Osman Səlahəddin Əfəndi

Osman Səlahəddin Əfəndi (d. 7 iyul 1940, İsgəndəriyyə) — Osmanlı şahzadəsi və varisi.

Osman Səlahəddin Əfəndi
عثمان صلاح الدين أفندي
Şəxsi məlumatlar
Doğum tarixi	7 iyul 1940 (81 yaş)
Doğum yeri	İsgəndəriyyə, Misir
Atası	Əli Vasib Əfəndi
Anası	Əminə Mukbilə Sultan
Həyat yoldaşları	Athena Christoforides Hənifə Candan Günən
Uşaqları	Ayşə Gülnev Osmanoğlu Orxan Murad Osmanoğlu Nihad Rəşad Osmanoğlu Səlim Süleyman Osmanoğlu

Həyatı

Şahzadə Osman Səlahəddin Əfəndi 1940-cı ildə İsgəndəriyyədə dünyaya gəlmişdir. Atası Sultan Muradın nəvəsi Əhməd Nihad Əfəndi, anası isə Sultan Rəşadın nəvəsi Əminə Mukbilə Sultandır. Gənclik illəri doğulduğu İsgəndəriyyə şəhərində keçmiş, İngiltərədə ali təhsil aldıqdan sonra maliyyə müşaviri olaraq illərcə çalışmışdır. İngilis, ərəb və fransız dillərini mükəmməl şəkildə öyrənmişdir.

1983-cü ildə Qahirədə vəfat edən və İsgəndəriyyədə dəfn olunan atası Əli Vasib Əfəndinin məzarı 2007-ci ilin mayında oğlu Osman Səlahəddin Əfəndinin təşəbbüsü ilə Türkiyəyə gətirildi və Sultan Rəşad türbəsinə dəfn olundu. 10-cu Osmanlı ailə rəisi Dündar Əli Əfəndinin 18 yanvar 2021-ci ildə vəfatının ardından kiçik qardaşı Harun Əfəndi ailə rəisi olmuş, ailənin ikinci yaşlı üzvü olan Osman Səlahəddin Əfəndi isə ailə rəisliyinin varisi elan edilmişdir.

Ailəsi

27 avqust 1966-cı ildə Athena Christoforides ilə (d. 9 mart 1944) evlənsə də, 6 may 1991-ci ildə boşandı. Bu evlilikdən 4 övladı oldu.

• Ayşə Gülnev Osmanoğlu (d. 17 yanvar 1971) — 27 avqust 1994-cü ildə Nicolos Sutton ilə (d. 18 avqust 1969) evləndi. Bu evlilikdən 3 övladı oldu.
  • Max Ali Sutton (d. 15 yanvar 2000)
  • Cosmo Tarik Sutton (d. 10 sentyabr 2001)
  • Sandy Çingiz Sutton (d. 12 aprel 2003)
• Orxan Murad Osmanoğlu (d. 26 dekabr 1972) — 18 fevral 2001-ci ildə Patricia Emine İotti ilə (d. 30 yanvar 1971) evləndi.
  • Turan Cem Osmanoğlu (d. 7 yanvar 2004)
• Nihad Rəşad Osmanoğlu (d. 17 sentyabr 1978 — ö. 19 dekabr 1978)
• Səlim Süleyman Osmanoğlu (d. 15 dekabr 1979) — 22 iyun 2003-cü ildə Alev Öcalla (d. 6 noyabr 1979) evləndi.

İkinci evliliyi isə 22 aprel 2012-ci ildə fəlsəfə müəllimi Hənifə Candan Günənlə baş tutdu. Cütlüyün nigahı Osman Əfəndinin atasının doğulduğu Çırağan sarayında baş tutdu. Bu evliliyindən övladı yoxdur.

Mənbə

• http://www.milliyet.com.tr/2006/10/13/pazar/apaz.html
• http://www.osmanlihanedanvakfi.com/2011/01/24/hayatta-olan-sehzadeler.html 2011-09-16 at the Wayback Machine
• Osmanoğlu, Osman Selaheddin. Bir Şehzadenin Hâtırâtı — Yapı Kredi Yayınları, 2003. — ISBN 975-08-0878-9.