Savoyyalı Mariya Tereza it Maria Teresa di Savoia 19 sentyabr 1803 Roma 16 iyul 1879 Lukka Toskana Savoyya hersoqu I Vik

Savoyyalı Mariya Tereza (it. Maria Teresa di Savoia; 19 sentyabr 1803, Roma – 16 iyul 1879, Lukka, Toskana) — Savoyya hersoqu I Viktor Emmanuilin qızı, Lukka və Parma hersoginyası.

Savoyyalı Mariya Tereza
it. Maria Teresa di Savoia

Parma hersoginyası
17 dekabr 1847 – 17 may 1849
Əvvəlki	Avstriyalı Mariya Amaliya
Sonrakı	Artualı Luiza
Lukka hersoginyası
13 mart 1824 – 17 dekabr 1847
Şəxsi məlumatlar
Doğum adı	Maria Teresa Ferdinanda Felicita Gaetana Pia
Doğum tarixi	19 sentyabr 1803(1803-09-19)
Doğum yeri	Roma, Papa dövləti
Vəfat tarixi	16 iyul 1879(1879-07-16)(75 yaşında)
Vəfat yeri	Lukka, Lukka əyaləti^[d], Toskana, İtaliya
Vəfat səbəbi	ateroskleroz^[d]
Dəfn yeri	Kampo Verano^[d]
Fəaliyyəti	əsilzadə
Atası	I Viktor Emanuel (Savoyya hersoqu)
Həyat yoldaşı	II Karl (Parma hersoqu) (1820–)
Uşaqları	Carlo III, Duke of Parma
Ailəsi	Savoyya sülaləsi
Dini	Roma-Katolik kilsəsi
Təltifləri
Vikianbarda əlaqəli mediafayllar

1803-cü ildə Romada əkiz bacısı Mariya Anna ilə birlikdə dünyaya gəldi. Atası Savoyya hersoqu I Viktor Emmanuil, anası isə Müqəddəs Roma imperatoru I Fransiskin nəvəsi dır. Əkiz bacılar papa VII Piy tərəfindən vəftiz edildi. Uşaqlığının böyük qismi ailəsinin Napoleon müharibələri səbəbilə qaçıb sığındığı Sardiniya adasının mərkəzi Kalyaridə keçdi. Atasının 1814-cü ildə hakimiyyətini bərpa etməsinin ardından digər ailə üzvləriylə birlikdə Turinə qayıtdı.

5 sentyabr 1820-ci ildə Lukkada Etruriya kralı I Lüdovikin oğlu Karl Lüdoviklə evləndirildi. Cütlüyün bu nigahdan 2 övladı doğulsa da, bunlardan biri uşaq yaşda vəfat etdi.

Luiza Françeska (1821-1823)
III Karl, Parma hersoqu

Ərinin 1824-cü ildə Lukka, 1847-ci ildə isə Parma hersoqluğuna sahiblənməsilə, Mariya Tereza da hersoginya ünvanına yüksəldi. Ərinin sayısız məşuqələriylə olan münasibətləri səbəbilə dinə yönələn Mariya Tereza əriylə yalnız rəsmi dəvətlər və səyahətlərdə birlikdə görünürdü. Nəhayət, 1840-cı ildə saray həyatından tamamilə ayrıldı və rahibələrin çoxluq təşkil etdiyi Pionere villasında yaşamağa başladı.

Öncə ərinin dövlət çevrilişiylə taxtdan endirilməsi, ardından taxta çıxan oğlu III Karlın sui-qəsdlə öldürülməsi hadisələrini kənardan izlədi. Xüsusilə də, 1854-cü ildə oğlunun öldürülməsindən sonra Viarecco şəhərində inzivaya çəkildi. 1879-cu ildə vəfat etdi və cənazəsi Romadakı Verano məzarlığına dəfn olundu.

Mənbə

Ədəbiyyat

Mateos Sainz de Medrano. Ricardo. Changing Thrones: Duke Carlo II of Parma. Published in Royalty History Digest, Vol 3, N 1. July 1993

İstinadlar

Lundy D. R. Maria Teresa Ferdinanda di Savoia, Principessa di Savoia // The Peerage (ing.).
Ciferri E. Duchessa Di Lucca, Poi Duchessa Di Parma E Piacenza Maria Teresa Di Savoia // Dizionario Biografico degli Italiani (it.). 2008. Vol. 70.
https://books.google.es/books?id=ephjAAAAcAAJ&dq=Almanacco%20di%20lucca&hl=es&pg=PA21#v=onepage&q&f=false.

[_6b23001eaade69af-1] Lundy D. R. Maria Teresa Ferdinanda di Savoia, Principessa di Savoia // The Peerage (ing.).

[_46347ee0c24ee0ca-2] Ciferri E. Duchessa Di Lucca, Poi Duchessa Di Parma E Piacenza Maria Teresa Di Savoia // Dizionario Biografico degli Italiani (it.). 2008. Vol. 70.

[_132c556c017e3917-3] ttps://books.google.es/books?id=ephjAAAAcAAJ&dq=Almanacco%20di%20lucca&hl=es&pg=PA21#v=onepage&q&f=false.