Apex Legends

Apex Legends (azərb. Zirvə əfsanələri‎; qısaca Legends, azərb. Əfsanələr‎) — "Respawn Entertainment" tərəfindən hazırlanan və "Electronic Arts" tərəfindən nəşr olunan free-to-play kral döyüşü video oyunu. "Titanfall" oyun seriyasındakı 1-ci spin-off epizoddur (bütövlükdə 4). Oyun 4 fevral 2019-cu il tarixində Microsoft Windows, PlayStation 4 və Xbox One platformaları üçün buraxılmışdır. Oyun buraxılmazdan əvvəl haqqında heç bir açıqlama verilməmişdi və marketinq kampaniyası aparılmamışdı.

Apex Legends
"Apex Legends" video oyununun rəsmi loqosu
Hazırlayan	Respawn Entertainment
Yayımlayan	Electronic Arts
Seriya	"Titanfall"
Anons tarixi	4 fevral 2019 (2019-02-04)
Buraxılış tarixi	4 fevral 2019
Janrlar	Kral döyüşü Birinci şəxs atıcı
Yaş reytinqləri	ESRB: T — Teen
Prodüserlər	Drü Makkoy Tina Sançez
Dizaynerlər	Feyrfaks MakKendliş Aaron Rutlec Karlos Pineda Ceyk Kitinq Preston Qlenn Rodni Ris Rocer Abrahamsson Şon Sleybek Stiven De Roz
Ssenarist	Məhəmməd Ələvi Menni Aqopyan Tomas Kasiyello
Proqramçı	Pol Messerli Coel Qompert Maykl Kalas Mayk Dürnhofer Reym Vinson Rocer Hyuston Sonmin Honq Stiven Vonq Sin Lyu
Rəssamlar	Todd Syu Robert Taube Ostin Arnett Bred Ellen Brayn Barrell Kliff Çaylz Denni Qardner
Bəstəkar	Stefen Barton
Texniki məlumat
Platformalar	Microsoft Windows PlayStation 4 Xbox One
Mühərriklər	Source
Oyun rejimləri	Çoxnəfərli oyun
İnterfeysin dili	ingiliscə
Daşıyıcılar	rəqəmsal dağılım (Origin, PSN, Xbox Live)
Sistem tələbləri
İdarəetmə	Klaviatura və siçan qeympad
Rəsmi saytı
Vikianbarda əlaqəli mediafayllar

"Apex Legends" video oyununun geympleyi "Respawn Entertainment" studiyasının əvvəlki oyunları, digər kral döyüşü oyunları, sinif-əsaslı atıcılar və inkişaf edən süjetlərə malik video oyunlar kimi müxtəlif video oyunların geympley elementlərini bir araya gətirir. Oyunda təqribən 60 oyunçu 3 nəfərlik dəstələrə bölünərək böyük bir adaya düşürlər və bir-birlərinə qarşı vuruşurlar. Hər raundda maksimum 20 dəstə olur ki, bu dəstələrin bir üzvü onların haraya düşəcəklərini müəyyənləşdirir. Daha sonra bu dəstələr digər dəstələrlə vuruşmaq üçün adada silahlar və ehtiyatlar axtarırlar. Hər raundda oyun ərazisi olur ki, bu ərazi müəyyən vaxt daxilində kiçilir. Axırda qalan son dəstə "Zirvə çempionu" (ing. Apex Champion), yəni raundun qalibi olur. Oyunda ehtiyat boğçaları və müəyyən bir vaxt çərçivəsində dəstə yoldaşlarını sağaltma kimi funksiyalar da mövcuddur. Dəstə yoldaşları arasında kommunikasiya səsli söhbətlə (İP telefoniya vasitəsilə) və ya pinq sistemi ilə saxlanılır. Pint sistemi ilə dəstə yoldaşları ehtiyatları, mövqeləri və düşmənləri asanlıqla işarələyə bilirlər. Oyunda səkkiz "Əfsanə" (Legends) var, ancaq onların ikisi normalda bağlı olurlar. Oyunda kozmetik əşyalar üçün nəzərdə tutulmuş bir mikro-ödəniş sistemi var.

