Yung Lean

Yung Lean (18 iyul 1996) — İsveç repçisi. O, klaud rep janrının ilk mərhələsində əhəmiyyətli rol oynayan şəxsiyyətlərdən biri sayılır. 2013-cü ildə "YouTube" platformasında viral olan "Ginseng Strip 2002" mahnısı ona böyük şöhrət qazandırıb. Elə həmin il "Unknown Death 2002" adlı ilk miksteypini dinləyicilərin ixtiyarına verib. Növbəti ildə isə debüt studiya albomu "Unknown Memory" işıq üzü görüb.

Yung Lean
Ümumi məlumatlar
Doğum adı	Jonatan Aron Leandoer Håstad
Ləqəbləri	Yung Lean, jonatan leandoer96, jonatan leandoer127
Doğum tarixi	18 iyul 1996(1996-07-18) (28 yaş)
Musiqiçi məlumatları
Fəaliyyəti	repçi, müğənni, mahnı yazarı^[d], musiqi prodüseri
Fəaliyyət illəri	2012-ci ildən
Janrlar	hip-hop^[d], klaud rep^[d]
Albom şirkətləri	YEAR0001
yunglean.com
Vikianbarda əlaqəli mediafayllar

2016-cı ildə ikinci miksteypini "Frost God" və ikinci studiya albomunu "Warlord" adı altında dinləyicilərin ixtiyarına verib. 2017-ci ildə üçüncü studiya albomunu – "Stranger" işıq üzü görəndən bir il sonra "Poison Ivy" adlı üçüncü miksteypi ilə pərəstişkarlarının görüşünə gəlib. 2020-ci ildə sənətçi dördüncü studiya albomunu – "Starz"ı təqdim edib. Jonatan Leandoer96 təxəllüsü ilə hip-hop janrından kənara çıxaraq, indi-rok və neofolk qarışığından ibarət yeni üslubda "Nectar" (2019), "Blodhundar & Lullabies" (2020) və "Sugar World" (2023) albomlarını ərsəyə gətirib.

Həyatı

18 iyul 1996-cı ildə Stokholmda doğulan Yung Lean, İsveç ədəbiyyatının tanınmış simalarından olan, fransız ədəbiyyatından tərcümələr edən şair və fentezi yazıçısı Kristoffer Leandoer ilə keçmiş insan hüquqları fəalı Elsa Håstadın ailəsində böyüyüb. Anası Elsa Håstad Rusiya, Vyetnam və Cənubi Amerikada LGBT qrupları ilə çalışmış, 2019-2023-cü illər arasında İsveçin Albaniyadakı səfiri vəzifəsini icra etmişdir.

Lean uşaqlıq illərinin ilk dövrlərini Belarusun paytaxtı Minskdə keçirib. Anası onun öz uşaqlığına bənzər bir mühitdə böyüməsini arzuladığından ailəni Minskə köçürüb. Üç-beş yaşlarında ikən yenidən İsveçə qayıdan ailəsi Stokholmun Södermalm bölgəsində məskunlaşıb. Təhsil həyatının müəyyən dövründə – altıncı sinifdən onuncu sinfədək UNIS Hanoy məktəbində oxuyub.

Orta məktəb illərində narkotik maddələrdən istifadə və qraffiti çəkmək səbəbindən başı bəlalar çəkən Lean, bir müddət McDonald's restoranında işləyib. On beş yaşında kannabis çəkdiyinə görə şərti cəza alıb. Hip-hop musiqisinə marağı get-gedə artan Lean-in ilk ilham qaynaqları 50 Cent-in "Get Rich or Die Tryin", "The Latin Kings" qrupunun "Mitt Kvarter" və Nas-ın "Illmatic" albomları olub.

Fəaliyyəti

2012–2013: Karyera başlanğıcı, Lavender və Unknown Death

Yung Lean İsveçdə

2012-ci ildə Stokholmun məhəlli parkında Yung Lean, Yung Sherman və Gud ilə tanış olmuş, eyni musiqi zövqlərini bölüşdüklərini kəşf edərək dostlaşmışdılar. Bu dostluq nəticəsində "Hasch Boys" kollektivini yaradırlar. Sonradan "Drain Gang" qrupunu formalaşdıracaq digər Stokholm sənətçilər də bu kollektivə qoşulur.

"Hasch Boys" üzvlərinin əksəriyyəti qrupa marağını itirdikdə, Lean, Sherman və Gud ayrılaraq üçlük halında "Sad Boys" qrupunu təsis edirlər. 2012-ci ildə Yung Gud və Yung Sherman musiqi bəstələyib mikslər hazırlayarkən, Lean zirzəmisindəki sadə studiyada mahnı sözləri yazıb vokal ifa etməyə başlayır. Yaratdıqları musiqini SoundCloud və Tumblr platformalarında paylaşmış, Lean qısa müddətdə böyük dinləyici kütləsi toplamışdır. "Sad Boys" ilk konsertini 2013-cü il mayın 5-də İsveçin Göteborg şəhərində verir.

