Zamiq İsmayılov
Zamiq Ömər oğlu İsmayılov - "Azərbaycan Xəzər Dəniz Gəmiçiliyi" Qapalı Səhmdar Cəmiyyəti sədrinin birinci müavini.
Zamiq İsmayılov | |
---|---|
Zamiq Ömər oğlu İsmayılov | |
Sələfi | Muxtar Bəhram oğlu Axundov |
Xələfi | Mübariz Mustafa oğlu Cabbarov |
Şəxsi məlumatlar | |
Partiya | |
Təhsili | Azərbaycan Dövlət İqtisad Universiteti |
Doğum tarixi | |
Doğum yeri | Bakı, Azərbaycan SSR, SSRİ |
Həyatı
Zamiq Ömər oğlu İsmayılov 1979-cu ildə Bakı şəhərində anadan olmuşdur. 1998-ci ildə Bakı Dəniz Yolları Məktəbini texnik-gəmi sürücüsü ixtisası üzrə bitirmişdir. 2007-2012-ci illərdə Azərbaycan Dövlət İqtisad Universitetində Kommersiya (beynəlxalq ticarət) ixtisası üzrə bakalavr, 2011-2012-ci illərdə Dünya Dənizçilik Universitetinin Gəmiçilik və liman idarəçiliyi fakültəsini bitirərək magistr ali elmi-ixtisas dərəcəsi almışdır.
Əmək fəaliyyətinə 1997-ci ildə Xəzər Dəniz Neft Donanması İdarəsinin gəmilərində kapitanın köməkçisi kimi başlamışdır. 2000-ci ildən BUE Caspian Limited şirkətinin Bakı və İstanbul şəhərlərində yerləşən "Ran Shipping" və "Hilal Shippinğ" şirkətlərinin gəmilərində kapitan köməkçisi və kapitan, 2003-cü ildən Maersk Contractors Servisez şirkətində əməliyyat menecerinin köməkçisi, 2005-ci ildən BP-Group Azərbaycan şirkətində dəniz əməliyyatları üzrə qrup rəhbəri, 2013-cü ildən Caspian Marine Services Limited şirkətinin Azərbaycan filialında baş əməliyyat meneceri, 2014-cü ildən isə həmin şirkətin direktoru vəzifələrində çalışmışdır.
2013-cü ildən London Gəmi Brokerləri İnstitutunun üzvüdür.
Azərbaycan Respublikası Prezidentinin 26 noyabr 2015-ci il tarixli Sərəncamı ilə "Azərbaycan Xəzər Dəniz Gəmiçiliyi" Qapalı Səhmdar Cəmiyyəti sədrinin birinci müavini təyin edilmişdir.
Evlidir, 3 övladı var.
Yeni Azərbaycan Partiyasının üzvüdür.
İstinadlar
- Z.Ö.İsmayılovun “Azərbaycan Xəzər Dəniz Gəmiçiliyi” Qapalı Səhmdar Cəmiyyəti sədrinin birinci müavini təyin edilməsi haqqında
- . 2016-03-02 tarixində orijinalından arxivləşdirilib. İstifadə tarixi: 2016-03-25.
Xarici keçidlər
- Gəmiçilik servisində keyfiyyət lideri 2016-03-21 at the Wayback Machine