Zarina Qurbanova (aktrisa)

Vikipediyada bu ad-soyadlı digər şəxslər haqqında da məqalələr var; bax: Zarina Qurbanova.

Zarina Qurbanova (17 dekabr 1990, Sumqayıt) — Azərbaycanlı aktrisa.

Zarina Qurbanova
Doğum tarixi	17 dekabr 1990 (30 yaş)
Doğum yeri	Sumqayıt, Azərbaycan
Milliyyəti	Azərbaycan
Vətəndaşlığı	Azərbaycan
Fəaliyyəti	aktrisa
Fəaliyyət illəri	2010 - h. h.
Təhsili	ADMİU
Mükafatları	Yaxşı aktrisa oyunu mükafatı
IMDb	ID 9556722
Vikianbarda əlaqəli mediafayllar

Həyatı

1990-ci ildə Sumqayıt şəhərində doğulub. 1997-ci il Bakı şəhəri 190 nömrəli məktəbə getmişdir. Hərbçi ailəsində doğulduğundan 2000-ci ildə Rusiyaya köçmüş, 2004-cü ildə yenidən Bakıya dönmüş və 91 nömrəli məktəbdə oxumağa davam etmişdir. Məktəbi bitirdiyi ilədək 3 nömrəli musiqi məktəbi vokal bölməsində musiqi təhsili almışdır. Həmin dövrdə muğam, rəssamlıq və rəqslə də məşğul olmuşdur. 2008-ci il İncəsənət Universitetinin rejissorluq fakültəsinə daxil olmuşdur. Universitet illərində hazırlanan bütün tamaşa tədbirlərdə fəal iştirak etmiş bir çox mükafatlarla təltif olunmuşdur və 2012-ci il rejissoru olduğu İlğım tamaşasına görə qırmızı diplomla universiteti bitirmişdir. Daha sonra yerli telekanallarda "ulduzlu saat", "incəsənət", "gəzək yeyək" verlişinin aparıcısı olmuş. Azərbaycan kinostudyası nəzdində çəkilən. Rejissoru Xəyyam Abdullayevin olduğu "sirr" filmində rejissor asistantı kimidə fəaliyyət göstərmişdir. Bu dövr ərzində Addım gənclər təşkiıatı tərəfindən keçirilən "no smoking" film festivalı "sağlam həyat yaradıcılıq" sərgisində rejissoru olduğu qısa filmlərə görə 1 və 4-cü yerlərlə mükafatlandırılmışdır. Aktrisa kimi fəaliyyətinə başladıqdan sonra 2015-ci ildə baş rol oynadığı Arzuların ardınca filmində xərçəngdən əziyyət çəkən qadının taleyini canlandıraraq tamaşaçı rəğbətini qazanmışdır. Eyni ildə Akademik Musiqili teatrına "yatmış gözəl" tamaşası Malifisenta obrazını oynamağa dəvət almış balaca tamaşaçılarında sevgisini qazanmışdır. Bundan sonrakı illər digər filmlərdə müxtəlif janrlarda oynadığı obrazlara görə bir neçə dəfə "yaxşı aktrisa oyunu" mükafatına layiq görülmüşdür.

Filmoqrafiya

• Döngələr (2011)
• Məhkumlar (serial, 2012)
• Arzuların ardınca... (film, 2015)
• Məriz (2015)
• Sara (2015)
• Üçüncü günün adamı (film, 2017)
• Gizlənpaç (film, 2016)
• Tayson (film, 2017)
• Don Marleone (2017)
• Xənnas (film, 2017)
• Ailəcanlı (teleserial, 2017)
• Könül yarası (serial, 2018)
• Estakada (2019)
• Ağacdələn (2019)
• Mənim balaca Şahzadəm (film, 2019)
• Əks təsirlər (2020)
• Komedixana (2020)

Teatr

• Yatmış gözəl və cırtdanlar (2015)
• ERROR – 4 ölçülü xəyali gərcək oyun (2017)
• Şaxta baba, Bremen musiqiçiləri və Penin nağılı

İstinadlar

1. – Azərbaycanda 16+ kino çəkildi – VİDEO
2. - Aktrisa Zarina Qurbanova: «Çəkilişə gedəndə çox qorxurdum. Hətta evdəkilərlə sağollaşdım» – Müsahibə-FOTO-VİDEO
3. – Zarina Qurbanova: "Ziyadan aldığım enerjini heç bir tərəf-müqabilimdən almamışam" – VİDEO – FOTO
4. - “Üçüncü günün adamı”nın çəkilişləri yekunlaşıb
5. - “Tayson”un Bakıda reallaşan qala gecəsindən reportaj-foto
6. – Azərbaycanda mənə "1 milyon verirəm" deyən olsa... – Gənc aktrisa
7. – 200 minlik "Xənnas"ın qala gecəsi oldu – "1 milyon qazanacağıq"
8. – Zarina Qurbanova: “Bu da son”
9. - Azərbaycanda 98 manata film çəkildi (FOTO/VİDEO)
10. – Seks, hicab, geylər, ölüm... Azərbaycan filmində Şeytan obrazlar – VİDEO
11. – FREESTYLE: ERROR 4 ÖLÇÜLÜ XƏYALI GERÇƏK TAMAŞA
12. – "Şaxta baba, Bremen musiqiçiləri və Penin nağılı"
13. – Bazar günü uşaqlar üçün tamaşa var
14. – Musiqili Teatrın həftəsonu afişası