Yung Lean "Ginseng Strip 2002" mahnısına çəkilən videoklipin viral olması ilə məşhurlaşır. 2013-cü ildə ilk rəsmi işlərini – Kreayshawn ilə birgə "Marble Phone" sinqlınl, "Unknown Death 2002" albomunu və "Ginseng Strip 2002" mahnısı daxil olmaqla "Lavender" minialbomunu təqdim edib. "Consequence of Sound" "Ginseng Strip 2002"ni "2013-cü ilin ən yaxşı 50 mahnısı" siyahısında 44-cü yerə layiq görmüş, "Vibe" jurnalı isə "Unknown Death 2002"ni "2013-cü ilin ən az diqqət çəkən 10 debüt rep miksteypi" siyahısına daxil edərək, onu Lil B-nin sərbəst assosiativ, çox vaxt mənasız qafiyələrinin daha melodik versiyası kimi dəyərləndirib.

2013-cü ildə Yung Lean və "Sad Boys" Avropa turnesinə çıxırlar. Həmin il "Acclaim" jurnalı Yung Lean ilə "kiçik söhbət" formatında müsahibə aparmış, ona müxtəlif mövzularda – sevimli xumarlıq müalicəsindən tutmuş kompüter ekranının fon şəklinədək suallar ünvanlamışdır.

2014–2016: Unknown Memory və Warlord

Yung Lean (2014)

2014-cü ildə Yung Lean və "Sad Boys" qrupu Avropanın 24 şəhərini əhatə edən "White Marble" turnesinə çıxıb. Bu turnenin başa çatmasından dərhal sonra "Sad Boys" Şimali Amerikanın müxtəlif şəhərlərində konsertləri əhatə edəcək "Black Marble" turnesini elan edib. İlk konsert Nyu-Yorkdakı Webster Hall-da təşkil olunmuş, "XXL" və "The New York Times" kimi nüfuzlu nəşrlərin tənqidçiləri tərəfindən yüksək qiymətləndirilib.

2014-cü ilin may ayında "Studio PSL" verilişində çıxış edən sənətçi, həmin il "P3 Gold" mükafatlarının "Hip-Hop/Soul" kateqoriyasında beş əsas namizəddən biri olur.

Sentyabrın 23-də Yung Lean ilk tam formatli albomunu – "Unknown Memory"ni işıq üzünə çıxarıb. Albomun təqdimatı çərçivəsində dekabrın 1-də Webster Hall-ın əsas səhnəsində anşlaqla keçən konsertlə başlayan Şimali Amerika və Avropa turnesi təşkil olunub.

2016-cı il fevralın 25-də ikinci albomunu – "Warlord"u təqdim edən ifaçı, eyni zamanda "Sad Boys Entertainment" geyim markasını yaradıb. İyul ayında Calvin Klein-in payız-qış kolleksiyasının üzü olan sənətçinin Amerikadakı "Warlord" turnesində onun turne avtobusu Pensilvaniyada atəşə tutulub. Tənqidçilərin yüksək qiymətləndirdiyi Frenk Ouşenin "Blonde" albomunda "Godspeed" və "Self Control" mahnılarında bekvokalist kimi iştirak edib. Lean-in sözlərinə görə, albom üçün vokal partiyaları on yeddi yaşında ikən Londonun mərkəzində yerləşən Ouşenin mənzilində yazılıb.

2016-cı il noyabrın 25-də Yung Lean gözlənilmədən "Hennessy & Sailor Moon" adlı yeni mahnısını Bladee ilə birgə təqdim edib. Dekabr ayının 14-də isə həmin mahnı ilə yanaşı A$AP Ferg-in iştirak etdiyi "Crystal City" kompozisiyasının da yer aldığı səkkiz mahnılıq "Frost God" miksteypini yayımlayıb.

2017–2019: Stranger, Poison Ivy və Nectar

Yung Lean 2018-ci ildə

2017-ci ilin noyabrında Lean-in yaradıcılıq yolunda əhəmiyyətli dönüş baş verib. Sənətçi "YEAR0001" şirkəti ilə əməkdaşlıq çərçivəsində özünün üçüncü albomunu dinləyicilərin ixtiyarına verib. "Stranger" adlanan bu alboma "Red Bottom Sky", "Hunting My Own Skin" və "Skimask" kimi mahnılar daxil edilib.

