Sonuncu şahid (film, 2004)

Sonuncu şahid
Janr	dram cinayət triller
Rejissor	Məhərrəm Bədirzadə
Ssenari müəllifi	Aydın Ağazadə
Baş rollarda	Füzuli Hüseynov — Oqtay Səmədzadə Məsmə Aslanqızı — Selcan Suğra Bağırzadə — Selcan Samir Qulamov — Azər Səmədzadə Əliabbas Qədirov — Sədi Həsənzadə
Operator	İzzət Əzizov Aydın Mansurov
İstehsalçı	Azərbaycan Televiziyası
İlk baxış tarixi	1-ci seriya (Əbədi Selcan): 12 mart 2004, Azərbaycan Televiziyası
Filmin növü	çoxseriyalı bədii televiziya filmi
Rəng	rəngli
Vaxt	212,5 dəq. 1-ci seriya (Əbədi Selcan): 54,5 dəq. 2-ci seriya (Şahid var): 51 dəq. 3-cü seriya (Həqiqət sorağında): 52 dəq. 4-cü seriya (İflasa doğru): 55 dəq.
Ölkə	Azərbaycan
Dil	azərbaycanca
İl	2004
Texniki məlumat	videofilm

Məzmun

"Sonuncu Şahid" Selcan (Məsmə Aslanqızı) adlı qızdır. O, qətl hadisəsinin şahidi olur. Qətli törədən Samir (Vüqar Əbdülov) digər şahidləri müxtəlif yollarla susdurmağa nail olur. Təkcə Selcandan başqa. Selcan hədə-qorxulara rəğmən öz vicdanının əksinə gedə bilmir və son məqamda məhkəmədə ifadə vermək qərarına gəlir. Çünki bütün günahlar həmin gecə Selcanı canilərin əlindən xilas edən Azər Səmədzadənin (Samir Qulamov) üstünə atılmışdı. Selcanın ifadəsindən sonra Azər azadlığa buraxılır, lakin, hadisələr daha da qabarıq hala gəlir. Samir öz dəstəsi ilə bir-bir şahidləri aradan götürməyə başlayır. Əlbəttə Selcan da təhlükə altında qalır. Hətta Samirin dəstəsi işi aparan hakim Sədi Həsənzadənin (Əliabbas Qədirov) nəvəsi Fərruxu (Murtuz Ələsgərov) da qaçırır ki, məhkəmədə işi Samirin xeyrinə həll etsin. İş elə gətirir ki, təsadüf nəticəsində Selcanın nişanlısı Mətin Şahsuvarov (Elşən Rüstəmov) Azər Səmədzadə ilə birləşib Fərruxu canilərin əlindən qurtarır.

Kriminal mövzuda çəkilmiş bu filmdə yaşlı nəslin nümayəndələri ilə yanaşı, işıqlı ideyalarla yaşayan gənclərin cinayətkar ünsürlərə qarşı prinsipial mübarizəsi əks etdirilir.

Film haqqında

Serialın 1-ci seriyası "Əbədi Selcan", 2-ci seriyası "Şahid var", 3-cü seriyası "Həqiqət sorağında", 4-cü seriyası isə "İflasa doğru" adlanır.

Filmdə gənc Selcanı yaşlı Selcana bənzətmək üçün aktrisa Məsmə Aslanqızının gözlərinə linza taxılmışdır. Çünki yaşlı Selcanı oynayan aktrisa Suğra Bağırzadənin gözləri mavidir.

Səhv

Montaj səhvi: Filmdə iki qara "Cip" markalı avtomobil sahildə üz-üzə gəlir. Sonra səhnə dəyişir və Mikayılla (Anar Heybətov) Samir (Vüqar Əbdülov) kafedə otururlar. Sonra yenə sahildəki səhnəyə qayıdırıq və Vüqarla Mikayıl maşından düşürlər. Deməli onlar eyni vaxtda həm kafedə, həm də sahildədirlər.