Mahrızlı (Ağdam)
Mahrızlı — Azərbaycan Respublikasının Ağdam rayonunun Zəngişalı kənd inzibati ərazi dairəsində kənd.
Mahrızlı | |
---|---|
40°03′06″ şm. e. 47°03′09″ ş. u. | |
Ölkə | Azərbaycan |
Rayon | Ağdam rayonu |
Tarixi və coğrafiyası | |
Əsası qoyulub | 1820 |
İlk məlumat | 1830 |
Mərkəzin hündürlüyü | 252 m |
İqlimi | Soyuq yarımsəhra |
Saat qurşağı | UTC+4 |
Əhalisi | |
Əhalisi | 1.600 nəfər (1979) |
Milli tərkibi | azərbaycanlı |
Rəsmi dili | Azərbaycan dili |
Rəqəmsal identifikatorlar | |
Telefon kodu | +994 26 |
Poçt indeksi | AZ0234 |
Nəqliyyat kodu | 02 |
Vikianbarda əlaqəli mediafayllar |
Etimologiya
Mahrızlı adının etimologiyası haqqında bir neçə versiya var. Bir versiyaya görə Mahrızlı sözu İran dillərində olan və Gün mənasını verən Mah, Moh və Ay mənasını Ruz sözlərindən, həmçinin türk dillərində olan lı,li, lu, lü şəkilçilərinin birləşməsindən yaranıb. Hərfi tərcümədə GünAylı və ya Günəşli Aylı mənasını verir. Digər bir versiyaya görə isə İranda olan Mafruz kəndindən gələn insanların ilk dəfə burda məskunlaşmasına görə belə adlanıb. Ancaq bir qədər araşdırsaq İranda bu adda kənd olmadığını görərik. Həmçinin kəndin ən qədim sakinləri Məmişli soyu sayılır və onların Gürcustanın Məmişli kəndindən gəldiyi ehtimal olunur.
Tarixi
Erkən Dövrlər
Mahrızlı kəndi qədim İpək yolunun yaxınlığında yerləşir. 1988-ci ildə kənddə yeni yaşayış evləri salınarkən qədim kurqanlar, qəbrlər tapılmışdır. Ancaq SSRİ-nin dağılması və Qarabağ müharibəsinin başlaması səbəbindən bu tapıntılar üzərində araşdırmalar aparılmamış və yeni tikintilər nəticəsində ərazi dağıdılmışdır. Kənd haqqında ilk tarixi məlumatlar 1830-cu ilə aiddir.
Rusiya İmperiyası dövru
1886-cı ildə hazrılanmış və 1893-cu ildə Tiflisdə çap edilmiş "Zaqafqaziya bölgəsinin Əhalisinin sayı haqqında, ailələrin siyahıya alınması" kitabında kənd haqqında məlumatla qarşılaşmaq olar. Kənd Qafqaz təqviminin 1906-ci il buraxılışında Şuşa qəzasının Çəmənli kənd icmasına daxil idi. Ancaq 1913-cu ildə Rusiya İmperiyasının ərazi bolgüsundə edilən dəyişikliklərdən sonra kənd Şuşa qəzasının Zəngişalı kənd icmasının tərkibinə daxil olur .
Azərbaycan Xalq Cümhuriyyəti dövru
Xalq Cümhuriyyəti qurulandan sonra, köhnə ərazi bölguləri saxlanıldığından Mahrızlı kəndi Şuşa qəzasının Zəngişalı Kənd icması tərkibində idi.
Azərbaycan SSR dövru
1926-cı ildə Azərbaycan SSR-nin inzibati ərazi bölgüsunə görə kənd Ağdam qəzasının Xındırıstan dairəsinin tərkibinə daxil edilir. 1930-cu ildə Azərbaycan SSR-nin inzibati qruluşunda dəyişiklikliklər edilir və kənd Ağdam rayonunun Zəngişalı kənd sovetinə birləşdirilir. Respublikada 1961 və 1979-cu illərdə həyata keçirilən inzibati ərazi bölguləri zamanı kənd Zəngişalı kənd sovetinin tərkibində saxlanılır .
Müasir Azərbaycan Respublikası
Azərbaycan Respublikası müstəqillik qazanandan sonra kənd, Ağdam rayonu Zəngişalı İnzibati Ərazi Dairəsinin tərkibindədir. Azərbaycan Respublikasının 1999-cu ildə həyata keçirdiyi bələdiyyə inzibati bölgusundən sonra kənd, qonşu Zəngişalı kəndi ilə birlikdə yeni yaradılmış Zəngişalı bələdiyyəsinin tərkibinə daxil olur.