2018-ci ilin əvvəllərində "Complex" jurnalına müsahibəsində musiqiçi bir neçə ssenari üzərində işlədiyini açıqlayıb. Bunlardan biri İsveçin məşhur cinayətkarı Con Ausoniusun – "Lazer adam" ləqəbli qatilin həyatından bəhs edirdi. Elə həmin ilin fevralında Yung Lean yaradıcılığında yeni səhifə açılmış, Thaiboy Digital ilə birgə "King Cobra" mahnısını təqdim etmişdir. Bununla yanaşı, Converse brendinin "One Star Toxic" kolleksiyasının hazırlanmasında iştirak etmişdir.

2018-ci ilin oktyabrında Yung Lean Drain Gang qrupunun üzvü Whitearmor ilə birgə "Poison Ivy" miksteypini yaradıb. Oktyabrın 24-də işıq üzü görən "Happy Feet" sinqlından sonra noyabrın 2-də təqdim olunan albom İsveçin Sverigetopplistan çartında 44-cü pilləyə yüksəlib.

2019-cu ilin yanvarında musiqiçi Jonatan Leandoer96 təxəllüsü ilə ilk tam formatli albomunu – "Nectar"ı dinləyicilərin ixtiyarına verib. "Wooden Girl", "Nectar" və "Tangerine Warrior" mahnılarının yer aldığı bu albomda sənətçi əvvəlki hip-hop üslubundan uzaqlaşaraq, indi-rok və neofolk janrlarının sintezini yaradıb.

2020–2024: Starz, Blodhundar & Lullabies, In My Head, Stardust, Sugar World və Psykos

2020-ci ilin 26 fevralında Yung Lean daimi əməkdaşı Whitearmor tərəfindən prodüserliyi edilmiş "Boylife in EU" sinqlını dinləyicilərin ixtiyarına verib. Mart ayının 27-də isə sənətçi dördüncü studiya albomu "Starz"dan qarışıq parçaların yer aldığı 44 saniyəlik öntanıtım videosunu ictimaiyyətə təqdim edib. Qlobal COVID-19 pandemiyası səbəbindən martın sonlarında başlaması planlaşdırılan "Starz" konsert turu təxirə salınmış, bunun əvəzində 2 aprel tarixində Yung Lean məxfi məkanda yük maşınının üstündən 45 dəqiqəlik canlı yayım konserti təşkil etmişdir. Bu konsertdə əvvəlki əsərlərindən seçmələrlə yanaşı, təzə buraxılmış "Boylife in EU" mahnısı da səsləndirilib. Aprelin 14-də "Starz" albomunun "Violence + Pikachu" adlı ikinci tək mahnısı yayımlayıb. Whitearmor və Yung Sherman tərəfindən prodüserliyi edilən, başlıq mahnısında Ariel Pink-in iştirak etdiyi "Starz" albomu 15 may 2020-ci ildə işıq üzü görüb.

2020-ci il noyabrın 9-da Yung Lean Jonatan Leandoer96 layihəsi altında ikinci tam formatli albomu olan "Blodhundar & Lullabies"i elan edib. 16 mahnıdan ibarət bu albom bir ay sonra, dekabrın 21-də dinləyicilərin ixtiyarına verilib.

2020-ci il noyabrın 27-də kinoteatrlarda "Yung Lean: In My Head" adlı sənədli film nümayiş olunmağa başlayıb. Musiqi sənədli filmlərinin rejissoru Henrik Burmanın çəkdiyi film Lean-in erkən yaradıcılıq dövrünü "'Stranger" albomunun buraxılışına qədər işıqlandırır. Filmdə Lean-in özü, musiqiçi dostu Bladee, meneceri Oskar Ekman, keçmiş əməkdaşı Stiven Maçat, "The Fader" və "Pitchfork" kimi nüfuzlu nəşrlərin jurnalistləri Mayamidə baş vermiş hadisələrə dair düşüncələrini bölüşürlər. Sənədli filmin əvvəlcə 2020-ci il Tribeka Film Festivalında nümayişi planlaşdırılırdı, ancaq COVID-19 pandemiyası səbəbindən təxirə salınıb. Film həmin ilin payızında rəqəmsal formatda buraxılmış, məhdud sayda kinoteatrlarda nümayiş olunmuşdur.

2022-ci il aprelin 8-də Yung Lean FKA twigs, Skrillex, Drain Gang və Ant Wan kimi sənətçilərin iştirakı ilə on iki mahnıdan ibarət "Stardust" adlı miksteypini təqdim edib.

Dekabrın 14-də Jonatan Leandoer96 imzası ilə "Blue Light" tək sinqlı üzü görüb, Olle Knutson və Philip Hovensjö-nun rejissorluğunda çəkilmiş videoklip də musiqisevərlərin ixtiyarına verilib. Bu təqdimat sənətçinin "Sugar World" adlı tam formatda albomunun anonsu olub. Albom məhz 3 fevral 2023-cü ildə dinləyicilərin öhdəsinə buraxılıb.

