İrəli (ictimai birlik)

"İrəli" İctimai Birliyi (ing. Ireli Public Union) — Azərbaycan Respublikasının gənclər sahəsində fəaliyyət göstərən qeyri-hökumət təşkilatı.

"İrəli" İctimai Birliyi İrəli İB
Növü	Qeyri-hökumət təşkilatı
Yaranma tarixi	26 avqust 2005
Qeydiyyat tarixi	19 fevral 2009
Rəsmi dili	Azərbaycan dili
Mərkəzi	Azərbaycan
Sədr	Şahin Rəhmanlı
Üzvləri	5 000 nəfərdən çox (2020)
www.ireli.az

Tarixi

"İrəli" İctimai Birliyi 26 avqust 2005-ci ildən gənclər hərakatı kimi faliyyətə başlayıb. Əsas məqsədi Azərbaycan da gənclər siyasətini həyata keçirmək və gənclərin inkişafına nail olmaqdır. 3 illik fəaliyyətdən sonra "İrəli" İctimai Birliyi öz fəaliyyətlərini gənclər hərakatı kimi dayandıraraq 24 dekabr 2008-ci ildə yenidən quruldu. .

Ceyhun Osmanlı 24 dekabr 2008-ci ildə Azərbaycan dovlət flarmoniyasında 380 nəfər nümayəndənin iştirakı ilə keçirilən konfransda "İrəli" İctimai Birliyinin sədri seçilmişdir. Konfransdan sonra 16 aprel 2009-cu ildə birinci yığıncaq keçirilib və burada heyət üzvləri, katibliyin əsasnaməsi və baş katib təsdiqlənib.

İrəli ictimai birliyi 19 fevral 2009-cu ildə Azərbaycan Respublikası Ədliyyə Nazirliyi tərəfindən dövlət qeydiyyatına alınıb.

Rauf Mərdiyev 5 may 2012-ci ildə keçirilən II hesabat-seçki konfransında təşkilatın yeni sədri seçilib. Bu vaxta qədər Rauf Mərdiyev 2010-cu ildən 2012-ci ilə qədər baş katib kimi işləyib.

27 iyun 2014-cü ildə İrəli ictimai birliyi nin IV hesabat-seçki konfransı keçirilib. İrəli ictimai birliyi nin yeni sədri üçün seçki prosesində təşkilatın üzvüləri yekdilliklə Mirhəsən Seyidovu təşkilatın yeni sədri olaraq seçiblər. O vaxta kimi Mirhəsən Seyidov Azərbaycan Respulikası Gənclər Təşkilatlarının sədr müavini vəzifəsində işləmişdir. Mirhəsən Seyidov 19 dekabr 2016 -cı ildə keçirilən V Hesabat-seçki komfransında açıq səs vermə nəticəsində idarə heyətinin sədri təyin edilib.

25 dekabr 2017 -ci il tarixində təşkilatın hesabat konfransı keçirilib. Birliyin 2016-2017-ci illərdəki fəaliyyətindən bəhs edən videoçarx dövlət rəsmiləri, KİV nümayəndələri, təşkilata üzv olan gənclərə nümayiş etdirilib. İrəli İctimai Birliyinin sədri Mirhəsən Seyidov təşkilatın hesabat dövründəki fəaliyyətinin yekunları ilə bağlı məruzə ilə çıxış edib. Bildirib ki, il ərzində qurum gənclərin inkişafı istiqamətində səmərəli fəaliyyət göstərib. Təşkilatın reallaşdırdığı tədbir və layihələr iki mindən çox gənci əhatə edib. Bundan başqa, fərdi gənclərin təşəbbüskarı olduğu 12 layihə həyata keçirilib ki, onların əhatə dairəsi 300 gənci keçib. İl ərzində təşkilata üzv olmaq üçün 2744 gənc müraciət edib. Qeyd edilib ki, “İrəli” komandası 23.12.17 tarixində 4 aprel hadisələri zamanı əsgərlərimizin birlik, vətən sevgisini göstərərək aldığı Lələtəpə postunun yaxınlığında yerləşən Cocuqmərcanlıya və Cəbhə bölgəsində yerləşən N saylı hərbi hissəyə gedib, ad günü tortunu əsgərlərlə birlikdə kəsib.

25 dekabr 2018 - ci ildə İrəli ictimai birliyi nin VI hesabat-seçki konfransı keçirilib. Konfransda təşkilatın 4 illik fəaliyyətinin hesabatı öz əksini tapıb. İlk olaraq konfransın reqlamenti təsdiqlənib. Daha sonra “İrəli” İctimai Birliyinin sədri Mirhəsən Seyidov çıxış edərək təşkilatın 2016-2018-ci illərdə baş tutan fəaliyyəti haqqında hesabat verib. Daha sonra, birliyin 2014-2018-ci illərdəki fəaliyyətindən bəhs edən hesabat videoçarxı dövlət rəsmiləri, KİV nümayəndələri, təşkilata üzv olan gənclərə nümayiş etdirilib. Təşkilatın idarə heyətinə namizədlər haqqında hazırlanan videoçarx təqdim edilib. Açıq səsvermə yolu ilə sədr təsdiqlənib. Seçki prosesi sədrin seçilməsi ilə başa çatıb. Səs çoxluğu ilə Mirhəsən Seyidov idarə heyətinin rəhbəri seçilib.

19 may 2020 - cil ildə onlayn formatda “İrəli” İctimai Birliyinin VII Hesabat-Seçki konfransı keçirilib. Konfransda ilk olaraq “İrəli” İctimai Birliyinin Baş katibi Şahin Rəhmanlı qurumun fəaliyyətinə dair hesabat məruzəsi ilə çıxış edib. “İrəli” İB online formatda 3 iri silsiləli layihə həyata keçirib və hazırkı hesabat-seçki konfransı da bu onlayn fəaliyyətin bir təzahürüdür. Hesabat məruzəsindən sonra təşkilatın İdarə Heyətinə seçki keçirilib. Namizədlər haqqında təqdimat nümayiş olunub və səsvermə prosesinə başlanılıb. İdarə Heyətinə üzvlər təsdiqləndikdən sonra Şahin Rəhmanlı səs çoxluğu ilə İctimai Birliyin İdarə Heyətinin yeni sədri seçilib.

Məqsədlər

İrəli ictimai birliyinin əsas məqsədi dövlət gənclər siyasətinin inkişafına dəstək ola biləcək hər bir gəncin təşəbbüslərinin bütün sahələrdə stimullaşdırmaq və gənclər siyasətində yaxından cəlb olunan və ölkənin maraqlarını qoruyan vətəndaş cəmiyyətinin formalaşmasında iştirak etməkdir. Həmçinin, bu sahədə çalışan dövlət orqanları, qeyri- hökumət təşkilatları ilə qarşılıqlı əlaqələri gücləndirmək və mövcud əməkdaşlıqları artıraraq Azərbaycanın gənclər siyasətinə töhfə vermək Ictimai Birliyin prioritet məqsədlərindəndir.

İstiqamətlər

1. Dövlət gənclər siyasətinin inkişafında yaxından iştirak etmək və gənclərin dinamik inkişafındakı rolunu daha da inkişaf etdirmək.
2. Gənclərdə müasir düşüncə tərzinin formalaşması
3. İctimai və sosial həyatın, cəmiyyət quruculuğunun bütün sferalarında gənclərin təmsil olunması
4. Gənclərin ölkəmiz üçün layiqli vətəndaş kimi yetişməsi
5. Azərbaycançılıq, dövlətçilik dəyərlərinin qorunması
6. Beynəlxalq platformalarda ölkənin ictimai və siyasi maraqlarının qorunması - Mədəni və tarixi irsin təbliğ olunması
7. Beynəlxalq rəqabətə davamlı gənclik

Struktur

İrəli ictimai birliyinə üzvlük fərdi və kollektiv qaydada həyata keçirilir. 2019 -cu ilin may ayına olan məlumatlara görə 5 000 nəfərdən çox gənc "İrəli"-nin üzvüdür. Təşkilata üzvlük müraciət əsasında həyata keçirilir.

"İrəli" İctimai Birliyinin rəhbər vəzifələri

İrəli ictimai birliyində seçkili orqandır, ali orqanı konfrans hesab olunur. İrəli ictimai birliyi hər il Hesabat konfransı keçirir, fəaliyyəti haqqında cəmiyyətə hesabat verir. Hər iki ildə isə birliyin "Hesabat-Seçki" Konfransı keçirilir. Hesabat-Seçki konfransında birliyin Sədr və Mərkəzi Nəzarət-Təftiş Komissiyasına seçkilər keçirilir. Birliyin ümümi fəaliyyətini sədr həyata keçirir.

