2019 UEFA Avropa Liqası finalı

2019 UEFA Avropa Liqası finalı Avropa Liqasının 2018–19 mövsümünün final matçıdır. 29 may 2019-cu ildə Bakı Olimpiya Stadionunda keçirilmişdir.

Turnir	2018–19 UEFA Avropa Liqası
Çelsi Arsenal 4 1
Tarix	29 may 2019 (2019-05-29)
Yer	Bakı Olimpiya Stadionu, Bakı
Matçın adamı	Eden Hazard (Çelsi)
Hakim	Cian Luka Rokki (İtaliya)
Tamaşaçı	51370
Hava	Açıq hava 21 °C (70 °F) 74% rütubət
← 2018 2020 →

Finalda iki ingilis klubu – Arsenal və Çelsi üz-üzə gəldi. Bu artıq onuncu turnir finalıdır ki, eyni ölkənin komandaları üz-üzə gəlir. Finalda 4–1 hesabı ilə qalib gələn Çelsi 2019 UEFA Super Kuboku çərçivəsində 2018–19 UEFA Çempionlar Liqası qalibi ilə üz-üzə gəlib.

Bu mövsümdən etibarən UEFA Avropa Liqasının finalı ilə UEFA Çempionlar Liqasının finalı eyni həftədə baş tutacaqdır.. 2018-ci ilin martında UEFA matçda əlavə vaxtın oynanacağı təqdirdə komandalara dördüncü oyunçu əvəzetmə hüququnu verdi. Matçın start fiti Bakı vaxtı ilə 23:00-da səsləndi. Matçda həm də Avropa Liqası finalları tarixində ilk dəfə Video köməkçi hakimdən (VAR) istifadə olunmuşdu.

Məkan

 

Finala ev sahibliyi edən Bakı Olimpiya Stadionu

Bu final Azərbaycanda keçirilən ilk UEFA turnirinin finalı oldu. Stadion həm də UEFA Avro 2020-nin bəzi oyunlarına ev sahibliyi edəcək.

Seçimlər

İlk dəfə 9 dekabr 2016-cı ildə UEFA klub turnirlərinin finallarının keçirilməsiylə bağlı açıq təklif vermə prosesini başlatdı. Bununla bağlı assosiasiyalar öz maraqlarını 2017-ci ilin yanvarın sonuna kimi bildirməli idilər və rəsmi sənədləri həmin ilin 6 iyununa kimi təsdiqləməliydilər.

UEFA 2017-ci ilin fevralın üçündə finalla maraqlanan 6 assosiasiyanın olduğunu desə də, həmin ilin 7 iyununda sadəcə 3 federasiya UEFA-ya sənədlərini göndərmişdi:

2019 UEFA Avropa Liqası Finalı seçimləri

Ölkə	Stadion	Şəhər	Tutum	Qeyd
Azərbaycan	Bakı Olimpiya Stadionu	Bakı	69870	2019 UEFA ÇL finalına da seçim göndərmişdi
İspaniya	Ramon Sançez Pizxuan Stadionu	Sevilya	42500
Türkiyə	Vodafone Park	İstanbul	41903	2019 UEFA Super Kubokuna da seçim göndərmişdi

Təkliflərin dəyərləndirilməsi 14 sentyabr 2017-ci ildə UEFA tərəfindən dərc edildi. Bakı Olimpiya Stadionu sentyabrın 20-si UEFA İcraiyyə Komitəsi tərəfindən finalın keçiriləcəyi stadion olaraq seçildi. Vodafone Park isə 2019 UEFA Super Kubokuna ev sahibliyi etmək hüququ qazandı.

