Diana Varinska

Diana Yevhenivna Varinska (ukr. Діана Варінська; 22 mart 2001, Kiyev) — təqaüdə çıxmış ukraynalı idman gimnastı.

Diana Varinska
ukr. Діана Варінська
Şəxsi məlumatlar
Digər adı	Baçina
Doğum tarixi	22 mart 2001(2001-03-22) (24 yaş)
Doğum yeri	Kiyev, Ukrayna
Boyu	160 sm
Çəkisi	49 kq
Gimnastika karyerası
Təmsil etdiyi ölkə	Ukrayna
Gimnastika növü	idman gimnastikası
Baş məşqçiləri	Oleq Ostapenko Yuliya Kayukova
Əvvəlki məşqçisi	Tatyana Savitska
Xoreoqraf	Nadiya Ostapenko
Musiqilər	2017-20: Libera "Ave Maria" & Lara Fabian "Immortelle" 2020: Eskala "Şirin yuxular"
Medallar Avropa Oyunları Bürünc çoxnövçülük Bürünc dayaqlı tullanma Avropa çempionatı Qızıl komanda
Vikianbarda əlaqəli mediafayllar

O, 2019-cu il Avropa Oyunlarının çoxnövçülük və turnik hərəkətlərində bürünc medal mükafatçısı, 2020-ci ildə Avropa çempionatında qızıl medal qazanan Ukrayna komandasının üzvlərindən biridir. O, 2020-ci il Yay Olimpiya Oyunlarında Ukraynanı təmsil edib.

Gənclik karyerası

2015-ci ildə Varinska Avropa Gənclər Olimpiya Festivalında yarışdı. O, kvalifikasiyalarda çoxnövçülük üzrə 53.050 xal toplayaraq, çoxnövçülük finalına və paralel qollar üzrə finala vəsiqə qazandı. Çoxnövçülükdə o, 51.100 bal toplayaraq 17-ci yeri tutdu. Paralel qolların finalında o, 14.650 xal toplayaraq 4-cü yeri tutdu.

2016-cı il Varinska üç beynəlxalq yarışda iştirak etdi. Fevral ayında o, Belarusun paytaxtı Minskdə keçirilən Antonia Koşel Kuboku yarışının gənclər divizionunda iştirak etdi. Varinska hər bir növdə, həmçinin çoxnövçülükdə birinci oldu. İyun ayında Varinska İsveçrənin Bern şəhərində 2016-cı ildə keçirilən qadınlar arasında Bədii gimnastika üzrə Avropa çempionatında çıxış etdi. O, çoxnövçülükdə 50,099 xalla 30-cu yeri tutdu. Dayaqla tullanmada 13.900, paralel qollarda 11.200, tarazlıqda 12.366 və döşəmə hərərəkətində isə 12.633 xalla fərqləndi. Varinska heç bir finala vəsiqə qazana bilmədi. O, Ukrayna komandasının 152,787 xalla komanda sıralamasında 11-ci yeri tutmasında böyük rol oynadı.

Varinskanın 2016-cı ildəki son beynəlxalq yarışı paralel qollar,dirəklə tullanma və döşəmə hərəkətlərində yarışdı. Belarus çempionatında iştirak edən Varinska, burada hər üç finala vəsiqə qazandı. Bununla belə, o, bu finallarda iştirak etmədi, çünki həm özü, həm də komanda yoldaşı Angelina Kisla belaruslu olmadığı üçün təsnifat mərhələsindən çıxarıldılar.

Sonrakı illər

2017

2017-ci ildə 16 yaşı tamam oldu və o, böyüklər arasında yarışlarda yarışmağa vəsiqə qazandı. O, böyük arasında ilk çıxışını Bakı Dünya Kubokunda başladı. O, yalnız paralel qollarda yarışaraq birinci yeri tutub, finala vəsiqə qazandı. Finalda o, 13.933 xalla qızıl medala sahib oldu. 2017-ci il Avropa Gimnastika çempionatında Varinska seçmə mərhələdə yalnız paralel qollarlarda yarışdı. O, yarışda 12.766 xal toplayaraq, finala vəsiqə qazana bilmədi.

