Lütviyyə Abbasova
Bu məqalənin sonunda mənbə siyahısı var, ancaq mətndaxili mənbələr heç və ya kifayət qədər istifadə edilmədiyi üçün bəzi məlumatların mənbəsi bilinmir. Lütfən mənbələri uyğun şəkildə mətnin daxilində yerləşdirərək məqalənin təkmilləşdirilməsinə kömək edin. |
Lütviyyə Abbasova (tam adı: Lütviyyə Məmməd qızı Abbasova; 2 iyun 1951, Azərbaycan SSR, Naxçıvan MSSR, Naxçıvan) — Azərbaycanlı kimyaçı alim; Kimya elmləri namizədi; dosent.
Lütviyyə Abbasova | |
---|---|
Lütviyyə Məmməd qızı Abbasova | |
Doğum tarixi | |
Doğum yeri | Naxçıvan, Naxçıvan MSSR, Azərbaycan SSR, SSRİ |
Vətəndaşlığı | SSRİ→ Azərbaycan |
Milliyyəti | Azərbaycanlı |
Elm sahəsi | Kimya |
Elmi dərəcəsi | Kimya elmləri namizədi |
Elmi adı | Dosent |
Həyatı
Lütviyyə Məmməd qızı Abbasova 2 iyun 1951-ci ildə Azərbaycan SSR, Naxçıvan MSSR, Naxçıvan şəhərində anadan olmuşdur.
Təhsili
1957-ci ildə Naxçıvan şəhər 1 saylı orta məktəbinə daxil olmuş və 1967-ci ildə həmin məktəbi gümüş medalla bitirmişdir.
1967-ci ildə də Azərbaycan Dövlət Neft Akademiyasının (indiki Azərbaycan Dövlət Neft və Sənaye Universiteti) Kimya texnalogiyaları fakültəsinə daxil olmuş və 1972-ci ildə həmin fakültəni fərqlənmə diploma ilə bitirmişdir.
1984-cü ildə Ümumittifaq Elmi Tədqiqat Olefinlər İnstitutunun Polimerləşmə labaratoriyasında dissertant olaraq fəaliyyətə başlamışdır. Professorlar Aydın Bünyatzadə və Yaşar Bilalovun rəhbərlikləri altında fəaliyyət göstərmişdir.
1990-cı ildə Olefinlər İnstitutunun elmi şurasında elmi işini müdafiə edərək SSRİ Ali Attestasiya Komissiyasının rəyi ilə kimya elmləri namizədi elmi dərəcəsi almışddır. 1994-cü ildə dosent elmi adını almışdır.
Əmək fəaliyyəti
1972-ci ildə təyinatla Azərbaycan Milli Elmlər Akademiyasının İnstitutunda ixtisası üzrə işləmişdir. 1974-cü ilin iyun ayında ailə qurması səbəbi ilə Gəncə şəhərində məskunlaşmış və Gəncə Xalça Kombinatının labaratoriyasında kimyaçı mühəndis olaraq fəaliyyətə başlamışdır. Daha sonra Gəncə Yüngül Sənaye Texnikomunda müəllimə olaraq fəaliyyət göstərmişdir. 1984-cü ildən etibarən Gəncə Dövlət Pedaqoji İnstitutunda (indiki Gəncə Dövlət Universiteti) müəllimə olaraq fəaliyyətini davam etdirmişdir.
1999-cu ildə Gəncə Dövlət Pedaqoji İnstitutunda fəaliyyətini bitirərək, ADNA-da (indiki ADNSU), Yüksək molekullu birləşmərin texnologiyası kafedrasında dosent olaraq işləməyə başlamışdır. Ömrünün sonuna qədər ADNA-da (indiki ADNSU) fəaliyyət göstərmişdir.
Yaradıcılığı
Elmi fəaliyyəti
Lütviyyə Abbasova elmi fəaliyyəti dövrü ərzində 40-dan artıq elmi məqalə, 3 müəlliflik şəhadətnaməsi, 4 dərs vəsaiti, 2 elmi monoqrafiya və 2 metodiki vəsaitin müəllifi olmuşdur.
Məqalələrin bir çoxu həm Azərbaycanın, həm də SSRİ-nin elmi jurnallarında (Пластические Массы, Журнал ВМС, Известия Высших Технических учебных заведений Азербайджана və s.) dərc edilmişdir.
Dərs vəsaitləri:
- “Plastik kütlələrin əsasında kompozisiyaların alınması və tətbiqi”,
- “Polimerlərin fiziki-mexaniki xassələrinin tədqiqat üsulları”
- “Plastik kütlələrin kimyəvi texnologiyası”
- “Elastomerlərin kimyəvi texnologiyası”
Monoqrafiyaları:
- “Modifikasiya edilmiş polimer kompozisiyaları”
- “Анализ научно исследовательских и технологических работ в области производства бутена-1 и полу бутена на его основе”
Metodiki vəsaitləri:
- “Pedaqoji təcrübə üzrə mühəndis-müəllimin peşə-təcrübi hazırlığı”
- “İstehsalat təcrübəsi üzrə mühəndis-müəllimin peşə-təcrübi hazırlığı”
Şəxsi həyatı
- Azərbaycan Respublikası Milli Məclisinin I çağırış deputatı Aslan Abbasovun həyat yoldaşıdır.
- Antiinhisar və İstehlak Bazarına Nəzarət Dövlət Xidmətinin rəis müavini Məmməd Abbasbəylinin atasıdır.
- Dövlət Məşğulluq Agentliyinin İdarə Heyətinin sədri Mustafa Abbasbəylinin atasıdır.
Mənbə
- Teymur Bünyadov. Lütviyyə Abbasovanın əziz xatirəsinə // Aslan Abbasov, İlahinin lütfü. Bakı: Azərnəşr, 2013, s.192-194
- Azərbaycan ziyalıları / Əliqızı, Maral. Bakı, Bayramoğlu, 2009. - 240 səh.