Bu səhifədə iş davam etməkdədir Müdaxilə etməyə tələsməyin əgər kömək etmək istəyirsinizsə ya da səhifə yarımçıq qalıbsa

Təbriz radiosu - Azərbaycan Milli Hökuməti dövründə 1946-cı ilin aprel ayından dekabr ayına qədər fəaliyyət göstərmiş radio.

Təbriz radiosu
Şəhər	Təbriz
Ölkə	Azərbaycan Milli Hökuməti

Haqqında

1941-ci ildə almanlar Təbriz şəhərində radiostansiya üçün bina tikməyə başlayıblar. Lakin bu işlər Britaniya–SSRİ qoşunlarının İrana müdaxiləsindən sonra yarımçıq qalıb. 1945-ci ildə Azərbaycan Milli Hökuməti qurulduqdan sonra Təbrizdə radiostansiyanın yaradılması məsələsi yenidən gündəmə gəldi. Radiostansiyanın tikintisini yekunlaşdırmaq və radionu işə salmaq üçün avadanlıq çatışmırdı. 1946-cı ilin fevral ayında Mir Cəfər Pişəvəri lazımi qurğuların alınması və avadanlıq üçün Mircəfər Bağırova müraciət etdi. Fevral ayının ortalarından etibarən Azərbaycan SSR-dən gəlmiş mütəxəssislərin köməyi ilə Təbrizdə radio verilişləri stansiyası və əlavə studiya bloku tikilib istifadəyə verildi.

1946-cı il aprel ayında Mir Cəfər Pişəvərinin köməkçisi Mirqasım Çeşmazər Təbriz radiosunun sədri təyin olunub. Aprel ayının 7-dən etibarən radio müntəzəm yayıma başlayıb.

Təbriz radiosu 1946-cı il aprelin 27-də rəsmi şəkildə fəaliyyət göstərməyə başlayıb. Radionun sədri isə Mir Cəfər Pişəvərinin köməkçisi Mirqasım Çeşmazər təyin olunub. Həmin dövrlərdə evlərdə radioqəbuledicilər az olduğu üçün Təbriz küçələrinin ayrı-ayrı yerlərində səsgücləndiricilər quraşdırılıb. Radionun verilişləri başlayanda əhali bu səsgücləndiricilərin ətrafına yığışaraq radioya qulaq asırdılar.

İlk dövrlər Azərbaycan türkcəsi və farsca fəaliyyət göstərən radio sonradan fars, rus, fransız və ərəb dilində də fəaliyyət göstərməyə başlayıb. Radionun fransızdilli redaksiyasına Firudin İbrahimi rəhbərlik edib. Radioda əsasən müntəzəm olaraq həm yerli həm də dünyəvi xəbərlər oxunur, Azərbaycan Demokrat Firqəsinin rəsmi orqanı olan "Azərbaycan" qəzetinin xülasəsi verilir və yığcam konsert proqramları təşkil olunurdu. İlk dövrlər gündə 3 saat yayımlanan radio avqust ayında artıq gündə 5 saat yayımlanırdı.

İstinadlar

Məhərrəmli, 2004. səh. 29
Məhərrəmli, 2004. səh. 30
Məhərrəmli, 2004. səh. 31
Həsənli, 2006. səh. 252
Mərəndli, 2017. səh. 40
Məhərrəmli, 2004. səh. 33
Zəfəri, 2009. səh. 83
Məhərrəmli, 2004. səh. 34
Məhərrəmli, 2004. səh. 35
İradə Sarıyeva. "Təbriz radiosu - Cənubi Azərbaycan mədəniyyət tarixinin incisi..." (az.). baki-xeber.com. 2023-04-18. 2023-04-18 tarixində arxivləşdirilib. İstifadə tarixi: 2023-05-02.
Hüseynov, Rafael. "O səs yenə yüksələcək - Rafael Hüseynov yazır". 525-ci qəzet. 2024-01-24. İstifadə tarixi: 2024-01-21.

Ədəbiyyat

Məhərrəmli, Qulu. Danışır Təbriz (az.). Bakı: Nurlan nəşriyyatı. 2004. səh. 80.
Mərəndli, Barış. "21 Azər" soyqırımı: 1946-1947-ci illərdə Cənubi Azərbaycanda kütləvi qırğınlar (az.). Bakı: Elm və təhsil nəşriyyatı. 2017. səh. 376. ISBN . 2024-12-07 tarixində arxivləşdirilib. İstifadə tarixi: 2024-12-03.
Zəfəri, Sarabi. خانواده ابراهیمی: افسانه یک نسل / İbrahimi ailəsi: Bir nəslin əfsanəsi (fars). Boxum: Aida Orient Book. 2009. səh. 354.

Xarici keçidlər

Qulu Məhərrəmli - Danışır Təbriz - Bakı, 2004-cü il.

[FOOTNOTEMəhərrəmli200429-1] Məhərrəmli, 2004. səh. 29

[FOOTNOTEMəhərrəmli200430-2] Məhərrəmli, 2004. səh. 30

[FOOTNOTEMəhərrəmli200431-3] Məhərrəmli, 2004. səh. 31

[FOOTNOTEHəsənli2006252-4] Həsənli, 2006. səh. 252

[FOOTNOTEMərəndli201740-5] Mərəndli, 2017. səh. 40

[FOOTNOTEMəhərrəmli200433-6] Məhərrəmli, 2004. səh. 33

[FOOTNOTEZəfəri200983-7] Zəfəri, 2009. səh. 83

[FOOTNOTEMəhərrəmli200434-8] Məhərrəmli, 2004. səh. 34

[FOOTNOTEMəhərrəmli200435-9] Məhərrəmli, 2004. səh. 35

[10] İradə Sarıyeva. "Təbriz radiosu - Cənubi Azərbaycan mədəniyyət tarixinin incisi..." (az.). baki-xeber.com. 2023-04-18. 2023-04-18 tarixində arxivləşdirilib. İstifadə tarixi: 2023-05-02.

[11] Hüseynov, Rafael. "O səs yenə yüksələcək - Rafael Hüseynov yazır". 525-ci qəzet. 2024-01-24. İstifadə tarixi: 2024-01-21.