Azərbaycan Yeniyetmələrin Olimpiya Oyunlarında
Azərbaycan Yeniyetmələrin Olimpiya Oyunlarında. Azərbaycan birinci dəfə 2010-cu ildə Sinqapurda Yeniyetmələrin Yay Olimpiya Oyunlarına qatılıb. Yeniyetmələrin I Yay Olimpiya Oyunlarında Azərbaycan 5 qızıl və 3 gümüş medal qazandı. 2014-cü ildə isə Çin Xalq Respublikasının Nankin şəhərində baş tutan Yeniyetmələrin II Yay Olimpiya Oyunlarında 5 qızıl, 6 gümüş və 1 bürünc medal qazandı. Azərbaycan Yeniyetmələrin Yay Olimpiya Oyunlarında ən yaxşı nəticə 2014-cü ilə təsadüf etdi. Azərbaycan həmin il medal sıralanmasında 10-cu yeri tutdu.
Azərbaycan Yeniyetmələrin Yay Olimpiya Oyunlarında | |
---|---|
BOK Kodu | AZE |
MOK | Azərbaycan Milli Olimpiya Komitəsi |
Yeniyetmələrin Yay Olimpiya Oyunları | |
2010, 2014, 2018 |
Tarixi
Sinqapur—2010
Əsas məqalə: Azərbaycan 2010 Yeniyetmələrin Yay Olimpiya Oyunlarında
Azərbaycan idmanının tarixində 2010-cu ildə yeni səhifə açıldı. 2010-cu ildən etibarən Yeniyetmələrin Yay Olimpiya Oyunları keçirildi. Yeniyetmələrin I Yay Olimpiya Oyunları 2010-cu ildə Sinqapurda baş tutdu. Azərbaycan həmin yarışlara 12 idmançı ilə 6 idman növündə qatıldı. Sinqapurun paytaxtında baş tutan mötəbər yarışın açılış mərasimi 14 avqust tarixində baş tutdu. Açılış mərasimində Azərbaycanın üçrəngli bayrağını Boks üzrə Dünya Çempionu Şaban Şahpələngov apardı. Azərbaycanın güləş millisi İlqar Abdulov və Qurban Qurbanovun rəhbərliyi altında Sinqapura 5 güləşçi ilə yollandı və 5 güləşçinin hamısı medal qazandı. Yunan-Roma güləşçiləri Murad Bazarov və Elman Muxtarov, sərbəst güləşçi Əli Məhəmmədəbirov və qadın güləşçisi Patimat Baqomedova qızıl medal qazandı. Kənan Quliyev isə yalnızca finalda məğlub olaraq gümüş medal qazandı. Ağır atletika isə Azərbaycanın idman şərəfini yalnızca Nicat Rəhimov qorudu. Nizami Paşayevin rəhbərliyi altında çıxış edən Nicat Rəhimov 69 kq. çəki dərəcəsinə yarışdı və 295 kq. nəticə ilə qızıl medal qazandı. Daha 2 medalı isə Azərbaycana Salman Əlizadə və Elvin İsayev qazandırdı. Azərbaycan boksçuları yalnızca finalda məğlub oldu və gümüş medal qazandı. Ümumi olaraq Sinqapurda 8 medal (5 qızıl və 3 gümüş) qazanan Azərbaycan medal sıralanmasında 11-ci yeri tutdu. Yeniyetmələrin I Yay Olimpiya Oyunlarından sonra 30 avqust tarixində Azərbaycan Respublikasının Prezidenti İlham Əliyev olimpiyaçıları qəbul etdi.