• Sədr
• Sədr müavinləri
• İdarə heyəti
• Mərkəzi Nəzarət Təftiş Komissiyası

İdarə heyətinin üzvləri: Əfsanə Şükürova, Fatimə Məsimli, Azər Əmirov, Elmar Məmmədov, Anar Qurbanov, Elvin Səhətbəyli, Orxan Rüstəmov

"İrəli" İctimai Birliyinin Sədri

• Şahin Rəhmanlı

Katiblik

• Sədr müavini
• Baş katib
• Mətbuat üzrə katiblik
• Layihələrlə iş üzrə katiblik
• Beynəlxalq əlaqələr üzrə katiblik
• İnsan resursları üzrə katiblik
• Sosial iş üzrə katiblik
• "İrəli" Media Mərkəzi
• İRadio

Layihələr

İrəli ictimai birliyi Azərbaycan Respublikasının Dövlət Gənclər siyasətinə töhfə vermək məqsədilə fəaliyyətinin 2014-2018 illər ərzində 27 geniş tərkibli layihə həyata keçirmişdir. Bu layihələr sırasında gənclərin təşkilatlarda rolunu əks etdirən, onlara stimul verən “Mənim Gənclər Təşkilatım”, ali təhsil müəssisələrində təhsil alan gənclər arasında şəbəkələşməni və onların idarəetmə qabiliyyətlərini artırmaq məqsədilə “Şəxsi İnkişaf Akademiyası”, gənclərin beynəlxalq arenada Azərbaycanı layiqincə təmsil etməsi üçün “Nəzər Nöqtəsi”, region gənclərini bir yerə toplayan “Region Gənclərinin əməkdaşlıq forumu”, ölkə gəncliyinin iqtisadi, sosial məsələlərlə bağlı problemlərin həll olunmasında aktiv iştirakının təmin edilməsinə kömək edən "Gənclərin Simulyasiya Akademiyası", gənclərin gənc və peşəkar jurnalistlərlə əlaqələrin möhkəmləndirilməsi "Gənc Əkinçi" layihəsi, müxtəlif idman oyunları üzrə universitetlərarası çempionat keçirərək gənclər arasında sağlam həyat tərzini təbliğ edən "Gənclər Kuboku" layihəsi, regionların intellektual gənclərini bir yerə toplayan "Azərbaycan İntellektual Birincisi", ölkə gəncliyinin hərbi vətənpərvərlik ruhunun, gənclərin düşüncəsində vətənə sədaqət məfkurəsinin genişləndirilməsinə ehtiva edən "Marş İrəli" layihəsi, Azərbaycanda könüllülük ideyalarının aşılanması, vətəndaş cəmiyyətinin düzgün istiqamətə yönləndirilən “Support of Azerbaijan Youth" layihələri, Dağlıq Qarabağ münaqişəsi ilə bağlı həqiqətləri gün üzünə çıxarmaq və Azərbaycanın haqqlı mövqeyini dünya ictimaiyyətinə çatdırmaq məqsədilə keçirilmiş "Münaqişə tərəfi Azərbaycan- Həqoqətlər və Reallıqlar", Azərbaycan həqiqətləri, mədəniyyəti, tarixi, incəsənətinin virtual məkan vasitəsilə istər ölkədaxili, istərsə də beynəlxalq sferada geniş oxucu kütləsinə sahib olaraq dünyaya çatdırmasını təmin edən "Virtual Məkanda Azərbaycan" layihəsi, gənclərin təhsil müddətində əldə etdiyi nəzəri biliklərin praktikada möhkəmləndirən "Milli Təcrübə Forumu" layihələrinin və bir sıra digər layihələrin icraları başa vurulmuşdur.

Ümumi olaraq keçirilmiş layihələr çərçivəsində 16.714 nəfərdən artıq gəncin müraciətinə baxılmışdır. Onlardan 8439 gənc birbaşa olaraq layihələrdə iştirakçı adını qazanmışdır. İştirakçıların 66%-dən çoxu region gəncləri olmuşdur. Layihələr boyunca 182 müxtəlif mövzuda təlim sessiyası təşkil edilmişdir.

Mənim Gənclər Təşkilatım

İrəli ictimai birliyi nin Azərbaycan Respublikasının Prezidenti yanında Gənclər Fondu ilə birgə Göygöl şəhərində 2014 -cü ildə reallaşdırdığı “Mənim gənclər təşkilatım” layihəsi ümumilikdə gənclər təşkilatının quruculuğunu, onun strukturunun formalaşdırılması yönündə həyata keçirilən bir layihədir. Layihə çərçivəsində gənclər təşkilatının tam şəkildə fəaliyyət göstərməsi və inkişaf etməsi üçün lazım olan katibliklərdən ibarət komandalar formalaşıb. Ümumilikdə 7 region gənclərini əhatə edən layihənin əsas məqsədi təşkilatın quruculuğu, onun strukturu, işləmə mexanizmi, idarə olunmasında yaxından tanışlıq, gənclərin layihədə iştirakını artırmaqla ,onların inkişafına dəstək vermək olub. Layihənin əsas məqsədi gənclər təşkilatlarının fəaliyyət göstərmədiyi 7 şəhər və rayonun – Şəmkir, Göygöl, Balakən , Yevlax, Tərtər , Qəbələ və Sabirabadın gənclərini təşkilatın quruluşu, strukturu, işləmə mexanizmi, idarə olunması sahəsində maarifləndirmək, onların cəmiyyətdə fəallığını artırmaqdır. 7 katiblik üzrə düşərgə formatında keçirilən təlimlərdə insan resursları, ictimaiyyətlə əlaqələr, maliyyənin idarə olunması, layihələrin idarə olunması və menecment və beynəlxalq əlaqələr üzrə gənclərə məlumatlar verilib. Layihə nəticəsində 7 regiondan 4-ü təşkilatlanmaq üçün müvafiq qurumlara müraciət etmişlər.

Şəxsi İnkişaf Akademiyası

“İrəli” İctimai Birliyi və Azərbaycan Respublikasının Prezidenti yanında Gənclər Fondunun birgə layihəsi olan və 2014-cü ildə Bakı şəhərində keçirilən “Şəxsi İnkişaf Akademiyası” layihəsi regionlarda və universitetlərdə “İrəli” İctimai Birliyinin nəzdində fəaliyyət göstərəcək koordinatorluqların, eləcə də ali təhsil müəssisələrində fəaliyyət göstərəcək gənclərin idarəetmə qabiliyyətlərinin artırılmasına, vətənpərvərlik, azərbaycançılıq, dövlətçilik prinsipləri əsasında, cəmiyyətin ictimai-siyasi, sosial-iqtisadi və mədəni həyatında fəal iştirakının artırılmasını təmin edib. Layihələrin yazılma mexanizmi və idarə edilməsi, ictimaiyyətlə əlaqələr və PR, komanda quruculuğu və hökumətdə qərar qəbulu prosesində gənclərin rolu kimi maraqlı mövüzalarda təlimlər keçirilib. Layihəyə 10 region və 13 universitetin nümayəndələri cəlb olunub.

Nəzər Nöqtəsi

“Nəzər Nöqtəsi”, “İrəli” İctimai Birliyi və Azərbaycan Respublikasının Prezidenti yanında Gənclər Fondu ilə birgə 2014-cü ildə həyata keçirilib. Layihənin əsas məqsədi dünya arenasında Azərbaycan adını yüksəldə bilən gənclərin hazırlanması, beynəlxalq rəqabətə davamlı gənclərin yetişdirilməsi, dünya arenasına “Mən fəxr edirəm ki, azərbaycanlıyam” fəlsəfəsini çatdırıb, izah edib, təbliğ etmək olub. Layihə çərçivəsində gənclər 5 gün ərzində təlimləndirildikdən sonra aldığı bilikləri tətbiq etmək imkanları qazanıblar. Təlimlər ümumi olaraq “Azərbaycanın siyasəti”, “Komanda quruculuğu”, “Dövlət quruculuğu”, “Siyasi analiz və təhlil”, Dağlıq Qarabağ haqqında olub. Layihə Azərbaycan Gənclər və İdman Nazirliyi tərəfindən “gənclər paytaxtı” seçilən Quba şəhərinin Gənclər Mərkəzində keçirilib.