Oyunun konsepsiyası "Electronic Arts" şirkəti 2017-ci ildə "Respawn Entertainment" studiyasını satın aldıqdan sonra yeni bir "Titanfall" video oyununun istehsalı zamanı əmələ gəlmişdir. Kral döyüşü janrının gözlənilməz uğuru müəllifləri eyni janrda bir video oyun istehsal etməyə vadar etmişdir. Oyunun istehsalçıları video oyunu gələcəkdə iOS, Android və Nintendo Switch platformaları üçün portlaşdırmağı planlaşdırırlar.

"Apex Legends" tənqidçilər tərəfindən müsbət rəylər almışdır. Oyun geympleyi, irəliləmə sistemi və müxtəlif janrların elementlərini birləşdirilməsinə görə təriflənmişdir. Bəzi tənqidçilər oyunun 2018-ci ildə qlobal populyarlıq əldə etmiş "Fortnite Battle Royale" üçün əhəmiyyətli bir rəqib olduğunu düşünmüşdülər. Oyunun buraxıldığı gün 2.000.000, birinci həftəsində 25.000.000, birinci ayında isə 50.000.000-dan çox oyunçusu var idi.

Süjet

Qurma

"Apex Legends" video oyununun əsas süjeti "Titanfall" kainatında və "Titanfall 2" video oyununun əsas süjetindən 30 il gələcəkdə cərəyan edir. "Zirvə oyunları" (ing. Apex Games) Autlendsdə yayımlanan bir qanlı idman növüdür. Kuben Blisk tərəfindən yaradılan bu televiziya verilişinə Hüduddakı (ing. Frontier) hər bir fərd qoşula bilir. Bu müsabiqənin iştirakçıları "Zirvə əfsanələri" (ing. Apex Legends), qalibləri isə "Zirvə çempionları" (ing. Apex Champions) adlanırlar. Müsabiqə iştirakçıların üç nəfərlik dəstələrdə olmaqla "Kral kanyonu" (ing. King's Canyon) adasına daxil olub bir-birləri ilə vuruşmasından ibarətdir. "Zirvə oyunları" Hüdudun ən məşhur müsabiqələrindən biridir və iştirakçılar burada pul və şöhrət üçün vuruşurlar.

Geympley

"Apex Legends" qəhrəman atıcılardan bəzi elementləri götürən bir kral döyüşü video oyunudur. Oyunun əksər hissəsi birinci-şəxs perspektivindən oynanılır, ancaq üçüncü-şəxsdə olan epizodlar da mövcuddur. Oyun tamamilə çoxnəfərli rejimdədir. "Apex Legends" digər kral döyüşü oyunlarından "Əfsanələr" (ing. Legends) ilə fərqlənir. Əfsanələr hücum, müdafiə, dəstək və kəşfiyyat kateqoriyalarına uyğun olan bacarıqlara malik əvvəlcədən hazırlanmış personajlardır. Oyunçular üç oyunçulu dəstələrə bölünürlər. Bu oyunçuların hər biri sırasıyla öz əfsanələrini seçirlər. Hər raundda cəmi 60 oyunçu, yəni 20 dəstə olur.

Bütün dəstələr raunda avadanlıq və ehtiyatlar olmadan başlayırlar. Onlar oyunun xəritəsində eniş gəmiləri (ing. Dropships) vasitəsilə enirlər. Bu eniş gəmiləri ixtiyari bir istiqamətdən xəritənin bir hissəsindən digər hissəsinə doğru irəliləyir. Eniş gəmilərindəki oyunçular eniş gəmiləri xəritənin son hissəsinə çatana qədər istədikləri zaman xəritəyə enə bilərlər. Dəstələr oyun xəritəsini silahlar, mərmilər, zirehli geyimlər və başqa ehtiyatlar üçün gəzirlər. Əlavə olaraq, dəstələr xəritəyə enən zaman real vaxtda irəliləyən bir "Ehtiyat gəmisi"nə (ing. Supply Ship) də daxil ola bilərlər. Gəminin irəliləyiş istiqaməti mini-xəritədə gəminin göy rənglə verilmiş bir şəkli ilə işarələnir. Bu ehtiyat gəmilərində yüksək səviyyəli avadanlıqlar və zirehlər, eləcə də çoxlu ehtiyatlar olur. Buna baxmayaraq, oyunçular yerə enən bir ehtiyat gəmisinə də daxil ola bilərlər ki, bu da raundun bir qədər sonrakı mərhələlərində gerçəkləşir.

