Bu məqalədəki məlumatların yoxlanılabilər olması üçün əlavə mənbələrə ehtiyac var Daha ətraflı məlumat və ya məqalədəki

Zivər bəy Gəray bəy oğlu Əhmədbəyov (1873, Şamaxı – 16 fevral 1925, Bakı, Azərbaycan SSR) — ilk ali təhsilli azərbaycanlı memar.

Zivər bəy Əhmədbəyov

Şəxsi məlumatlar
Doğum tarixi	1873
Doğum yeri	Şamaxı
Vəfat tarixi	16 fevral 1925
Vəfat yeri	Bakı Çəmbərəkənd qəbiristanlığı (dəfn yeri)
Vəfat səbəbi	intihar
Dəfn yeri	Bakı
Vətəndaşlığı	Rusiya imperiyası AXC Azərbaycan SSR
Təhsili	İnşaat Mühəndisləri İnstitutu^[d] (–1902)
İşləri və nailiyyətləri
İşlədiyi şəhərlər	Bakı, Şamaxı, Göyçay
Əsas tikililəri	Təzəpir məscidi
Vikianbarda əlaqəli mediafayllar

Həyatı

Zivər bəy Əhmədbəyov 1873-cü ildə Şamaxı şəhərində doğulub. Orta təhsilini Şamaxıda almışdır. 1902-ci ildə Peterburq İnşaat Mühəndisləri İnstitutunu bitirmişdir. 1910-cu ildən Bakı şəhərində yaşayıb. 1902–1917-ci illərdə Z. Əhmədbəyov Bakı Quberniyasının idarəsində sonra isə Bakı şəhər idarəsində memar işləmişdir. Azərbaycan Xalq Cümhuriyyəti elan olunduqdan sonra Bakı şəhərinin baş memarı olub.

1922-ci ilə kimi Bakı şəhərinin baş memarı olmuşdur. Şamaxıda Cümə məscidinin, İmam məscidinin, Bakıda Təzə Pir məscidinin, Göyçayda Əbülfəzlil Əbbas məscidinin (1898–1902), Əmircanda Murtuza Muxtarov məscidinin (1908) (məscidi tikib) və Vladiqafqazda bir sıra yaşayış, məişət binaları onun layihəsilə tikilmişdir.

Əmircanda layihəsini verdiyi məscid isə Şərq memarlığının ən yaxşı incilərindən biri kimi UNESCO-nun tarixi abidələr siyahısına salınaraq qorunur.

Z. Əhmədbəyov öz layihələrində Qərbi Avropa və Şərq memarlıq ənənələrini böyük məharətlə birləşdirirdi. Bakıda Oftalmologiya institutunun binası və onun layihəsilə tikilən bir sıra yaşayış binaları bu gün qalmaqdadır.

1917-ci ildə Z. Əhmədbəyov "İslam mədəniyyət abidələrini qoruyan", 1919-cu ildə isə Şamaxıda mədəniyyət abidələrinin öyrənilməsi ilə məşğul olan "Yeni Şirvan" cəmiyyətlərini yaradır.

Zivər bəy Əhmədbəyov 1925-ci ildə Bakıda intihar edib.

İrs

Zivər bəy Əhmədbəyovun Şamaxıdakı iki evindən biri bugünədək qorunub saxlanılır. Şirvanşah İbrahim küçəsində yerləşən və Əhmədbəyovun öz layihəsi əsasında tikilən bu bina qış evi kimi istifadə edilib. Sonralar satılan və Sovet rejimində istismar olunan tikili daha sonra sahibləri tərəfindən yenidən əldə edilib.

26 may 2011-ci ildə Bakıda "Nizami" metrostansiyası qarşısında Zivər bəy Əhmədbəyovun heykəlinin və onun adını daşıyan parkın açılışı olub. Prezident İlham Əliyev mərasimdə iştirak edib.

Parkla üzbəüz bina Zivər bəy Əhmədbəyovun layihəsi əsasında inşa edilib.

İşləri

Göyçay şəhərində Əbülfəzlil Əbbas məscidi (1902)
Təzəpir məscidi (1905–1914)
Muxtarov məscidi (1901–1908)
(1912–1913)
Əjdərbəy məscidi (1912–1913)
(1912–1913)
Uşaq xəstəxanası (1914–1918)
Yaşayış binası (1914–1916)
Moskva Dövlət Əlyazmalar İnstitutu, 2010-cu il

Qalereya

İstinadlar

. 2019-01-19 tarixində orijinalından arxivləşdirilib. İstifadə tarixi: 2019-01-25.
Göyçay şəhər Mərkəz məscidi
ARB Şəki. "Azərbaycanın ilk memarının Şamaxıdakı evi" (az.). Youtube.com. 04.05.2020. İstifadə tarixi: 2020-05-04.
http://mediaforum.az/articles.php?lang=az&page=00&article_id=20110526061423810^{[ölü keçid]}

Xarici keçidlər

Cümhuriyyətin baş memarına heykəl qoyuldu 2011-08-25 at the Wayback Machine
Təzəpirin məşhur memarı niyə intihar etmişdi? – Nəvəsi gizli məqamları danışır (FOTOLAR+VİDEO) 2019-01-19 at the Wayback Machine

[1] . 2019-01-19 tarixində orijinalından arxivləşdirilib. İstifadə tarixi: 2019-01-25.

[2] Göyçay şəhər Mərkəz məscidi

[3] ARB Şəki. "Azərbaycanın ilk memarının Şamaxıdakı evi" (az.). Youtube.com. 04.05.2020. İstifadə tarixi: 2020-05-04.

[4] ttp://mediaforum.az/articles.php?lang=az&page=00&article_id=20110526061423810^{[ölü keçid]}