Əli-Səttar Quliyev

Əli-Səttar Quliyev — azərbaycanlı kinoprodüser, rejissor, ssenarist, Nizami Kino Mərkəzinin direktoru(2024)

Əli-Səttar Quliyev
Quliyev Əli-Səttar Elxan oğlu
Doğum tarixi	8 dekabr 1981(43 yaş)
Doğum yeri	Bakı,Azərbaycan, Azərbaycan SSR,
Milliyyəti	azərbaycanlı
Fəaliyyət illəri	2007-ci ildən
Mükafatları	Milli Kino Mükafatı

Həyatı

Əli-Səttar Quliyev 8 dekabr, 1981-ci il, Bakı şəhərində anadan olub.

Bakıdakı 134 nömrəli orta məktəbi bitirib. Uşaqlıqdan teatr və kinoya maraq göstərib, 11 yaşından məktəb teatrında və KVN-in tamaşalarında iştirak edib.

Ailəlidir, 2 övladı var.

Fəaliyyəti

2002-ci ildə Azərbaycan Dövlət Mədəniyyət və İncəsənət Universitetinin kino rejissorluğu fakültəsini bitirib. Hərbi xidmətdən sonra, 2003-cü ildə magistraturaya daxil olub və həmin fakültəni qırmızı diplomla bitirib. Həmçinin Azərbaycan Dövlət İqtisad Universitetində (2004-2006) təhsil alıb.

Azərbaycan televiziyasında çalışıb. 2007-ci ildə öz prodüser mərkəzini yaradıb, əvvəlcə musiqi klipləri və reklam çarxları çəkməklə işə başlayıb. “Azercell”də müştəri xidmətləri (2003-2007), İz Productionda art direktor (2008-2012), “Tonica Production”da menecer (2012-2016), “Azanfilm” studiyasının direktor müavini (2011-2015), 2015-2023-cü illərdə “Mozalan” studiyasının direktoru vəzifəsində çalışıb.2023-2024-cü illərdə Gənclər və İdman Nazirliyində rejissor işləyib. 2024-cü ildə “Nizami” Kino Mərkəzinə direktor təyin olunub.

2011-2014-cü illərdə Beynəlxalq Kann festivalında Mədəniyyət və Turizm Nazirliyi tərəfindən təşkil olunmuş nümayəndə heyətinin üzvü olub. Filmləri Kann,Sarayevo, Tamprera, Kazan, Daşkənd, Düşənbə, Tbilisi beynəlxalq festivallarında iştirak edib.

Mükafatları

• 2023-cü il "Stadionlar Səssiz olanda" filmi — İlin ən yaxşı idman filmi
• 2024-cü il Azərbaycan Kinematoqrafçılar İttifaqının Milli Kino Mükafatı
• 2024-cü il Azərbaycan mədəniyyətinin inkişafında xidmətlərinə görə - Azərbaycan Respublikası Mədəniyyət Nazirliyinin Təşəkkürnaməsi

Filmoqrafiya:

Prodüser kimi:

1. .Susma (2012, qısametrajlı bədii film)
2. .Gil (2013, qısametrajlı bədii film)
3. .Əlifba (2016, animasiya filmi)
4. .Mozalan No. 196-199 (2016-2021, kinojurnal)
5. .Son payız (2022, qısametrajlı bədii film)
6. .İkinci planetin qırmızı rəngi (2024, qısametrajlı bədii film)
7. .Sanki yoxsan (2024, qısametrajlı bədii film)

İcraçı prodüser kimi:

1. .Tarın sədaları. Mansurovlar (film, 2013)
2. .Fikrət Əmirov (2022, sənədli film)

Rejissor, ssenari müəllifi, prodüsor kimi:

1. .Çardaq (2016, qısametrajlı bədii film)
2. .Əlvida, Şmidt! (film, 2019)
3. .Olimpia (2021, tammetrajlı bədii film)
4. .Mən qardaşımı axtarıram (2022, qısametrajlı bədii film)
5. .Stadionlar səssiz olanda (film, 2023)

İstinadlar

1. Senet.az. "Nazir Müşfiq Hətəmovu Əlisəttar Quliyevlə əvəzlədi" (az.). Senet.az. 12-11-2015. 2024-10-22 tarixində arxivləşdirilib. İstifadə tarixi: 12-11-2015.
2. Musavat.com. "Əlisəttar Quliyev direktor TƏYİN OLUNDU" (az.). Musavat.com. 27-08-2024. 2024-10-22 tarixində arxivləşdirilib. İstifadə tarixi: 27-08-2024.
3. Teleqraf.com. "Azərbaycan filmi Kannda yarışır: "Böyük qürurdur" - Əli Səttar Quliyev" (az.). [1]. 24-04-2024. 2024-10-22 tarixində arxivləşdirilib. İstifadə tarixi: 24-04-2024.
4. Mys.gov.az. "Gənclər və İdman Nazirliyi 2023-cü ilin idman yekunlarına həsr olunmuş qala mərasimi keçirib" (az.). Mys.gov.az. 2023-12-26. 2024-10-22 tarixində arxivləşdirilib. İstifadə tarixi: 2023-12-26.
5. Kulis.az. ""Kino günü" ənənəvi mükafatının qalibləri açıqlandı" (az.). Kulis.az. 2024-08-01. 2024-10-22 tarixində arxivləşdirilib. İstifadə tarixi: 2024-08-01.

Xarici keçidlər

• Azərbaycan filmi Kannda yarışır: "Böyük qürurdur" - Əli Səttar Quliyev
• Avropa çempionuna həsr edilmiş filmin təqdimatı olub
• Azərbaycanlı rejissorun filmi Sankt-Peterburqda nümayiş etdirilib
• "Film Bakı və Zaqatala ərazisində çəkilib" - Əli-Səttar Quliyev
• "İki tüstü" adlı 18+ film çəkildi - Azərbaycanda - VİDEO