Teymur Mehdiyev
Teymur Mehdiyev — Azərbaycan Respublikası Fövqəladə Hallar nazirinin müavini, general-mayor.
Teymur Mehdiyev | |
---|---|
Şəxsi məlumatlar | |
Təhsili | Bakı Dövlət Universitetininin hüquq fakültəsi |
İxtisası | hüquqşünas |
Doğum tarixi | |
Doğum yeri | Suxumi, Gürcüstan Sovet Sosialist Respublikası |
Atası | Ramiz Mehdiyev |
Uşağı | 2 övladı var |
Hərbi xidmət | |
Rütbəsi | |
Elmi fəaliyyəti | |
Elmi dərəcəsi | hüquq elmləri namizədi |
| |
Təltifləri |
Həyatı
Mehdiyev Teymur Ramiz oğlu 25 iyun 1975-ci il tarixində Gürcüstan Sovet Sosialist Respublikasının Abxaziya MSSR-nın Suxumi şəhərində anadan olub. 1982-ci ildən 1992-ci ilə qədər Bakı şəhərində 134 № li orta məktəbdə təhsil almışdır. 1992-ci ildə Bakı Dövlət Universitetinin hüquq fakültəsinə daxil olmuş və 1997-ci ildə həmin Universiteti bitirmişdir. 1997-1999-cu illərdə Azərbaycan Respublikası Milli Təhlükəsizlik Nazirliyində çalışmışdır. 1999-2001-ci illərdə Azərbaycan Respublikası Daxili İşlər Nazirliyində işləmişdir. 2001-2004-cü illərdə Azərbaycan Respublikası Xarici İşlər Nazirliyində çalışmışdır.
2004-2006-cı illərdə Azərbaycan Respublikası Gənclər, İdman və Turizm Nazirinin müavini, 2006-2011-ci illərdə isə Azərbaycan Respublikası Mədəniyyət və Turizm Nazirinin müavini, 2011-2014-cü illərdə isə Azərbaycan Respublikası Dövlət Miqrasiya Xidməti rəisinin birinci müavini vəzifələrində çalışmışdır. 2011-ci ildə III dərəcəli dövlət miqrasiya xidməti müşaviri ali xüsusi rütbəsi verilmişdir.
Azərbaycan Respublikası Prezidentinin 5 may 2014-cü il tarixli Sərəncamı ilə Azərbaycan Respublikası Fövqəladə Hallar nazirinin müavini təyin edilmiş və general-mayor ali hərbi rütbəsi verilmişdir.
Azərbaycan Respublikası Prezidentinin 14 dekabr 2018-ci il tarixli Sərəncamı ilə 3-cü dərəcəli “Vətənə xidmətə görə” ordeni ilə təltif edilmişdir.
Mənbə
- MEHDİYEV TEYMUR RAMİZ OĞLU