Umayra Tağıyeva
Umayra Tağıyeva (tam adı: Umayra Rauf qızı Tağıyeva; 3 aprel 1968, Bakı) — Azərbaycan Respublikası Ekologiya və Təbii Sərvətlər Nazirliyinin Milli Hidrometeorologiya Departamentinin direktoru (2018-ci ildən), Azərbaycan Respublikası Ekologiya və Təbii Sərvətlər Nazirliyinin ekoloji təbliğat sektorunun sabiq müdiri (2018), AMEA-nın akademik Həsən Əliyev adına Coğrafiya İnstitutunun aparıcı elmi işçisi, Coğrafiya üzrə fəlsəfə doktoru.
Umayra Tağıyeva | |
---|---|
Umayra Tağıyeva Rauf qızı | |
Doğum tarixi | 3 aprel 1968 (53 yaş) |
Doğum yeri | |
Vətəndaşlığı | SSRİ→ Azərbaycan |
Milliyyəti | azərbaycanlı |
Atası | Rauf Tağıyev |
Elmi dərəcəsi | coğrafiya üzrə fəlsəfə doktoru |
Elmi adı | dosent |
İş yeri | |
Təhsili | |
Elmi rəhbəri | Ramiz Məmmədov |
Tanınır | iqlimşünas |
Mükafatları | "Qızıl medal" "Fərqlənmə diplomu" "Əməkdar mühəndis" "Fəxri fərman" |
Həyatı
Tağıyeva Umayra Rauf qızı 3 aprel 1968-ci ildə Azərbaycan Respublikasının Bakı şəhərində anadan olub.1985-ci ildə Bakı şəhəri 6 saylı məktəbi bitirib. 1985-ci ildə Azərbaycan Dövlət Pedaqoji Universitetinin riyaziyyat-fizika fakültəsinə daxil olmuş, 1990-cı ildə Universiteti Fərqlənmə diplomu ilə bitirmişdir.
Fəaliyyəti
Əmək fəaliyyəti
1990-cı ildə əmək fəaliyyətinə Azərbaycan Hidrometereologiya İdarəsinin (1992-ci ildən Azərbaycan Dövlət Hidrometereologiya Komitəsi) Proqnozlar bölməsində texnik-sinoptik vəzifəsindən başlamış, sonra mühəndis, aparıcı mühəndis, 1993-cü ildən Uzunmüddətli proqnozlar şöbəsinin rəisi vəzifəsində çalışmışdır. 1998-ci ildə Azərbaycan Qadınlarının Birinci Respublika Qurultayının nümayəndəsi olmuşdur.2001-ci ildə Respublika Prezidentinin Fərmanı ilə Ekologiya və Təbii Sərvətlər Nazirliyi yaradıldıqdan sonra Nazirliyin Milli Hidrometereologiya Departamentinin Hidrometereoloji Proqnozlar Bürosunun direktoru, 2007-2009-cu illərdə Milli Hidrometereologiya Departamentinin direktor müavini, sonra Hidrometereoloji Proqnozlar Bürosunun direktoru vəzifəsində fəaliyyətini davam etdirmişdir.
2008-2011-ci illərdə Birləmiş Millətlər Təşkilatının İqlim Dəyişmələri üzrə Çərçivə Konvensiyasının Azərbaycan Respublikası üzrə Milli Əlaqələndiricisi olmuşdur. 2007-ci ildən hazırki vaxtadək Ümumdünya Metereologiya Təşkilatında Azərbaycanın Daimi nümayəndəsidir. 1998-ci ildən bir sıra beynəlxalq, regional, milli proqram və layihələrdə ekspert və qrup rəhbəri, 2006-2009-cu illərdə İqlim Dəyişmələri üzrə İkinci Milli Məlumatı Koordinatoru olmuşdur. Fəaliyyət göstərdiyi müddətdə keçirilən beynəlxalq konfrans, simenar və treninqlərdə iştirak etmişdir. 15 elmi məqalənin müəllifi, 2 elmi əsərin həmmüəllifi, olmuşdur.Coğrafiya üzrə fəlsəfə doktorudur. U.R.Tağıyeva 26 yanvar 2015-ci ildən AMEA akad.H.Ə.Əliyev adına Coğrafiya institutunun iqlimşünaslıq və aqroiqlim şöbəsində aparıcı elmi işçi vəzifəsində çalışır. 2018-ci ildə bir müddət Azərbaycan Respublikası Ekologiya və Təbii Sərvətlər Nazirliyinin ekoloji təbliğat sektorunun müdiri vəzifəsində çalışmışdır. 10 dekabr 2018-ci ildən Azərbaycan Respublikası Ekologiya və Təbii Sərvətlər Nazirliyinin Milli Hidrometeorologiya Departamentinin direktoru vəzifəsində çalışır.
