Padua Universiteti

Padua Universiteti (it. Università degli Studi di Padova - UNIPD) — İtaliya Respublikasının Padua şəhərində yerləşən ali təhsil müəssisəsi; Dünyanın ən qədim ali məktəblərindən biridir.

Padua Universiteti
it. Università degli Studi di Padova
45°25′12″ şm. e. 11°52′12″ ş. u.
Şüar	it. Universa universis patavina libertas (azərb. Paduanın müstəqilliyi bəşəridir və hər kəs üçündür‎)
Əsası qoyulub	1222
Tip	Dövlət
Rektor	Cüzeppe Zakkaria
Tələbə sayı	59,317
Şəhər	Padua şəhəri
Ölkə	İtaliya
Vikianbarda əlaqəli mediafayllar

Tarixi

1222-ci ildə yaradılmış Padua Universiteti İtaliyanın və ümumiyyətlə Avropanın ən qədim universitetlərindən biridir. Həmin vaxt akedemik azadlıqlar uğrunda rəhbərliklə mübahisə yaşamış və bu səbəbdən Bolonya Universitetini tərk etmiş tələbə və müəllimlər tərəfindən Padua Universiteti yaradılmışdır. Universitet ilkin olaraq anatomik mərkəz kimi fəaliyyət göstərirdi; hansı ki, bura həmin dövrlərdə ictimai təzyiqlər altında insan bədənini öyrənən alimlər və rəssamlar üçün nəzərdə tutulmuşdu.

Universitet 1339-cu ildən 1813-cü ilə qədər iki təşkilata – "Universitas Artistarum" və "Universitas Iuristarum"a bölünmüşdü. "Universitas Artistarum"da mülkilik, hüquq və ilahiyyat, "Universitas Iuristarum"da isə astronomiya, dialektika, fəlsəfə, qrammatika, tibb və natiqliq sənəti tədris edilirdi.

 

Girolamo Martinenqonun diplomu, 1582-ci il.

Padua Universiteti İntibah dövründə əsas elm (astronomiya, tibb, hüquq) mərkəzlərindən birinə çevrilmişdir. Burada Covanni Piko della Mirandolla, Nikolay Kuzanus, Nikolay Kopernik, Pietro Bembo, Torkvato Tasso, Qalileo Qaliley, Andreas Vezali kimi dahilər təhsil almış və müəllimlik fəaliyyəti ilə məşğul olmuşlar. 1678-ci ildə dünyada ilk dəfə qadın – Yelena Kornaro Piskopiya fəlsəfə üzrə doktorluq dərəcəsi əldə etmişdir.

XIX-XX əsrlərdə universitetdə desentralizasiya tendensiyaları müşahidə edilmiş və Paduanın sərhədlərindən kənarda laboratoriya və kampuslar yaradılmışdı. 8 fevral 1848-ci ildə 1848-1849-cu illərin inqilabı zamanı tələbələrin Avstriya hökmranlığına qarşı üsyanı baş verir. Bunun nəticəsi olaraq universitet 1850-ci ilə qədər bağlı qalmışdır. 1995-ci ildə isə universitetə müstəqillik verən yeni nizamnamə qəbul edilmişdir.

Simvolları

Universitetin devizi belədir:

it. Universa universis patavina libertas (azərb. Paduanın müstəqilliyi bəşəridir və hər kəs üçündür‎).

Fakültələri

Hazırda universitetdə 13 fakültə var (2014):

• Humanitar elmlər;
• Fəlsəfə;
• İqtisadiyyat;
• Mühəndislik;
• Hüquq;
• Fizika-riyaziyyat;
• Tibbi cərrahlıq;
• Əczaçılıq;
• Kənd təsərrüfatı;
• Psixologiya;
• Politologiya;
• Statistik;
• Veterinar.

Xarici əlaqələri

Hələ orta əsrlərdə burada bütün Avropadan gələn tələbələr təhsil alırdı və "milliyyətlərə" bölünürdülər.

Universitetin rəhbəri Avrasiya İpək Yolu Universitetləri Konsorsiumunun İcraedici Şurasına daxildir.

Koimbra qrupunun üzvüdür.

Reytinqi

"Academic Ranking of World Universities"dəki yeri:

2003	2004	2005	2006	2007	2008	2009	2010	2011	2012	2013	2014	2015
152-200	153-201	153-202	151-200	151-202	152-200	152-200	151-200	151-200	151-200	151-200	151-200	151-200

Şəkilləri

•  

  Universitet zalı

•  

  Universitetin Botanika bağı

•  

  Universitetin həyəti

Həmçinin bax

İstinadlar

1. Bəşarət Məmmədov, Dilrubə Bayramova. İtaliyanın təhsil sistemi 2014-09-09 at the Wayback Machine, "Azərbaycan müəllimi" qəzeti, 13.01.2012, № 02.  (az.)
2. Paris-Dofin Universiteti. banker.az, 20.02.2014  (az.)
3. Avrasiya İpək Yolu Universitetləri Konsorsiumunun növbəti iclası Malayziyada keçirilmişdir 2016-03-12 at the Wayback Machine. xalqqazeti.com, 14.02.2013  (az.)
4. Azərbaycan Turizm İnstitutunun nümayəndələri Ərzurumda keçirilən beynəlxalq tədbirlərdə iştirak etmişlər. 2016-03-04 at the Wayback Machine tourism.edu.az  (az.)
5. (PDF). Coimbra Group. 2014-04-21 tarixində orijinalından (PDF) arxivləşdirilib. İstifadə tarixi: 10.10.2015.
6. [www.shanghairanking.com/World-University-Rankings/University-of-Padua.html "ARWU - University of Padua"] (#bad_url). Shanghai Ranking Consultancy. 2015. İstifadə tarixi: 5 oktyabr 2015.
7. . 2015-04-30 tarixində orijinalından arxivləşdirilib. İstifadə tarixi: 2015-10-05.
8. "Academic Ranking of World Universities 2004".^{[ölü keçid]}
9. . 2015-04-24 tarixində orijinalından arxivləşdirilib. İstifadə tarixi: 2015-10-05.
10. "Academic Ranking of World Universities 2006".^{[ölü keçid]}
11. . 2015-04-30 tarixində orijinalından arxivləşdirilib. İstifadə tarixi: 2015-10-05.
12. "Academic Ranking of World Universities 2008".^{[ölü keçid]}
13. . 2015-04-30 tarixində orijinalından arxivləşdirilib. İstifadə tarixi: 2015-10-05.
14. . 2015-12-10 tarixində orijinalından arxivləşdirilib. İstifadə tarixi: 2015-10-05.
15. "Academic Ranking of World Universities 2011".
16. "Academic Ranking of World Universities 2012".
17. "Academic Ranking of World Universities 2013".
18. "Academic Ranking of World Universities 2014".
19. "Academic Ranking of World Universities 2015".

Xarici keçidlər

• Padua Universitetinin rəsmi saytı