Paris müqaviləsi (1763)
Paris müqaviləsi (həmçinin Paris sülh müqaviləsi və ya 1763 müqaviləsi olaraq da tanınır), Böyük Britaniya, Fransa, İspaniya və Portuqaliya arasında 10 fevral 1763-cü ildə imzalanmış sülh müqaviləsidir. Prussiya və Avstriya öz aralarında daha bir müqavilə (Hubertusburg müqaviləsi) imzaladılar. Bu müqavilə ilə yeddiillik müharibə (Amerikada deyildiyi kimi: Fransız-hindu müharibəsi) başa çatdı. Müqavilə Böyük Britaniya-Prussiya ittifaqının Fransa-Avstriya ittifaqı üzərində qələbəsinin nəticəsi idi. Fransa və Böyük Britaniya müharibə illərində işğal etdikləri yerlərin əksəriyyətini təxliyə etsələr də, Böyük Britaniya Fransanın Şimali Amerika koloniyalarının bir hissəsini ələ keçirə bildi. Böyük Britaniya həmçinin katolikçiliyin ingilis hakimiyyəti altında olan ərazilərdə azad olacağına da zəmanət vermişdir. Müqavilədən sonra Böyük Britaniyanın Avropadan kənarda hökmranlığının başlanğıcı qoyulmuşdur.
| Paris müqaviləsi | |
|---|---|
| Yeddiillik müharibədə iştirak etmiş dövlətlər Böyük Britanya, Prussiya və Portuqaliya ittifaqı Fransa, İspaniya, Avstriya, Rusiya ve İsveç ittifaqı | |
| Müqavilənin tipi | sülh müqaviləsi |
| İmzalanma tarixi | 10 fevral 1763 |
| İmzalanma yeri | |
| Tərəflər | Böyük Britaniya Portuqaliya krallığı Fransa İspaniya imperiyası |
| Vikianbarda əlaqəli mediafayllar | |
.svg.html){kind=link}