Trevis Skottun "Utopia" albomunda məkan alan "Parasail" kompozisiyasında Yung Lean qonaq ifaçı qismində çıxış edib. Daha ətraflı qeyd etmək gərəkdir ki, musiqi əsəri 28 iyul 2023-cü ildə yayımlanıb. Bladee ilə birgə ərsəyə gətirdiyi "Psykos" albomunu 13 mart 2024-cü ildə təqdim edib. İsveçli müğənni Robyn-lə bərabər Charli XCX-in "360" sinqlının remiks versiyasında iştirak edib, bu isə 31 may 2024-cü ildə dinləyicilərin qəlbinə yol tapıb.

4 noyabr 2024-cü ildə Yung Lean-in Charli XCX ilə bərabər "Sacrifice" filmində rol alacağı məlum olub, bu onun ilk böyük ekran debütüdür. Həmin ayın sonlarında ifaçı "YEAR0001" şirkəti ilə əməkdaşlığına son qoyduğunu, bundan sonra musiqi əsərlərini "World Affairs" adlı şəxsi şirkəti vasitəsilə yayımlayacağını bəyan edib.

2025–cari: Jonatan

Yung Lean 21 yanvar 2025-ci ildə özünün beşinci studiya albomunun – "Jonatan"ın yaxın vaxtlarda işıq üzü görəcəyini elan edib.

1 mart 2025-ci ildə Stokholmdakı Avicii Arenanın səhnəsində 10 mindən artıq dinləyici qarşısında unudulmaz konsert proqramı ilə çıxış edib. İsveç mətbuatının böyük marağına səbəb olan gecədə "Aftonbladet" qəzeti konserti "kollektiv zəfər" adlandırıb. Açılış çıxışını sənətçinin çoxillik dostu Yung Sherman edib, gecə ərzində səhnəyə Yung Gud, Ecco2K, Bladee, Thaiboy Digital kimi tanınmış musiqiçilər də qonaq qismində qoşulublar.

Yaradıcılığı

"XXL" jurnalı 2014-cü ildə tərtib etdiyi "Tanımalı olduğunuz 15 avropalı rep ifaçısı" siyahısına onu daxil edib. "Fact" jurnalı "Unknown Death 2002" miksteypini Clams Casino və Beautiful Lou-nun yenilikçi üsullarının məntiqi davamı kimi dəyərləndirərək, əsərin nadir və səmimi cazibəsi ilə seçilən, qəmli notlarla zəngin musiqi nümunəsi olduğunu vurğulayıb. "Fact" jurnalı 2013-cü ildə dərc etdiyi "Sad Boys-un yüksəlişi: Kompakt-dan Yung Lean-ə qədər elektron musiqiçilərin kədərlərini ifadə etmə tarixi" adlı məqalədə Yung Lean-in "Unknown Death 2002" miksteypini qəmgin rep janrının zirvəsi adlandırıb.

"Entertainment Weekly" nəşri Yung Lean-i klaud rep hərəkatı ilə qismən əlaqəli ifaçı kimi xarakterizə edib. "HighClouds" musiqi portalının təhlilinə əsasən, Yung Lean-in uğurunun əsas səbəblərindən biri Yung Gud və Yung Sherman-ın Clams Casino-nun klaud rep tərzini elektron musiqi elementləri ilə məharətlə birləşdirən bəstələridir.

Yung Lean məsləkdaşı, Sad Boys-un üzvü Gud ilə birgə post-pank janrında çıxış edən Död Mark qrupunun vokalçısı olaraq fəaliyyət göstərir. İkilik 2016-cı ildə Stokholm şəhərinin "YEAR0001" leyblı vasitəsilə "Drabbad av Sjukdom" adlı ilk albomunu dinləyicilərin ixtiyarına verib.

Şəxsi həyatı

Musiqidən kənar fəaliyyətində, qəribə bir cinayətkar dramı və İsveç mənşəli qatil Con Ausoniusun həyatından bəhs edən rok-opera üzərində işləyən Hostad, aktyorluq sahəsində də özünü sınamaq niyyətindədir.

Mütaliə, keramika sənəti, rəssamlıq, yazı və piano çalmaq kimi müxtəlif məşğuliyyətlərə maraq göstərən sənətçi, psixoloji müalicə mərkəzindən çıxdıqdan sonra rəsm çəkməyə başlamışdır. Hostad 2019-cu ildə Kaleidoscope jurnalına verdiyi müsahibədə 2017-ci ildə bipolyar pozuntusu diaqnozu aldığını açıqlamış, hazırda bu xəstəliyə qarşı dərman qəbul etdiyini bildirmişdir.