“Yaşıl Standart“ Sertifikatlaşdırma sistemi

Layihə Azərbaycanda ictimaiyyətin Ətraf Mühit problemlərinə biganə qalmamasına dəstək olmuşdur. “Yaşıl Standart” layihəsi çərçivəsində ilk növbədə “Yaşıl Ofis” standartları yaradılmış, bu standartlar ümumdünya təcrübəsinə əsaslanaraq hər hansı bir ofisin fəaliyyəti zamanı, ətraf mühitə vurduğu ziyanın minimuma çatdırılması üçün uyğun şəraiti formalaşdırmışdır . Həmçinin, “Yaşıl Standart” Sertifikasiya Sistemi həm “İRƏLİ” İctimai Birliyində, həm də Azərbaycanda ekoloji monitorinq və qiymətləndirmə potensialının artırılmasına səbəb olub. İlkin olaraq, xarici ölkələrin təcrübəsinə malik olan, beynəlxalq ekspertlər dəvət olunmuş və yerli ekspertlər `ilə əməkdaşlıq quraraq, yeni Azərbaycana adaptasiya olunan “Yaşıl Standart” sistemi yaradılmışdır. Yaradıldıqdan sonra, açıq elan vasitəsi ilə, layihədə iştirak etmək istəyən qurumların ərizələri gəbul olunmuşdur. Seçilmiş qurumlar ilkin olaraq “Yaşıl Standart” modulu ilə tanış olmuş, bundan sonra auditdən keçərək sertifikasiya sistemində iştirak etmişlər. Həmçinin paralel olaraq “Yaşıl Standart” Təlim modulu yaradılmış və təlimləndirmə zamanı seçilmiş 20 nəfərdən ibarət olan gənclər qrupu – “multiplayer”-lər hazırlamışdır. Multiplayerlər Ekoloji informasiya və biliklərin əldə edilməsi, istifadəsi və qiymətləndirilməsi üzrə təşkilatın potensialını təşkil etmişlər. Təlimləndirmə 2015-2016-cı illərdə davam etmişdir.

Xaricdən milli baxış

“Xaricdən Milli Baxış” forumu, 2016-cı ildə İstanbulda “İrəli” İctimai Birliyi və İnsan Kapitalının İnkişaf Mərkəzinin (İNDEX) birgə təşkilatçılığı ilə keçirilmişdir. Azərbaycan Respublikasının Prezidenti yanında Gənclər Fondunun dəstəyi ilə keçirilən Forumda 19 ölkədən 20 gənclər təşkilatının nümayəndələri iştirak edib. Layihənin əsas məqsədi Azərbaycandan kənarda yaşayan və təşkilatlanmış fəal Azərbaycan gənclər təşkilatlarını bir araya gətirmək və beynəlxalq aləmdə ölkəmizlə bağlı görülən işlərin səmərəsini daha da artırmaq olmuşdur. Tədbirin yekununda Forum iştirakçıları, o cümlədən Rusiya, Ukrayna, Belarus, Gürcüstan, Polşa, İspaniya, Macarıstan, Norveç, Türkiyə , Çexiya , İtaliya, Rumıniya, Litva, Şimali Kipr və s. ölkələrdə fəaliyyət göstərən Azərbaycan gənclər təşkilatlarının təmsilçiləri birgə bəyanat yaymışlar. Bəyanatda deyilir: “Biz, dünya azərbaycanlıları olaraq ölkəmizi xaricdə təmsil etməkdən qürur duyur və bunun məsuliyyətini hər zaman öz üzərimizdə dərk edirik. Ümummilli lider Heydər Əliyev in “Mən fəxr edirəm ki, azərbaycanlıyam” ifadəsi indi hər birimizin həyat devizinə çevrilib. Məqsədimiz ölkəmizlə bağlı doğru informasiyaları, Azərbaycanın qısa müddət ərzində keçdiyi inkişaf yolunu, xalqımıza xas olan milli dəyərləri, Ermənistanın xalqımıza qarşı törətdiyi soyqırımı və işğalçılıq siyasətini yaşadığımız ölkələrin, eləcə də dünyanın diqqətinə çatdırmaq, ədalətin bərqərar olunmasına nail olmaqdır”.

Regional Youth Cooperation Forum

“Region Gənclərinin Əməkdaşlıq formu” layihəsi 2016-cı il 24-27 iyunda, “İrəli” İctimai Birliyi və Azərbaycan Respublikasının Prezidenti yanında Gənclər Fondunun dəstəyi ilə Gəncədə baş tutub. Layihənin əsas məqsədi, “Azərbaycan gəncliyi 2011-2015-ci illərdə” Dövlət Proqramı çərçivəsində istifadəyə verilən «Gənclər Ev»ləri və “Gənclər Mərkəz”ləri yerləşən regionlarda, bölgələrdə gənclərin şəxsi inkişafına təkan vermək, “Gəncə-2016-cı il Avropa Gənclər Paytaxtı” layihəsinə dəstək olmaq gənclərin üçün birgə fəaliyyətlərini stimullaşdırmaqdan ibarət olmuşdur. Layihə müddətində Regional İnkişaf İctimai Birliyi nümayəndələri gənclərə təşkilatın gördüyü işlər haqqında ətraflı məlumat verib. Gənclərlə birgə müzakirələ həyata keçirilmiş və iştirakçıların sualları əməkdaşlar tərəfindən cavablandırılıb. Gənclər öz ideyalarını, istəklərini bildirərək, bu ideyaların həyata keçirilməsi üçün müəyyən məsləhətlər, biliklər əldə etmişlər.

13 region, 65 gənc

SAY (Support of Azerbaijan Youth)

Azərbaycanda keçirilməsi nəzərdə tutulan layihələrin keçirilməsi və təşkili zamanı könüllülər böyük rol oynayır. Ölkəmizdə, könüllülük fəaliyyəti ilə əsasən gənclər məşğul olur və gənclər ölkə əhalisinin 35%-ini təşkil edir. Buna görə də, “İRƏLİ” İctimai Birliyi, beynəlxalq tədbirləri ( Baku 2015 Avropa Oyunları, Gəncə- Avropa Gənclər Paytaxtı, 42-ci Beynəlxalq Şahmat Olimpiadası, 4-cü İslam Həmrəylik Oyunları və s.) nəzərə alaraq 2014-cü ildə “ Support of Azerbaijan Youth (SAY)” hərəkatına start vermişdir. SAY proqramının 7 iriçaplı layihəsi həyata keçirilib. Bu istiqamətdə ümumi olaraq 620 nəfər gənc “SAY” ailəsinin üzvünə çevrilmişdir.

• Support of Azerbaijan Youth (SAY): Könüllülük Akademiyası

“Support of Azerbaijan Youth: Könüllülük Akademiyası” layihəsi “İrəli” İctimai Birliyinin təşkilatçılığı və Gənclər və İdman Nazirliyinin dəstəyi ilə 15-20 dekabr, 2014-cü ildə“Gənclər Paytaxtı” seçilmiş Quba şəhərində həyata keçirilib.Düşərgənin məqsədi, qarşıda gələn 2015-ci il Avropa Oyunlara dəstək olmaq, beynəlxalq və yerli səviyyəli tədbirlərdə gənclərin aktiv iştirakına stimul vermək və Azərbaycanda könüllü fəaliyyətinin təbliğ olunması ilə könüllülərin peşəkarlığının artırılması, onların təlimləndirilməsi və ixtisaslaşdırılması nail olmaqdır. Ümumilikdə layihədə 100 gənc iştirak edib. Düşərgə formatında keçirilən layihə iki mərhələdən ibarət olub. Layihənin ilkin mərhələsində könüllüyün nə olduğu haqqında, kriteriyaları barədə suallara ətraflı cavablar çatdırılıb. Layihə iki hissədən ibarət olub, “Nəzəri biliklər”-in ötürülməsi və “Biliklərin tətbiq edilməsi” hissəsi. Həmçinin məlumat üçün bildirmək istərdik ki, “Nəzəri biliklər”-in ötürülməsi hissəsində gənclər yeni təlim modulu - “SAY: Könüllü” təlim modulu vasitəsi ilə təlimləndiriliblər.

• Support of Azerbaijan Youth (SAY): Green

Düşərgə Azərbaycan Respublikası Gənclər və İdman Nazirliyinin dəstəyi və "İrəli" İctimai Birliyinin təşkilatçılığı ilə "SAY" hərəkatının ikinci fəaliyyəti çərçivəsində təşkil olunub. Düşərgə müddətində 100 nəfər gənc açıq havada qurulan yaşayış çadırlarında qalaraq, bir sıra ekoloji, ətraf mühitin qorunması sahəsində təlimlərdə, ictimai müzakirələrdə iştirak edərək öz bilik və bacarıqlarını inkişaf etdirib və eyni zamanda təşkil olunan səmti müəyyən etmə, dağçılıq və müxtəlif ekstrim idman növləri üzrə yarışlarda özlərini sınayıblar. Düşərgə zamanı gənclərə Azərbaycanda aparılan könüllü hərəkatı üzrə xüsusi təlimçilər, səmti müəyyən etmə, dağçılıq, atıcılıq, velosiped idmanı, ekoloji maarifləndirmə üzrə xüsusi təlimlər və təcrübə proqramları təşkil olunub. Seçim zamanı təbiətin Layihənin əsas məqsədi düşərgə zamanı təbiətin insan tərəfindən çirkləndirməsinin mümkün qədər aradan qaldırılması və gənclərə sosial məsuliyyəti öyrədərək gələcəkdə böyük ekoloji problemlə qarşılaşmamaq üçün onlara sağlam həyat prinsiplərini aşılamaq olub. Layihə 4-9 Avqust, 2016-cı ildə, Gəncə şəhərinin Hacıkənd qəsəbəsində keçirilib.