Yerə enmiş oyunçular digər dəstələrlə də vuruşurlar ki, axırda qalan dəstə olsunlar. Onlar bunların hamısı müəyyən bir vaxt çərçivəsində kiçilən bir oyun ərazisində edirlər. Oyunçular nokaut ediləndə onlar qanamaq vəziyyətinə düşürlər. Bu vəziyyətdə onlar gələn zərbələrə çox həssas olurlar. Onlar dəstə yoldaşları tərəfindən sağaldıla bilərlər, ancaq bunu verilən vaxta qədər etməlidirlər. Əgər bu yerinə yetirilməsə, qanayan oyunçu öldürülsə və ya rəqib oyunçu onlara sarsıdıcı zərbə endirsə o, oyundan uzaqlaşdırılır. Oyundan uzaqlaşdırıldıqdan dərhal sonra oyundan uzaqlaşdırılan oyunçu öz avadanlıqlarını və ehtiyatlarını buraxır ki, digər oyunçular onları götürə bilsinlər. Əlavə olaraq, onlar öz bannerlərini də buraxırlar. Bu bannerləri götürən dəstə yoldaşları oyundan uzaqlaşdırılan oyunçunu xəritədə səpələnmiş və yaşıl rənglə verilmiş "Spaun Radiomayakı" (ing. Spawn Beacon) vasitəsilə oyuna geri gətirə bilərlər. Geri gətirilən oyunçuların heç bir avadanlığı, zirehi və ya ehtiyatı olmur. "Apex Legends" video oyununda İP telefoniya vasitəsilə kommunikasiya saxlamaq funksiyası və təkdüyməli pinq sistemi də var. Pinq sistemi vasitəsilə oyunçular silahları, ehtiyatları, rəqibləri və başqa şeyləri asanlıqla işarələyə bilərlər.

Valyuta

"Apex Legends" free-to-play bir oyundur və gəlir mənbəyi kozmetik əşyalar və əfsanələr üçün nəzərdə tutulmuş mikro-ödənişlərdir. Yeni kozmetik əşyaları oyunun içərisində ixtiyari şəkildə verilən mükafatlar olan lutboksu – "Zirvə boğçaları"dan (ing. Apex Packs), eləcə də oyunun oyun-içi valyutası olan "Kraftinq materialları"nı (ing. Crafting Materials) xərcləməklə əldə etmək olar ki, "Kraftinq materialları" da "Zirvə boğçaları"dan çıxır. "Zirvə boğçaları" oyunçulara yeni səviyyəyə çatan zaman verilir, ancaq onlar "Zirvə boğçaları"nı mikro-ödənişlə də satın ala bilərlər. Yeni səviyyəyə çatan oyunçulara "Əfsanə jetonları" (ing. Legend Tokens) da verilir. Bu oyun-içi valyuta ilə yeni "Əfsanələr" və eksklüziv kozmetik əşyaları satın almaq olar. "Zirvə sikkələri" (ing. Apex Coins) real valyuta ilə satış alınır. Onlardan "Zirvə boğçaları"nı satın ala, "Əfsanələr"in kilidini aça və ya müəyyən kozmetik əşyalar satın ala bilərlər.

"Respawn Entertainment" gələcəkdə oyuna "Döyüş biletləri"ni (ing. Battle passes) də əlavə etmək istədiyini bəyan edib. Bu biletləri oyun-içi tapşırıqlarla əldə etmək olar və onlardan istifadə edərək mövsümi kozmetik əşyalar satın almaq olar. Oyunun ilk döyüş bileti və ilk yeni oynanıla bilən personajı 19 mart 2019-cu il tarixində buraxılmışdır.

