Birinci Nügədi
Birinci Nügədi — Azərbaycan Respublikasının Quba rayonunun inzibati ərazi vahidində kənd. Eyniadlı bələdiyyənin tərkibindəki yeganə kənddir.
| Birinci Nügədi | |
|---|---|
| 41°19′39″ şm. e. 48°33′59″ ş. u. | |
| Ölkə | Azərbaycan |
| Rayon | Quba rayonu |
| Tarixi və coğrafiyası | |
| Mərkəzin hündürlüyü | 571 m |
| Saat qurşağı | |
| Əhalisi | |
| Əhalisi | 7768 (2009) nəfər |
.jpg.html){kind=link}
Bu məqaləni vikiləşdirmək lazımdır. Lütfən, məqaləni ümumvikipediya və redaktə qaydalarına uyğun şəkildə tərtib edin. |
Quba rayonunun ən böyük kəndidir. Quba - Qonaqkənd yolunun 5-ci km-də yerləşir. Kəndin əhalisi 10 min nəfərə yaxındır.
Toponimikası
Birinci Nügədi oyk, mür. Quba r-nunun eyniadlı i.ə.v.-də kənd. Qaraçayın sol sahilində, Qusar maili düzənliyindədir. XVIII əsrə aid sənədlərin məlumatına görə, Quba şəhərinin əhalisinə mənsub bağ ərazilərində ailələrin məskunlaşması nəticəsində yaranan yaşayış məntəqəsi Nügədi (tat dilində "yeni kənd, təzə kənd") adlandırılmışdrr. Sonralar kəndn böyüyərək iki yerə ayrılmış və onları bir-birindən fərqləndirmək üçün adlarının əvvəlinə birinci və ikinci sözləri artırılmışdır.
Mədəniyyəti
Kənddə mədəniyyət evi, 9 illik və 11 illik orta məktəb,sağlamlıq məntəqəsi, aptek, bələdiyyə binası, poçt məntəqəsi, ATM, yanacaqdoldurma məntəqəsi, stadion, şadlıq sarayı, uşaq bağçası, məscid və kitabxana, 2 internet kafe fəaliyyət göstərir.
Coğrafiyası və iqlimi
Nügədinin ərazisi dağlıq və düzənliklərdən ibarətdir. Kənd ərazisində 1-ci və 2-ci Nügədi kəndləri arasında "Bəhyə" dağı yerləşir. Kən din iqlimi mülayimdir. Bəhyə dağının yaxınlığından Qaraçay çayı axır. Ümumilikdə kənd, Ağçay və Qaraçayın əhatəsində yerləşir. Nügədi kəndi Amsar və 2-ci Nügədi kəndlərinin qonşuluğundadır. Kənd inzibati cəhətdən 5 məhəllədən ibarətdir. Bütün küçələrə müvafiq adlar verilmiş və mənzillər nömrələnmişdir. Nügədinin bəzi yollarına asfalt, digərlərinə isə daş örtük döşənmişdir.
Əhalisi
Nügədinin əhalisi Azərbaycanlılardan ibarətdir. 2010-cu il açıqlamalarına görə əhalinin 51%-ini qadınlar,49%-ini isə kişilər təşkil edir.Kənddə az miqdarda tatlar da yaşayır. Kəndin cavan əhalisi üstünlük təşkil edir. Əhalinin bir hissəsi xaricdə əmək fəaliyyətindədir. 2009-cu ilin siyahıyaalınmasına əsasən kəndə 7768 nəfər əhali yaşayır.
İqtisadiyyatı
Kəndin iqtisadiyyatı əsasən meyvəçilik və taxılçılıqdır. Kənddə alma, armud və s. kimi meyvələr yetişdirilir. Əhalinin tələbatını ödəmək məqsədi ilə həyətyanı torpaq sahələrində kənd təsərrüfatı məhsulları, tərəvəz bitkiləri və s. becərilir. Əhali fərdi maldarlıqla da məşğul olur. İri və xırda buynuzlu mal - qara saxlanılır. Quşçuluq inkişaf etdirilir, toyuq, ördək, qaz, hind quşu və s. kimi ev quşları yetişdirilir.
Həmçinin bax
Xarici keçidlər
- azerbaijanphoto.com saytındakı şəkilləri 2016-03-04 at the Wayback Machine
- Azərbaycan Respublikası Quba Rayon İcra Hakimiyyəti
İstinadlar
- . 2012-01-11 tarixində orijinalından arxivləşdirilib. İstifadə tarixi: 2013-04-04.
- Azərbaycan Toponimlərinin Ensiklopedik Lüğəti. Azərbaycan Milli Elmlər Akademiyası. Nəsimi adına Dilçilik İnstitutu. Şərq-qərb Bakı-2007. səh.427
- Azərbaycan Respublikası Əhalisinin Siyahıyaalınması. Azərbaycan Respublikasının Dövlət Statistika Komitəsi. Bakı-2010. Səh.629
| Quba rayonu ilə əlaqədar bu məqalə qaralama halındadır. Məqaləni redaktə edərək Vikipediyanı zənginləşdirin. |
| Kənd ilə əlaqədar bu məqalə qaralama halındadır. Məqaləni redaktə edərək Vikipediyanı zənginləşdirin. |
