Sahib Ələkbərov
Sahib Nurəddin oğlu Ələkbərov (d.10 yanvar, 1952, Samux rayonu) — Azərbaycan Respublikası vergilər nazirinin müavini, III dərəcəli dövlət vergi xidməti müşaviri. Hazırda İqtisadiyyat nazirinin müavini vəzifəsində çalışır.
Sahib Ələkbərov | |
---|---|
Sahib Nurəddin oğlu Ələkbərov | |
Sələfi | Tələt Məcidov |
Xələfi | Asif Əsgərov |
Şəxsi məlumatlar | |
Təhsili | Azərbaycan Neft və Kimya İnstitutu(1972), Moskva İctimai Elmlər Akademiyası(1984). |
Doğum tarixi | |
Doğum yeri | Samux rayonu |
Uşağı | Anar Ələkbərov |
Həyatı
Sahib Nurəddin oğlu Ələkbərov 1952-ci il yanvar ayının 10-da Səfərəliyev (indiki Samux) rayonunda anadan olmuşdur.
1972-ci ildə Azərbaycan Neft və Kimya İnstitutunu (indiki Azərbaycan Dövlət Neft Akademiyası), 1984-cü ildə isə Moskva İctimai Elmlər Akademiyasını bitirmişdir.
Ordu sıralarında hərbi xidməti başa vurduqdan sonra, 1974-cü ildən Azərbaycan Dəmir yolu Biləcəri qovşağında mühəndis, 1975-ci ildən 1996-cı ilədək komsomol və partiya orqanlarında, 1996-cı ildən 2005-ci ilədək özəl sahələrdə müxtəlif vəzifələrdə işləmişdir. İki çağırış Azərbaycan SSR Ali Sovetinin deputatı, komissiya sədri olmuşdur.
2005-ci ildən 2009-cu ilədək Bakı şəhəri Səbail rayon İcra Hakimiyyətinin başçısı, 2009-cu ilin iyun ayından Azərbaycan Respublikası Dövlət Statistika Komitəsi sədrinin müavini vəzifələrində çalışmışdır.
Azərbaycan Respublikası Prezidentinin 2 iyul 2010-cu il tarixli Sərəncamı ilə Azərbaycan Respublikası Vergilər nazirinin müavini təyin edilmişdir.
2020-ci ilin aprelindən isə İqtisadiyyat nazirinin müavini vəzifəsində çalışır.
Ailəlidir, üç övladı var.
İstinadlar
- "S.N.Ələkbərovun Azərbaycan Respublikasının vergilər nazirinin müavini təyin edilməsi haqqında AZƏRBAYCAN RESPUBLİKASI PREZİDENTİNİN SƏRƏNCAMI". e-qanun.az saytı (azərb.). e-qanun.az. 02.07.2010. İstifadə tarixi: 2015-03-06.[ölü keçid]
Mənbə
- Nazirin müavini Sahib Nurəddin oğlu Ələkbərov
Həmçinin bax
- Heydər Əliyev Mərkəzinin direktoru, Azərbaycanın Birinci vitse-prezidentinin köməkçisi Anar Ələkbərovun atasıdır.