Mollacəlilli
Mollacəlilli (əvvəlki adı: Yeni Əlibayramlı) — Azərbaycan Respublikasının Göygöl rayonunun inzibati ərazi vahidində kənd.
Mollacəlilli | |
---|---|
40°35′34″ şm. e. 46°22′09″ ş. u. | |
Ölkə | Azərbaycan |
Rayon | Göygöl rayonu |
Tarixi və coğrafiyası | |
Mərkəzin hündürlüyü | 607 m |
Saat qurşağı | |
Tarixi
Mollacəlilli kəndinin adının yaranması bir zamanlar bu kəndə yaşayan əslən Göygöl rayonun Aşıxlı kəndindən olan Cəlil adlı molla ilə bağlıdır. Məhz molla Cəlilin xatirəsinə kəndin adı Mollacəlilli adlandırılmışdır. Molla Cəlilin o zamanlar balaca olan kəndin gələcəkdə böyük yaşayış məntəqəsi/şəhər olacağını söylədiyi bildirilir. SSRİ dövründə kəndin adı dəyişdirilərək, inqilabçı Əli Bayramovun xatirəsinə Yeni Əlibayramlı olmuş və 5 oktyabr 1999-cu ildən dəyişdirilərək Mollacəlilli adlandırılmışdır.
Toponimikası
Yeni Əlibayramlı oyk., mür. Göygöl r-nunun eyniadlı i.ə.v.-də kənd. Kiçik Qafqazın ətəyindədir. Keçmiş adı Molla Cəmilli olmuşdur. Yaşayış məntəqəsi r-nun ərazisində inqilabçı Əli Bayramovun adı ilə bağlı ikinci kənd olduğu üçün belə adlandırılmışdır.
Coğrafiyası və iqlimi
Dağətəyi bölgə olduğundan havalar adətən küləkli olur. Yayı çox isti olsa da qışı mülayim keçir. Yayda az miqdarda yağış və qışda da az miqdarda qar yağır. Axar çay və gölün olmaması səbəbindən burada yay vaxtı istilərə dözmək çətindir.
Əhalisi
Kəndin əhalisi 3000 nəfərdən artıqdır. Əhalisinin böyük çoxluğu - 2/3 hissəsi etnik mənsubiyyətinə görə türk mənşəllidir. Əhalinin 1/3 hissəsi isə kürd kökənlidir. 2009-cu ilin siyahıyaalınmasına əsasən kənddə 1936 nəfər əhali yaşayır.
İqtisadiyyatı
Əsasən heyvandarlıqla məşğuldurlar. Qismən əkinçilik və mədən daşı (Mollacəlilli daşı) istehsalı ilə məşğul olurlar. Gəncə bölgəsinin süd məhsullarıyla təmin olunmasında mollacəlillilərin payı yüksəkdir.
Mədəniyyəti
Köhnə qəbirstanlıqda Sömastalı ocağı var ki, günümüzdə də ziyarət edilir.
Həmçinin bax
Xarici keçidlər
- Azərbaycan Respublikası Göygöl Rayon İcra Hakimiyyəti
İstinadlar
- ""Azərbaycan Respublikasının bəzi rayonlarının inzibati-ərazi bölgüsündə qismən dəyişikliklər edilməsi haqqında" Azərbaycan Respublikasının 5 oktyabr 1999-cu il tarixli, 708-IQ nömrəli Qanunu". 2013-06-26 tarixində orijinalından arxivləşdirilib. İstifadə tarixi: 2013-06-05.
- Azərbaycan Toponimlərinin Ensiklopedik Lüğəti. Azərbaycan Milli Elmlər Akademiyası. Nəsimi adına Dilçilik İnstitutu. Şərq-qərb Bakı-2007. səh.427
- Azərbaycan Respublikası Əhalisinin Siyahıyaalınması. Azərbaycan Respublikasının Dövlət Statistika Komitəsi. Bakı-2010. Səh.629
Göygöl rayonu ilə əlaqədar bu məqalə qaralama halındadır. Məqaləni redaktə edərək Vikipediyanı zənginləşdirin. |
Kənd ilə əlaqədar bu məqalə qaralama halındadır. Məqaləni redaktə edərək Vikipediyanı zənginləşdirin. |