Viktor Lindelöf

Viktor Yörgen Nilson Lindelöf (d. 17 iyul 1994; Vesteros, İsveç) İngiltərə Premyer Liqasının Mançester Yunayted klubunda və İsveç milli yığmasının heyətində müdafiəçi mövqeyində çıxış edən isveçli futbolçu. Əsas mövqeyinin mərkəz müdafiəçisi olmasına baxmayaraq, sağ cinah müdafiəçisi mövqeyində də çıxış edə bilir.

Viktor Lindelöf
isv. Victor Lindelöf
Ümumi məlumatlar
Tam adı	Viktor Yörgen Nilson Lindelöf
Ləqəbi	Buz adam (ing. Iceman)
Doğum tarixi	17 iyul 1994 (27 yaş)
Doğum yeri	Vesteros, İsveç
Vətəndaşlığı	İsveç
Boyu	187 sm
Çəkisi	81 kq
Mövqeyi	Müdafiəçi
Əsas ayağı	Sağ
Klub haqqında məlumat
Klub	Mançester Yunayted
Nömrəsi	2
Karyerası
Peşəkar karyerası 2009–2012 Vesteros 41 (0) 2012–2015 Benfika B 96 (4) 2013–2017 Benfika 48 (2) 2017– Mançester Yunayted 6 (0) Milli yığma 2010–2011 İsveç U17 5 (0) 2012–2013 İsveç U19 17 (0) 2014–2015 İsveç U21 13 (0) 2016– İsveç 18 (1)
Milli çempionatların müxtəlif liqalarında peşəkar klubların heyətində keçirdiyi oyunların və vurduğu qolların sayı, 2 dekabr 2017 tarixində redaktə olunub. Rəsmi oyunlarda milli yığmanın heyətində keçirdiyi oyunların və vurduğu qolların sayı, 14 noyabr 2017 tarixində redaktə olunub.
Vikianbarda əlaqəli mediafayllar

Klub karyerası

İlk illəri

Lindelöf gənc yaşlarında Vesteros şəhərində yerləşən İK Franke, Vesteros İK və Vesteros SK kimi klublarda çıxış etmişdir.

Vesteros SK

2010-cu ilin sentyabrında Lindelöfün hələ 16 yaşı olarkən o, Vesteros klubunun heyətinin debüt oyununa çıxmışdır. Elə həmin mövsüm o, İsveç liqa sistemində daha yüksək səviyyə hesab olunan ikinci liqaya yüksəlməkdə komandasına kömək etmişdir.

Benfika

Lindelöf 1 dekabr 2011-ci ildə Portuqaliya təmsilçisi Benfika klubu ilə müqavilə imzalamışdır. 8 iyun 2015-ci ildə imzalanan yeni müqavilə sayəsində klubla olan müqavilə 2020-ci ilə qədər uzadılmışdır. 2012-13 mövsümündə gənclərdən ibarət komandanın heyətində Portuqaliya U19 çempionatının qalibi olmuşdur. 19 oktyabr 2013-cü ildə əsas komandanın heyətində ilk oyununa çıxmışdır. 2013-14 mövsümündə ehtiyat komandanın tərkibində 33 oyunda meydana çıxmış və 2 qolla yadda qalmışdır. 2015-16 mövsümündə yenidən əsas heyətə qayıtmağı bacarmışdır. O, 16 fevral 2016-cı ildə UEFA Çempionlar Liqasının 1/8 final mərhələsində Zenit Sankt-Peterburq klubuna qarşı matçda əsas heyətdə iştirak etmiş və vacib qələbənin qazanılmasında kluba kömək etmişdir. Bundan dörd gün sonra Portuqaliya çempionatında Pakuş de Ferreyra klubu ilə qarşılaşmada Benfikanın əsas heyətində ilk qolunu vurmağı bacarmışdır. Həmin oyunda Benfika rəqibini 3-1 hesabı ilə məğlub etmişdir.

Mançester Yunayted

10 iyun 2017-ci il tarixində Mançester Yunayted Benfikaya 35 milyon avro (10 milyon avro potensial artırma şərti ilə) ödəyərək Viktor Lindelöfü heyətinə qatdığını açıqlamışdır. Lindelöf 14 iyunda Trafford Təlim Mərkəzində tibbi müayinədən keçdikdən sonra klubla bir il artırma şərti ilə dörd illik müqavilə imzalamışdır. Mançester Yunayted müqavilənin 1 iyul tarixindən etibarən qüvvəyə mindiyini açıqlamışdır.

O, rəsmi qarşılaşmalarda ilk oyununa UEFA Superkuboku çərçivəsində Real Madridə qarşı matçda çıxmışdır. Lakin, Premyer Liqada debüt oyununa çıxmaq üçün iki ay gözləməli olmuş, yalnız 14 oktyabrda Liverpula qarşı oyunda meydana çıxma şansı qazanmışdır.

Həmçinin bax

• Mançester Yunayted
• İsveç milli futbol komandası

İstinadlar

1. "Squads for 2017/18 Premier League confirmed". Premier League. 1 sentyabr 2017. İstifadə tarixi: 9 dekabr 2017.
2. "Hélder: «Lindelöf é o homem de gelo»" (portuqal). Record.pt. 8 fevral 2016.
3. "Victor Lindelof scouting report: Manchester United close in on £35m 'Iceman' defender from Benfica" (ingilis). Daily Mail. 2 iyun 2017.
4. Gholam, Simeon (15 iyun 2017). "Who is Victor Lindelof? Manchester United's new signing assessed". Sky Sports. İstifadə tarixi: 9 dekabr 2017.
5. "Victor Nilsson Lindelöf vann årets back" [Victor Nilsson Lindelöf won defender of the year] (Swedish). IK Franke. 22 noyabr 2016. İstifadə tarixi: 9 dekabr 2017.
6. "VSK Fotboll klipper till med en ny back". VSK Fotboll. 12 sentyabr 2010.
7. "VSK FOTBOLL TILL SUPERETTAN!". VSK Fotboll. 17 oktyabr 2010.
8. "Victor Lindelöf renova contrato" [Victor Lindelöf renews contract] (Portuguese). S.L. Benfica. 8 iyun 2015. İstifadə tarixi: 9 dekabr 2017.
9. "Lindelöf preparado para travar Bernardo Silva" [Lindelöf prepared to stop Bernardo Silva] (Portuguese). UEFA. 23 iyun 2015. İstifadə tarixi: 9 dekabr 2017.
10. "Jonas strikes late to earn Benfica narrow win". UEFA.com. 16 fevral 2016. İstifadə tarixi: 9 dekabr 2017.
11. "Benfica: Lindelof celebra primeiro golo pela equipa principal". Maisfutebol (Portuguese). 20 fevral 2016. İstifadə tarixi: 9 dekabr 2017.
12. "Reds agree transfer for Victor Lindelof". ManUtd.com. Manchester United. 10 iyun 2017. İstifadə tarixi: 9 dekabr 2017.
13. "UNITED COMPLETE SIGNING OF VICTOR LINDELOF". ManUtd.com. Manchester United. 14 iyun 2017. İstifadə tarixi: 9 dekabr 2017.
14. "Manchester United manager Jose Mourinho slammed by Rio Ferdinand for bringing Victor Lindelof on in the 92nd minute against Liverpool". Metro. 14 oktyabr 2017. İstifadə tarixi: 9 dekabr 2017.

Xarici keçidlər

• Profile at SvFF
• UEFA.com saytında statistika (ing.)
• Viktor Lindelöf karyera statistikaları Soccerbase-də