Mateuş Bartel

Mateuş Bartel (pol. Mateusz Bartel; doğ. 3 yanvar 1985) — Polşa şahmatçısı, qrossmeyster (2005). Bartel 2006, 2010, 2011 və 2012-ci illərdə Polşa Çempionatının qalibi adını qazanmışdır.

Mateuş Bartel
pol. Mateusz Bartel
Ölkə	Polşa
Doğum tarixi	3 yanvar 1985 (36 yaş)
Doğum yeri	Varşava, Polşa
Titulu	qrossmeyster (2005)
Son reytinqi	2641 (dekabr 2016)
Maksimal reytinqi	2677 (may 2012)
FİDE nömrəsi	1112635
Vikianbarda əlaqəli mediafayllar

Şahmat karyerası

Bartel şahmat oynamağı 6 yaşı olan zaman kiçik qardaşı ilə birlikdə suçiçəyi xəstəliyi səbəbindən evdə qalarkən atasından öyrənib. Sonradan onların hər ikisi "Poloniya Varşava" şahmat klubuna üzv yazılıblar.

O, 2003-cü ildə 18 yaşadək gənclər arasında Avropa Çempionu olub. 2005-ci ildə isə Zoltan Dimeşi ilə eyni xal toplamış və onunla birlikdə İrlandiyanın Kork şəhərində keçirilən açıq şahmat turnirinin qalibi olmuşdur.

Bartel 2007-ci ildə Men adasında keçirilən beynəlxalq turnirdə Vitali Qolod, Zahar Yefimenko, Yuri Yakoviç, Mixail Royz və Mixail Kobaliya ilə 1-6-cı yerləri bölüşdürüb. 2009-cu ildə Prievidzada keçirilən turnirin qalibi olub. O, 2012-ci ilin fevralında 11-ci Aeroflot Open turnirində Anton Korobov və Pavel Elyanova tay-brekdə qalib gələrək turnirin qalibi olub.

Bartel 2013-cü ildə Çexiyanın "G-Team Nový Bor" komandasının tərkibində Yunanıstanın Rodos adasında keçirilən şahmat üzrə klublar arası Avropa kubokunun qalibi olub.

Bartel 2015-ci ildə Qüdsdə keçirilən şahmat üzrə şəxsi Avropa çempionatında bürünc medal qazanmışdır.

Bartel 2006, 2008, 2010, 2012 və 2014-cü illərdə ölkəsini Şahmat Olimpiadalarında təmsil edib. 2006-cı il Turin Olimpiadasında dördüncü lövhədə oynadı və 5/10 (+3 =4 -3) xal topladı. 2008-ci il Drezden Olimpiadasında isə üçüncü lövhədə yarışdı və 4/7 (+3 =2 -2) xal topladı. 2010-cu il Xantı-Mansi Olimpiadasında beşinci lövhədə 9 oyundan 7 xal toplayaraq (+6 =2 -1) öz lövhəsində şəxsi nəticədə gümüş medal qazandı. Fransa şahmatçısı Sebastyan Fellerin qaydaları pozduğuna görə diskvalifikasiya olunmasından sonra isə avtomik olaraq qızıl medala layiq görüldü.

Şəxsi həyatı

Bartel 2013-cü ildə polşalı qrossmeyster Marta Pjezdzetskaya ilə ailə həyatı qurub.

İstinadlar

1. Interview with GM Mateusz Bartel 2015-09-05 at the Wayback Machine Chessdom
2. European Union Championship 2005
3. 16th Monarch Assurance Isle of Man 2007
4. "Banicky kahanec 2009 July 2009 Slovakia". FIDE. İstifadə tarixi: 17 December 2011.
5. "Aeroflot Open – Mateusz Bartel comes out on top". ChessBase.com. 2012-02-16. İstifadə tarixi: 18 February 2012.
6. ECC Concludes in Rhodes
7. Euro: Najer holt Gold
8. Poland's scoresheet 2006 Olimpbase
9. "39th Olympiad Khanty-Mansiysk 2010 Open tournament". Chess-Results.com. İstifadə tarixi: 1 November 2010.
10. "2010 Olympiad Medals – Board 5". 3 June 2013. İstifadə tarixi: 22 September 2013.
11. 2010 Board 5 Medals FIDE. 2015-11-09. Retrieved 25 December 2015
12. Congratulations to the happy couple, they married just last week!

Xarici keçidlər

 

   

Vikianbarda Mateuş Bartel ilə əlaqəli mediafayllar var.

• FIDE Chess profili
• Mateuş Bartel. Chess-DB.com^{[ölü keçid]}  (ing.)
• Mateuş Bartel . Chessgames.com  (ing.)
• Mateuş Bartel. 365Chess.com  (ing.)