Osman Bəyazid Əfəndi
Osman Bəyazid Əfəndi (d. 24 iyun 1924 - ö. 6 yanvar 2017) — Osmanlı sülaləsinin doqquzuncu rəisi, Osmanlı şahzadəsi.
| Osman Bəyazid Əfəndi | |
|---|---|
| عثمان بايزيد أفندي | |
| Sələfi | Ərtoğrul Osman Əfəndi |
| Xələfi | Dündar Əli Əfəndi |
| Şəxsi məlumatlar | |
| Doğum tarixi | |
| Doğum yeri | Paris, Fransa |
| Vəfat tarixi | (92 yaşında) |
| Vəfat yeri | |
| Dəfn yeri | |
| Atası | İbrahim Tofiq Əfəndi |
| Anası | Xədicə Şadiyə xanım |
Həyatı
Osman Bəyazid Əfəndi 1924-cü ildə Parisdə dünyaya gəlmişdir. Atası Sultan Əbdülməcidin oğlu Mehmed Burhanəddin Əfəndinin oğlu İbrahim Tofiq Əfəndidir. Anası isə Xədicə Şadiyə xanım idi. Osmanlı sülaləsinin sürgündə dünyaya gələn ilk üzvüdür. 1930-cu ildə atası ilə anası ayrılmış, Bəyazid Əfəndi anasıyla birlikdə Nyu-York şəhərinə köçmüşdür. Burada ABŞ Silahlı Qüvvələrində xidmət etmiş, Nyu-Yorkda müxtəlif dillərdə fəaliyyət göstərən kitabxanada çalışmışdır.
23 sentyabr 2009-cu ildə Ərtoğrul Osman Əfəndinin vəfatının ardından Osmanlı sülaləsinin rəisi elan olundu. Osman Bəyazid Əfəndi evlənmədi və övladı olmadı. 6 yanvar 2017-ci ildə Nyu-Yorkda vəfat etdi.
Mənbə
- John James (ed.). Almanach de Gotha (2013 ed.). BOYE6. ISBN 978 0 9575198 24
- http://www.dailysabah.com/turkey/2017/01/07/last-heir-to-former-ottoman-empire-bayezid-osman-dies-at-age-92
- http://www.haberturk.com/gundem/haber/1345654-osman-bayezid-osmanoglu-kimdir
- Buyers, Christopher. "The Imperial House of Osman: Genealogy"