Nankin—2014
Əsas məqalə: Azərbaycan 2014 Yeniyetmələrin Yay Olimpiya Oyunlarında
Azərbaycan 2014-cü ildə növbəti dəfə Yeniyetmələrin Yay Olimpiya Oyunlarında qatıldı. Azərbaycan 4 il əvvəl Sinqapur Olimpiadası ilə müqayisədə bu səfər 21 idmançı ilə 9 idman növündə qatıldı yarışlara. Azərbaycanın üçrəngli bayrağını açılış mərasimində güləşçi İqbal Hacızadə apardı. Avqustun 16-dan 28-ə gədər Çin Xalq Respublikasının Nankin şəhərində baş tutan yarışlarda Azərbaycan birinci medalını yarışların 1-ci günü qazandı. Cüdoçu Natiq Qurbanlı və Leyla Əliyeva, həmçinin taekvondoçu Cerən Özbək finalda məğlub olaraq gümüş medal qazandı. Azərbaycan növbəti medalını yarışların 4-cü günü qazandı. Taekvondoçu Səid Quliyev finalda Almaniya idmançısına qalib gəldi və qızıl medal qazandı. Həmin gün həmçinin akademik avarçəkmə idmanında mübarizə aparan Boris Yotov gümüş medal qazandı. Bu medal Azərbaycanın akademik avarçəkmə idmanında əldə etdiyi birinci medal idi. Olimpiya Oyunlarının son üç günü isə Azərbaycan üçün daha uğurlu oldu. Güləşçilər İslambəy Dadov, Teymur Məmmədov və İqbal Hacızadə bütün rəqiblərinə qalib gəldi və qızıl medal qazandı. Cabbar Nəcəfov və Leyla Qurbanova isə yalnızca finalda məğlub olaraq gümüş medal qazandı. Daha 2 medalı Azərbaycana yüngül atletikada mübarizə aparan Nazim Babayev və boksçu Rüfət Hüseynov qazandırdı. Nazim Babayev və Rüfət Hüseynov müvafiq olaraq bürünc və qızıl medal qazandı. Azərbaycan toplamda Nankin Olimpiadasında 12 medal qazandı. 5 qızıl, 5 gümüş və 1 bürünc medal. Azərbaycan bu göstəricilə dünyanın 201 ölkəsi sırasında 10-cu yeri tutdu.
Buenos Ayres—2018
Əsas məqalə: Azərbaycan 2018 Yeniyetmələrin Yay Olimpiya Oyunlarında
Azərbaycan 2018-ci ildə tarixində 3-cü dəfə Yeniyetmələrin Yay Olimpiya Oyunlarına qatılacaq.
Medal cədvəli
İl | İdmançı | Cəmi | Yer | İl | İdmançı | Cəmi | Yer | |||||||
2010 Sinqapur | 12 | 5 | 3 | 0 | 8 | 11 | 2012 İnsbruk | iştirak etmədi | ||||||
2014 Nankin | 21 | 5 | 6 | 1 | 12 | 10 | 2016 Lillehammer | |||||||
2018 Buenos-Ayres | 2020 Lozanna | |||||||||||||
Cəmi | 10 | 9 | 1 | 20 | — | Cəmi | — | — | — | — | — |
İdman növləri
İdman növündə medal sıralamasında birinci yeri tutur
Medalçıların siyahısı
Sıra | Medal | Medalçı | İdman növü | Yarış növü | İl |
---|---|---|---|---|---|
1 | Murad Bazarov | Güləş | Oğlanlar, Yunan-Roma, 42 kq. | 2010 Sinqapur | |
2 | Elman Muxtarov | Güləş | Oğlanlar, Yunan-Roma, 50 kq. | 2010 Sinqapur | |
3 | Patimat Baqomedova | Güləş | Qızlar, Sərbəst, 52 kq. | 2010 Sinqapur | |
4 | Nicat Rəhimov | Ağır atletika | Oğlanlar, 69 kq. | 2010 Sinqapur | |
5 | Kənan Quliyev | Güləş | Oğlanlar, Sərbəst, 54 kq. | 2010 Sinqapur | |