Səhhəti

"Warlord" adlı ikinci studiya albumu üzərində işlədiyi müddətdə Lean ABŞ-nin Mayami-Biç şəhərində məskunlaşmışdır. Bu dövrdə o, Ksanaks, Lin və kokain asılılığına düçar olub. 2015-ci il aprelin 7-də Lean-im vəziyyəti ağırlaşmış, dərhal Maunt Sinay Tibb Mərkəzi və Mayami Ürək İnstitutuna yerləşdirilmişdir. Hostadın səhhətinin pisləşməsi və xəstəxanaya yerləşdirilməsi onun meneceri və yaxın dostu Baron Maçatın vəfatı ilə eyni vaxta təsadüf edib. Bu hadisədən sonra Lean ailəsinin yanına, İsveçə qayıdıb. Həmin vaxt atası xəstəxanada olan oğlunu ziyarət etmək üçün yola düşmüş, dörd gün ərzində onun yanında qalmışdır. Lean-in sözlərinə görə, əvvəlcə atasını tanımaqda çətinlik çəkmiş, daha sonra birlikdə İsveçə dönmüşlər. Təxminən iki ay ərzində Lean kənd ərazisində, nisbi təcrid şəraitində atasının nəzarəti altında sağlamlığını bərpa etmiş, bundan sonra Stokholmda yerləşən valideynlərinin evinə köçmüşdür.

Tanınması

Öz yaradıcılığında yeni sərhədlər aşaraq emo rep, klaud rep və SoundCloud rep kimi alt janrların formalaşmasında mühüm rol oynayan Hostad, müasir musiqi səhnəsində özünəməxsus yer tutmağı bacarıb. Onun novator yanaşması gənc nəsil musiqiçilərə dərin təsir göstərib. 2019-cu ildə Dublin şəhərindəki Triniti Kollecinin Universitet Fəlsəfə Cəmiyyəti tərəfindən mədəniyyət sahəsindəki nailiyyətlərinə görə Bram Stoker medalına layiq görülüb.

Diskoqrafiya

Studiya albomları

• Unknown Memory (2014)
• Warlord (2016)
• Stranger (2017)
• Starz (2020)
• Psykos (2024) (Bladee ilə)

Miksteyplər

• Unknown Death 2002 (2013)
• Frost God (2016)
• Poison Ivy (2018)
• Stardust (2022)