• Support of Azerbaijan Youth (SAY): Multiculturalism

Azərbaycan Respublikası Prezidenti yanında QHT-lərə Dövlət Dəstəyi Şurasının dəstəyi və “İrəli” İctimai Birliyinin təşkilatçılığı ilə SAY hərəkatının üçüncü fəaliyyəti çərçivəsində təşkil olunan düşərgədə 100 nəfər gənc açıq havada qurulan yaşayış çadırlarında qalaraq, bir sıra multikultural dəyərlərin təbliği ilə bağlı təlimlərdə, ictimai müzakirələrdə iştirak edərək öz bilik və bacarıqlarını inkişaf etdirib, həmçinin təşkil olunan səmti müəyyən etmə, dağçılıq və s. ekstrim idman növləri üzrə yarışlarda özlərini sınayıblar. Layihənin əsas məqsədi 2016-cı Multikulturalizm ili çərçivəsində Azərbaycanda multikultural dəyərlərin aşılanması, vətəndaş cəmiyyətinin düzgün istiqamətə yönləndirilməsi, gənclərdə humanizm, tolerantlıq prinsiplərinin formalaşdırılması ilə demokratik mühiti inkişaf etdirmək, dünya mədəniyyətinə inteqrasiyanı sürətləndirmək, inteqrasiya fonunda Azərbaycan mədəniyyətinin dünya miqyasında tanınmasına nail olmaqla milli-mənəvi dəyərlərimizin, tarixi nailiyyət və abidələrimizin mənfurlar tərəfindən öz adına çıxarmağın qarşısını almaqdan ibarətdir. Düşərgə 25-30 İyul, 2016-cı ildə İsmayıllı rayonunda həyata keçirilib.

• Support of Azerbaijan Youth (SAY): Volunteering Festival

“İrəli” İctimai Birliyinin təşkilatçılığı və Azərbaycan Respublikasının Gənclər və İdman Nazirliyinin dəstəyi ilə “SAY: Volunteering Festival” (Könüllülük festivalı) layihəsi 28 sentybar – 2 oktyabr tarixində Oğuz rayonunda baş tutub. Azərbaycanda könüllülüyün təbliği sahəsindəki fəaliyyətlərin davamı olaraq SAY hərəkatı çərçivəsində təşkil olunan düşərgədə 100-dən artıq gənc iştirak edir. Layihənin məqsədi könüllülük təcrübəsi olan gənclərin bilik və bacarıqlarını daha da artırmaq və IV İslam Həmrəylik Oyunlarının formlaşmaqda olan könüllü qrupuna dəstək olmaq olmuşdur. Proqrama uyğun olaraq layihədə iştirak edən gənclər üçün komanda quruculuğu, özünü təqdim etmə bacarıqları, tədbirlərin təşkili və digər mövzular üzrə xüsusi təlimlər keçirilmişdir. Həmçinin, önüllülük festivalı zamanı gənclər müxtəlif əyləncəli proqramlarda iştirak etmişlər.

• Support of Azerbaijan Youth (SAY): Solidarity

“İrəli” İctimai Birliyi Azərbaycan Respuiblikası Gənclər və İdman Nazirliyinin dəstəyi ilə “SAY: Support of Azerbaijan Youth” hərəkatı adı altında – “SAY: Solidarity” layihəsini həyata keçirmişdir. SAY hərəkatının 5-ci fəaliyyəti çərçivəsində təşkil olunmuş layihə İslam Həmrəyliyinə həsr olunmuşdur. Açıq hava şəraitində qurulmuş yaşayış çadırlarında qalmış gənclər könüllülük proqramı, könüllülük fəaliyyətinin cəmiyyət üçün rolu və gələcəkdə onlara nə kimi imkanlar yarada biləcəyi haqqında daha ətraflı məlumatlar əldə ediblər. Maarifləndirici əhəmiyyət daşıyan bu layihədə ekspertlərlə görüşlər keçirilmiş, həmçinin bunlarla paralel olaraq gənclər bir sıra sosial və idman fəaliyyətlərində iştirak ediblər. Support of Azerbaijan Youth (SAY): Solidarity layihəsinin əsas məqsədi – Azərbaycanda İslam həmrəylinin möhkəmləndirilməsində gənclərin rolunun artırlması, tolerantlıq prinsiplərin və yaşıl “düşüncənin” formalaşdırılması, mədəniyyətlərarası təbliğatda gənclərin aktiv iştirakını təmin etməklə, ümumillikdə gənclər şəbəkəsinin inkişafına nail olmaqdan ibarətdir.Layihə 2017- ci il iyun ayında keçirilmişdir.

• Support of Azerbaijan Youth (SAY): Cümhuriyyət

“İrəli” İctimai Birliyi Azərbaycan Respublikası Gənclər və İdman Nazirliyinin dəstəyi ilə “SAY: Support of Azerbaijan Youth” hərəkatı adı altında – “SAY: Cümhuriyyət” layihəsini həyata keçirmişdir. SAY hərəkatının 6-cı fəaliyyəti çərçivəsində təşkil olunmuş layihə Azərbaycan Xalq Cümhuriyyətinin 100 illiyinə həsr olunmuşdur. Düşərgə Lənkəran şəhərində həyata keçirilmişdir və açıq hava şəraitində qurulmuş yaşayış çadırlarında qalan gənclər könüllülük proqramı, könüllülük fəaliyyətinin cəmiyyət üçün rolu və gələcəkdə onlara nə kimi imkanlar yarada biləcəyi haqqında daha ətraflı məlumatlar əldə etmişdir. Maarifləndirici əhəmiyyət daşıyan düşərgə çərçivəsində ekspertlərlə görüşlər, təlimlər, ekstrimal yarışlar və intellektual oyunlar keçirilmişdir. “Support of Azerbaijan Youth (SAY): Cümhuriyyət” layihəsinin əsas məqsədi – Azərbaycanda Könüllülük ideyalarının aşılanması, vətəndaş cəmiyyətinin düzgün istiqamətə yönləndirilməsi, gənclərdə humanizm, tolerantlıq prinsiplərinin formalaşdırılması, sağlam həyat tərzinin təbliği ilə gəncliyin inkişafına təkan vermək, Azərbaycan mədəniyyəti və Azərbaycan həqiqətlərinin dünya miqyasında tanınmasında onların aktiv iştirakını təmin etmək, ümumillikdə gənclər şəbəkəsinin inkişafına nail olmaqdır. Düşərgə 2018 - ci il 8-13 avqust tarixlərində keçirilmişdir.

• Say "Unity"

“İrəli” İctimai Birliyi tərəfindən uzun müddətdir davam edən SAY hərəkatının növbəti “SAY:Unity” layihəsi baş tutub. Açıq hava şəraitində qurulan yaşayış çadırlarında qalan iştirakçılar gənclərlə iş üzrə aparılan inkişafetdirici fəaliyyətlərin cəmiyyət üçün rolu və gələcəkdə onlara nə kimi imkanlar yarada biləcəyi haqqında daha ətraflı məlumatlar əldə ediblər. Ümumilikdə layihə çərçivəsində gənclərə vahid komanda halında işləmək, komanda quruculuğu, komanda əhval-ruhiyəsinin artırılması istiqamətləri üzrə təlimlər keçirilib. Komanda quruculuğu haqqında danışılarkən “Effektiv komandanın səciyyəvi xüsusiyyətləri,Komandanın inkişafı və birliyi, Konstruktiv Kommunikasiya” haqqında ətraflı olaraq layihə iştirakçılarına məlumatlar verilib. “İrəli” gənclərinin təşəbbüsü nəticəsində baş tutan “SAY: Unity” layihəsi “İrəli” İctimai Birliyinin SAY hərəkatı adı altında keçirdiyi sayca 8-ci layihədir. Azərbaycanın Quba rayonunda baş tutan layihədə 50-ə yaxın gənc iştirak edib. Layihə çərçivəsində Azərbaycanın atributlarını özündə əks etdirən 6 komanda (“Alov”, “Muğam”, “Kəpəz”, “Nar”, “Qobustan” və “Xarı Bülbül”) müxtəlif fəaliyyətlər üzrə bir-biri ilə mübarizə aparıblar. Maarifləndirici əhəmiyyət daşıyan bu layihənin produktiv olması əsas məqsəd olub və çərçivəsində praktiki sessiya: komanda təqdimatları baş tutub və bir neçə fərqli istiqamətlər üzrə komandalar yarışıblar. Layihənin növbəti günlərində Hiking və həmrəylik oyunları keçirilib. Eyni zamanda ip dartma, Voleybol və futbol yarışı keçirilib, praktiki sessiyada komandalar hazırladıqları rəqsləri təqdim ediblər.