Personajlar

Oyunda hal-hazırda səkkiz oynanıla bilən personaj mövcuddur ki, onların hər birinin 3 xüsusi bacarığı olur – passiv, taktiki və qəti. Onlar:

• Banqalor (ing. Bangalore; gerçək adı: Anita Vilyams, ing. Anita Williams)
• Bladhaund (ing. Bloodhound)
• Kostik (ing. Caustic, azərb. Zəhərli‎; gerçək adı: Aleksandr Noks, ing. Alexander Nox)
• Gibraltar (gerçək adı: Makoa Gibraltar)
• Layflayn (ing. Lifeline, azərb. Həyat xətti‎; gerçək adı: Acay Çe, ing. Ajay Che)
• Miraj (ing. Mirage; gerçək adı: Elliot Vitt, ing. Elliott Witt)
• Okteyn (ing. Octane, azərb. Oktan‎; gerçək adı: Oktavio Silva, ing. Octavio Silva)
• Petfaynder (ing. Pathfinder, azərb. Cığır tapan‎; gerçək adı: MRVN)
• Ureyt (ing. Wraith, azərb. Kabus‎)

Miraj və Kostik oyunçular üçün birbaşa mövcud olmur. Bu personajların kilidini ya mikro-ödənişlərlə, ya da ki, oyun-içi valyuta ilə satın almaq olar. Okteyn oyunun ilk döyüş bileti ilə birlikdə 19 mart 2019-cu il tarixində buraxılmışdır.

İstehsal

"Respawn Entertainment" əvvəllər "Titanfall" (2014) və davamı olan "Titanfall 2" (2016) video oyunlarını müstəqil bir studiya olarkən istehsal etmişdir, "Electronic Arts" şirkəti isə bu epizodları nəşr etmişdir. 2017-ci ildə "Electronic Arts" şirkəti "Respawn Entertainment" studiyasını satın almışdır.

"Respawn Entertainment" studiyası üçüncü bir "Titanfall" video oyunu üzrə işləyərkən studiyanın mütəxəssisləri 2017-ci ildə, "PlayerUnknown's Battlegrounds" video oyunu məşhurlaşdığı və kral döyüşü janrını populyar etdiyi bir vaxtda video oyun cəmiyyəti üzrə tədqiqatlar aparırdılar. "Respawn Entertainment" bundan əvvəl sağ qalma simulyatoru formatındakı "Titanfall" konsepsiyalarını sınaqdan keçirmişdi. Onların fikrinə görə, belə bir konsepsiya yaxşı alınmışdı. Buna görə də onlar bu konsepsiyalarla kral döyüşü janrı təməlində təcrübələr aparmağa başladılar. İstehsalçılar çox keçmədən idarə edilə bilən titanların digər oyunçular üçün əlverişsiz olacağı qənaətinə gəldilər və diqqətlərini "Titanfall" kainatına uyğun gələn güclü personaj sinifləri yaratmağa cəmləşdirməyə başladılar. Əlavə olaraq, "Respawn Entertainment" free-to-play video oyunlarında əldə edilən potensial gəlirlərdən faydalanmaq istəyirdi. Buna görə də studiyanın işçiləri "Zirvə" (Apex) ideyasını fikirləşdilər. Bu ideyaya əsasən, studiya səylərinin əksər hissəsini güclü bir ilkin buraxılış üçün sərf edəcək və buraxılışdan sonra yavaş-yavaş oyuna yeniliklər əlavə edəcəkdi. "Electronic Arts" şirkətinin vəzifəliləri bu yanaşma yoluna şübhəli baxırdılar və çox xətərli olduğunu hesab edirdilər. "Respawn Entertainment" studiyasının baş prodüseri Drü Makkoy "Fortnite Battle Royale" video oyununun cahanşümul müvəffəqiyyəti bu cür yanaşma yollarının əlverişli olduğunu sübut etmişdi.

