Anar Şuşalı (kino sənətçisi)

Həsənov Anar Bəybala oğlu (Anar Şuşalı; 1982, Stepanakert) — prodüser, redaktor.

Anar Şuşalı
Anar Bəybala oğlu Həsənov
Doğum tarixi	1982
Doğum yeri	Stepanakert, DQMV, Azərbaycan SSR, SSRİ

Həyatı

Anar Şuşalı 1982-ci ildə Xankəndi şəhərində anadan olub. 1989-cu ildə Şuşa şəhər 4 N-li orta məktəbə gedib. 1992-ci il may ayının 8-də Şuşa şəhəri ermənilər tərəfindən işğal olunduqdan sonra məcburi olaraq Mingəçevir şəhərinə, ordan isə Bakı şəhərinə köçüb. Orta məktəbini Bakıda fəaliyyət göstərən Ağdam rayon 42 saylı məktəbdə davam etdirib. 2000-ci ildə məktəbi bitirib. Elə həmin il Azərbaycan İctimai-Siyasi Universitetinin jurnalistika fakültəsinə qəbul olunub. Qiyabi təhsil aldığı üçün 2001-ci ilin yanvar ayında həqiqi hərbi xidmətə gedib. Xidmətini başa vurduqdan sonra təhsilini davam etdirib. 2005-ci ildə universiteti fərqlənmə diplomi ilə bitirib. Təhsil aldığı müddətdə ixtisasına uyğun olaraq işləməyə başlayıb."Azərbaycan yolu" qəzetində müxbir, "Aydın Sabah" qəzetində müxbir, xüsusi müxbir, şöbə müdiri vəzifəsində işləyib. 2005-2007-ci illərdə "Lider" televiziyasının "Azərbaycan" redaksiyasının koordinatoru kimi fəaliyyətini davam etdirib. 2007-ci ilin dekabr ayından 2009-cu ilin aprel ayınadək "MZ" pradakşnda baş prodüser vəzifəsində çalışıb. 2009-cu ildən 2010-cu ilin yanvar ayının 31-nə dək "DRAYV" Pradakşn-ın kommersiya direktoru işləyib. 2010-cu ilin fevral ayının 2-dən 2016-cı ilin iyun ayına dək ANS televiziyasında "Marş" hərbi verilişin prodüseri işləyib. 2016-cı ilin dekabr ayından Lider televiziyasında yayımlanan "Əsgər andı" hərbi verilişin layihə rəhbəri və aparıcısıdır.2018-ci ilin sentyabr ayından 2019-cu ilin aprel ayınadək ATV telekanalında redaktor vəzifəsində çalışıb. 2019-cu ilin aprel ayının 1-dən Azərbaycan Televiziya və Radio Verilişləri Qapalı Səhmdar Cəmiyyətində baş redaktorun müavini, 2019-cu ilin noyabır ayında isə "Ekstrim" qrupun rəhbəri vəzifəsində işləyir.

Filmoqrafiya

1. "Hacı Mail" nağılı... (film, 2005)
2. "And Yerimiz Vətən" Hərbi vətənpərvərlik verilişi (2005)
3. Aqil Əliyev. Böyük alim, böyük insan (film, 2007)
4. Azərbaycan Respublikasının mayakları (film, 2006)
5. Bakı bağları. Buzovna (film, 2007)
6. Bakı bağları. Hövsan (film, 2007)
7. Bakı bağları. Maştağa (film, 2007)
8. Bakı bağları. Mərdəkan (film, 2007)
9. Bakı bağları. Nardaran (film, 2007)
10. Bakı bağları. Qala Xaşaxuna qala (film, 2007)
11. Bakı bağları. Saray. Goradil (film, 2007)
12. Bakı bağları. Şüvəlan (film, 2007)
13. Bakı bağları. Türkan (film, 2007)
14. Bakı bağları. Zirə (film, 2007)
15. Bakı xoreoqrafiya məktəbi 2005 (film, 2005)
16. Böyük ömrün 7 anı (film, 2007)
17. Dəniz borcu qaytarır (film, 2006)
18. Ərənlər (film, 2005)
19. Əziz Əliyev (film, 2007)
20. İkinci Dünya müharibəsi və Azərbayca (film, 2005)
21. İllər varlığımdırsa... (film, 2006)
22. Lider əsgər (veriliş, 2007)
23. Seçilmişlər (film, 2007)
24. Təbiətin xilaskarı (film, 2007)
25. Uğur formulu (film, 2007)
26. Vətən Sağ olsun! hərbi vətənpərvərlik verilişi (2007)
27. Liderin Ardınca (2008)
28. Forsaj Avtomobillər haqqında veriliş (2009 - 2010)
29. Marş Hərbi vətənpərvərlik verilişi (2010)
30. Blok Ada (2010)
31. Khojaly Genocide (film, 2005)
32. Səhra həkimi sənədli filmi 2017
33. Çətin yollar - sənədli filmi 2018
34. Əsgər andı - veriliş 2017
35. Döyüşçü - veriliş 2019
36. Ekoetika - veriliş 2019
37. "Başqa yaz" sənədli film 2021
38. "Unudulmaz gün" sənədli film 2021