İstinadlar

1. Discogs (ing.). 2000.
2. "Yung Lean känner sig inte hemma i svensk musik". Sveriges Radio. sverigeradio.se. 7 May 2013. 12 November 2020 tarixində arxivləşdirilib. İstifadə tarixi: 2 July 2014.
3. "Yung Lean – 'Stranger' Review". NME. 9 November 2017. 28 November 2019 tarixində arxivləşdirilib. İstifadə tarixi: 28 November 2019.
4. "Jonatan Leandoer Håstad/Yung Lean". Cullberg. 9 April 2020. 31 July 2023 tarixində arxivləşdirilib. İstifadə tarixi: 23 May 2023.
5. "Yung Lean Talks Converse, Painting, and the Insurmountable Downsides to Fame". Complex (ingilis). 8 May 2018 tarixində arxivləşdirilib. İstifadə tarixi: 9 May 2018.
6. Cooper, Duncan. "Yung Lean's Second Chance". The Fader. 16 June 2016. 15 June 2018 tarixində arxivləşdirilib. İstifadə tarixi: 14 January 2017.
7. "Ny ambassadör i Albanien". regeringen.se (isveç). Utrikesdepartementet. 16 May 2019. 17 May 2021 tarixində arxivləşdirilib. İstifadə tarixi: 1 October 2020.
8. "Yung Lean Doer Is the Weirdest 16-Year-Old White Swedish Rapper You'll Hear This Week". Noisey (ingilis). 23 April 2013. 23 September 2018 tarixində arxivləşdirilib. İstifadə tarixi: 23 September 2018.
9. "Galore Crush: Yung Lean". Galore. 23 June 2020 tarixində orijinalından arxivləşdirilib. İstifadə tarixi: 14 January 2017.
10. "Yung Lean's Second Chance". The Fader. 15 June 2018 tarixində arxivləşdirilib. İstifadə tarixi: 14 January 2017.
11. Stern, Marlow. "The Cult of Yung Lean: 'I'm Building An Anarchistic Society From the Ground Up'". The Daily Beast. 4 January 2015. 20 June 2016 tarixində arxivləşdirilib. İstifadə tarixi: 14 January 2017.
12. "Guide to Sad Boys : sadboys". Reddit.com. 10 February 2014. 26 May 2015 tarixində arxivləşdirilib. İstifadə tarixi: 20 May 2015.
13. Borrelli-Persson, Laird. "Swedish Rapper Yung Lean Talks Style and Shares His New Track "AF1's" Exclusively Here". Vogue (ingilis). 3 February 2016. 1 June 2016 tarixində arxivləşdirilib. İstifadə tarixi: 26 May 2016.
14. Capell, Frances (2013) "Yung Lean Doer Is the Weirdest 16-year-old White Swedish Rapper You'll Hear This Week Arxivləşdirilib 1 iyul 2014 at the Wayback Machine", Noisey (), 23 April 2013. Retrieved 2 July 2014
15. Shapiro, David (2014) "Yung Lean, King of the Sad Boys Arxivləşdirilib 27 aprel 2022 at the Wayback Machine", The New Yorker, 14 July 2014. Retrieved 1 August 2014
16. Friedlander, Emilie (2014) ""Taking Arizona Iced Tea and Making It Cry": An Interview with Yung Lean and the Sad Boys Arxivləşdirilib 29 iyul 2014 at the Wayback Machine", , 16 July 2014. Retrieved 1 August 2014
17. Moore, Sam. "Yung Lean Interview: An Audience With The Original 'Sad Boy'". NME (ingilis). 6 May 2016. 26 January 2019 tarixində arxivləşdirilib. İstifadə tarixi: 25 January 2019.
18. "Yung Lean finds new direction with 'Stranger' – The Daily Texan". www.dailytexanonline.com (ingilis). 20 April 2019 tarixində orijinalından arxivləşdirilib. İstifadə tarixi: 25 January 2019.
19. "Yung Lean – 16-åringen från Stockholm får världen att häpna Arxivləşdirilib 12 noyabr 2020 at the Wayback Machine", sverigeradio.se, 7 May 2013. Retrieved 2 July 2014
20. "The New New: 15 European Rappers You Should Know Arxivləşdirilib 12 iyun 2014 at the Wayback Machine", , 9 June 2014. Retrieved 2 July 2014
21. "Видео: Кой шведски рапър трябва да чуете според "Мандо Диао" Arxivləşdirilib 14 iyul 2014 at the Wayback Machine", , 4 July 2014. Retrieved 6 July 2014
22. "Yung Lean ♦ Ginseng Strip 2002 ♦", YouTube. Retrieved 9 October 2020
23. Levy, Pat. "Top 50 Songs of 2013". . 7 December 2013. 13 April 2021 tarixində arxivləşdirilib. İstifadə tarixi: 8 July 2014.
24. Weinstein, Max (2013) "The 10 Most Overlooked Debut Rap Mixtapes of 2013 Arxivləşdirilib 14 iyul 2014 at the Wayback Machine", , 5 December 2013. Retrieved 2 July 2014
25. Brent, Jonathan (2013) "Small Talk: Yung Lean: A #VERYEMOTIONAL Q&A With the Swedish Rapper Going Viral Right Now Arxivləşdirilib 14 iyul 2014 at the Wayback Machine", Acclaim, 14 July 2013. Retrieved 2 July 2014
26. Friedlander, Emile (2014) "Swedish Rapper Yung Lean Talks Gold, Phones in "Motorola" Arxivləşdirilib 16 iyul 2014 at the Wayback Machine", , 19 February 2014. Retrieved 2 July 2014