May ayında Varinska Xorvatiyanın Osiyek şəhərində keçirilən Osiyek Çağırış Kubokuna qatıldı. O, kvalifikasiyalarda paralel barmaqlıqlar və sərbəst hərəkətlərdə yarışdı. Döşəmə hərəkətində finala vəsiqə qazandı, lakin yer tutmadı, tullanmada 7-ci, döşəmə hərəkətində isə 4-cü oldu. İyun ayında, Varinskanın Ukrayna Kubokunda paralel qollar hərəkətinin videosu yayıldı. Azarkeşlərini onun apardığı əzimli mübarizəsi həyəcanlandırdı, lakin Varinskanın rəqabətdə geriləmə meylinin Kanadanın Monreal şəhərində keçirilən Dünya çempionatında dünya səhnəsində uğur qazanmasına zəmanət vermirdi. Bununla belə, o, yenə də bu çempionatlarda yaxşı yarışdı, paralel qolların finalına vəsiqə qazandı və altıncı yeri tutdu.

2018

2018-ci ilin əvvəlində Varinska bir neçə dəfə FIG Dünya Kuboklarında yarışdı, Osiyekdə paralel qollarda, dirəkli tullanma və döşəmə hərəkətlərində qızıl medal qazandı. Avqust ayında o, Avropa çempionatında Ukraynanın komanda yarışında beşinci yeri tutmasında böyük rol oynadı, lakin o, heç bir fərdi yarış finalına vəsiqə qazana bilmədi.

Oktyabr ayında Varinska Dohada keçirilən Dünya çempionatında Ukraynanı təmsil edib. Ukrayna yığması komanda təsnifatını 20-ci pillədə başa vurdu. Fərdi olaraq Varinska çoxnövçülük üzrə təsnifatda 37-ci, tarazlıqda isə 14-cü yeri tutdu və buna görə də heç bir yarışın finalına vəsiqə qazana bilmədi.

2019

Mart ayında Varinska həm Bakı Kuboku, həm Doha Dünya Kuboklarında, həm də Stella Zaxarova Kubokunda mübarizə apardı. Növbəti ay isə, o, çoxnövçülükdə on beşinci yerdə finala vəsiqə qazandığı Avropa çempionatında yarışdı. Finalda o, reytinqini yaxşılaşdıraraq yeddinci yerə çıxdı. İyun ayında Varinska ikinci Avropa Oyunlarında yarışaraq, həm çoxnövçülük, həm də tullanmada finala vəsiqə qazandı. Çoxnövçülükdə finalda o, rusiyalı Angelina Melnikova və fransalı Lorette Çarpidən sonra bürünc medal qazandı. Tullanmanın finalında isə, o, bu dəfə belçikalı Nina Derval və Melnikovanı geridə qoyaraq yenidən bürünc medal qazandı. Sentyabr ayında Varinska Paris Çağırış Kubokunda yarışaraq, döşəmə hərəkətlərində qızıl və tullanmada isə bürünc medal qazandı.

Varinska Ştutqartda keçirilən Dünya çempionatında da yarışıb. O, Ukraynanın təsnifat mərhələsində komanda şəklində on beşinci yeri tutmasında böyük rol oynadı, lakin onlar Olimpiya Oyunlarına vəsiqə qazana bilmədilər. Bununla belə, Varinska çoxnövçülükdə iyirmi altıncı oldu, fərdi şəkildə Tokioda keçirilən Olimpiya Oyunlarına vəsiqə qazandı. Çoxnövçülük finalında Varinska on beşinci yerdə qərarlaşdı. Oktyabrın sonu və noyabr aylarında Varinska bürünc medal qazandığı Artur Qander Memorialında, Oleq Vernyayevlə birlikdə amerikalı Ceyd Keri və Allan Bauerdən sonra gümüş medal qazandığı İsveçrə Kubokunda və tarazlıqda gümüş medal qazandığı Kotbas Dünya Kubokunda da yarışdı.

2020

Varinska mövsümə Melburn Dünya Kubokunda mübarizə apararaq başladı, burada o, paralel qollarda qızıl medal qazandı və tullanmada dördüncü oldu. Mart ayında o, 10-cu yeri tutduğu Amerika Kubokunda da yarışdı. Varinska oktyabr ayında Sombatxe Çağırış Kubokunda yarışa qatıldı, paralel qollarda qızıl medal qazandı, tullanma və döşəmə hərəkətlərində beşinci və dördüncü yerləri tutdu.

