Arif Buzovnalı
Əliyev Arif Rauf oğlu (Arif Buzovnalı; 6 sentyabr 1972, Buzovna) — şair, qəzəlxan, tədqiqatçı, şeirşünas, Azərbaycan Yazıçılar Birliyinin Xəzər (Bakı) bölməsinin sədri
Arif Buzovnalı | |
---|---|
Arif Rauf oğlu Əliyev | |
Doğum adı | Arif Əliyev |
Doğum tarixi | 6 sentyabr 1972 (49 yaş) |
Doğum yeri | |
Vətəndaşlığı | SSRİ→ Azərbaycan |
Milliyyəti | azərbaycanlı |
Fəaliyyəti | şair |
Vikianbarda əlaqəli mediafayllar |
Həyat və fəaliyyəti
Arif Buzovnalı 1972-ci ildə 6 sentyabr tarixində Bakının Buzovna qəsəbəsində ziyalı ailəsində dünyaya gəlib. 1979-1989 cu illərdə Buzovna qəsəbəsindəki 26 saylı orta məktəbdə təhsil alıb. 1990-cı ildə hərbi xidmətə yollanıb, 1992-ci ildə Sovet ordusunda (sonradan MDB ordusu) xidmətini başa vurub. 1993-cü ildə Azərbaycan Pedaqoji İnstitutuna daxil olsa da, təhsilinə başlamadan könüllü olaraq Qarabağ cəbhəsinə gedib və atəşkəsə qədər (1994-cü il 1 may) Əzizbəyov adına Könüllülər Batalyonunda döyüşüb.
Arif Buzovnalının ədəbi fəaliyyəti erkən yaşlarına təsadüf edir. 1987-ci ildə “Pioner” jurnalına göndərdiyi “Vahidə bənzətmə” şeiri jurnalın konsepsiyasına uyğun gəlmədiyinə görə dərc edilməsə də, 1991-ci ildə həmin şeir “Azərbaycan Gəncləri” qəzetində çap olunub. Bakıda və Abşeronda fəaliyyət göstərən müxtəlif ədəbi məclislərin, o cümlədən “Füzuli” və “Məcməüş-şüəra” məclislərinin üzvü olub. Mütəmadi olaraq dövrü mətbuatda “Azərbaycan Gəncləri”, “Kaspi”, “İki sahil”, “Yol”, “Olaylar”, “Ədəbiyyat qəzeti”, “Tək səbir”, “Nəbz”, “Şəhriyar” və başqa qəzetlərdə, həmçinin “Hikmət”, “Kəlam”, “Ulduz”, “Karvan”, “Azərbaycan” jurnallarında bədii əsərləri və müxtəlif mövzulu məqalələri ilə çıxış edib. 2003-cü ildə Təbrizdə keçirilən “Şeri-tənz” Beynəlxalq şeir müsabiqəsinin qalibi olub.
2010-cu ildə Urmiyyədə keçirilən “Rəzəvi” Beynəlxalq Şeir Festivalının qalibi olub, 2011-ci ildən isə həmin festivalın türkdilli şeir üzrə münsifidir.
Azərbaycan,Türkiyə, İran, Ukrayna, Rusiyada keçirilmiş bir çox elmi və ədəbi konfranslarda iştirak edib, müxtəlif diplom və mükafatlara layiq görülüb. Şeirləri xarici dillərə tərcümə edilib və müxtəlif ölkələrin mətbuatında cap olunub.
Altı kitabı işıq üzü görüb və müxtəlif almanaxlarda əsərləri yer alıb. Ömər Xəyyam, Sergey Yesenin və Leyla Əliyevadan tərcümələri var.
- 2011-ci ildən Azərbaycan Yazıçılar Birliyinin üzvüdür.
- 2016-cı ildə təsis edilmiş Xəzər Yazıçılar Birliyinin sədridir.
- 2017-ci ildə XYB-nin tərkibində yaradılmış “Poeziya klubunun” sədridir.
Ailəsi
Ailəlidir, iki övladı var.
Əsərləri
- Ömrün ötən anları, 1999.
- Mərifətdən həqiqətə, 2005.
- Səhərimə nə qalıb ki, 2007.
- Xəzərim, 2009.
- Sarı güllər, 2010
- Seçilmiş əsərlər, 2014
Tədqiqat
- Xətai və Füzuli... Düşüncələr
- Nəsimi bir baxışda
- Qırx qəzəl – Qırx şərh
- Çün "əhsəni təqvim" idi
İstinadlar
Xarici keçidlər
- Xəzinədən incilər
- QƏZƏL DE Kİ,MƏHŞURİ-DÖVRAN OLA
- Hacı Arif Buzovnalı
- Hacı Arif Buzovnalının yeni kitabı işıq üzü görüb
- http://qezel.net/oxu/Arif_Buzovnali/[ölü keçid]
- https://edebiyyatqazeti.az/news/poeziya/3668-sabah-gel-ruhumu-meglub-ele-idrakimi-feth-et
- https://aqreqator.az/az/medeniyyet/523872
- https://manera.az/index.php?newsid=7047
- http://www.anl.az/down/meqale/edebiyyat/2019/may/651218.htm
- http://aydinliga-dogru.com/ziyali-unsiyyeti-cercivesinde-sair-qezelxan-arif-buzovnali-ile-gorus-kecirildi/
- http://azad.az/musiqi/10785-haci-arif-buzovnali-qarabagdan-yeni-il-mektubu.html
- https://ok.ru/dnizdnbird/topic/63398808605969
- https://xezernews.az/?c=news&id=71060