27. Plaugic, Lizzie (2014) "Watch: Yung Lean – "Motorola" Video Arxivləşdirilib 7 iyul 2014 at Archive.today", , 19 February 2014. Retrieved 2 July 2014
28. Malik, Stephanie (2014) "Exclusive: Yung Lean & Sad Boys Team Up With Shallowww For a New Aesthetic Arxivləşdirilib 9 iyul 2014 at the Wayback Machine", Bullett, 7 March 2014. Retrieved 2 July 2014
29. "Noisey Presents Yung Lean's First North American Show in New York City Arxivləşdirilib 14 iyul 2014 at the Wayback Machine", Noisey (), 3 June 2014. Retrieved 2 July 2014
30. Plaugic, Lizzie (2014) "Yung Lean Is Coming To America, Drops "Yoshi City" Video Arxivləşdirilib 7 iyul 2014 at Archive.today", , 18 June 2014. Retrieved 2 July 2014
31. "Yung Lean & Sadboys @ Cabaret Underworld Arxivləşdirilib 15 iyul 2014 at the Wayback Machine", , 5 June 2014. Retrieved 2 July 2014
32. "Yung Lean", The New Yorker. Retrieved 2 July 2014
33. Rys, Dan (2014) "Yung Lean Surprises With An Energetic Show In NYC Arxivləşdirilib 8 avqust 2014 at the Wayback Machine", , 10 July 2014. Retrieved 1 August 2014
34. Caramanica, Jon (2014) "From Neophyte to Pit Bull, in a Fun House Mirror of Hip-Hop Mannerisms Arxivləşdirilib 18 aprel 2018 at the Wayback Machine", The New York Times, 10 July 2014. Retrieved 1 August 2014
35. "Se första avsnittet Studio PSL här Arxivləşdirilib 9 may 2014 at Archive.today", PSL, 9 May 2014. Retrieved 2 July 2014
36. "Nominerade till P3 Guld 2014: Årets Hiphop/Soul Arxivləşdirilib 14 iyul 2014 at the Wayback Machine", P3 Guld Awards, 3 December 2013. Retrieved 6 July 2014
37. Raymer, Miles (2014) "Here's what you need to know about Internet-famous rapper Yung Lean Arxivləşdirilib 7 iyul 2014 at the Wayback Machine", , 5 July 2014. Retrieved 6 July 2014
38. Yung Lean YouTube Channel "[1] Arxivləşdirilib 4 sentyabr 2014 at the Wayback Machine"
39. Friedlander, Emile (2014) "Yung Lean Announces Unknown Memory Tour Arxivləşdirilib 8 dekabr 2014 at the Wayback Machine", , 24 September 2014. Retrieved 4 December 2014
40. Tudela, Alex. "Clothes From the Rapper Yung Lean, an 'American Psycho' Raincoat and Other Must-Haves for Spring". The New York Times. 5 April 2016. 10 May 2018 tarixində arxivləşdirilib. İstifadə tarixi: 2 May 2016.
41. "Yung Lean's Tour Bus Shot At In Pittsburgh". HotNewHipHop. 23 September 2018 tarixində arxivləşdirilib. İstifadə tarixi: 23 September 2018.
42. "Yung Lean talks about working with Frank Ocean". blonded.blog (ingilis). 10 May 2018 tarixində arxivləşdirilib. İstifadə tarixi: 9 May 2018.
43. Renshaw, David. "Yung Lean Shares Surprise New Song, 'Hennessy & Sailor Moon'". . 25 November 2016. 26 November 2016 tarixində arxivləşdirilib. İstifadə tarixi: 26 November 2016.
44. "Yung Lean is writing a script for a "strange gangster drama"". The Fader (ingilis). 10 May 2018 tarixində arxivləşdirilib. İstifadə tarixi: 9 May 2018.
45. "Here's How to Buy Converse's Yung Lean "Toxic" One Star". Highsnobiety (ingilis). 9 May 2018. 26 April 2023 tarixində arxivləşdirilib. İstifadə tarixi: 9 May 2018.
46. "Yung Lean: Poison Ivy". Pitchfork (ingilis). 20 January 2019 tarixində arxivləşdirilib. İstifadə tarixi: 16 June 2019.
47. "Sverigetopplistan". Sverigetopplistan (isveç). 26 June 2019 tarixində arxivləşdirilib. İstifadə tarixi: 16 June 2019.
48. "Filmrecension: Gripande skildring av ung destruktivitet i Yung Lean: In my head". 27 November 2020. 27 November 2020 tarixində arxivləşdirilib. İstifadə tarixi: 16 December 2020.
49. "Swedish documentary Yung Lean: In My Head to world premiere at Tribeca Film Festival". 4 April 2020. 3 August 2021 tarixində arxivləşdirilib. İstifadə tarixi: 3 August 2021.
50. Rettig, James. "Yung Lean Releases New Mixtape 'Stardust' Featuring FKA Twigs, Skrillex, Bladee". Stereogum. 8 April 2022. 30 May 2022 tarixində arxivləşdirilib. İstifadə tarixi: 30 May 2022.
51. Kenneally, Cerys. "Jonatan Leandoer96 (Yung Lean) announces new album with lead single "Blue Light"". The Line of Best Fit (ingilis). 14 December 2022. 4 February 2023 tarixində arxivləşdirilib. İstifadə tarixi: 3 February 2023.
52. "Travis Scott Drops 'Utopia' at Last". . 28 July 2023 tarixində arxivləşdirilib. İstifadə tarixi: 28 July 2023.
