Suğra Bağırzadə

Suğra Sadiq qızı Bağırzadə (10 fevral 1947(1947-02-10)) — Azərbaycan aktrisası və rəssamı, Azərbaycan Respublikasının əməkdar artisti (2008), "Floristika" İncəsənətə Dəstək İctimai Birliyinin yaradıcısı.

Suğra Bağırzadə
Suğra Sadiq qızı Bağırzadə
Doğum tarixi	10 fevral 1947 (74 yaş)
Fəaliyyəti	Aktrisa
Mükafatları	2018

Həyatı

Suğra Bağırzadə ixtisasca mühəndisdir, "Azərbaycanfilm" kinostudiyasında texniki şöbənin böyük mühəndisi vəzifəsində işləyir. O, uşaqlıqdan həyatını incəsənətə bağlamışdır. Onun ifasında "Cücələrim" mahnısı doğma Azərbaycanın hüdudlarından kənarda da tanındı. Özünün aktyorluq istedadına görə uğurla kinoda çəkilib. Onun əvvəllər güllərlə işləmək həvəsi kimi başlanan xobbisi tədricən daha bir peşəyə keçdi. Təbii güllərdən yaratdığı kompozisiyalar ona floraçı-rəssam şöhrətini gətirib. "Floristika" İncəsənətə Dəstək adlı ictimai birliyin yaradıcısıdır.

29 iyun 2015-ci ildə türk dünyası mədəniyyətinə verdiyi töhfələrə və Azərbaycan-Türkiyə qardaşlıq münasibətlərinin inkişafındakı xidmətlərinə görə Türk Dünyası Araşdırmaları Beynəlxalq Elmlər Akademiyasının “Fəxri Doktoru" adına layiq görülmüşdür. 2016-cı ildə Türk dünyası mədəniyyətinə verdiyi töhfələrə görə Beynəlxalq Mükafatlar Komitəsinin “Qızıl Ulduz” və “Türk Dünyasında İlin Mədəniyyət Adamı” mükafatlarına layiq görülüb. 16 dekabr 2016-cı ildə mədəniyyətə verdiyi böyük töhfələrə görə Beynəlxalq Təltiflər İttifaqının Birləşmiş Millətlərin İctimai Mükafat üzrə Şurası tərəfindən “Fayda, şərəf və şöhrət” ordeni ilə təltif edilib. 1 avqust 2018-ci ildə "Tərəqqi" medalı ilə təltif edilmişdir.

Filmoqrafiya

1. Yollar və küçələrlə (film, 1963)
2. Ulduz (film, 1964) - Yetər
3. Alma almaya bənzər (film, 1975)(tammetrajlı bədii film)-rol: telefonçu qız
4. Şir evdən getdi (film, 1977) - aeroport işçisi
5. Tələ (film, 1990)
6. Yuxu (film, 2001)-rol: maşındakı qız
7. Güllələnmə təxirə salınır!... (film, 2002)
8. Sonuncu şahid (film, 2004)
9. Qəmbər Hüseynli (film, 2007)
10. Həyat sən nə qəribəsən (teleserial, 2013)

İstinadlar

1. Bağırzadə, S. “Vaxt tapan kimi qocalacam”: Suğra Bağırzadə: “İnsan yaşayırsa, içində yaratmaq eşqi varsa, o, bütün arzularına çatmış sayılmaz”: [Əməkdar artistlə müsahibə] /müsahibəni apardı Xəyalə Rəis //Kaspi.- 2015.- 22 iyul.- S.12.
2. Tanınmış aktrisa təşkilat yaradıb^{[ölü keçid]}
3. Fahri Doktora Diplomasi
4. Əməkdar artist “Türk Dünyasında İlin Mədəniyyət Adamı” mükafatını qazanıb
5. AzərTAc (12.01.2017). "Azərbaycanın Əməkdar Artisti beynəlxalq mükafata layiq görülüb" (azərb.). Azertag.az. İstifadə tarixi: 2017-01-12.
6. Primetime (12.01.2017). "Suğra Bağırzadə təltif edildi" (azərb.). Primetime.az. İstifadə tarixi: 2017-01-12.^{[ölü keçid]}
7. Ruhanə Mirzəyeva (12.01.2017). "Azərbaycanlı aktrisa beynəlxalq mükafata layiq görülüb" (azərb.). Report.az. İstifadə tarixi: 2017-01-12.
8. President.Az (01.08.2018). "Azərbaycanın kino xadimlərinin təltif edilməsi haqqında Azərbaycan Respublikası Prezidentinin Sərəncamı" (azərb.). President.az. İstifadə tarixi: 2018-08-01.
9. Bağırova, S. 48 ildir ki, parlayan “Ulduz”: [Əməkdar artist Suğra Bağırova ilə söhbət] //Mərkəz.- 2012.- 1 sentyabr.- S. 14.