Əfqan Xaşalov

Əfqan Xaşalov (7 iyun 1997, Qazax) — Azərbaycanı təmsil edən sərbəst güləşçi.

Əfqan Xaşalov
Əfqan Xaşalov 2021-ci il Dünya Çempionatında
Şəxsi məlumatlar
Tam adı	Əfqan Kamil oğlu Xaşalov
Vətəndaşlığı	Azərbaycan
Doğum tarixi	7 iyun 1997(27 yaş)
Doğum yeri	Qazax, Azərbaycan
Boyu	166 sm. (5 ft 6 in)
İdman növü	Güləş
Karyera illəri	2010—2022
Məşqçisi	Cavid Qurbanzadə
Komandası	Zenit İdman Cəmiyyəti
Medallar Avropa Çempionatı Bürünc 57 Kq. Dövlət təltifləri

Karyerası

Əfqan Xaşalov 2014-cü ildə yeniyetmələr arasında Avropa Çempionatının qızıl medalına, yeniyetmələr arasında Dünya Çempionatının isə gümüş medalına sahib olub. Daha sonra Əfqan Xaşalov 2016-cı ildə Fransada gənclər arasında Avropa Çempionatının və 2017-ci ildə Almaniyada gənclər arasında Dünya Çempionatının qalibi oldu. 2017-ci ildə Finlandiyada gənclər arasında Dünya Çempionatını bürünc medalla başa vuran Əfqan Xaşalov 2018-ci ildə İstanbul şəhərində U23 Dünya Çempionatının gümüş medalına sahib oldu.

2019-cu ildə Budapeşt şəhərində U23 Dünya Çempionatında bürünc medala sahib olan Əfqan Xaşalov bir il sonra, 2020-ci ildə İstanbul şəhərində Yaşar Doğunun xatirəsinə həsr olunan beynəlxalq turniri də bürünc medalla başa vurdu. Həmin ilin fevralında Roma şəhərində Avropa Çempionatlarında debüt edən Əfqan Xaşalov turniri yeddinci pillədə başa vurdu.

Əfqan Xaşalov 2020-ci ilin sentyabr-noyabr aylarında Vətən müharibəsi zamanı Füzuli-Xocavənd-Şuşa istiqamətində gedən hərbi əməliyyatlarda oldu. Azərbaycan Prezidenti İlham Əliyevin 24 iyun 2021-ci il tarixli Sərəncamlarına əsasən Əfqan Kamil oğlu Xaşalov və ilə təltif edildi. Müharibə zamanı Əfqan Xaşalov sol gözündən yaralandı.

Müharibədən sonra Əfqan Xaşalov 2021-ci ildə Polşanın Varşava şəhərində baş tutan Avropa Çempionatında bürünc medalın sahibi oldu. Həmin il Norveçin Oslo şəhərində Dünya Çempionatlarında debüt edən Əfqan Xaşalov turniri 12-ci pillədə başa vurdu.

2022-ci il ərzində Əfqan Xaşalov Bolqarıstan və Polşada baş tutan beynəlxalq turnirlərdə uğurlu nəticələrə imza ata bilmədi.

Nəticələri

Sıra	İl	Yarış	Ev sahibi	Nəticə
1	2014	Yeniyetmələrin Avropa Çempionatı	Bolqarıstan	1.
2		Yeniyetmələrin Dünya Çempionatı	Slovakiya	2.
3	2015	Gənclərin Avropa Çempionatı	Türkiyə	12.
4	2016	Gənclərin Dünya Çempionatı	Fransa	1.
5		Qızıl Qran-Pri	Azərbaycan	8.
6	2017	Gənclərin Avropa Çempionatı	Almaniya	1.
7		Gənclərin Dünya Çempionatı	Finlandiya	3.
8	2018	Kiyev Turniri	Ukrayna	3.
9		Hərbçilərin Dünya Çempionatı	Rusiya	5.
10		U23 Avropa Çempionatı	Türkiyə	2.
11	2019	U23 Dünya Çempionatı	Macarıstan	3.
12	2020	Yaşar Doğu Turniri	Türkiyə	3.
13		Avropa Çempionatı	İtaliya	7.
14	2021	Kiyev Turniri	Ukrayna	20.
15		Avropa Çempionatı	Polşa	3.
16		Dünya Çempionatı	Norveç	12.
17	2022	D. Kolov & N. Petrov Turniri	Bolqarıstan	5.
18		Matteo Pellisone Turniri	İtaliya	8.

İstinadlar

1. International Wrestling Database. "AFGAN KHASHALOV". www.iat.uni-leipzig.de (ingilis). 2022-08-04. 2022-04-28 tarixində . İstifadə tarixi: 02.08.2022.