Solmaz Orlinskaya
Solmaz (Nina) Qaragen qızı Orlinskaya (25 sentyabr 1906, Yelizavetpol – 17 iyun 1973) — Azərbaycan teatr aktrisası, Azərbaycan SSR xalq artisti (1955).
| Solmaz Orlinskaya | |
|---|---|
| Digər adı | Nona |
| Doğum adı | Nina Orlinskaya |
| Doğum tarixi | |
| Doğum yeri | Yelizavetpol, Yelizavetpol quberniyası, Rusiya İmperiyası |
| Vəfat tarixi | (66 yaşında) |
| Vətəndaşlığı | Rusiya İmperiyası→ AXC→ SSRİ |
| Fəaliyyəti | teatr aktrisası |
| Fəaliyyət illəri | 1924–1973 |
| Teatr | Tiflis Dövlət Azərbaycan Dram Teatrı (1924–1933); Gəncə Dövlət Dram Teatrı (1933–1973) |
| Mükafatları | |
Həyatı
Solmaz Orlinskaya 1906-cı il sentyabrın 25-də Yelizavetpolda (hazırkı Gəncə) anadan olub. Atası milliyyətcə yunan olmuşdur. Əsl adı Nina olan aktrisasın adı ilk illərdə bəzi proqramlarda "Nona" kimi də yazılıb. O, Cəfər Cabbarlının "Od gəlini" qəhrəmanlıq dramında Solmaz rolununun ifasında fərqləndiyinə görə özünə bu adı səhnə təxəllüsü olaraq götürüb. Solmaz Orlinskaya beş sinif təhsil almışdır.
İlk dəfə səhnəyə 15 yaşında Gəncə Dəmiryolçular klubunun dram dərnəyində çıxan aktrisa burada, Qadınlar klubunda, 1924-cü ildə Şamaxı şəhər dram dərnəyində müxtəlif rollar oynayıb. 1924–1933-cü illərdə M.F.Axundov adına Tiflis Dövlət Azərbaycan Dram Teatrında işləyib. 1933-cü ildə Gəncə Dövlət Dram Teatrının truppasına daxil olub və ömrünün sonuna kimi burada yaradıcılıq fəaliyyəti göstərib.
Solmaz Orlinskaya 17 iyun 1973-cü ildə vəfat edib.
Mükafatları
- "Azərbaycan SSR əməkdar artisti" fəxri adı — 17 iyun 1943
- "Azərbaycan SSR xalq artisti" fəxri adı — 30 aprel 1955
- Azərbaycan SSR Ali Sovetinin Fəxri Fərmanı — 20 may 1958
- "Şərəf Nişanı" ordeni — 9 iyun 1959
İfa etdiyi əsas rollar
| Tamaşa | Müəllif | Rol |
|---|---|---|
| Sevil | Cəfər Cabbarlı | Sevil |
| Aydın | Cəfər Cabbarlı | Gültəkin və Böyükxanım |
| Almaz | Cəfər Cabbarlı | Almaz, Xanımnaz və Yaxşı |
| 1905-ci ildə | Cəfər Cabbarlı | Sona, Mariya Timofeyevna və Nabat |
| Oqtay Eloğlu | Cəfər Cabbarlı | Firəngiz |
| Toy | Sabit Rəhman | Ziynət |
| Xoşbəxtlər | Sabit Rəhman | İnci |
| Aydınlıq | Sabit Rəhman | Fəridə |
| Nişanlı qız | Sabit Rəhman | Qəmər |
| Əliqulu evlənir | Sabit Rəhman | Yasəmən |
| Ölülər | Cəlil Məmmədquluzadə | Kərbəlayi Fatmanisə |
| Pəri cadu | Əbdürrəhim bəy Haqverdiyev | Səlimə |
| Dağılan tifaq | Əbdürrəhim bəy Haqverdiyev | Sona xanım |
| Müsibəti-Fəxrəddin | Nəcəf bəy Vəzirov | Səadət xanım |
| Hacı Qəmbər | Nəcəf bəy Vəzirov | Cəvahir |
| Hacı Fərəc | Nəcəf bəy Vəzirov | Ziynət xanım |
| Səyavuş | Hüseyn Cavid | Rübabə |
| Şeyx Sənan | Hüseyn Cavid | Xumar |
| Xanlar | Səməd Vurğun | Mehriban |
| Vaqif | Səməd Vurğun | Xuraman |
| Fərhad və Şirin | Səməd Vurğun | Şirin |
| Eşq və intiqam | Süleyman Sani Axundov | Həcər xanım |
| Həyat | Mirzə İbrahimov | Həyat |
| Məhəbbət | Mirzə İbrahimov | Məhəbbət |
| Vəfa | Rəsul Rza | Vəfa |
İstinadlar
- ↑ Rəhimli, 2017. səh. 202–203
Ədəbiyyat
- Rəhimli, İ. (2017). Azərbaycan Teatr Ensiklopediyası (3 cilddə). 3-cü cild. Bakı: Azərnəşr. 416 səh. ISBN 5-86874-179-X.