Finala gedən yol

Ətraflı bax: UEFA Avropa Liqası 2018/2019

Qeyd: E–ev, S–səfər oyunu

Çelsi				Mərhələ	Arsenal
Rəqib	Nəticə			Qrup mərhələsi	Rəqib	Nəticə
PAOK	1–0 (S)			1-ci matç	Vorskla Poltava	4–2 (E)
MOL Vidi	1–0 (E)			2-ci matç	Qarabağ	3–0 (S)
BATE Borisov	3–1 (E)			3-cü matç	Sportinq Lissabon	1–0 (S)
BATE Borisov	1–0 (S)			4-cü matç	Sportinq Lissabon	0–0 (E)
PAOK	4–0 (E)			5-ci matç	Vorskla Poltava	3–0 (S)
MOL Vidi	2–2 (S)			6-cı matç	Qarabağ	1–0 (E)
L qrupu birincisi # Klub O Q B M V.Q B.Q ± Xal 1   Çelsi 6 5 1 0 12 3 +9 16 2   BATE Borisov 6 3 0 3 9 9 0 6 3   MOL Vidi 6 2 1 3 5 7 –2 7 4   PAOK 6 1 0 5 5 12 –7 3				Qrupdakı son nəticələr	E qrupu birincisi # Klub O Q B M V.Q B.Q ± Xal 1   Arsenal 6 5 1 0 12 2 +10 16 2   Sportinq Lissabon 6 4 1 1 13 3 +10 13 3   Vorskla Poltava 6 1 0 5 4 13 –9 3 4   Qarabağ 6 1 0 5 2 13 –11 3
Rəqib	Ümumi nəticə	1-ci matç	2-ci matç	Finala doğru gedilən mərhələlər	Rəqib	Ümumi nəticə	1-ci matç	2-ci matç
Malmö	5–1	2–1 (S)	3–0 (E)	1/16 final	BATE Borisov	3–1	0–1 (S)	3–0 (E)
Dinamo Kiyev	8–0	3–0 (E)	5–0 (S)	1/8 final	Renn	4–3	1–3 (S)	3–0 (E)
Slaviya Praqa	5–3	1–0 (S)	4–3 (E)	1/4 final	Napoli	3–0	2–0 (E)	1–0 (S)
Ayntraxt Frankfurt	2–2 (3–4 pen.)	1–1 (S)	1–1 (ə.v) (E)	Yarı final	Valensiya	7–3	3–1 (E)	4–2 (S)

Oyun öncəsi

Səfir

 

Pier van Hoydonk finalın ulduz səfiridir

Final üçün ulduz səfir Niderlandlı məşhur futbolçu, Feyenoordla 2001–02 UEFA Kubokunun həm bombardiri həm də qalibi olmuş Pier van Hoydonkdur. O həm də 2002-ci il UEFA Super Kubokunda da Borussiya Dortmunda 2 qol vuraraq qələbənin qazanılmasında önəmli pay sahibi olmuşdu.

Biletlər

Xatırlatmaq lazımdır ki, Bakı Olimpiya Stadionunun tutumu 68700 nəfərdir. Final üçün satışa 64000 bilet çıxarılır. Bunların 37500 biletlik hissəsi Azərbaycan futbol sevərlərinə təqdim edilir. Buna hər iki finalda iştirak edən klubun tutacaqları 6000-lik yerlər də daxildir. Yerdə qalan 26500 bilet UEFA.com tərəfindən 4 qiymət kateqoriyasında satışa çıxarılır: €140, €90, €50 and €30. 4700 nəfərlik digər hissə isə yerli icraiyyə komitəsinə, təşkilatlara, ticari partnyorlara və sponsorlara, beynəlxalq telekanallara verilir.

Kubok turu

 

Kubokun Azərbaycanda səyahət trayektoriyası

 

Qara Qarayev Cocuq Mərcanlıda avtoqraf verərkən

Kubokun səyahət trayektoriyası Avropadan, daha dəqiq desək Cenevrə avtosalonundan 5 mart 2019-cu ildə başladı. Sevilya, Berlin, London, Milan, Moskva və Paris kimi şəhərləri gəzən kubok Bakıya 18 may 2019-cu ildə gəlib çatdı. Kubok Avropa Liqasının səfiri olan portuqaliyalı futbolçu Nunu Rikardo tərəfindən şəxsən təhvil verilib. Bundan sonra kubok Azərbaycanın regionlarında səyahətə yollanıb və respublikanın ikinci böyük şəhəri qədim Gəncə və Cəbrayıl rayonunun 2016-cı ildə işğaldan azad edilmiş Cocuq Mərcanlı kəndində dayanıb.

