəti | rejissor-aktyor |
| Fəaliyyət illəri | 2012 - bugünədək |
| Təhsili | Azərbaycan Dövlət Mədəniyyət və İncəsənət Universiteti |
| İstiqamət | teatr və kino |
Həyatı
Şamil Zülfüqar oğlu İbrahimov 8 yanvar 1988-ci ildə Naxçıvan Muxtar Respublikası, Şahbuz rayonunda anadan olmuşdur. 1994-2005-ci illərdə Şahbuz rayon orta məktəbində təhsil almışdır. 2012-2016-cü illərdə Azərbaycan Dövlət Mədəniyyət və İncəsənət Universitetinin "Aktyor sənəti" fakültəsində dram teatr və kino aktyoru ixtisası üzrə xalq artisti Məmmədsəfa Qasımovun kursunda bakalavr pilləsində, 2017 - 2019-cu illərdə dram teatr və kino aktyoru ixtisası üzrə magistr pilləsində təhsil alıb.
2013-2015-ci illərdə Azərbaycan Dövlət Akademik Milli Dram Teatrı nəzdində yaradılmış "Az-ART" studiyasında və teatrın bir neçə tamaşasında müqavilə əsasında aktyor kimi fəaliyyət göstərmişdir.
2017-ci ildə yaranmış müstəqil Human Teatrının təsisçisi və direktorudur.
Şamil İbrahimov rejissor kimi "Yuxum" (Uilyam Şekspir),"Kölgə" interaktiv (Şamil İbrahimov) "Özümüzü kəsən qılınc" (Bəxtiyar Vahabzadə) tamaşalarına quruluş vermişdir.
Teatr səhnəsindəki rolları
Azərbaycan Dövlət Akademik Milli Dram Teatrı
| Tamaşanın adı | Rol | Tarix | Rejissor | Müəllif |
|---|---|---|---|---|
| Əmir Teymur | Masqara | 20 may 2014 | Mehriban Ələkbərzadə | Hüseyn Cavid |
| Banan qabığı | 2014 | "Az-ART" studiyası | "Az-ART" studiyası | |
| Tıq-tıqın qonaqları | 2014 | "Az-ART" studiyası | Mehman Musabəyli | |
| Nadir şah | Nəsrullah xan | 2015 | Gümrah Ömər | Yunus Oğuz |
| Herostratı Unudun | İnqlabçı | 13 noyabr 2016 | Mehriban Ələkbərzadə | Hüseyn Cavid |
"Human" Teatrı
| Tamaşanın adı | Rol | Tarix | Rejissor | Müəllif |
|---|---|---|---|---|
| Üçüncü | Baba | 2017 | Pərviz Məmmədrzayev | Slavomir Mrojek |
| Anqleter 1925 | Yesenin | 2017 | Pərviz Məmmədrzayev | Sergey Yesenin |
Filmoqrafiya
- Qarabağnamə (film, 2013)
- Çərçivə (film, 2014)
- Günəşi oyadanlar (film, 2015)
- Kabusun sandığı (qısametrajlı film,2018)
- Günlər (qısametrajl film 2018)
- Könül yarası (serial 2019 )
- Solğun Çiçəklər (film 2019)
- Qisas (qısametrajlı film 2019 )
- Son gecə (bədii televiziya filmi 2019)
İstinadlar
- Etibar Cəbrayıloğlu. ""Topal Teymur"un "Əmir Teymur" kimi qayıdışı" (az.). Anl.az. 09.11.2013. İstifadə tarixi: 2017-01-26.
- Könül Əliyeva. ""Əmir Teymur" tamaşası türk dünyasının ən böyük faciəsini – qardaşın-qardaşa silah çəkdiyi, məğlub etdiyi bir tarixi gündəmə gətirir" (az.). Kaspi. 24.05.2014. İstifadə tarixi: 2017-01-26.
- Ədalət. "Nadir şah ola bilməmək bacarığımız" (az.). Anl.az. 20.12.2014. İstifadə tarixi: 2017-01-26.
- Olaylar. ""Nadir şah" Azərbaycan teatrı üçün yeni hadisədir" (az.). Olaylar.az. 25.12.2014. İstifadə tarixi: 2017-01-26.
- Qaynarinfo. "Azərbaycanda daha bir müstəqil teatr yarandı" (az.). Qaynarinfo.az. 21.03.2017. İstifadə tarixi: 2017-03-21.
- http://kulis.lent.az/m/news/18364[ölü keçid]