Azad Əliyev (idmançı)
Azad Əliyev - müstəqil Azərbaycanın Yunan-Roma güləşi üzrə ilk mükafatçısı, 1994-cü ildə “ilin idmançısı”, SSRİ birinciliyinin mükafatçısı Azərbaycan Kikboksinq Federasiyasının idarə heyətinin üzvü, beynəlxalq dərəcəli idman ustası və keçmiş polis mayoru.
Azad Əliyev | |
---|---|
Şəxsi məlumatlar | |
Vətəndaşlığı | Azərbaycan Respublikası |
Komandası | Azərbaycan yığma komandası |
Doğum tarixi | |
Doğum yeri | Bakı şəhəri Azərbaycan SSR |
Məşqçisi | Tofiq Eyvazov |
Çəkisi | 74 kq |
İdman növü | Yunan-Roma güləşi |
Ağırlıq dərəcəsi | 74 kq |
Hərbi rütbəsi | Mayor |
Təhsili | Polis Akademiyası |
Həyatı
Əliyev Azad Aydın oğlu 23 may 1970-ci ildə Bakı şəhərində anadan olub.
Ailəlidir. İki övladı var.
Təhsili
1977-1987-ci illərdə İdman təmayüllü tam orta məktəbdə oxuyub. 1993-1998-ci illərdə Azərbaycan Respublikası Daxili İşlər Nazirliyi Polis Akademiyası hüquq fakültəsində təhsil alıb.
Əmək fəaliyyəti
Hüquq mühafizə orqanlarında müxtəlif sahələrdə çalışıb. Sonuncu iş yeri Polis Akademiyasında idman müəllimi olub. Hal-hazırda təqaüddə olan polis mayorudur.
Karyerası
Uşaq yaşlarından Yunan-Roma güləşi ilə məşğul olan Azad Əliyev Azərbaycan müstəqil olduqdan sonra idmanın bu sahəsində beynəlxalq arenalarda mükafat qazanan ilk idmançıdır. Belə ki, o, 1993-cü ildə Türkiyənin İstanbul şəhərində Adnan İpəkçi salonunda Yunan-Roma güləşi üzrə keçirilən Avropa çempionatında gümüş medal qazanıb. Bununla da müstəqil Azərbaycanın ilk mükafatçısı kimi tarixə düşmüşdür. O zaman dünya reytinqli jurnal olan “Kempsspor” jurnalının ilin yekununa həsr olunmuş yazısında 74 kq çəki dərəcəsində Yunan-Roma güləşçiləri arasında dünyada üçüncü yeri tutmuşdur. Bu dövrlərdə məşqlərini Tofiq Eyvazovun rəhbərliyi altında davam etdirmişdir. Azərbaycan üçün ilk medalı qazanmasını özü belə xatırlayır:
1993-cü ildə Türkiyədə Abdi İpəkçi idman salonunda keçirilən Yunan-Roma güləşi üzrə Avropa cempionatında ikinci yeri tutaraq bayrağımızın ucaldılmasına nail oldum. Bu tarixi hadisə mənim ən çox xoşbəxt olduğum günlərdən biri idi. Çünki Azərbaycan bayrağı beynəlxalq yarışda digər ölkələrin bayraqları ilə yanaşı dalğalanırdı və qürurverici hadisə yaşanırdı. |
Qazandığı uğura görə o dövrdə Azərbaycan prezidenti Heydər Əliyev tərəfindən qəbul edilmiş və hədiyələrlə mükafatlandırılmışdır. 1994-cü ildə Yunan-Roma güləşi üzrə 74 kiloqramda dünya reytinqində 3-cü yerdə olmuşdur.
Bundan əlavə Azad Əliyev SSRİ çempionatında da mükafat qazanmışdır.
Azərbaycan Milli Olimpiya Komitəsinin 15 illiyi ilə bağlı buraxılan kitabda idmançı haqqında məlumat verilib.
Mükafatları
1994-cü ildə Azərbaycan Respublikasında “ilin idmançısı” fəxri adına layiq görülmüşdür.
Azərbaycan Respublikasının "əməkdar məşqçi" adına layiq görülüb.
Həmçinin bax
İstinadlar
- Millət vəkili güləş üzrə Avropa çempionu ilə görüşüb
- ↑ ”1993-cü ildə beynəlxalq yarışda bayrağımızı ucaltdığım üçün özümü çox xoşbəxt hiss edirdim”[ölü keçid]
- . 2017-11-29 tarixində orijinalından arxivləşdirilib. İstifadə tarixi: 2018-10-17.