"Respawn Entertainment" rəhbərliyinin israrı ilə "Electronic Arts" oyunun istehsalı barədə KİV-lərə heç bir məlumat vermədi. Beləliklə, oyunun marketinq kampaniyası olmadı. Drü MakKoyun dediyinə görə, onlar oyunçuların oyun barədə öz fikirlərini onlayn forumlar yerinə, fərdi təcrübə iə formalaşdırmasını istəyirdilər.

"Apex Legends" 2000-ci və 2010-cu illərin məşhur atıcılarından ilham almışdır. Bunlara "Bungie" studiyasının inkişaf edən süjetə malik "Halo" franşizası və "Destiny" video oyunu, " "Ubisoft" şirkətinin sadə bir formulu dinamik bir şəkildə dəyişdirmək üçün nəzərdə tutulmuş xüsusi siniflərə malik "Tom Clancy's Rainbow Six Siege" video oyunu və "Blizzard Entertainment" şirkətinin qəhrəman atıcı konsepsiyasını yenidən işləyən "Overwatch" video oyunu daxildir. Oyun "Source" mühərriki ilə hazırlanmışdır ki, bu mühərrikdən əvvəlki "Titanfall" epizodlarında da istifadə edilmişdir. Ağıllı kommunikasiya sistemi oyunun səsli danışıq sistemi olmadan bir ay sınaqdan keçirilməsindən sonra tamamlanmışdır. "Respawn Entertainment" studiyasının icraçı direktoru Vins Zampellanın dediyinə görə, istehsal komandası oyunun xəritə həcmi, hər raundda oynayan oyunçuların sayı və dəstə sayı kimi amilləri dəyişdirirərək sınaqdan keçiriblər və ən yaxşı variantın bir raundda hər dəstədə 3 oyunçu olmaqla ümumi olaraq, 60 oyunçunun oynaması olduğu qərarını alıblar.

Oyunun bazara buraxılmasından əvvəl MakKoy gələcəkdə "Apex Legends" üçün bir platformalararası oyun funksiyasını əlavə edəcəyini demişdir. Əlavə olaraq, MakKoy oyunu iOS, Android və Nintendo Switch platformaları üçün də buraxmaq istədiyini, ancaq bunu planlaşdırmadıqlarını bildirmişdir.

"Tencent" şirkətinin nümayəndələri "Apex Legends" video oyununu Çinə gətirmək barədə "Electronic Arts" şirkəti ilə danışıqlar apardığını açıqlamışdır. "Tencent" şirkəti oyunun ÇXR hökumətinin sərt təsdiq qanunlarından keçməsinə kömək edəcəyini vəd etmişdir.

Qəbul

Tənqidçilərin mövqeyi

Qəbul
Yekun xal Toplayıcı Xal Metacritic PC: 88/100 PS4: 89/100 XONE: 87/100 Tənqidi xallar Nəşriyyat Xal Destructoid 8.5/10 Game Informer 9.25/10 GameSpot 9/10 GamesRadar       IGN 9/10 PC Gamer (US) 93/100 JeuxVideo.com 17/20 The Guardian

Rəy toplayıcısı "Metacritic"ə əsasən "Apex Legends" bütün platformalarda "ümumiyyətlə yaxşı" rəylər almışdır. Oyun ilk həftəsində PlayStation 4 və Xbox One platformaları üzrə 2019-cu ilin ən yaxşı rəylər almış video oyununa çevrilmişdir. "Destructoid", "Game Informer", "GamesRadar+" və "PC Gamer" kimi publikasiyalar bu günə hazıranmış ən yaxşı kral döyüşü oyunlardan biri və "Fortnite Battle Royale" video oyununun janrda əldə etdiyi dominantlığın əhəmiyyətli bir rəqibi adlandırmışdır.