Avropa çempionatından əvvəl COVID-19 testindən pozitiv cavab alan Varinska on dörd gün məşq etmədi. Lakin o, Avropa çempionatında iştirak etmək üçün vaxtında qayıda bildi. Kvalifikasiyalar zamanı, Ukraynanın Rumıniyadan sonra komanda finalında ikinci yerə vəsiqə qazanmasında onun böyük rolu oldu və fərdi olaraq döşəmə hərəkətinin finalına vəsiqə qazandı. Komanda finalında Ukrayna komandası Rumıniyanı geridə qoyaraq, qızıl medal qazandı.

2021

Varinska (birinci xanım Olena Zelenskanın yanında) digər idmançılarla Kiyevdəki Olimpiya Evində, 11 iyul 2021-ci il

Varinska 2020-ci il Yay Olimpiya Oyunlarında (COVID-19 pandemiyası səbəbindən 2021-ci ilə təxirə salınıb) Ukraynanı təmsil edib. Təsnifat mərhələsində o, 49,565 xalla 62-ci yeri tutub. Dekabrda Varinska qazaxıstanlı olimpiya gimnastı Milad Kərimi ilə nişanlandığını elan etdi.

2022

Varinska avqustun 13-də idmandan getdiyini açıqladı.

İstinadlar

1. https://minsk2019.by/en/tsrd/athletes/3234281.
2. "Diana Varinska". The Gymternet (ingilis). 2017-03-27. İstifadə tarixi: 2017-07-13.
3. "2015 European Youth Olympic Festival Results". The Gymternet. 2015-07-30. İstifadə tarixi: 2017-07-13.
4. "Diana Varinska". The Gymternet (ingilis). 2017-03-27. İstifadə tarixi: 2017-07-13.
5. "2016 Antonia Koshel Cup Results". The Gymternet. 2016-03-09. İstifadə tarixi: 2017-07-13.
6. "Results for 31st European Championships 2016". database.fig-gymnastics.com. İstifadə tarixi: 2017-07-13.
7. "Results for 31st European Championships 2016". database.fig-gymnastics.com. İstifadə tarixi: 2017-07-13.
8. "2016 Belarusian Championships". The Gymternet (ingilis). 2016-12-28. İstifadə tarixi: 2017-07-13.
9. "2017 Baku World Cup Results". The Gymternet. 2017-03-16. İstifadə tarixi: 2017-07-13.
10. "2017 European Championships Results". The Gymternet. 2017-04-20. İstifadə tarixi: 2017-07-13.
11. "VARINSKA Diana". database.fig-gymnastics.com. İstifadə tarixi: 2017-07-13.
12. Gymfan channel, Diana Varinska (UKR) amazing uneven bars routine - 2017 Ukraine Cup, 2017-06-18, İstifadə tarixi: 2017-07-13
13. "2018 Osijek Challenge Cup Results". The Gymternet. May 29, 2018.
14. "2018 European Championships Results". The Gymternet. August 6, 2018.
15. "2018 World Championships Results". The Gymternet. November 6, 2018.
16. "2019 European Championships Results". The Gymternet. April 20, 2019.
17. "2019 European Games Results". The Gymternet. June 30, 2019.
18. "2019 World Championships Results". The Gymternet. October 17, 2019.
19. "Hurd, Mikulak win American Cup titles". . March 7, 2020. August 14, 2020 tarixində orijinalından arxivləşdirilib. İstifadə tarixi: October 13, 2020.
20. "2020 Szombathely Challenge Cup Results". The Gymternet. October 4, 2020.
21. UEGymnastics. "Ukraine Flag of Ukraine wins the 2020 European team title! #Mersin2020" (Tweet). December 19, 2020.
22. "Tokyo Olympics: Gymnastics - Women's Individual All-Around results". BBC. 25 July 2021. İstifadə tarixi: 26 July 2021.
23. Artistic Gymnastics - Subdivision 1 Results, Olympics, 25 July 2021, 27 July 2021 tarixində orijinalından arxivləşdirilib, İstifadə tarixi: 27 July 2021
24. ""Не вистачає сил і бажання". 21-річна гімнастка Діана Варінська завершила спортивну кар'єру" ["There is not enough strength and desire." 21-year-old gymnast Diana Varinska ended her sports career]. Suspilne (ukrayna). August 13, 2022.

Xarici keçidlər

• Diana Varinska — Instagram səhifəsi