Gənc Əkinçi Akademiyası

“İrəli” İctimai Birliyi tərəfindən gənc jurnalistlərin iştirakı ilə 3 ildir ki, “Gənc Əkinçi” Akademiyası həyata keçirilir. "Gənc Əkinçi" Akademiyası 2015-ci ildə İsmayıllı rayonunda baş tutmuşdur və layihənin davamı olaraq 2017-ci ildə Quba rayonunda layihə yenidən baş tutub. Akademiyanın əsas hədəflərindən biri Milli mətbuatımızın ilk nümunəsi olan tarixi “Əkinçi” qəzetinin yaşadılması və gənclər arasında təbliğidir. 2015-ci ilin iyul ayının 22-də, 4000 tirajda “Gənc Əkinçi” qəzetinin ilk nömrəsi çapdan çıxıb və bu Milli mətbuat günümüzdə reallaşıb.

• Gənc Əkinçi

I mövsüm

“Gənc Əkinçi” layihəsi 12-15 mart tarixlərində “İrəli” İctimai Birliyi (İB) Azərbaycan Respublikasının Prezidentı yanında Gənclər Fondunun dəstəyi ilə İsmayıllıda həyata keçirilib. Layihənin əsas məqsədi Azərbaycanda peşəkar jurnalistikanı formalaşdırmaq, fəaliyyət göstərən kütləvi informasiya vasitələri arasında mövcud əlaqələri inkişaf etdirmək, yeni əlaqələrin qurulmasına şərait yaratmaq olmuşdur. Layihə çərçivəsində jurnalistlərə məruzəçilər tərəfindən müxtəlif seminarlar keçirilmiş, Azərbaycanın beynəlxalq məkanda tanıdılması, həqiqətlərin dünyaya çatdırılması istiqamətində mətbuat nümayəndələrinin rolundan danışılmışdır. İştirakçı olan jurnalistlər layihənin davamlılığı çərçivəsində bundan sonra “Gənc Əkinçi” sayəsində öz yazıları ilə həm yerli mətbuatda, həm də xarici mətbuatda çıxış etmişlər. Layihənin digər vacib məqsədi jurnalistlərin xarici mediaya çıxışını təmin etməkdir və bu məqsədlə təşkilatın artıq bu sahədə bir neçə xarici media qurumları ilə əməkdaşlıq müqavilələri imzalayıb. Layihənin davamlılığı çərçivəsində, ilk mərhələdə 3 tirajda “Gənc Əkinçi”qəzeti çap olunmuşdur. Hal-hazırda növbəti mərhələ olaraq jurnalistika sahəsində yeni düşərgənin keçirilməsi və “Gənc Əkinçi” qəzetininin mütəmadı olaraq nəşr olunması planlaşdırılmışdır.

• Gənc Əkinçi

II mövsüm

Quba rayonunda reallaşdırılnış “Gənc Əkinçi-2” layihəsi 2017-ci il 25-28 yanvar baş tutmuş və gənc jurnalistlərin peşəkarlıq dərəcələrinin artırılmasına, yeni əlaqələrin qurulmasına, o cümlədən asudə vaxtlarının səmərəli keçirilməsinə istiqamətləndirilmişdir. Qeyd edək ki, layihə müddətində peşəkar jurnalistlər və mətbuat işçiləri tərəfindən, “Azad İradəli Əkinçi”, “Natiqlik və nitq mədəniyyəti”, “Araşdırma jurnalistikası”,”Münaqişə tərəfi Azərbaycan”, “ KİV-də texnikanın rolu”, “ Azərbaycan həqiqətlərinin dünyaya çatdırılmasında gənc jurnalistlərin rolu”, “Sosial Medianın problemləri”, “Azərbaycan Beynəlxalq mətbuatda” və s. kimi mövzularda təlim və seminarlar keçirilmiş, eyni zamanda praktiki məşğələlər, simulyasiyalar və ictimai müzakirələr gənc jurnalistlər üçün yeni stimul yaratmışdır.

• Gənc Əkinçi

III mövsüm

Quba rayonunda həyata keçirilmiş layihənin açılış mərasimində “Gənc Əkinçi” Akademiyasının təqdimatı baş tutub. Daha sonra jurnalistlərin peşəkarlaşması istiqamətində jurnalistikaya dair fərqli mövzularda təlimlər həyata keçirilib. “Gənc Əkinçi” Akademiyasının məqsədi virtual məkanda ölkə maraqlarının qorunması prosesinə gənc jurnalistlərin, sosial şəbəkə istifadəçilərinin, kütləvi informasiya agentliklərinin cəlb edilməsi, onlar arasında əlaqələrin möhkəmlənməsi, internet üzərində mövcud informasiya bazasının genişləndirilməsinə nail olmaqdır. “İrəli” İctimai Birliyi artıq 3-cü dəfədir ki, “Gənc Əkinçi” Akademiyasını həyata keçirir. Təşkilatın əsas məqsədi odur ki, jurnalistlər peşəkarlıqlarına peşəkarlıq qatıb nəinki Azərbaycanda, ölkə hüdudlarından kənarda da öz sözünü deyən KİV nümayəndələrinə çevrilsinlər və sağlam rəqabət aparma bacarığına sahib olsunlar.

3 mövsüm, 26 təlim və görüş, 78 iştirakçı

Azərbaycanın Intellektual Birincisi

“Azərbaycanın İntellektual Birincisi ” – Azərbaycanda gənclərin intellektual potensialının inkişafına dəstək verən bir layihədir. Layihə artıq 3 ildir ki, həyata keçirilir. Ümumilikdə, Azərbaycan Respublikasının 10 regionundan , 75 rayon, 4000 gənc layihəyə cəlb olunmuşdur. Hər bir rayon 17 nəfərlik komanda ilə çıxış etmişdir. Gənclərin bilik və bacarıqlarını qiymətləndirəcək və onların intellektual fəaliyyətinə yardımçı olacaq layihə 2 istiqamət üzrə həyata keçirilmişdir. 1-ci istiqamət iqtisadi rayonlar üzrə seçim mərhələlərinin keçirilməsi, 2-ci mərhələ isə yekun final oyunlarının keçirilməsindən ibarət olub. Layihənin ilkin mərhələsində 10 iqtisadi rayonda intellektual oyunlarının seçmə mərhələləri təşkil edilib. Seçmə mərhələlər çərçivəsində hər iqtisadi rayonda 4 intellektual oyun keçirilib və iqtisadi rayonda yerləşən rayonların hər biri 4 oyun üzrə komanda çıxarmaq hüququna malik olub. Seçilmiş və uğur qazanmış gənclərdən ibarət komandalar yekun mərhələdə yaşadıqları iqtisadi rayonu təmsil etmək hüququ qazanmışlar. Yekun mərhələ – final oyunlarını əks etdirəcək mərhələ olmuşdur. Bu mərhələdə, seçmə mərhələdə hər bir iqtisadi rayon üzrə uğur qazanmış gənclər arasında yarışlar keçirilmişdir. Sözügedən gənclər mili-mədəni, irs, tarix, natiqlik və digər bilik mövzuları üzrə intellektual oyunlarda iştirak etmişlər. Qalib gəlmiş gənclər “Azərbaycanın İntellektual BİRincisi” oyunlarının mükafatçıları olmuşdur. Layihə çərçivəsində keçirilən intellektual oyunlar: 1. Xəmsə 2. Nə? Harda? Nə zaman? 3. Axtar Tap 4. Vətəni tanı

Keçirilmə məkanı: Bakı, Sumqayıt, Quba, Şəki, İsmayıllı, Sabirabad, Lənkəran, Tərtər, Mingəçevir və Şəmkir şəhərlərində (rayonlarında) və Naxçıvan Muxtar Respublikası

3 mövsüm, 4 intellektual oyun, 75 şəhər və rayon, 4205 ümumi iştirakçı sayı

DO! Dostlarla oyun kampaniyası

Heydər Əliyev Fondunun dəstəyi ilə 28 May-28 İyun 2015 -ci il tarixlərində DO! – Dostlarla Oyunlara kampaniyasına start verilmişdir. Kampaniyanın məqsədi uşaq evlərində mövcüd idman infrastrukturunun təşviqinə dəstək, məhəllə idmanına olan sevgi və ruhu geri qaytarmaq, eyni zamanda Azərbaycanın ev sahibliyi edəcəyi ilk Avropa oyunlarına dəstək verməkdən ibarət idi. 6 müxtəlif məkanda stendlər quraşdırılaraq 20.000 ədəd qolbaq satışa çıxarıldı. Bu işdə 144 nəfər gənc könüllü şəkildə fəaliyyət göstərərək kampaniyaya dəstək göstərmişdir. Kampaniya nəticəsində 29 məhəllə və müxtəlif uşaqlar evlərində idman avadanlıqları yenilənmişdir. Kampaniyanın əsas məqsədi,

• uşaq evlərində idmanın təşviqinə dəstək olmaq;
• məhəllə idmanına olan sevgi və ruhu geri qaytarmaq;
• 20 000 ədəd qolbaq
• 20 000 vətəndaş
• Bakı şəhərində 7 müxtəlif məkan
• 3 müxtəlif regionda stendlər
• 1 uşaq evinə ziyarət
• 44 könüllü
• 13 supervayzer
• 9 məhəllədə idman avadanlıqlarının yenilənməsidir.

