Amvrosi Buçma
Amvrosi Maksimilianoviç Buçma ( ukr. Амвросій Максиміліанович Бучма; 2 [14] mart 1891, Lvov, Avstriya-Macarıstan – 6 yanvar 1957, Kiyev) — ukrayna sovet aktyoru, kinorejissor. Ukrayna SSR xalq artisti (1940). SSRİ xalq artisti (1944).
| Amvrosi Buçma | |
|---|---|
| ukr. Амвросій Максиміліанович Бучма | |
| Doğum adı | Amvrosi Maksimilianoviç Buçma |
| Doğum tarixi | |
| Doğum yeri | Lvov, Avstriya-Macarıstan |
| Vəfat tarixi | (65 yaşında) |
| Vəfat yeri | Kiyev, Ukrayna SSR, SSRİ |
| Vəfat səbəbi | Parkinson xəstəliyi |
| Dəfn yeri |
|
| Vətəndaşlığı | Avstriya-Macarıstan SSRİ |
| Fəaliyyəti | aktyor, kinorejissor, pedaqoq |
| Fəaliyyət illəri | 1905 — 1957 |
| Mükafatları | |
| IMDb | ID 0118210 |
| Vikianbarda əlaqəli mediafayllar | |
Həyatı
Amvrosi Buçma 14 mart 1891-ci ildə Lvovda anadan olub. 1905-ci ildən Lvovdakı "Ruska besida" teatrının aktyoru olmuş, faciə, dram, vodevil, opera və operetta kimi müxtəlif janrlarda çıxış etmişdir. 1914-cü ildə Birinci dünya müharibəsi zamanı Avstriya ordusuna çağırılmış, 1915-ci ildə Avstriya hərbi əsiri kimi Rusiyaya gətirilmişdir. 1917-ci ildən səhnə fəaliyyətinə qayıtmışdır. Kiyevdə Musiqili Dram İnstitutunda oxumuşdur. 1919-cu ildə "Yeni Lvov teatrı"nın rəhbəri olnuşdur. 1920-ci ildə İvan Franko adına teatrın yaradılmasında iştirak etmiş, 1921-ci ildə Çerkassı şəhərində İ. Franko adına Studiyanı yaratmışdır. 1922 — 1926 və 1930 — 1936-cı illərdə Kiyevdəki "Berezil" teatrının (1933-cü ildən Taras Şevçenko adına Xarkov teatrı) aktyoru olmuş, 1936-cı ildə yenidən İvan Franko adına Teatra qayıtmışdır. 1924-cü ildən kinoya çəkilmişdir. 1945 — 1948-ci illərdə Kiyev kinostudiyasının bədii rəhbəri işləmişdir. Kiyev Teatr Sənəti İnstitutunda dərs demişdir. Amvrosi Buçma 6 yanvar 1957-ci illərdə Kiyevdə vəfat etmişdir.
Mükafatları
- Ukrayna SSR əməkdar artisti (1932)
- Ukrayna SSR xalq artisti (1940)
- SSRİ xalq artisti (1944)
- Stalin mükafatı (1941, 1949)
- Lenin ordeni (07.04.1951)
- Üç dəfə "Qırmızı Əmək Bayrağı" ordeni
Filmoqrafiya
- Taras Şevçenko (film, 1926) — Taras Şevçenko
- Arsenal (film, 1928) — eynəkli alman əsgəri
- Aleksandr Parxomenko (film, 1942) — Maqsud
- İvan Qroznı (film, 1945) — Aleksey Basmanov
- Yenilməz insanlar (film, 1945) — Taras
- Kəşfiyyatçının igidliyi (film, 1947) — aqronom Leşşuk
Xarici keçidlər
- Amvrosi Buçma (ing.) Internet Movie Database saytında
- Амвросий Бучма на Мистецькій сторінці (ukr.)
- Амвросий Бучма. Судьба «умного Арлекина»
İstinadlar
- ↑ Бучма Амвросий Максимилианович // Большая советская энциклопедия: [в 30 т.] / под ред. А. М. Прохорова — 3-е изд. — М.: Советская энциклопедия, 1969.