Qurban Xəlilov
Qurban Əli oğlu Xəlilov (2 115) noyabr 1906, Ərdəbil – 20 mart 2000, Bakı) — Azərbaycan-sovet dövlət xadimi, Azərbaycan SSR Ali Soveti Rəyasət Heyətinin sədri (1969–1985), Azərbaycan SSR Maliyyə naziri (1958–1969), Azərbaycan SSR Yerli Sənaye naziri (1955–1958), SSRİ Ali Soveti Rəyasət Heyətinin sədr müavini və VIII–XI çağırış deputatı.
Qurban Xəlilov | |
---|---|
Sələfi | Məmməd İsgəndərov |
Xələfi | Süleyman Tatlıyev |
Sələfi | Rza Sadıxov |
Xələfi | Baxşəli Baxşəliyev |
Şəxsi məlumatlar | |
Partiya | Sov.İKP |
Təhsili | Azərbaycan Neft İnstitutu |
Doğum tarixi | |
Doğum yeri | Kəhralan, Qacarlar dövləti |
Vəfat tarixi | (93 yaşında) |
Vəfat yeri | Bakı, Azərbaycan |
Uşaqları | Vasif Xəlilzadə, Sima Xəlilova, Nəsif Xəlilov, Fərhad Xəlilov |
| |
Təltifləri | |
Həyatı
Qurban Xəlilov 15 noyabr 1906-cı ildə Cənubi Azərbaycanın Kəhralan kəndində (hazırkı Ərdəbil) fəhlə ailəsində anadan olmuşdur. Əmək fəaliyyətinə 1923-cü ildə Bakıda başlamışdır.
1933-cü ildə Azərbaycan Neft İnstitutunu bitirib. 1932–1935 və 1937-ci illərdə Bakıda S. M. Kirov adına zavodda mühəndis, sex rəisi işləmişdir. 1935–1936-cı illərdə Sovet Ordusunda xidmət etmiş, 1937–1942-ci illərdə leytenant Şmidt, S. M. Kirov, F. Dzerjinski adına maşınqayırma zavodlarının direktoru, 1942–1945-ci illərdə Azərbaycan KP Bakı Şəhər Komitəsinin katibi vəzifəsində çalışmışdır.
Qurban Xəlilov "Azneft", "Azərneftkəşfiyyat" birliyinin rəis müavini, tikinti trestinin müdiri, Naxçıvan MSSR-də tikinti idarəsinin rəisi, Azərbaycan SSR tikinti materialları sənayesi nazirinin müavini (1945–1955) işləmişdir. Bakı Şəhər İcraiyyə Komitəsi sədrinin müavini, 1955–1958-ci illərdə Azərbaycan SSR yerli sənaye naziri, 1958–1969-cu illərdə Azərbaycan SSR maliyyə naziri olan Qurban Xəlilov 1969–1985-ci illərdə Azərbaycan SSR Ali Soveti Rəyasət Heyətinin sədri, paralel olaraq 1970-ci ildən SSRİ Ali Soveti Rəyasət Heyətinin sədr müavini vəzifələrində işləmişdir.
Sov.İKP 24–27-ci qurultaylarının, Azərbaycan KP 13, 14, 19, 22–31-ci qurultaylarının nümayəndəsi olmuşdur. 1971–1986-cı illərdə Sov.İKP MTK-nın, 1970–1986-cı illərdə Azərbaycan KP MK bürosunun üzvü olmuşdur. AKP-nin 1985-ci ildəki 31-ci qurultayında MK üzvü seçilmişdir.
1926-cı ildən Sov.İKP-nın üzvü, 1971-ci ildən Sov.İKP Mərkəzi Təftiş Komissiyasının üzvü, SSRİ Ali Sovetinin (8–11-ci çağırış), Azərbaycan SSR Ali Sovetinin (2, 5–11-ci çağırış) deputatı olmuşdur.
Qurban Xəlilov 20 mart 2000-ci ildə Bakıda vəfat edib.
Təltif və mükafatları
İstinadlar
- "Верховный Совет Азербайджанской ССР, председатели Президиума". knowbysight.info (rus). 16 may 2020 tarixində . İstifadə tarixi: 16 may 2020.
- ↑ АСЕ, 1987
- ↑ БСЭ, 1978
- Əsədov, V. (13 mart 2010). "Qurban Xəlilovdan dinlədiyim bir söhbət". "Ayna" qəzeti. səh. 18. 16 may 2020 tarixində . İstifadə tarixi: 16 may 2020.
Mənbə
- "Халилов Курбан Али оглы". Большая советская энциклопедия: [в 30 т.]. Франкфурт — Чага (3-е изд.). М.: Советская энциклопедия. гл. ред.: А. М. Прохоров. 1978. ст. 174. (#invisible_char)
- "ХӘЛИЛОВ Гурбан Әли оғлу". Азәрбајҹан Совет Енсиклопедијасы: [10 ҹилддə]. X ҹилд: Фрост – Шүштəр. Бакы: Азәрбајҹан Совет Енсиклопедијасынын Баш Редаксијасы. Баш редактор: Ҹ. Б. Гулијев. 1987. сәһ. 75. (#invisible_char); (#invisible_char); (#invisible_char); (#invisible_char); (#invisible_char); (#invisible_char); (#invisible_char)