Gənclər Kuboku: Bakı 2017 İslam Həmrəylik Oyunlarına dəstək

“Gənclər Kuboku: Bakı 2017 İslam Həmrəlik Oyunlarına dəstək” layihəsi 10 idman növünü əhatə edən, 850 - dən artıq gəncin iştirak etdiyi və 16 ali təhsil müəssisələri arasında keçirilmiş idman çempionatıdır. Layihə aşağıda qeyd olunan idman növlərini əhatə edir:

• Atçılıq
• Basketbol
• Futbol
• Stolüstü tennis
• Yüngül atletika
• Velosiped
• Voleybol
• Üzgüçülük
• Səmti müəyyən etmə
• Şahmat .

Hər bir ali təhsil müəssisəsi yarışlarda tələbələrindən ibarət olan komanda (və ya fərd) ilə təmsil olunmuşdur. Layihə 2017 - ci il Mart - May aylarında keçirilmişdir.

Gənclər Kuboku: Aprel Zəfəri

Bildiyimiz kimi, 2016-cı ilin aprel döyüşləri zamanı Azərbaycan Ordusu böyük qələbə qazandı. Məhz bu səbəbdən “İrəli” İctimai Birliyi “Gənclər Kuboku: Aprel Zəfəri” layihəsini həyata keçirdi. Layihədə ümumilikdə 1300-dən artıq gənc iştirak etdi. Yarışlar mütəmadi olaraq həftə sonları paralel şəkildə keçirildi. Layihədə iştirak edən gənclər futbol, voleybol, peyntbol, səmti müəyyənetmə, atıcılıq, velosiped, yüngül atletika idman növləri üzrə yarışaraq qalibiyyət uğrunda mübarizə apardılar. Gənclər Futbol, voleybol, səmti müəyyən etmə, atıcılıq, peyntbol idman növləri üzrə komanda halında, yüngül atletika, velosiped idman növləri üzrə isə fərdi şəkildə iştirak etdilər. Layihə 2019-cu ilin mart-aprel aylarını əhatə etdi. Gənclərin şəxsi təşəbbüsləri ilə formalaşdırılacaq olan qruplar arasında, püşkatmadan dərhal sonra 1/8, 1/4, yarımfinal və final mərhələləri oyunları baş tutdu. Son olaraq, Ağdam şəhərində layihənin bağlanış mərasimi həyata keçirildi. Layihə qalibləri müxtəlif hədiyyələrlə mükafatlandırıldılar.

Gənclərin Simulyasiya Akademiyası

“İRƏLİ” İctimai Birliyi gənclərin maarifləndirilməsi sahəsində fəaliyyətini davam etdirərək Azərbaycan Respublikası Prezidenti yanında QHT-larına Dövlət Dəstəyi Şurasının dəstəyi ilə “Gənclərin Simulasiya Akademiyasın” layihəsini həyata keçirib. “Gənclərin Simulasiya Akademiyası” müxtəlf seqment və sahələrlə bağlı simulasiya oyunları formatında keçirilib. Simulasiya oyunları zamanı iri şirkətlərin və dövlət strukturlarının məsul şəxsləri şəxsində təklif olunan problemli istiqamətlərlə bağlı mövzular ortaya qoyulub. Ümumilikdə 40 gəncin iştirak edib. Gənclər seçimi zamanı paytaxtda yaşayan və ya təhsil alan çalışan gənclərə, xarici ölkə vətəndaşı olan amma Azərbaycanda yaşayan və ya təhsil alan gənclərə üstünlük verilib Layihənin əsas məqsədi: Ölkə gəncliyinin iqtisadi,sosial məsələlərlə bağlı problemlərin həll olunmasında aktiv iştirakının təmin edilməsi,özəl və dövlət strukturlarında effektiv idarəçiliyin təmin olunması,məhsuldarlığın artırılması və uzunmüddətli strategiya və planlamanın yenilikçi ideyalar əsasında tətbiqi ilə bağlı gənclərin təşəbbüskarlığının artılıması, qərar qəbulu məsələlərində onların proaktiv fəaliyyətinə dəstək verməklə,gənclər şəbəkəsinin hərtərəfli inkişafına şərait yaratmaq və dövlət gənclər siyasətinin onlara verdiyi imkanlardan ən yüksək səviyyədə faydalanmasını təmin etməkdən ibarətdir. Layihə 12.08.2017-17.08.2017 tarixlərində keçirilmişdir. 12 təlim, 40 gənc

Milli Təcrübə Forumu

“İrəli” İctimai Birliyi Azərbaycan Respublikasının Prezidenti yanında Gənclər Fondunun dəstəyi ilə “Milli Təcrübə Forumu”-nu həyata keçirmişdir. Forumun əsas məqsədi gənclərin təhsil müddətində əldə etdiyi nəzəri biliklərin praktikada möhkəmləndirilməsi üçün ixtisasa müvafiq təcrübəyə yiyələnməyin zəruriyyətini aşılamaq, biznes və dövlət qurumlarının inkişaf və korporativ sosial məsuliyyət siyasəti çərçivəsində onlara təcrübə imkanı tanıyan və peşəkar ixtisas sahibi kimi yetişdirməyə maraqlı strukturlarda cari imkanlardan yararlanmasına şərait yaratmaqdan ibarətdir. Forum müddətində dövlət qurumları, biznes və ali təhsil müəssisələri, peşəkar təlimçi və ekspertlərin iştirakı ilə mövzular üzrə ictimai və panel müzakirələr, vorkşoplar, təqdimatlar həyata keçirilmiş, uğurlu gənc sahibkar və biznesmenlərin timsalında gənclər üçün sərgilər, uğurlu startup layihə modelləri təqdimatları təşkil olunmuşdur. Forumun yekununda sadalanan strukturlarla birgə əməkdaşlıq çərçivəsində “Milli Təcrübə Proqramı”-na start verilməsi planlaşdırılmışdır. Qeyd edək ki, “Milli Təcrübə Forumu” “İrəli” İctimai Birliyinin reallaşdırması planlaşdırdığı “Milli Təcrübə Proqramı”-nın həyata keçirilməsi məqsədilə gənclər arasında onları maraqlandıran sahələrlə bağlı mövcud imkan və problemlərin müzakirəsi əsnasında təkliflərin formalaşdırılması əhəmiyyətini daşıyır. “Milli Təcrübə Proqramı” Azərbaycanda gənclərin zəruri təcrübə potensialını inkişaf etdirməyə, ölkə gənclərini beynəlxalq rəqabətə davamlı formada yetişdirməyə yönəlmiş ideya olaraq öz ətrafında imkanlarını gənclər üçün açıq elan edən və onlara təcrübə imkanları tanıyan bir çox dövlət və biznes qurumlarını ətrafında birləşdirir. Təcrübə müddəti il ərzində rüblər üzrə bölgü əsasında, seçilmiş sahələrə uyğun təhsil alan gənclərin iştirakı ilə həyata keçirilir. Gənclərin seçim prosesi müəyyən edilmiş qiymətləndirmə meyarlarına uyğun olaraq reallaşdırılir, təcrübəni uğurla başa vurmuş şəxslər sonda təsdiqlənmiş sertifikatla təltif edilirlər.

8 görüş, 250 gənc, 10 təlim

Keçmişdən Gələcəyə

Azərbaycan Respublikası Mədəniyyət və Turizm Nazirliyi nin maliyyə, “İrəli” İctimai Birliyinin təşkilati dəstəyi və “Sağlam Gəncliyə Doğru” İctimai Birliyinin təşkilatçılığı ilə “Keçmişdən Gələcəyə” gənclər arasında tarixi mədəni abidələrin təbliği layihəsi həyata keçirilib.

