Gələcəyin Muzeyi

Gələcəyin Muzeyi (ərəb. متحف المستقبل) — innovativ ideologiyalara həsr olunmuş muzey. Birləşmiş Ərəb Əmirliklərinin ən böyük şəhəri olan Dubayın mərkəzində yerləşir.

Gələcəyin Muzeyi
Əsası qoyulub	22 fevral 2022
Açılış tarixi	22 fevral 2022
Ölkə	BƏƏ
Yerləşir	Dubay
^HGYO
museumofthefuture.ae
Vikianbarda əlaqəli mediafayllar

Muzey elmin, texnologiyanın və innovasiyanın gələcəyini araşdırmaq məqsədi daşıyır. Muzey BƏƏ-nin vitse-prezidenti, baş naziri və Dubayın hökmdarı Məhəmməd ibn Rəşid əl-Məktum tərəfindən gələcək haqqında şeir şəklində pəncərələri olan toroid formalı binadır. Dubay Gələcək Fondu tərəfindən təsis edilmişdir.

Muzeyin açılışı

Muzeyin rəsmi açılışı 22 fevral 2022-ci ildə olmuşdur.

Muzeyin məqsədi keçmişə deyil, gələcəyə baxmaq, birinci olmaqdır. Gələcəyin muzeyində sərgilənən hər eksponat 2071-ci ildə mövcud olacağı proqnozlaşdırılır.

Tarixi

7 fevral 2016-cı ildə Dünya Hökuməti Sammiti çərçivəsində Gələcəyin Muzeyi sərgisi açıldı.

24 aprel 2016-cı ildə Dubay Gələcək Fonduna start verildi. Yeni strukturun tərkibində olaraq Gələcəyin Muzeyi Dubay Gələcək Fondunun bir hissəsi oldu.

22 fevral 2022-ci il tarixində Dubay vaxtı ilə saat 19:00-da Gələcək Muzeyinin rəsmi açılışı oldu.

Sərgiləri

Muzey 2071-ci ilə səyahətə aparır. O, yeddi mərtəbədən ibarətdir, onlardan beşi müxtəlif mövzularda sərgilərə həsr olunub.

• Beşinci mərtəbə — Orbital Kosmik Stansiya (OKS) — Ümid. Bu mərtəbənin mövzusu 2071-ci ildə kosmosdakı həyata yönəlib və kosmik səyahətin gələcəyinin bəşəriyyətin problemlərini həll etməyə necə kömək edə biləcəyini araşdırır.
• Dördüncü mərtəbə – HEAL İnstitutu. Ziyarətçilərin diqqətini Yerdəki həyatın bərpasına və yenilənməsinə yönəldə biləcəyi gələcəyin ekologiyası və biomüxtəlifliyini göstərir.
• Üçüncü mərtəbə - Vahə. Bu mərtəbədə ziyarətçilər diqqətlərini cəmləşdirmək üçün müxtəlif müalicəvi üsullardan istifadə edə bilərlər.
• İkinci mərtəbə – Sabah, Bu gün. Bu mərtəbə qlobal çağırışlara cavab olaraq müasir həllər təklif edən qabaqcıl texnologiyalar və innovativ konsepsiyaları nümayiş etdirir. Həmçinin qlobal gələcəyi görən laboratoriya kimi fəaliyyət göstərən muzeyin strateji tərəfdaşları ilə işini əks etdirir.
• Birinci mərtəbə - Gələcək Qəhrəmanlar. Bu mərtəbə 10 və daha aşağı yaşda olan uşaqlar üçün nəzərdə tutulub və interaktiv fəaliyyətlər, praktiki oyunlar və öz avatarlarını yaratmaq da daxil olmaqla əməkdaşlığa və yaradıcılığa təşviq edən mükafatlı fəaliyyətlər təklif edir.

Muzeyin içərisində kapsul liftlər, sensor divarlar və gəzən köməkçi robotlar mövcuddur.

Binası

Dünyanın ən mürəkkəb strukturlarından biri olan Gələcəyin Muzeyi Şon Keyl Design tərəfindən layihələndirilib və Bureau Happold tərəfindən hazırlanmışdır. 3 fevral 2023-cü ildə bina yaşıl reytinqi baxımından LEED Platinum sertifikatına sahib oldu.

Binanın fasadı Dubay hökmdarının əmirliyin gələcəyi haqqında dediyi ərəb sitatlarını təşkil edən pəncərələrdən ibarətdir:

“Biz yüzlərlə il yaşamayacağıq, lakin yaradıcılığımızın məhsulları biz getdikdən çox sonra miras qoya bilərik.”