Qalmaqallar

 

Henrix Mxitaryan

Hər şey gözlənilmədən başladı. İlk hiddətlənən Bakıya getməyə heç hazırlaşmayan adam oldu – bu, Liverpulun alman baş məşqçisi Yürgen Klopp idi. O, finalın keçiriləcəyi günlərdə otellərdə və aviabiletlərə yüksək qiymətlərdən şikayətlənib və eyni zamanda deyib:

Bakı… Bu cür qərar qəbul edən uşaqların səhər yeməyinə nə yediklərini bilmirəm. Anlayışım yoxdur ki, ora necə getmək olar, Bakıya müntəzəm reyslər varmı. Finalların keçirilməsi haqqında qərarlar daha düşünülmüş və əsaslandırılmış olmalıdır. Bu məsuliyyətsizlikdir. Bu cür qərarların necə qəbul edildiyini bilmirəm.

Bundan əlavə, finala maraq gözləniləndən çox az idi. Belə ki, Azərbaycana reysin az olması və viza problemi ingilislərin finala isti yanaşmamasına səbəb oldu. Bu səbəblərə biletin və Bakıda olan otel və hostellərin baha olması da təsir göstərdi. Bu da azmış kimi, avropalıların Heydər Əliyev adına Beynəlxalq Hava Limanının çox kiçik olmasını deməsi, Azərbaycan tərəfinin hər iki London klubuna az yer ayırması bu qalmaqalları daha da qızışdırdı. Bu söz-söhbətlərin nəticəsində London klublarına ayrılan, satılması nəzərdə tutulan 12000 biletin heç yarısı da satıla bilmədi. Nəticədə hər iki finalçı satılmayan biletlərdən imtina etdi. Hətta, Arsenal klubu rəsmi açıqlama yayaraq UEFA-nın finalı Bakıda keçirmək qərarını "fiasko", "qəbul edilməz" bir vəziyyət olduğunu dilə gətirdi. Bundan öncə isə Britaniya Xarici İşlər Nazirliyi Bakını səyahət edən ingilislərə diqqətli olmağı tövsiyə etmişdi.

Qalmaqalları qızışdıran daha bir futbolçu var idi: Henrix Mxitaryan. Azərbaycan tərəfi əvvəllər də erməni idmançıların ölkəyə gəliş və gedişində heç bir problemin olmadığını dilə gətirərək Mxitaryanın da təhlükəsizliyinə tam zəmanət verdiyini desə də, Arsenal Mxitaryanın komanda yoldaşları ilə birgə Bakıya gəlməməsi barədə qərar verdi.

UEFA prezidenti Aleksander Çeferin də Almaniyanın Der Spiegel jurnalına müsahibə verərək bu qalmaqallara münasibət bildirib. O, final oyununun Bakıda keçirilməsi qərarını müdafiə edib:

Terror hücumlarının hədəfində olan Fransada Avropa çempionatını təşkil etməyi bacardıq. Futbol bu cür gərginliklərə görə dayandırılsa, gələcəkdə heç nə təşkil edə bilməyəcəyik. Aleksander Çeferin

Açılış mərasimi

İngilis DJ Conas Blu finalın açılış mərasimində 150 nəfər rəqsçinin müşayiəti ilə performans sərgilədi.

