Məmməd Məmmədov (aktyor)

Məmməd Haşım oğlu Məmmədov (19 oktyabr 1951, Dərbənd, Dağıstan MSSR – 24 iyul 2023, Moskva) — Azərbaycanlı teatr və kino aktyoru, rejissor, Rusiyanın Əməkdar incəsənət xadimi.

Məmməd Məmmədov
Məmməd Haşım oğlu Məmmədov
"Anın quruluşu" bədii filminin kadrları, ilk üç rəsmdə baş rol ifaçısı Məmməd Məmmədov əks olunub
Doğum tarixi	19 oktyabr 1951(72 yaş)
Doğum yeri	Dərbənd, Dərbənd rayonu, Dağıstan MSSR, RSFSR, SSRİ
Vəfat tarixi	24 iyul 2023(2023-07-24) (71 yaşında)
Vəfat yeri	Moskva, Rusiya
Milliyyəti	azərbaycanlı
Vətəndaşlığı	Azərbaycan
Fəaliyyəti	aktyor
Fəaliyyət illəri	1976–2023
Mükafatları

Həyatı

Dağıstan Muxtar Sovet Sosialist Respublikasının Dərbənd şəhərində anadan olub.

Məmməd Məmmədov 1975-ci ildə Voronej Dövlət İncəsənət İnstitutunu bitirib. 1981-ci ildə Ümumittifaq Dövlət Kinematoqrafiya İnstitutunun rejissorluq fakültəsini (A. Qonçarovun emalatxanası), 1985-ci ildə isə SSRİ Mədəniyyət Nazirliyinin nəzdində ali rejissorluq kurslarını bitirib.

O, 1975–1978-ci illərdə — Voronej Dram Teatrının aktyoru olub. Sonradan teatr aktyoru kimi Kuybışev (1978–1980) və Minskdə (1980–1985) çalışıb. 1986–1988-ci illərdə V. Mayakovski teatrında işləyib. 1995-ci ildən 2000-ci ilə qədər "Ay Teatrı"na çevrilən Komediya Teatrında rejissor olub.

1993-cü ildən — "Rejissorlar Cəmiyyəti" Rusiya Yaradıcılıq Birliyinin yaradıcılıq məsələləri üzrə sədr müavini işləyib. O, Dauqavpils Teatrı ilə əməkdaşlıq edib, təkcə Rusiyada deyil, Almaniya, Türkiyə, Bolqarıstan, Macarıstan, Belarusda da tamaşalar hazırlayıb.

Məmməd Məmmədov 1976–1989-cu illərdə "Azərbaycanfilm" kinostudiyasında istehsal olunmuş "Vulkana doğru", "Anın quruluşu", "Bağlı qapı", "Üzeyir ömrü", "Gümüşü furqon", "Asif, Vasif, Ağasif", "Burulğan", "Təxribat" kimi filmlərdə əsas rolların ifaçısı olub.

Məmməd Məmmədov 28 iyul 2023-cü ildə Moskva şəhərində vəfat edib.

O, Azərbaycanın xalq artisti, aktrisa Şəfiqə Məmmədovanın qardaşıdır.

Teatrda fəaliyyəti

Aktyor kimi

• Maxit — "Üç qəpiklik opera", B. Brext;
• Fabiano Fabiani — "Kral haqqında bir kəlmə də yox", V. Hüqo;

Rejissor kimi

• "Canlı meyit", L. Tolstoy;
• "Sevgi və ümid adası", G. Salovski;
• "Evlənməmiş qadın", L. Korsunski;
• "Sevgililər üçün nömrə", R. Kuni;
• "Hədiyyə adamı"
• "Uşağın atası kimdir?"
• "Məhəbbət macərası", M. Zadornov;
• "Yatağa atla", M. Mitua;
• "Xalanı necə öldürmək olar";
• "Bilmədiyim yerə get."

Filmoqrafiya

• Vulkana doğru (film, 1977)
• Anın quruluşu (film, 1980) (tammetrajlı bədii film)-rol: Ədhəm
• Bağlı qapı (film, 1981)
• Üzeyir ömrü (film, 1981)
• Gümüşü furqon (film, 1982)
• Asif, Vasif, Ağasif (film, 1983)
• Burulğan (film, 1986)
• Təxribat (film, 1989)

İstinadlar

1. "Mədəniyyət Nazirliyi Məmməd Məmmədovun vəfatı ilə bağlı nekroloq yayıb". 2023-07-29 tarixində . İstifadə tarixi: 2023-07-29.
2. "МАМЕДОВ MAMEDГАШИМОВИЧ- БИОГРАФИЯ". 2023-04-08 tarixində . İstifadə tarixi: 2023-07-31.
3. "Şəfiqə Məmmədovaya ağır itki üz verdi". 2023-07-29 tarixində . İstifadə tarixi: 2023-07-29.
4. "Мамед Мамедов - kinopoisk". 2023-08-04 tarixində . İstifadə tarixi: 2023-07-31.

Xarici keçidlər

• "Asif, Vasif və Ağasif"in məcaraları Nadejda İsmayılova filmin kadrarxası məqamlarından danışır
• Xalq artistinin qardaşı Moskvada dəfn olunub
• Смотреть кино с актёром "Мамед Мамедов" онлайн
• Фильмография — Мамед Мамедов