Taleh Həmid
Bu məqalənin sonunda mənbə siyahısı var, ancaq mətndaxili mənbələr heç və ya kifayət qədər istifadə edilmədiyi üçün bəzi məlumatların mənbəsi bilinmir. Lütfən mənbələri uyğun şəkildə mətnin daxilində yerləşdirərək məqalənin təkmilləşdirilməsinə kömək edin. |
Taleh Həmid (Taleh Həmid oğlu Babayev; 19 iyun 1952, Dəllər Cəyir, Şamxor rayonu – 1 noyabr 2016, Bakı) — şair, publisist-jurnalist, SSRİ Yazıçılar Birliyinin üzvü (1985), Azərbaycan SSR Lenin komsomolu mükafatı laureatı (1986).
Taleh Həmid | |
---|---|
Babayev Taleh Həmid oğlu | |
İlk adı | Taleh |
Təxəllüsü | Həmid |
Doğum tarixi | 19 iyun 1952 |
Doğum yeri | Dəllər Cəyir, Şamxor rayonu, Azərbaycan SSR, SSRİ |
Vəfat tarixi | 1 noyabr 2016 (64 yaşında) |
Vəfat yeri | |
Vəfat səbəbi | ürək çatışmamazlığı |
Dəfn yeri | |
Vətəndaşlığı | SSRİ→ Azərbaycan |
Milliyyəti | azərbaycanlı |
Həyat yoldaşı | İradə Babayeva |
Uşağı | Cəlal Babayev |
Atası | Həmid |
Anası | İradə |
Təhsili | Azərbaycan Dövlət Universitetinin Jurnalistika fakültəsi |
İxtisası | jurnalistika |
Fəaliyyəti | jurnalist, şair-publisist, dramaturq |
Fəaliyyət illəri | 1972-2016 |
Əsərlərinin dili | azərbaycanca və rusca |
Mükafatları | “Qızıl kəlmə” ədəbi mükafatı (2010) |
Həyatı
Taleh Həmid 1952-ci il iyun 19-da Şəmkirin Dəllər Cəyir kəndində doğulmuşdur. Orta məktəbi bitirdikdən sonra 1970-1972-ci illərdə sovxozda əmək fəaliyyətinə başlamışdır. 1972-ci ildə ordu sıralarında xidmət etmiş, 1974-1979-cu illərdə Kənd Təsərrüfatı Nazirliyində işə başlamışdır. Nazirliyin baş idarəsində kadrlar şöbəsində xüsusi işlər üzrə müfəttiş, daha sonra isə (təhsildən ayrılmadan) təsərrüfat müdiri vəzifəsində çalışmışdır. 1975-1980-ci illərdə Bakı Dövlət Universitetinin Jurnalistika fakültəsində təhsil alımışdır. Yaradıcılığının ilk illərində Respublika Komsomolu mükafatına layiq görülmüşdür. 1980-ci ildə Gənc Jurnalistlərin II Ümumittifaq, 1984-cü ildə Gənc yazıçıların VIII Ümumittifaq müşavirələrində iştirak etmişdir. Şeirləri və publisistik yazıları təkcə Azərbaycanda deyil, onun kənarlarında da işıq üzü görüb.
Bir sıra mətbu orqanlarında — “Ulduz” jurnalında şöbə müdiri (1979-1989), “Yeni fikir” qəzetində baş redaktor (1989-1992), “Müstəqil qəzet”in təsisçisi və baş redaktoru (1992-2005). vəzifələrində işləmişdir.
2005-2015-ci illərdə Regionların Inkişafının ictimai Birliyində sədr müavini işləyib.
1 noyabr 2016-cı ildə Bakıda vəfat etmiş, 2 noyabrda doğulduğu kənddə dəfn olunmuşdur.
Yaradıcılığı
“Qapımı bahar döyür”, “Dünya yaxşıdır hələ”, “Mən gözləyən olsa”, “Təltifsiz bulud” (Moskva), “Bu gündən sabaha”, “Mənə ürəyində yaz yeri saxla”, “Günəşdən gizlənir yay çiçəkləri”, “Ömrün payız sovqatı”, “Qarlı axşamların işığı”, “Sənə məktublar yazıram” şeir və publisistik kitabları nəşr olunubdur. 2010-cu ildə şeir və poemalarından ibarət iki cildliyi Azərbaycan Respublikası Mədəniyyət və Turizm Nazirliyinin “Qızıl kəlmə” ədəbi mükafatına layiq görülübdür.
2010-cu ildə şeir və poemalarından ibarət iki cildliyi Azərbaycan Respublikası Mədəniyyət və Turizm Nazirliyinin “Qızıl kəlmə” ədəbi mükafatına layiq görülübdür. 2012-ci ilin noyabrında “VI Uluslararası Canakkala Seir axşamları” festivalında Azərbaycan poeziyasını təmsil etmişdir. 2015-ci ildə şair-publisist Taleh Həmidin “Yəhya bəy Dilqəm” adlı ikihissəli lirik psixoloji dramı Naxçıvan Dövlət Musiqili Dram Teatrında tamaşaya qoyulmuşdur. Yazıçılar Birliyinin üzvüdür.
Kitabları
- Qapımı bahar döyür
- Dünya yaxşıdı hələ…
- Məni gözləyən olsa
- Təltifsiz bulud (Moskva)
- Bu gündən sabaha
- Yaz çiçəklərinə qar yağır
- Mənə ürəyində yaz yeri saxla
- Günəşdən gizlənir yay çiçəkləri
- Ömrün payız sovqatı
- Qarlı axşamların işığı
- Sənə məktublar yazıram
Məqalələri
Paleolit [Mətn]: Ayliq,elmi,ictimai,ədəbi,publisistik jurnal /təsisçi. Taleh Həmid Bakı:2006, № 1(aprel)-2(2)may;
İstinadlar
Haqqında
- Taledən uca [Mətn] Taleh Həmid — 60 /M.Osmanoğlu. //525-ci qəzet .-2012.- 15 iyun .- S. 24. http://www.anl.az/down/meqale/525/2012/iyun/108.htm
- Hər zaman xoş gördük, Taleh Həmid [Mətn] /R.Göyüşov//525-ci qəzet .-2014.- 10 iyun. — S.8. http://www.anl.az/down/meqale/525/2014/iyun/375761.htm
- Dörd fəslin yaşantıları [Mətn] /İ.İsrafilov//Ədəbiyyat qəzeti. .-2009.- 28 may.- S.5, 6. http://anl.az/down/meqale/edebiyyat/edebiyyat_may2009/80977.htm[ölü keçid]
- Şeir dərdin çiçəyidi… [Mətn] E.Fuad (Şükürova Esmira Seyfəl qızı) filol. üzrə fəls. d-ru//Respublika. .-2008. — 20 mart . — S.7.
Xarici keçidlər
- Taleh Həmid in Facebook səhifəsi.