Tənqidçilər "Apex Legends" video oyunundakı döyüş sistemini tərifləmişdilər. "Destructoid" saytının işçisi Dan Römer oyunun silahdan istifadə sistemini kral döyüşüçü oyunlarındakı ən yaxşı silahdan istifadə sistemlərindən biri adlandırmışdır. O həmçinin, oyundakı silahdan istifadə sisteminin əvvəlki "Titanfall" epizodlarındakı silahdan istifadə sistemlərindən daha pis olduğunu vurğulamışdır. "Game Informer" publikasının jurnalisti Cevi Qualtni əksinə, əvvəlki "Titanfall" epizodlarındakı titanların və başqa elementlərin ləğvini dəstəklədiyini, oyunun silahdan istifadə sisteminin qane edici olduğunu demişdir. Əlavə olaraq, o, oyuna qəhrəmanların əlavə olması digər kral döyüşü oyunlarına nisbətən daha dəyərli döyüşlərin gerçəkləşməsinə imkan yaratdığını demişdir.

Tənqidçilər oyunun kommunikasiya sistemini də tərifləmişdilər. "Polygon" saytının mütəxəssisi Xi Hun Çan sistemin “naməhrəm şəxslərlə səsli danışıq aparmağı lüzumsuz etdiyi”ni hesab etmişdir. "Destructoid" saytının jurnalisti Dan Römer də oyunun bu funksiyasını tərifləmiş, eləcə də gələcəkdə kral döyüşü janrındakı oyunlarında bir standarta çevriləcəyini iddia etmişdir.

Oyunçu sayı və gəlir

Oyun buraxıldıqdan səkkiz saat sonra 1.000.000-dan çox oyunçunu cəlb etmişdir. Bu ədəd oyunun buraxılmasından 24 saat sonra 2.500.000-ə qalxmışdır. Oyun buraxılmasından bir həftə sonra 25.000.000, bir ay sonra isə 50.000.000 oyunçu cəlb etmişdir.

"Apex Legends" video oyunu 4 fevral 2019-cu ildə elan edilmişdir. Bu, "Electronic Arts" şirkətinin illik rüblük maliyyə nəticələri bəyan edilməzdən bir həftə əvvəl gerçəkləşmişdi. Bu nəticələr şirkətin sərmayədarlarını qane etməmişdi, buna görə də növbəti gün "Electronic Arts" dəyərini 13% itirmişdir. Buna baxmayaraq, "Apex Legends" video oyunu məşhurlaşdıqdan sonra analitiklər oyunun "Fortnite Battle Royale" video oyununun dominantlığına qarşı böyük bir təhlükə ola biləcəyini proqnozlaşdırmışdılar. 8 fevral 2019-cu ildə "Electronic Arts" 2014-cü ildən bəri əldə etdiyi ən böyük inkişafı qazanmışdır. Bunun təməlində "Apex Legends" video oyununun qəfil müvəffəqiyyəti dayanırdı.

Qeydlər

1. Bədən və baş üçün.
2. Oyunçulara bunu yerinə yetirməkləri üçün 90 saniyə və ya 1 dəqiqə 30 saniyə verilir.
3. Nəhəng mexaniki robotlar.