Oyun

29 may 2019 21:45 (Azərbaycan saatı ilə)

Çelsi   4 : 1 Hesabat   Arsenal Jiru   49' Pedro   60' Hazard   65' (pen.), 72' Qollar İvobi   69'

Olimpiya Stadionu, Bakı Tamaşaçı: 51370 Hakim:   Cian Luka Rokki

Çelsi

Arsenal

GK 1   Kepa Arrizabalaqa RB 28   Sezar Azpilikueta (K) CB 27   Andreas Kristensen   68' CB 30   David Luiz LB 33   Emerson Palmiyeri CM 7   N'Qolo Kante CM 5   Jorjinyo CM 17   Mateo Kovaçiç   76' RF 11   Pedro   56'   71' CF 18   Olivye Jiru LF 10   Eden Hazard Əvəzetmələr: GK 13   Villi Kabalyero GK 52   Ceymi Kamminq DF 3   Markos Alonso DF 21   Davide Zappakosta   89' DF 24   Geri Kehil DF 44   Etan Ampadu MF 8   Ross Barkli   76' MF 51   Konor Qalaqer MF 55   Corc Mekekran FW 9   Qonzalo İquayin FW 22   Vilyan   71' Baş məşqçi:   Mauritsio Sarri

GK 1   Petr Çex CB 5   Sokratis Papastatopoulos CB 6   Loran Koselni (K) CB 18   Naço Monreal   66' RM 15   Enzli Meytlend-Nayls CM 11   Lukas Torreyra   66' CM 34   Qranit Caka LM 31   Sead Kolaşinaç AM 10   Mesut Özil   77' CF 9   Aleksandr Lakazet CF 14   Pier-Emerik Obameyanq Əvəzetmələr: GK 19   Bernd Leno GK 44   Dejan İliev DF 12   Stefan Lixtştayner DF 20   Şkodran Mustafi DF 25   Karl Cenkinson MF 4   Mohamed Elneni MF 29   Matteo Gündüzi   66' MF 59   Co Villok   77' FW 17   Aleks İvobi   66' FW 23   Denni Uelbek FW 49   Eddi Nketia FW 87   Bukayo Saka Baş məşqçi:   Unai Emeri

Oyunun adamı: Eden Hazard (Çelsi) Hakim köməkçiləri: Filippo Meli (İtaliya) Lorenzo Manqanelli (İtaliya) Dördüncü hakim: Daniele Orsato (İtaliya) Video köməkçi hakim: Massimilyano İrrati (İtaliya)

Statistika

Birinci hissə Statistika Çelsi Arsenal Vurulan qollar 0 0 Ümumi zərbələr 5 4 Dəqiq zərbələr 2 0 Save-lər 0 2 Topa sahib olma 55% 45% Korner zərbələri 3 3 Faullar 8 6 Ofsaydlar 1 1 Sarı kartlar 0 0 Qırmızı kartlar 0 0

İkinci hissə Statistika Çelsi Arsenal Vurulan qollar 4 1 Ümumi zərbələr 9 11 Dəqiq zərbələr 6 2 Save-lər 1 2 Topa sahib olma 42% 58% Korner zərbələri 4 2 Faullar 6 5 Ofsaydlar 0 2 Sarı kartlar 2 0 Qırmızı kartlar 0 0

Oyun sonu Statistika Çelsi Arsenal Vurulan qollar 4 1 Ümumi zərbələr 14 15 Dəqiq zərbələr 8 2 Save-lər 1 4 Topa sahib olma 48% 52% Korner zərbələri 7 5 Faullar 14 11 Ofsaydlar 1 3 Sarı kartlar 2 0 Qırmızı kartlar 0 0