6 | Əli Məhəmmədəbirov | Güləş | Oğlanlar, Sərbəst, 100 kq. | 2010 Sinqapur | |
7 | Salman Əlizadə | Boks | Oğlanlar, 48 kq. | 2010 Sinqapur | |
8 | Elvin İsayev | Boks | Oğlanlar, 57 kq. | 2010 Sinqapur | |
9 | Natiq Qurbanlı | Cüdo | Oğlanlar, −55 kq. | 2014 Nankin | |
10 | Leyla Əliyeva | Cüdo | Qızlar, −44 kq. | 2014 Nankin | |
11 | Cerən Özbək | Taekvondo | Qızlar, −44 kq. | 2014 Nankin | |
12 | Boris Yotov | Akademik avarçəkmə | Oğlanlar, Bir nəfərlik qayıq | 2014 Nankin | |
13 | Səid Quliyev | Taekvondo | Oğlanlar, −73 kq. | 2014 Nankin | |
14 | Cabbar Nəcəfov | Güləş | Oğlanlar, Yunan-Roma, 50 kq. | 2014 Nankin | |
15 | İslambəy Dadov | Güləş | Oğlanlar, Yunan-Roma, 69 kq. | 2014 Nankin | |
16 | Nazim Babayev | Yüngül atletika | Oğlanlar, Üçtəkanla tullanma | 2014 Nankin | |
17 | Leyla Qurbanova | Güləş | Qızlar, Sərbəst, 52 kq. | 2014 Nankin | |
18 | Teymur Məmmədov | Güləş | Oğlanlar, Sərbəst, 63 kq. | 2014 Nankin | |
19 | İqbal Hacızadə | Güləş | Oğlanlar, Sərbəst, 100 kq. | 2014 Nankin | |
20 | Rüfət Hüseynov | Boks | Oğlanlar, 49 kq. | 2014 Nankin |
Bayraqdarların siyahısı
Sıra | İl | Bayraqdar | Məlumat |
---|---|---|---|
1 | 2010 Sinqapur | Şaban Şahpələngov | Boks üzrə Gənclər arasında Dünya çempionu |
2 | 2014 Nankin | İqbal Hacızadə | Güləş üzrə Gənclər arasında Avropa çempionu |
3 | 2018 Buenos Ayres |
Həmçinin bax
İstinadlar
- ↑ "Azərbaycan yığması Sinqapur Olimpiadasını 5 qızıl, 3 gümüş medalla başa vurdu". www.arxiv.az. İstifadə tarixi: 25 avqust 2010.[ölü keçid]
- "Azərbaycan güləşçisi Murad Bazarov Sinqapur Olimpiya Oyunlarının birinci qızıl medalını qazandı". www.azertag.az. İstifadə tarixi: 15 avqust 2010.
- "Patimat Baqomedova Sinqapurda keçirilən Yeniyetmələrin Yay Olimpiya Oyunlarında qızıl medal qazandı". www.azertag.az. İstifadə tarixi: 15 avqust 2010.
- "Kənan Quliyev Yeniyetmələrin Yay Olimpiya Oyunlarının gümüş medalını qazandı". www.arxiv.az. İstifadə tarixi: 17 avqust 2010.[ölü keçid]
- "Nicat Rəhimov Sinqapurda Yeniyetmələrin I Yay Olimpiya Oyunlarının çempionudur". www.aaaf.net. İstifadə tarixi: 16 avqust 2010.
- "Prezident İlham Əliyev Sinqapurda keçirilən Yeniyetmələrin I Yay Olimpiya Oyunlarında çıxış edən idmançıları və mütəxəssisləri qəbul etdi". www.azertag.az. İstifadə tarixi: 30 avqust 2010.
- "Prezident İlham Əliyev: "Sinqapurda keçirilən Yeniyetmələrin I Yay Olimpiya Oyunlarında qazanılan inamlı qələbə Azərbaycan idmanının təntənəsidir"". www.arxiv.az. İstifadə tarixi: 30 avqust 2010.[ölü keçid]
Xarici keçidlər
- Azərbaycan Milli Olimpiya Komitəsi (az) (en) 2015-03-28 at the Wayback Machine