İstinadlar

1. "Apex Games". titanfall.fandom.com. İstifadə tarixi: 4 mart 2019.
2. "King's Canyon". titanfall.fandom.com. İstifadə tarixi: 4 mart 2019.
3. Herbiq, Danyel (5 fevral 2019). "Apex Legends: EA veröffentlicht kostenloses Battle-Royale-Spiel". www.heise.de (alman). heise online. 9 fevral 2019 tarixində . İstifadə tarixi: 2 mart 2019.
4. Harris, Layn (15 fevral 2019). "Apex Legends map: loot spots, Hot Zones and Respawn Beacons across Kings Canyon". www.pcgamesn.com. PCGamesN. 15 fevral 2019 tarixində . İstifadə tarixi: 4 mart 2019.
5. Gilyam, Rayan (5 fevral 2019). "Apex Legends: How to respawn teammates". www.polygon.com. Polygon. 6 fevral 2019 tarixində . İstifadə tarixi: 4 mart 2019.
6. Toms, Olli (1 mart 2019). "Apex Legends Ping guide - how to use Ping system, Ping Menu explained, Heal Requests". www.polygon.com. Rock, Paper, Shotgun. 2 mart 2019 tarixində . İstifadə tarixi: 4 mart 2019.
7. Qozlin, Osten (8 fevral 2019). "Apex Legends microtransactions guide: explaining Crafting Metals, Legend Tokens, and Apex Coins". www.polygon.com (ingilis). Polygon. 9 fevral 2019 tarixində . İstifadə tarixi: 2 mart 2019.
8. Rami, Cordan (4 fevral 2019). "Apex Legends Has A Battle Pass That's Just Like Fortnite's". www.gamespot.com (ingilis). GameSpot. 15 fevral 2019 tarixində . İstifadə tarixi: 2 mart 2019.
9. Qoslin, Osten (18 mart 2019). "Apex Legends battle pass comes out tomorrow alongside new character Octane". www.polygon.com (ingilis). Polygon. 19 mart 2019 tarixində . İstifadə tarixi: 20 mart 2019.
10. "EA Apex Legends Characters". www.ea.com (ingilis). Electronic Arts. 4 fevral 2019. 22 fevral 2019 tarixində . İstifadə tarixi: 2 mart 2019.
11. Gilyam, Rayan (12 fevral 2019). "Which Apex Legends character should you buy first?". www.polygon.com (ingilis). Polygon. 13 fevral 2019 tarixində . İstifadə tarixi: 5 mart 2019.
12. Statt, Nik (4 fevral 2019). "Respawn says it's 'putting a lot on the line' with Apex Legends' surprise launch". www.theverge.com (ingilis). The Verge. 7 fevral 2019 tarixində . İstifadə tarixi: 7 mart 2019.
13. Kampbell, Kolin (4 fevra 2019). "Why Respawn made a Titanfall game without Titans — and not Titanfall 3". www.polygon.com (ingilis). Polygon. 5 fevral 2019 tarixində . İstifadə tarixi: 7 mart 2019.
14. Ualton, Cerrod (4 fevral 2019). "Apex Legends performance analysis: which settings to disable for the best FPS". www.pcgamer.com (ingilis). PC Gamer. 7 mart 2019 tarixində . İstifadə tarixi: 7 mart 2019.
15. Arif, Şabana (7 fevral 2019). "Apex Legends: A month playtesting with no voice chat helped to develop the Smart Comms system". www.vg247.com (ingilis). VG247. 7 fevral 2019 tarixində . İstifadə tarixi: 7 mart 2019.
16. Takahaşi, Din (4 fevral 2019). "Respawn's Vince Zampella interview — Why you won't see Titans in Apex Legends". venturebeat.com (ingilis). 12 fevral 2019 tarixində . İstifadə tarixi: 7 mart 2019. (#parameter_ignored_suggest)
17. Kent, Emma (4 fevral 2019). "The world thinks we're making Titanfall 3 and we're not - this is what we're making" (ingilis). 5 fevral 2019 tarixində . İstifadə tarixi: 7 mart 2019.
18. Səid, Şərif (15 fevral 2019). "Tencent in talks to bring Apex Legends to China – report". www.vg247.com (ingilis). VG247. 15 fevral 2019 tarixində (#archive_missing_url). (#parameter_ignored); (#cite_web_url); (#accessdate_missing_url)
19. "Apex Legends for PC Reviews". Metacritic (ingilis). CBS Interactive. İstifadə tarixi: 7 mart 2019.