53. Breihan, Tom. "Stream Yung Lean & Bladee's Surprise New Album Psykos". 13 March 2024.
54. Monroe, Jazz. "Charli XCX Enlists Robyn and Yung Lean for New "360" Remix". Pitchfork (ingilis). 31 May 2024. İstifadə tarixi: 24 November 2024.
55. Wilkes, Emma. "Yung Lean and Robyn team up for summer-ready remix of Charli XCX's '360'". NME (ingilis). 31 May 2024. İstifadə tarixi: 24 November 2024.
56. Richardson, Kalia. "Charli XCX, Yung Lean Join Cast for Upcoming Film 'Sacrifice'". Rolling Stone (ingilis). 4 November 2024. İstifadə tarixi: 24 November 2024.
57. Strauss, Matthew. "Charli XCX and Yung Lean Join Cast of New Movie Sacrifice". Pitchfork (ingilis). 4 November 2024. İstifadə tarixi: 24 November 2024.
58. "Sad Boys and Drain Gang artists announce departure from YEAR0001". Mixmag. 18 December 2024. İstifadə tarixi: 13 January 2025.
59. "Yung Lean Teases 'Jonatan,' A New Album That's Set For Release Soon". UPROXX (ingilis). 21 January 2025. İstifadə tarixi: 25 January 2025.
60. "Yung Lean announces new album Jonatan". The FADER (ingilis). İstifadə tarixi: 25 January 2025.
61. "Yung Leans konsert blir till en kollektiv triumf". www.aftonbladet.se (isveç). 1 March 2025. İstifadə tarixi: 3 March 2025.
62. Dahlbom, Anders. "Hade kunnat gå på ren urkraft – men vill mer". www.expressen.se (isveç). 2 March 2025. İstifadə tarixi: 3 March 2025.
63. "Mixtape Round-up: Main Attrakionz, DJ Mustard & Teeflii, Metro Zu, Yung Lean, and More Arxivləşdirilib 14 iyul 2014 at the Wayback Machine", , 12 July 2013. Retrieved 2 July 2014
64. "Rise of the Sad Boys: From Kompakt To Yung Lean, a History of How Electronic Musicians Have Worn Their Sadness on Their Sleeves Arxivləşdirilib 14 iyul 2014 at the Wayback Machine", , 15 August 2013. Retrieved 2 July 2014
65. "Here's what you need to know about Internet-famous rapper Yung Lean". Entertainment Weekly's EW.com. 20 March 2016 tarixində arxivləşdirilib. İstifadə tarixi: 26 May 2016.
66. "I write raps not tragedies: Finally! The emo-goth-rap hybrid you didn't realise you were waiting for is here". HighClouds (ingilis). 10 April 2017. 30 October 2017 tarixində arxivləşdirilib. İstifadə tarixi: 15 April 2017.
67. "Pigeons & Planes: The Best in New Music Discovery and Curation". Complex. 4 December 2018 tarixində arxivləşdirilib. İstifadə tarixi: 19 January 2019.
68. "Yung Lean is writing a script for a "strange gangster drama"". The Fader. 26 January 2019 tarixində arxivləşdirilib. İstifadə tarixi: 25 January 2019.
69. "Yung Lean Talks Converse, Painting, and the Insurmountable Downsides to Fame". Complex. 27 March 2019 tarixində arxivləşdirilib. İstifadə tarixi: 25 January 2019.
70. "Yung Lean gives us a look into his life on tour in China – Interview Magazine". Interview Magazine. 23 November 2017. 10 May 2018 tarixində arxivləşdirilib. İstifadə tarixi: 9 May 2018.
71. "Yung Lean gives us a diary entry from the road". Interview Magazine. 17 November 2017. 10 May 2018 tarixində arxivləşdirilib. İstifadə tarixi: 9 May 2018.
72. Angell, Jack. "Yung Lean Is Fulfilling His Prophecy". PAPER (ingilis). 24 June 2020. 25 November 2021 tarixində arxivləşdirilib. İstifadə tarixi: 25 November 2021.
73. "Yung Lean's Second Chance". The Fader. 15 June 2018 tarixində arxivləşdirilib. İstifadə tarixi: 9 May 2018.
74. "Yung Lean's Second Chance". The FADER. İstifadə tarixi: 5 December 2023.
75. Aroesti, Rachel. "guardian article". The Guardian. 12 May 2020. 7 November 2022 tarixində arxivləşdirilib. İstifadə tarixi: 18 October 2022.
76. "hihgsnob". 26 April 2023 tarixində arxivləşdirilib. İstifadə tarixi: 18 October 2022.
77. "redbull". Red Bull. 19 February 2018. 18 October 2022 tarixində arxivləşdirilib. İstifadə tarixi: 18 October 2022.
78. "dailycampus". 28 September 2018. 18 October 2022 tarixində arxivləşdirilib. İstifadə tarixi: 18 October 2022.
79. "We Mustn't Forget Yung Lean – the Kollection". 28 November 2020 tarixində arxivləşdirilib. İstifadə tarixi: 30 November 2020.
80. Archived at Ghostarchive and the Wayback Machine: "Yung Lean Q&A @ Trinity College, Dublin Ireland 13/11/19". YouTube. 26 January 2020.
81. "Yung Lean: Stardust" Arxivləşdirilib 3 may 2022 at the Wayback Machine, , 20 April 2022.