Radoslav Voytaşek

Radoslav Voytaşek (pol. Radosław Wojtaszek; doğ. 13 yanvar 1987) — Polşa şahmatçısı, qrossmeyster (2005), ölkəsinin ən yüksək əmsallı oyunçusudur.

Radoslav Voytaşek
pol. Radosław Wojtaszek
Ölkə	Polşa
Doğum tarixi	13 yanvar 1987 (34 yaş)
Doğum yeri	Elblonq, Polşa
Titulu	qrossmeyster (2005)
Son reytinqi	2749 (dekabr 2016)
Maksimal reytinqi	2749 (iyun 2015)
FİDE nömrəsi	1118358
Vikianbarda əlaqəli mediafayllar

Şahmat karyerası

2004-cü ildə 18 yaşadək gənclər arasında Avropa və Dünya Çempionatının, həmçinin Krakov Open şahmat yarışının qalibi olub. 2005-ci ildə Polşa çempionatının qalibi olmuşdur.

2006-cı ildə Turində keçirilən 37-ci Şahmat Olimpiadasında Polşa komandasının tərkibində çıxış etmiş və 11 oyundan 9 xal toplamışdır.

2008-ci ilin dekabrında sürətli şahmat üzrə Avropa Çempionatının qalibi olmuşdur.

2009-cu ildə Polşa çempionatının və birinci dəfə keçirilən “Lyublin Qrossmeyster Turniri”nin ikincisi (İsrail şahmatçısı Mixail Royz ilə birlikdə) olub. Eyni ildə həmçinin, Varşavada Migel Naydorfun xatirəsinə həsr olunmuş turnirin qalibi olmuşdur.

2010-cu ilin yanvarında o, Stokholmda keçirilən 39-cu Rilton Kubokunda — Eduardas Rozentalis, Pavel Ponkratov, Lyuk Makşeyn və İqor Lısıyla birlikdə 6,5 xal toplayaraq birinci və beşinci yerləri bölüşdürmüş, həmçinin yenidən Polşa çempionatının ikincisi olmuşdur.

2010-cu ilin iyulunda 5-ci Polonia Vrotslav beynəlxalq turnirinin qalibi olub. Eyni ilin avqustunda 9 oyundan 6.5 xal toplayaraq Pamplonada keçirilən San Juan beynəlxalq turnirində birinci olmuşdur.

Voytaşek Xantı-Mansidə keçirilən 39-cu Şahmat Olimpiadasında ölkəsini birinci lövhədə təmsil etmiş və 9 oyundan 6 xal toplamışdır.

2011-ci ilin iyununda Macarıstanda keçirilən 9-cu Giorgi Marks xatirə turnirinin qalibi olub.

2013-cü ilin dekabrında 37-ci Sürix Kristmas Open turnirində birinci olub.

2014-cü ildə karyerasında ikinci, 2016-cı ildə isə üçüncü dəfə Polşa çempionu olmuşdur.

Şəxsi həyatı

Voytaşek 2015-ci ilin iyulunda rusiyalı beynəlxalq usta Alina Kaşlinskaya ilə evlənib.

İstinadlar

1. "World Youth Chess Championships 2004". Greekchess.com. 2004-11-14. İstifadə tarixi: 2011-10-20.
2. . 2012-03-06 tarixində orijinalından arxivləşdirilib. İstifadə tarixi: 2016-08-28.
3. Highlights of Cracovia 2004
4. Schüler gewinnt polnische Meisterschaft ChessBase.de 2005-05-29  (alm.)
5. Wojciech Bartelski. "Men's Chess Olympiads :: Radosław Wojtaszek". OlimpBase. İstifadə tarixi: 2011-10-20.
6. . Poloniachess.pl. 2008-12-20. 2018-10-03 tarixində orijinalından arxivləşdirilib. İstifadə tarixi: 2011-10-20.
7. Crowther, Mark (2010-01-11). "Rilton Cup 2009-10". The Week in Chess. İstifadə tarixi: 2015-08-26.
8. . Turniej.polonia.wroclaw.pl. 2012-03-08 tarixində orijinalından arxivləşdirilib. İstifadə tarixi: 2011-10-20.
9. Mark Crowther (2010-06-28). "Polonia Wroclaw Chess Festival". The Week in Chess. İstifadə tarixi: 2015-08-26.
10. Mark Crowther (2010-08-09). "IV Torneo Internacional A.D.San Juan". The Week in Chess. İstifadə tarixi: 2015-08-26.
11. "IV Torneo Internacional A.D.San Juan". Chess-Results. İstifadə tarixi: 2011-10-20.
12. Crowther, Mark (2011-06-20). "IX Gyorgy Marx Memorial". The Week in Chess. İstifadə tarixi: 2015-08-26.
13. "Wojtaszek is first at Zurich Open". ChessBase. 2013-01-03. İstifadə tarixi: 4 January 2014.
14. "Mistrzostwa Polskich w Szachach, Final Standings".
15. "Another Chess Family Will Be Born Today in Moscow". Chess-news.ru. 2015-09-07. İstifadə tarixi: 10 July 2015.

Xarici keçidlər

 

   

Vikianbarda Radoslav Voytaşek ilə əlaqəli mediafayllar var.

• FIDE Chess profili
• Radoslaw Wojtaszek. Chess-DB.com 2016-09-08 at the Wayback Machine  (ing.)
• Radoslaw Wojtaszek. Chessgames.com  (ing.)
• Radoslaw Wojtaszek. 365Chess.com  (ing.)