Günel Mövlud

Günel Mövlud (9 oktyabr 1981(1981-10-09), Mehdili, Cəbrayıl rayonu) — azərbaycanlı şairə, jurnalist, publisist, tərcüməçi.

Günel Mövlud
Günel Vəzir qızı İmanova
Doğum tarixi	9 oktyabr 1981(1981-10-09) (39 yaş)
Doğum yeri	Mehdili, Cəbrayıl rayonu, Azərbaycan SSR, SSRİ
Vətəndaşlığı	SSRİ→ Azərbaycan
Milliyyəti	azərbaycanlı
Təhsili	ADMİU
Fəaliyyəti	şairə, jurnalist, tərcüməçi

Həyatı

Günel Mövlud 1981-ci ilin 9 oktyabrında Cəbrayıl rayonunun Mehdili kəndində doğulub.

2003-cü ildə Azərbaycan Dövlət Mədəniyyət və İncəsənət Universitetinin teatrşünaslıq fakültəsini bitirib. 2000-ci ildən dövri mətbuatda yazıları çap olunur. "Alma" qəzetinin əməkdaşı olub. 2006-cı ildə "Qaranlıq və ikimiz", 2010-cu ildə "5XL - Bu bir bədən ölçüsüdür", 2013-cü ildə isə "Axşamçağına cavab" adlı şeirlər kitabları işıq üzü görüb. Sonuncu kitabı - "Axşamçağına cavab" həbsdə olan 7 N!DA-çı gəncə həsr olunub. Azad Yazarlar Ocağının üzvüdür. 2013-cü ildə bir illik müddətə bu təşkilata sədr seçilmişdir.

Tənqid

2014-cü il 26 fevralda “Xalq Cəbhəsi” qəzetinin baş redaktoru Elçin Mirzəbəyli yazar Günel Mövludun Qarabağ icmasının üzvü qismində ermənilərdən üzr istəməsini tənqid edib. Bundan əlavə, Demokratik Maarifçilik Partiyasının sədri, Elşən Musayev müəllifi olduğu "Mövqe" verilişində yazar Günel Mövludu ermənipərəstlikdə ittiham edib.

2017-ci ildə Qarabağ FK-nin məşqçi Qurban Qurbanovun ünvanına tərbiyəsiz şərhə görə kəskin tənqid olunub.

Tərcümələri

• Viktor Pelevin. Omon Ra (roman).
• Mariya Matios. Qiyamət günü (hekayə).
• Tatyana Tolstaya. Sevimli Şura (hekayə).
• Tatyana Tolstaya. Peters (hekayə).
• Qabriel Qarsiya Markes. Yüz ilin tənhalığı (roman).
• Haruki Murakami. Norveç meşəsi (roman).
• Stendal. Qırmızı və qara (roman).
• Vera Tulyakovanın xatirələri
• Soljenitsin. İvan Denisoviçin bir günü

Filmoqrafiya

1. Yalan (film, 2005)
2. Buqələmun (film, 2012)

İstinadlar

1. "Elçin Mirzəbəyli: "Günel Mövlud ermənilər tərəfindən mükafatlandırılmasını istəyir"". sia.az. sia.az. 29 aprel 2016 tarixində arxivləşdirilib. İstifadə tarixi: 29 aprel 2016.
2. "Partiya sədrindən Günel Mövluda ağır sözlər". publika.az. publika.az. İstifadə tarixi: 29 aprel 2016.
3. ""Qarabağ"ın qələbəsinə azərbaycanlı jurnalistdən tərbiyəsiz şərh — FOTO". olke.az. olke.az. İstifadə tarixi: 26 avqust 2017.

Xarici keçidlər

• Günel Mövlud^{[ölü keçid]}