Bakı şəhərində 65 nəfər gəncin iştirakı ilə 2 gün müddətində həyata keçirilmiş layihənin əsas məqsədi milli-mədəni irsimizin qorunmasına xidmət edən məqsədyönlü tədbirlər həyata keçirmək, tarixi abidələrimizin qorunması və təbliği yönündə gənclərimizin təşəbbüskarılığını artırmaq, ölkədə bu istiqamətdə aparılan tədbir və proqramlarda, xüsusilə “Daşınmaz tarix və mədəniyyət abidələrinin bərpası, qorunması, tarix və mədəniyyət qoruqlarının fəaliyyətinin təkmilləşdirilməsi və inkişafına dair 2014-2020-ci illər üzrə Dövlət Proqramı”-nın icrasında gənclərin rolu və vəzifələrini geniş kütləyə aşılamaqdan ibarətdir. Tədbir müddətində peşəkar ekspert və təlimçilər tərəfindən forum və seminar xarakterli görüşlər, həmçinin tarixi məkanlara ekskursiyalar təşkil olunmuşdur. Layihə 11 - 14 oktyabr 2017 - ci il tarixlərini əhatə edir.

Virtual Məkanda Azərbaycan

Gənclər və İdman Nazirliyi nin dəstəyi, İrəli ictimai birliyi nin təşkilatçılığı ilə həyata keçirilən Virtual Məkanda Azərbaycan layihəsinin əsas məqsədi vikipediyada məlumat çoxluğuna nail olaraq Azərbaycan həqiqətlərini virtual məkan vasitəsi ilə bütün dünyaya çatdırmaqdır. Həmçinin gənclərdə təlimçilik bacarığının aşılanması da layihənin məqsədlərindəndir.

Layihə müddətində müəyyən edilən seçim kriteriyaları əsasında iştirakçı gənclər seçilmiş, onlara "Araşdırma texnologiyası", "Sosial şəbəkələrdən səmərəli istifadə", "Vikipediya", "Marketinq : PR Strategiyasının qurulması" mövzularında peşəkarlar tərəfindən təlimlər keçirilmiş, multiplayer qrupları formalaşdırılmışdır. Layihənin ikinci mərhələsində peşəkarların təcrübəsindən yararlanan gənclər ölkənin müxtəlif ali təhsil müəssisələrində görüşlər təşkil etmiş və əldə etdikləri informasiyaları gənclər ilə bölüşmüşdür. Həmçinin layihə komandası və multiplayer komandalarının qarşılıqlı fəaliyyəti şəklində seçilmiş istiqamətlərdə mütəmadi olaraq Azərbaycan dili və bir neçə xarici dildə araşdırmalar aparmış, məqalələr yazılmış, əldə olunan məlumat bazaları vikipedia, twitter və digər sosial şəbəkələrdə yerləşdirilmişdir.

150 nəfər iştirakçı, 18 təlim, 80 məqalə

Marş İrəli

I mövsüm

“Marş İrəli” layihəsi "İrəli" İctimai Birliyinin təşkilatçılığı və Azərbaycan Respublikasının Gənclər və İdman Nazirliyinin dəstəyi ilə 30 iyun-5 iyul, 2019-cu il tarixlərində Ağdam rayonunda həyata keçirilib. Düşərgənin məqsədi vətənə, xalqa, millətə bağlılığının artırılması, vətənpərvərlik ruhunun aşılanması, onların asudə vaxtının səmərəli təşkil edilməsilə ümumillikdə gənclər şəbəkəsinin inkişafına nail olmaqdır. 6 gün ərzində baş tutan layihə çərçivəsində gender bərabərliyi qorunmaqla 18-20 yaş aralığında 100 nəfər gənc ekstremal şəraitdə qalaraq bir sıra sosial və idman fəaliyyətlərində yer alıb, peşəkarlar, mütəxəssislərin iştirak ilə müxtəlif təlim - məşq toplanışları, fiziki və əqli tapşırıqlar, ekspert və qonaqlarla görüşlər, müzakirələr təşkil edilir. İştirakçı sayı: 100

Marş İrəli

II mövsüm

"Marş İrəli: Goranboy" layihəsi "İrəli" İctimai Birliyin təşkilatçılığı, Azərbaycan Respublikası Gənclər Fondunun, Goranboy rayon İcra Hakimiyyətinin dəstəyi ilə həyata keçirilib. Layihə 2019-cu il 2-10 iyul tarixində, 220 gənclə keçirilmişdir. İştirakçı sayı: 220

Xaricdə təmsilçilik

"İrəli” İctimai Birliyinin əsas prioritet istiqamətlərindən biri olan xaricdə təmsilçilik sahəsində əsas məqsədimiz beynəlxalq arenada Azərbaycanın mövqeyinin və maraqlarının layiqli şəkildə müdafiə olunmasını, xarici ölkələrdə yaşayan soydaşlarımız və beynəlxalq təşkilatlar ilə əlaqələrin möhkəmləndirilməsini təmin etməkdir. Məhz bu səbəbdən də “İrəli” üzvləri xarici ölkələrdə keçirilmiş müxtəlif tədbir və layihələrdə iştirak edərək ölkəmizi layiqincə təmsil etmiş və beynəlxalq əməkdaşlıq imkanları üçün münbit zəmin yaratmışlar.

Beynəlxalq tərəfdaşlar

• FutureEurope Türkiyə
• Youth for exchange and understanding Brüssel
• MOJU Portugaliya
• Civil Life Association - Bursa
• European Voluntary Service - akkreditasiya

21 İyul 2015-ci il "İRƏLİ" İctimai Birliyi Avropa Komissiyasının Avropa Könüllülük Xidməti (EVS) hər iki növ proqramı üzrə akkreditasiya alıb. Akkreditasiya azərbaycanlı gənclərin xaricdə təmsilçilik, könüllü fəaliyyətinin stimullaşdırılması, ixtisas artırma iş yerlərində işlə təminat və digər məsələləri öz üzərində əsas götürür

Beynəlxalq layihələr

• Rusiyanın Azərbaycanlı Gənclər Təşkilatının (AMOR) V konfransı

Layihə təşkil olunan ölkə: Rusiya Layihə təşkil olunan tarixlər: 30 sentyabr noyabr 2014-cü il

• Black Sea Young Diplomats

Layihə təşkil olunan ölkə: Gürcüstan, Kaqvi şəhəri Layihə təşkil olunan tarixlər: 18-25 oktyabr 2014-cü il

• Молодежный межпарламентский форум СНГ

Layihə təşkil olunan ölkə: Rusiya, Sankt Peterburq Layihə təşkil olunan tarixlər: 23-25 noyabr 2014-cü il

• “Macarıstanda Azərbaycan turizm günləri”

Layihə təşkil olunan ölkə: Macarıstan, Budapeşt Layihə təşkil olunan tarixlər: 21-22 noyabr 2014-cü il

• «Youth for Exchange and Understanding»

Layihə təşkil olunan ölkə: Belçika Brugge Layihə təşkil olunan tarixlər: 30 noyabr 2014-cü il

• “Run and Explore”

Layihə təşkil olunan ölkə: Türkiyə, Ordu Layihə təşkil olunan tarixlər: 30 yanvar – 10 fevral 2015-ci il

• Şərq Tərəfdaşlığı ölkələrinin Gənclər Forumu «İRƏLİ»

-      55 Avropa və ətraf ölkələrin nümayəndələri ilə ünsiyyətdə olub.

-      Müxtəlif panellərdə Azərbaycan tərəfi adından çıxışlar etmişlər.

- İctimai Birliyi 10-a yaxın nümayəndəsi Şərq Tərəfdaşlığı ölkələrinin Gənclər Forumunda iştirak edib.

• “İrəli” və “Gənc MÜSİAD”

“İrəli” İctimai Birliyi ilə Türkiyənin ən böyük gənclər təşkilatı - “Gənc MÜSİAD” arasında   iki ölkənin gənclər təşkilatları arasında layihələr keçirmək üçün əməkdaşlıq memorandumu imzalanıb.