Elmi fəaliyyəti
Elmi əsərləri
Umayra Tağıyeva 3 kitab, bir çox elmi məqalələrin müəllifidir.
- UmayraTaghiyeva,Xuebin Zhang, Enric Aguilar, SerhatSensoy and others.Trends in Middle East climate extreme indices from 1950 to 2003.JOURNAL OF GEOPHYSICAL RESEARCH, D22104, 12 PP., USA, 2005doi:10.1029/2005JD006181.VOL. 110.
- Тагиева У.Р. Многолетние изменения температуры воздухав Гянджа-Газахском экономическом районе Азербайджана.Вестник Кыргызско-Российского Славянского Университета. Том 10, №12. Бишкек, 2010,s. 148-156.
- ГадиуевУ.Дж.,Тагиева У.Р. Некоторые закономерности распределения температуры воздухана территории Гянджа-Газахского экономического района. BakıUniversitetininXəbərləri. №4. Bakı, 2010.
- M.G. Akperov, I.I. Mokhov, U. Tagiyeva, M.A. Dembitskaya. Cyclone/anticyclone activity over the Caspian Sea basin // Research Activities in Atmospheric and Oceanic Modelling. E. Astakhova (ed.), WCRP Report № 16/2017, 2017.
Kitabları
- AliyevI., TaghiyevaU., KarabakhlyE., MehdiyevB.Educational Proqramme on climate change and conservation of agro-biodiversity for decision-makers and population.Educational Proqramme. UNDP in Azerbaijan and GEF. Baku, 2013, 86 p. (Azərbaycan və ingilis dillərində).
- Tağıyeva U.R., Əhmədova C.N. Tibbi-meteoroloji proqnozların hazırlanması üçün metodik vəsait (azərbaycan və ingilis dillərində). Bakı, 2015, 44 s.
Mükafatları
- "Qızıl medal"
- "Fərqlənmə diplomu"
- 2004-cü ildə Ekologiya və Təbii Sərvətlər Nazirliyinin Fəxri Fərmanı ilə təltif edilmiş,
- 22 may 2009-cu ildə isə ölkə Prezidentinin 298 saylı Sərəncamı ilə Respublikanın Əməkdar Mühəndisi fəxri adına layiq görülmüşdür.
- 22 may 2020-ci ildə Azərbaycanda ətraf mühitin qorunmasında xidmətlərinə görə Umayra Tağıyeva III dərəcəli "Əmək" ordeni ilə təltif edilib.
Həmçinin bax
İstinadlar
- B.Budaqov Azərbaycanın Coğrafiyaçı alimləri
- B.Budaq Azərbaycanın Coğrafiyaçı alimləri .
- APA TV (03.05.2018). "Umayra Tağıyeva nazirliyə qaytarıldı" (azərb.). Youtube.com. İstifadə tarixi: 2018-05-03.
- Aynur Osmanqızı (10.12.2018). "Umayra Tağıyeva yeni vəzifəyə təyin olunub" (azərb.). Report.az. İstifadə tarixi: 2018-12-17.
- Azərbaycan Respublikasında ətraf mühitin mühafizəsi sahəsində xidmətləri olan bir qrup şəxsin təltif edilməsi haqqında Azərbaycan Respublikası Prezidentinin Sərəncamı (azərb.)
Xarici keçidlər
- Umayra Tağıyeva yeni vəzifəsindən danışdı "Sadəcə elmlə məşğul olmaq, elmi işimi davam etdirmək istəyirəm". 2015-03-27 at the Wayback Machine