“Gələcək onu təsəvvür etməyi, dizayn etməyi və qurmağı bacaranların olacaq, gələcək gözləmir, gələcək bu gün layihələndirilə və tikilə bilər”.

“Həyatın yenilənməsinin, sivilizasiyanın inkişafının və bəşəriyyətin tərəqqisinin sirri bir sözdədir: yenilik”.

Muzey müxtəlif sərgilərə həsr olunmuş yeddi mərtəbədən ibarətdir. Üç mərtəbə kosmos resurslarının tədqiqi, ekosistemlər və biomühəndislik və sağlamlıq sahələrinə həsr edilmişdir. Digər mərtəbələr su, qida, nəqliyyat və enerji kimi sahələrdə problemlərin həllinə kömək edəcək yaxın gələcək texnologiyalarını nümayiş etdirir, sonuncu mərtəbə isə uşaqlara həsr olunub.

Qalereyası

• DNT Kitabxanası
• Muzeyinin içərisi
• Sağlamlığın gələcəyinə aparan dəhliz
• Audi

İstinadlar

1. https://m.youtube.com/watch?v=KwAvVSt_T68
2. "Arxivlənmiş surət". 2021-08-17 tarixində arxivləşdirilib. İstifadə tarixi: 2024-09-26.
3. "Arxivlənmiş surət". 2022-02-28 tarixində arxivləşdirilib. İstifadə tarixi: 2024-09-26.
4. "Arxivlənmiş surət". 2022-03-04 tarixində arxivləşdirilib. İstifadə tarixi: 2024-09-26.
5. "Arxivlənmiş surət". 2024-03-03 tarixində arxivləşdirilib. İstifadə tarixi: 2024-09-26.
6. https://m.youtube.com/watch?v=OL6Qj2PD4xw
7. "Arxivlənmiş surət". 2022-12-27 tarixində arxivləşdirilib. İstifadə tarixi: 2024-09-26.
8. "Arxivlənmiş surət". 2023-05-23 tarixində arxivləşdirilib. İstifadə tarixi: 2024-09-26.
9. "Arxivlənmiş surət". 2024-03-03 tarixində arxivləşdirilib. İstifadə tarixi: 2024-09-26.
10. "Arxivlənmiş surət". 2023-08-01 tarixində arxivləşdirilib. İstifadə tarixi: 2024-09-26.
11. "Arxivlənmiş surət". 2023-08-01 tarixində arxivləşdirilib. İstifadə tarixi: 2024-09-26.
12. "Arxivlənmiş surət". 2024-05-23 tarixində arxivləşdirilib. İstifadə tarixi: 2024-09-26.
13. "Arxivlənmiş surət". 2023-08-03 tarixində arxivləşdirilib. İstifadə tarixi: 2024-09-26.
14. "Arxivlənmiş surət". 2024-09-26 tarixində arxivləşdirilib. İstifadə tarixi: 2024-09-26.
15. "Arxivlənmiş surət". 2023-08-03 tarixində arxivləşdirilib. İstifadə tarixi: 2024-09-26.
16. "Arxivlənmiş surət". 2023-08-03 tarixində arxivləşdirilib. İstifadə tarixi: 2024-09-26.
17. "Arxivlənmiş surət". 2021-08-17 tarixində arxivləşdirilib. İstifadə tarixi: 2024-09-26.
18. "Museum of The Future - The Skyscraper Center". www.skyscrapercenter.com. 6 August 2021 tarixində arxivləşdirilib. İstifadə tarixi: 10 August 2021.
19. "You are being redirected..." meconstructionnews.com. 5 October 2020. 10 August 2021 tarixində arxivləşdirilib. İstifadə tarixi: 10 August 2021.
20. "Dubai's Museum of the Future attracts one million visitors from 163 countries in first year". wam. 2023-02-21. 2023-08-15 tarixində arxivləşdirilib. İstifadə tarixi: 2023-08-15.
21. "Museum of the Future | U.S. Green Building Council". www.usgbc.org (ingilis). 2023-08-15 tarixində arxivləşdirilib. İstifadə tarixi: 2023-08-15.
22. "Arxivlənmiş surət". 2024-04-17 tarixində arxivləşdirilib. İstifadə tarixi: 2024-09-26.
23. "Arxivlənmiş surət". 2024-04-17 tarixində arxivləşdirilib. İstifadə tarixi: 2024-09-26.
24. "Arxivlənmiş surət". 2024-04-30 tarixində arxivləşdirilib. İstifadə tarixi: 2024-09-26.

Xarici keçidlər