Spiro Quberina

Spiro Quberina (1 mart 1933(1933-03-01), Şibenik – 27 noyabr 2020(2020-11-27), Zaqreb) - Xorvatiya aktyoru.

Spiro Quberina
Doğum tarixi	1 mart 1933
Doğum yeri	Şibenik, Yuqoslaviya Krallığı
Vəfat tarixi	27 noyabr 2020 (87 yaşında)
Vəfat yeri	Zaqreb, Xorvatiya
Milliyyəti	xorvat
Vətəndaşlığı	Xorvatiya
Həyat yoldaşı	İnqrid Quberina
Uşağı	1
Fəaliyyəti	aktyor
Fəaliyyət illəri	1957-2020
Təhsili	Dramatik Sənətlər Akademiyası Zaqreb Universiteti
Tanınır	Yozo Skovaçin. "Velom Misto".
Mükafatları	Vladimir Nazor mükafatı (2012)
IMDb	ID 0345544
Vikianbarda əlaqəli mediafayllar

Həyatı

Spiro Quberina 1 mart 1933-cü ildə Xorvatiyanın Şibenik şəhərində anadan olub. Şibenik Milli Teatrında ilk rolunu oynayanda o, hələ lisey şagirdi idi. Orta təhsilini bitirən Quberina 1970-ci ildə Zaqreb Dramatik Sənətlər Akademiyasını bitirdi. Bundan sonra təqaüdə çıxdığı 1999-cu ilə qədər Zaqrebdəki Xorvatiya Milli Teatrında davamlı olaraq tamaşalarda rol oynadı. Teatr, kino və televiziya sahəsində rolları müvəffəqiyyətlə oynamış, spesifik nitqə əsaslanan xarakter komediyalarında üstün olmuşdur.

Ranko Marinkoviçin, İvo Breşanın, Marin Drjiçin və digər yazıçıların əsərlərində müstəsna bir müvəffəqiyyət qazandı və xüsusilə də, radio-televiziya seriallarında da rol aldı: Divaç ("Dilənçilər və Oğullar", İvan Raos), Strikan ("Velo misto", Milyenko Smoye), Oçenaşek ("Oçenaşekin gündəliyi", Vyekoslav Mayer) və s. rollar Quberinanın əvəzsiz rolları idi.

Bundan başqa, dublyajçılıq da edən Quberina "Asteriks Sezara qarşı" filmində Obeliksi və "Mune: Ay gözətçisi" filmində Yuneni xorvat dilindəki dublyajda səsləndirmişdi.

Ölümü

Fəaliyyətinə yüzlərlə tamaşalar və onlarla filmlər sığdıran Spiro Quberina 27 noyabr 2020-ci ildə Xorvatiyanın Zaqreb şəhərində dünyasını dəyişib.

Filmoqrafiya

1. Qandallar (film, 1969)
2. Timon (film, 1973)
3. Balaca qaladan Servantes (film, 1982)
4. Köhnə çardağın sirri (film, 1984)
5. Meşə qabığı (film, 1990)
6. Təhlükəli oyunlar kanyonu (film, 1998)
7. Son iradə (film, 2001)
8. Qoca adamlar (film, 2001)
9. Laranın seçimi: İtkin şahzadə (film, 2012)
10. Kiçik ayaqqabıçının cəsur macəraları (film, 2013)
11. Səkkizinci komissar (film, 2018)

Mükafatları

1. Vladimir Nazor Mükafatı (2012)
2. Xorvatiya Teatr Mükafatı (2014)

İstinadlar

1. Špiro Guberina // Hrvatski biografski leksikon (xorv.) — 1983.
2. Špiro Guberina // Proleksis enciklopedija (xorv.) — 2009.
3. Umro je Špiro Guberina (xorv.)

Xarici keçidlər

1. Spiro Quberina dünyasını dəyişdi. Index.hr. 27 Noyabr 2020. İstifadə tarixi 27 Noyabr 2020.
2. IMDB-də Spiro Quberina.