Coğrafiyası
Kənd Qarqarçaydan 11 km məsafədə yerləşir. Mahrızlı kəndi Ağdam şəhərindən 17 km, Quzanlı qəsəbəsindən 26 km, Bakı şəhərindən 333 km məsafədədir. Kənd Ağdam rayonunun Zəngişalı, Qaradağlı, Rzalar, Seyidli və Ağcabədi rayonu ərazisindəki Hacılar kəndləri ilə qonşudur.
Kənd dəniz səviyyəsindən 252 metr hündurlukdə yerləşir.
İqlimi
Kəndin iqlimi soyuq yarımsəhradır.
Əhalisi
Əhalisinin sayı təxminən 1800 nəfərdir. Əhalinin etnik tərkibi azərbaycanlılardan ibarətdir.
1886 | 1979 | 2020 |
---|---|---|
240 | 1600 | 1800 |
Kəndin daxil olduğu Zəngişalı İnzibati Ərazi dairəsinin 2009-cu il üzrə əhali statistikası.
Cəmi | Kişi | Qadın |
---|---|---|
4471 | 2170 | 2301 |
İqtisadiyyatı
Kəndin əhalisi qədimdən əkinçilik, maldarlıq və toxuculuqla məşğul olub. Hal hazırda kənddə konserv zavodu, qənd emalı sexi və işlək olmayan Ağdam dəzgah emalı zavodunun filiali var.
Yollar və Kommunikasiya
R27 nömrəli Yevlax-Bərrdə-Ağdam yolu ilə R33 nömrəli Hüsulu-Muğanlı yolunu birləşdirən Sarıcalı kənd yolu Mahrızlıdan keçir. Kənddə hal hazırda telefon xətti və ADSL internet mövcüddur. Kənddə Azərpoçtun fillialı var.
Təhsil
Kənddə Rahib Məmmədov adına tam orta məktəb yerləşir. Məktəbin şagird tutumu 300 nəfərdir.
Mədəniyyət
Kənddə Kitabxana, Kənd klubu mövcuddur. Kənddə həmçinin "Rahib Məmmədov adına Döyuş Şöhrəti" müzey fəaliyyət göstərir.
İdman
Kənddə futbol stadionu və Cudo məktəbi fəaliyyət göstərir.
Digər məlumatlar
Telefon kodu | +994 26 |
---|---|
Poçt indeksi | AZ 0234 |
Avtomobil nömrəsi | 02 |
DSK kodu | 60938028 |
Tanınmış şəxsiyyətləri
- Mobil Məmmədov Neft Kimya alimi.
- Rahib Məmmədov
- Şahmar Mahrızlı (d.1954, Mahrızlı, Ağdam.) – həkim, şair, “Qızıl qələm” media mükafatı laureatı.
İstinadlar
- Azərbaycan Respublikasının Dövlət Statistika Komitəsi (2019). "İnzibati ərazi bölgüsü təsnifatı" (PDF) (azərb.). stat.gov.az. 2020-04-16 tarixində (PDF). İstifadə tarixi: 2020-04-16.
- https://search.rsl.ru/ru/record/01005403186
- http://baau.edu.az/Sivilizasiya-2016.IV.pdf
- https://www.prlib.ru/item/404525
- (PDF). 2018-11-27 tarixində orijinalından (PDF) arxivləşdirilib. İstifadə tarixi: 2021-02-19.
- https://www.stat.gov.az/menu/5/source/Inzibati_tes.pdf
- https://rusneb.ru/catalog/000199_000009_005403186/
- ↑ https://www.stat.gov.az/map/az/09_1/009_1_dem.xls[ölü keçid]
- http://kataloq.gomap.az/az/all-poi/concern/azerpost/fcbded1b4f994e36b90846c2db6936a3
- https://azertag.az/xeber/Cesur_esger_Rahib_Memmedovun_sucaeti_genclerimiz_uchun_bir_ornekdir-1702515?fbclid=IwAR1A3W-MFwaaDxXO5MMMz-quzJBfqmgs4_Jo4x3xflTLKwk8GxHWETvM-1M#.YBmUcMfA0rI.facebook
Ağdam rayonu ilə əlaqədar bu məqalə qaralama halındadır. Məqaləni redaktə edərək Vikipediyanı zənginləşdirin. |
Kənd ilə əlaqədar bu məqalə qaralama halındadır. Məqaləni redaktə edərək Vikipediyanı zənginləşdirin. |