Zeynalxan ağa Yağləvəndli-Cavanşir
Zeynalxan ağa Yağləvəndli-Cavanşir — Qarabağ bəyi, Səfəvilər və xanlıq dönəmində oba, atlı dəstənin yüzbaşısı.
Zeynalxan ağa Yağləvəndli-Cavanşir | |
---|---|
Zeynalxan ağa Səfixan ağa oğlu Yağləvəndli-Cavanşir | |
Doğum tarixi | |
Doğum yeri | Yağləvənd oymağı, Cavanşir eli, Qarabağ bəylərbəyliyi |
Vəfat tarixi | bilinmir |
Vətəndaşlığı |
Həyatı
Zeynalxan ağa Səfixan ağa oğlu 1687-ci ildə Cavanşir elinin Yağləvənd oymağında doğulmuşdu. İbtidai təhsilini molla yanında almışdı. Sonra Təbriz şəhərində mədrəsədə təhsilini davam etdirmişdi. Obalarının yüzbaşısı olmuşdu. Öncə Osmanlı ordusunda qulluq etmiş, sonra ordudan qaçıb Nadirqulu xan Qırxlı-Avşarın dəstəsinə qoşulmuşdu. Nadirqulu xan özünü şah elan edəndən sonra onun ordusunda yüzbaşı kimi xidmət etmişdi. Şahın ordusunda Osmanlı savaşlarına qatılmışdı. Zeynalxan ağanın ailəsı Xorasana, Sərəxsə sürgün olunmuşdu. Onun qohum-əqrabası Nadir şahın qətlindən sonra Qarabağa qayıtmışdı. Arazbar qəzasının Xanarxı yurdunda məskunlaşmışdı. Qarabağ xanlığı meydana gələndə Zeynalxan ağa öncə Pənahəli xana qarşı çıxsa da, sonra onun tərəfini tutmuşdu. Xan onu Cavanşir-Dizaq mahalının atlı dəstəsinə sərkərdə təyin etmişdi.
Ailəsi
Zeynalxan ağanın Səfixan ağa adlı oğlu vardı.
Zeynalxan ağanın şəcərəsi
- Alı xan Yağləvəndli-Cavanşir, Hafiz, oymaq başçısı
- Səfi xan Yağləvəndli-Cavanşir, Oymaq başçısı
- Zeynalxan ağa Yağləvəndli-Cavanşir, Oymaq başçısı
- Səfi xan Yağləvəndli-Cavanşir, Oymaq başçısı
Ədəbiyyat
- Ənvər Çingizoğlu, Xələflilər, Bakı: Mütərcim, 2017, 234 səh.