İstinadlar

1. "Çelsi 2019 UEFA Avropa Liqası kubokunun sahibidir !". UEFA.com. Union of European Football Associations. 29 may 2019. İstifadə tarixi: 29 may 2019.
2. "Finalda iştirak edəcək hakimlər bəlli oldu". UEFA.com. Union of European Football Associations. 13 may 2019. İstifadə tarixi: 13 may 2019.
3. "Full Time Summary Final – Chelsea v Arsenal" (PDF). UEFA.com. Union of European Football Associations. 29 may 2019. İstifadə tarixi: 29 may 2019.
4. "Tactical Lineups – Final – Wednesday 29 may 2019" (PDF). UEFA.com. Union of European Football Associations. 29 may 2019. İstifadə tarixi: 29 may 2019.
5. Финал Лиги Европы UEFA пройдет в Баку
6. UEFA Europa League final 2019 to be played on 29 May
7. "VAR UEFA turnirlərində istifadə edilir". UEFA.com. Union of European Football Associations. 3 dekabr 2018. İstifadə tarixi: 3 dekabr 2018.
8. "Bakı Avropa Liqası finalına ev sahibliyi edəcək". UEFA.com. Union of European Football Associations. 20 sentyabr 2017.
9. "UEFA klub turnirlərinin final seçimləri" (PDF). UEFA.
10. "15 assosiasiya 2019-da keçiriləcək turnirlərin finalı ilə maraqlanır". UEFA. 3 fevral 2017.
11. "Ten associations bidding to host 2019 club finals". 7 iyun 2017.
12. "UEFA Executive Committee agenda for Nyon meeting". UEFA.com. Union of European Football Associations. 7 sentyabr 2017.
13. "Arsenal draw Napoli in pick of Europa League quarter-finals". France 24. Agence France-Presse. 15 aprel 2019. 17 may 2019 tarixində . İstifadə tarixi: 17 May 2019.
14. "Feyenoordun UEFA kuboku möhürü". BBC Sport. British Broadcasting Corporation. 8 may 2002. İstifadə tarixi: 21 dekabr 2017.
15. "Europa League final: supporter information". arsenal.com. Arsenal FK. 9 may 2019. İstifadə tarixi: 13 may 2019.
16. "Bakıdakı finalda 37500 bilet əsas publikaya təqdim edilir". UEFA.com. Union of European Football Associations. 28 fevral 2019.
17. "Kia Motors ilk dəfə Avroliqa Kubok turunu start götürəcək". UEFA.com. Union of European Football Associations. 28 fevral 2019.
18. "Avropa Liqasının kuboku Cocuq Mərcanlıda". Oxu.az. 19 may 2019.
19. "Bakıdakı futbol finalı ətrafında qalmaqal. Qərəzli şərh". jam-news.net. 20 may 2019.
20. "Europa League final: Arsenal & Chelsea fans face difficult trip to Baku". BBC Sport. 9 may 2019. İstifadə tarixi: 11 may 2019.
21. "Liverpool, Tottenham, Chelsea and Arsenal fans criticise Uefa for final ticket numbers". BBC Sport. 11 may 2019. İstifadə tarixi: 11 may 2019.
22. Hughes, Matt (10 may 2019). "Baku airport 'too small to accommodate more Chelsea and Arsenal fans for Europa League final'". The Times. İstifadə tarixi: 12 may 2019.
23. Thomas, Lyall (23 may 2019). "Arsenal and Chelsea to send back up to 6,000 unsold Europa League final tickets". Sky Sports. İstifadə tarixi: 24 may 2019.
24. Dean, Sam (16 May 2019). "Arsenal furious at Europa League final in Baku: 'It is unacceptable and cannot be repeated'". The Telegraph. İstifadə tarixi: 17 may 2019.
25. "UEFA prezidenti Mxitaryanın Bakıya gəlməməsinə münasibət bildirib". Oxu.az. 24 may 2019.
26. "Jonas Blue to perform at UEFA Europa League final". Oxu.az. 22 may 2019. İstifadə tarixi: 29 may 2019.
27. Performansın uzaqdan çəkilmiş videosu
28. "Matçın statistikası" (PDF). UEFA.com. Union of European Football Associations. 29 may 2019. İstifadə tarixi: 29 may 2019.

Həmçinin bax

• 2019 UEFA Çempionlar Liqası finalı
• 2019 UEFA Super Kuboku