• "Norvegian Azerbaijan Youth Organization"

Layihə təşkil olunan ölkə: Norveç, Oslo Layihə təşkil olunan tarixlər: 24 aprel 2015-ci il

• "Filling the gaps"

Layihə təşkil olunan ölkə: Norveç, Alta Layihə təşkil olunan tarixlər: 28 aprel – 6 may 2015-ci il

• “Career Magazine”

Layihə təşkil olunan ölkə: Türkiyə, Ordu

• “No to Prejudiscrimination”

Layihə təşkil olunan ölkə: Türkiyə, Trabzon Layihə təşkil olunan tarixlər: 10-21 avqust 2015-ci il

• “Lets Make a Cultural Art Visible”

Layihə təşkil olunan ölkə: Türkiyə, Trabzon Layihə təşkil olunan tarixlər: 10-21 avqust 2015-ci il

• “Youth Camp "Dialogue 2015”

Layihə təşkil olunan ölkə: Rusiya, Kaluqa vilayəti Layihə təşkil olunan tarixlər: 16-22 iyul 2015-ci il

• «Youth for Exchange and Understanding»

Layihə təşkil olunan ölkə: Bosniya və Herseqovina, Banya Luka Layihə təşkil olunan tarixlər: 21-22 noyabr 2015-ci il

• «Living-with-Prejudices »

Layihə təşkil olunan ölkə: Türkiyə, Trabzon Layihə təşkil olunan tarixlər: 7-19 oktyabr 2015-ci il

• «5-ci Ərəb-Avropa Gənclər Forumu»

Layihə təşkil olunan ölkə: Strazburq, Fransa Layihə təşkil olunan tarixlər: 2-5 sentyabr 2015-ci il

• «13-cü Asiya Gənclər Şurasının ümumi yığıncağı»

Layihə təşkil olunan ölkə: Ulaan-bator, Monqolustan Layihə təşkil olunan tarixlər: 18-22 may 2015-ci il

• “Youth Exchange”

Layihə təşkil olunan ölkə:  Koreya Layihə keçirilən tarix:  10 İyul, 2016

• “Say No to Islamophobia and Anti-Semitism”

Layihə təşkil olunan ölkə:  Türkiyə Layihə keçirilən tarix:  7-19 İyul, 2016

• “Shaping Democracy Actively”

Layihə təşkil olunan ölkə:  Almaniya Layihə keçirilən tarix:  28 İyul – 8  Avqust, 2016

• “Tiny Footsteps on the beach”

Layihə təşkil olunan ölkə: Türkiyə Layihə keçirilən tarix:  12 Avqust, 2016

• “Exchange Program”

Layihə təşkil olunan ölkə:  Mərakeş Layihə keçirilən tarix:  2-11 Sentyabr, 2016

• “Ekstrimizm və zorakığın qarşısının alınmasında gənclərin rolu”

Layihə təşkil olunan ölkə:  Mərakeş

• ERASMUS Plus proqramı çərçivəsində təlim

Layihə təşkil olunan ölkə: Türkiyə Hatay şəhəri Layihə keçirilən tarix: 12 Avqust 2016

• "Youth for Exchange and Understanding İnternational"

Layihə təşkil olunan ölkə: Belçika Layihə keçirilən tarix:  24-27 Noyabr, 2016

• Brüsseldə konfrans

Layihə keçirilən tarix: 1-2 Dekabr 2016

• “Variety is the spice of life – try walking in my shoes”

Layihə keçirilən ölkə: isveç Stockholm şəhəri Layihə keçirilən tarix: 5-13 Mart 2017

• “Feel Like a European” – “Özünü Avropalı kimi hiss et"

Layihə keçirilən ölkə: Türkiyə Trabzon şəhəri Layihə keçirilən tarix: 15-25 İyul 2017

• Koreyaya səfər

Azərbaycan ilə Koreya Respublikası arasında beynəlxalq gənclər mübadiləsi proqramı çərçivəsində ölkə gənclərindən ibarət nümayəndə heyəti iyulun 17-dən 26-dək bu ölkənin paytaxtı Seulda səfərdə olub.

• Mərakeş krallığına səfər

2017-ci ilin 8-18 avqust tarixlərində azərbaycanlı gənclərdən ibarət nümayəndə heyəti Mərakeş Krallığına səfər edib. Səfərin əsas məqsədi Azərbaycan və Mərakeş gəncləri arasında mübadilə proqramında iştirakdır. Səfər çərçivəsində gənclər bir sıra tədbirlərdə, həmçinin, gənclər təşkilatlarının nümayəndələri ilə keçirilən görüşlərdə iştirak ediblər.

• İkinci Beynəlxalq Gənclik Kampı

Layihə keçiril\n ölkə: Türkiyə Layihə keçirilən tarix: 13-19 avqust, 22-28 avqust

• Avrasiya Gənc Liderlər Forumu

Layihə keçirilən ölkə: Rusiya Layihə keçiriən tarix: 2017-ci il

• Beynəlxalq Xəzəryanı Gənclər forumu

Forum keçirilən ölkə: Qazaxıstan Aktau şəhəri Forum keçirilən tarix: 2017 - ci il

• XIX Beynəlxalq Gənclər ve Tələbələr Festivalı

Layihə keçirilən ölkə: Rusiya Soçi şəhəri Layihə keçirilən tarix: 14-22 Oktyar 2017

• “Intercultural learning and beyond”

Layihə keçirilən ölkə: İtaliya Tortona şəhəri Layihə keçirilən tarix: 14-22 Mart 2017

• World Youth Forum

Layihə keçirilən ölkə: Misir

• “Woman rights- human rights”

Layihə keçirilən ölkə: Türkiyə Trabzon şəhəri Layihə keçirilən tarix: 17-27 Fevral 2019-cu il

• Türk Şurasının 2-ci Gənc Liderlər Forumu

Forum keçirilən ölkə: Qazaxıstan Türküstan şəhəri Forum keçirilən tarix: 23-25 Aprel 2019-cu il

• “The Wonderful Wizards of Youth Work”

Layihə keçirilən ölkə: Brüssel Layihə keçirilən tarix:12-15 Aprel 2019

"İrəli"- yə üzv olmaq

Son 5il ərzində “İrəli” İctimai Birliyi vakansiyaları, üzv qeydiyyatını online qeydiyyat sisteminə keçirmişdir. Statistik hesablamar onu göstərir ki, hər 351 dəqiqədə “İRƏLİ” gənclərinin sıralarına bir fərd də əlavə olur. Təşkilatın insan resursları katibliyi həftəlik olaraq yeni üzvlərlə görüşlər keçirir, birliyin fəaliyyəti ilə bağlı bütün məlumatlar mütəmadi olaraq gənclərə çatdırılır.

Təşkilata üzv olmaq üçün həftənin ilk 5 günü ərzində ofisə yaxınlaşmaq və ya online qeydiyyatdan keçmək mümkündür.[1]

İrəli sosial şəbəkələrdə

1. "İRƏLİ" Facebook səhifəsi: "İRƏLİ" İctimai Birliyi / "IRELI" Public Union [2]
2. "İRƏLİ" Facebook qrupu: "IRELI" Public Union - www.ireli.az [3]
3. "İRƏLİ" Twitter hesabı: IRELI Public Union [4]
4. "İRƏLİ" Youtube kanalı: İRELİ TV [5]
5. "İRƏLİ" İnstagram hesabı: [6]

İrəli Ünvan

İrəli ofisi yerləşir: AZ1009, Səməd Vurgun 43, World Business Center [7]

İstinadlar

• Mirhəsən Seyidov "İrəli" İB-nin yeni sədri seçildi (FOTO) 2016-03-15 at the Wayback Machine
• Mirhəsən Seyidov gənclər və İctimai Birliklər haqqında danışıb-MÜSAHİBƏ 2016-03-06 at the Wayback Machine
• “İRƏLİ” 6 yaşını əsgərlərlə birgə qeyd etdi FOTOLAR 2016-03-05 at the Wayback Machine
• “İrəli”nin sədri 2015-ci il hədəflərindən danışdı 2016-03-09 at the Wayback Machine
• Prezident Mükafatçısı- "İRƏLİ" İctimai Birliyinin Sədri MirHəsən Seyidov
• Mirhəsən Seyidov: Azərbaycanın gənclər siyasəti bir çox ölkələrə nümunədir
• “İrəli” İctimai Birliyinin 9-cu ildönümü qeyd olunub
• Mirhəsən Seyidov Azərbaycan Gəncliyi Dövlət proqramından danışdı
• "Marş İrəli" - İctimai Tv
• "Gənclər Kuboku: Aprel Zəfəri" - Ağdam - Xəzər Tv
• GəncSən - Ümummilli lider Heydər Əliyev`in gənclər siyasəti 10.05.2019
• "Azərbaycan gəncinin savadlı olması prioritetdir"
• “İrəli” gəncləri “Women rights are human rights” layihəsində
• Gənclər “Aprel Zəfəri” uğrunda yarışacaq
• Gənclər “Aprel Zəfəri” uğrunda yarışacaq
• Beynəlxalq layihədə “İrəli” nümayəndəsi^{[ölü keçid]}
• Mirhəsən Seyidov: Azərbaycandakı sabitliyi pozmağa çalışanlar xalq-iqtidar birliyi qarşısında aciz qalıblar
• “İrəli” İctimai Birliyinin VI hesabat-seçki konfransı keçirilib
• [8]
• [9]