20. "Apex Legends for PlayStation 4 Reviews". Metacritic (ingilis). CBS Interactive. İstifadə tarixi: 7 mart 2019.
21. "Apex Legends for Xbox One Reviews". Metacritic. CBS Interactive. İstifadə tarixi: 7 mart 2019.
22. Römer, Dan (17 fevral 2019). "Review: Apex Legends". www.destructoid.com (ingilis). Destructoid. 27 fevral 2019 tarixində . İstifadə tarixi: 7 mart 2019.
23. Qualtni, Cevi (8 fevral 2019). "Apex Legends Review - Embracing The New Frontier". www.gameinformer.com (ingilis). Game Informer. 9 fevral 2019 tarixində . İstifadə tarixi: 7 mart 2019.
24. Hornshau, Fil (8 fevral 2019). "Apex Legends Review - Battle Royale The Way It Should Be". www.gamespot.com (ingilis). GameSpot. 8 fevral 2019 tarixində . İstifadə tarixi: 7 art 2019.
25. Ceyms, Ford (8 fevral 2019). "APEX LEGENDS REVIEW: "An immaculate battle royale that should only get better"". www.gamesradar.com (ingilis). GamesRadar+. 9 fevral 2019 tarixində . İstifadə tarixi: 7 mart 2019.
26. Petit, Stiven (11 fevral 2019). "Apex Legends Review". uk.ign.com (ingilis). IGN. 27 fevral 2019 tarixində . İstifadə tarixi: 7 mart 2019.
27. Deyvenport, Ceyms (11 fevral 2019). "Apex Legends Review". www.pcgamer.com (ingilis). PC Gamer. 12 fevral 2019 tarixində . İstifadə tarixi: 7 mart 2019.
28. Panthaa (4 fevral 2019). "Test : Apex Legends : Le Battle Royale free to play et tactique qui veut faire de l'ombre à Fortnite". www.jeuxvideo.com (fransız). Jeuxvideo. 6 fevral 2019 tarixində . İstifadə tarixi: 7 mart 2019.
29. Stüart, Kit (15 fevra 2019). "Apex Legends review – Fortnite has some stiff competition". www.theguardian.com (ingilis). The Guardian. 17 mart 2019 tarixində . İstifadə tarixi: 7 mart 2019.
30. Çan, Xi Hun (20 fevral 2019). "Apex Legends review: a more welcoming take on battle royale". www.polygon.com (ingilis). Polygon. 21 fevral 2019 tarixində . İstifadə tarixi: 7 mart 2019.
31. Makuç, Eddi (4 fevral 2019). "Apex Legends Hits 1 Million Players In 8 Hours". www.gamespot.com. GameSpot. 5 fevral 2019 tarixində . İstifadə tarixi: 5 mart 2019.
32. Arif, Şabana (February 6, 2019). "Apex Legends' first 24 hours saw the game draw in 2.5 million players". www.vg247.com. VG247. 6 fevral 2019 tarixində . İstifadə tarixi: February 6, 2019.
33. Makuç, Eddi (11 fevral 2019). "Apex Legends Hits 25 Million Players In A Week". www.gamespot.com. GameSpot. 11 fevral 2019 tarixində . İstifadə tarixi: 5 mart 2019.
34. Frank, Alleqra (4 mart 2019). "Apex Legends tops 50M players in first month". www.polygon.com. Polygon. 4 mart 2019 tarixində . İstifadə tarixi: 5 mart 2019.
35. Salinas, Sara (6 fevral 2019). "Gaming stocks got killed after earnings". www.cnbc.com. CNBC. 13 fevral 2019 tarixində . İstifadə tarixi: 5 mart 2019.
36. Liç, Kameron (8 fevral 2019). "EA Stock Jumps as Apex Legends Looks Like a Formidable Fortnite Competitor". www.bloomberg.com. Bloomberg L.P. 13 fevral 2019 tarixində . İstifadə tarixi: 5 mart 2019.
37. Huan, Yustans (18 fevral 2019). "'Fortnite' is not the only problem that major video game firms are facing, analysts say". www.cnbc.com. CNBC. 19 fevral 2019 tarixində . İstifadə tarixi: 5 mart 2019.

Xarici keçidlər

Məlumat

• "Apex Legends"-in rəsmi saytı
• Apex Legends MobyGames saytında
• Apex Legends "apexlegends.gamepedia.com" saytına  (ing.)  (rus.)

Treylerlər

• Apex Legends Official Launch Trailer — YouTube
• Apex Legends Gameplay Trailer — YouTube

Portal «Video oyunlar» portalı