Yaşar Babayev (gizir)

Yaşar Vasif oğlu Babayev (1987, Köçəsgər, Qazax rayonu – 14 iyul 2020(2020-07-14), Tovuz rayonu) — Azərbaycan Ordusunun giziri, 2020-ci il iyulunda Tovuz istiqamətində olan döyüşlərdə dünyasını dəyişmişdir.

Yaşar Babayev
Şəxsi məlumatlar
Doğum tarixi	1987
Doğum yeri	Köçəsgər, Qazax rayonu, Azərbaycan SSR, SSRİ
Vəfat tarixi	14 iyul 2020(2020-07-14)
Vəfat yeri	Tovuz rayonu, Azərbaycan
Dəfn yeri	Köçəsgər
Vətəndaşlığı	Azərbaycan
Hərbi fəaliyyəti
Mənsubiyyəti	Azərbaycan Ordusu
Qoşun növü	Quru Qoşunları
Xidmət illəri	2020
Rütbə	Gizir
Döyüşlər	Tovuz döyüşləri, 2020
Təltifləri	2020

Həyatı

Yaşar Babayev 1987-ci ildə Ağstafa rayonunun Köçəsgər qəsəbəsində anadan olub. O, 2012-ci il iyulun 19-da ailə həyatı qurmuşdu və 8 ildir övlad arzusunda idi. Yaşar Babayevin ölümündən 2 gün sonra, iyulun 16-da onun qızı dünyaya gəldi.

Hərbi xidməti

Yaşar Babayev Azərbaycan Silahlı Qüvvələrinin giziri idi. O, 2020-ci il iyulun 14-də Tovuz istiqamətində olan şiddətli döyüşlər zamanı şəhid olub.

İyulun 14-də Yaşar Babayev, doğulduğu Ağstafa rayonunun Köçəsgər qəsəbəsində dəfn olundu. Onunla vida mərasiminə Ordunun zabitləri, habelə Ağstafa rayonunun icra başçısı Seymur Orucov, Milli Məclisin deputatları Nizami Cəfərov və Qənirə Paşayeva, İnsan hüquqları üzrə Ombudsman Səbinə Əliyeva qatıldı.

Azərbaycan ərazilərinin işğaldan azad olunması zamanı döyüş tapşırıqlarını yerinə yetirərkən şəxsi mərdlik və igidlik göstərdiyinə görə Azərbaycan Prezidenti İlham Əliyevin 18.12.2020-ci il tarixli Sərəncamına əsasən Yaşar Babayev ölümündən sonra "İgidliyə görə" medalı ilə təltif edildi.

Təltifləri

•   (26.06.2018) — "Azərbaycan Ordusunun 100 illiyi (1918-2018)" yubiley medalı
•   (18.12.2020) — "İgidliyə görə" medalı (ölümündən sonra)

İstinadlar

1. "Ağstafa rayonunun Köçəsgər qəsəbəsində olan şəhidimiz Babayev Yaşar Vasif oğlu doğma qəsəbəsində torpağa tapşırılıb". www.agstafa-ih.gov.az (Ağstafa RİH rəsmi saytı) ( (az.)). 14.07.2020. 15.07.2020 tarixində . İstifadə tarixi: 14.07.2020.
2. "Tovuz rayonu istiqamətində şiddətli döyüşlər gedir". www.mod.gov.az (Müdafiə Nazirliyinin rəsmi saytı) ( (az.)). 14.07.2020. 15.07.2020 tarixində . İstifadə tarixi: 14.07.2020.
3. "Azərbaycan Silahlı Qüvvələrinin hərbi qulluqçularının "İgidliyə görə" medalı ilə təltif edilməsi haqqında Azərbaycan Prezidentinin 18.12.2020-ci il tarixli Sərəncamı" (azərb.). 18.12.2020. 2020-12-18 tarixində . İstifadə tarixi: 18.12.2020.
4. "Azərbaycan Silahlı Qüvvələrinin hərbi qulluqçularının "İgidliyə görə" medalı ilə təltif edilməsi haqqında Azərbaycan Prezidentinin 18.12.2020-ci il tarixli Sərəncamı" ( (az.)). 18.12.2020. 2020-12-18 tarixində . İstifadə tarixi: 18.12.2020.