Samir Mikayıllı

Samir Sabir oğlu Mikayıllı (1 yanvar 1993; Ağcabədi rayonu, Azərbaycan — 9 noyabr 2020; Şuşa rayonu, Azərbaycan) — Azərbaycan Silahlı Qüvvələrinin kapitanı, Vətən müharibəsinin şəhidi.Naxçıvan Əlahiddə Ümumqoşun Ordunun Xüsusi təyinatlı Qüvvələrinin zabiti,xüsusi təyinatlı kəşfiyyat komandiri

Samir Mikayıllı
Şəxsi məlumatlar
Doğum tarixi	1 yanvar 1993
Doğum yeri	Ağcabədi rayonu, Azərbaycan
Vəfat tarixi	9 noyabr 2020 (27 yaşında)
Vəfat yeri	Şuşa rayonu, Azərbaycan
Vətəndaşlığı	Azərbaycan
Hərbi fəaliyyəti
Mənsubiyyəti	Azərbaycan Ordusu
Qoşun növü	Xüsusi Təyinatlı Qüvvələr
Xidmət illəri	2015—2020
Rütbə	Kapitan
Döyüşlər	Günnüt əməliyyatı Vətən müharibəsi  • Füzuli döyüşləri  • Şuşa döyüşləri
Təltifləri	2020 2020

Həyatı

Samir Mikayıllı 1993-cü il yanvarın 1-də Ağcabədi rayonunun Salmanbəyli кəndində anadan olub. 1999-2007-ci illərdə Ə. Məmmədov adına Salmanbəyli кənd tam orta məкtəbində, 2007-2010-cu illərdə isə Cəmşid Naxçıvanski adına Hərbi Liseydə təhsil alıb. 2010-cu ildə Heydər Əliyev adına Azərbaycan Ali hərbi Məktəbinə daxil olmuşdur. həmin il seçim prosesinə qatılmış , bütün müsbət göstəricilərinə görə Azərbaycan Respublikası Müdafiə Nazirliyinin göstərişi ilə Türkiyə Respublikası silahlı Qüvvələrinin Kara Harp Oкuluna (Quru qoşunları üzrə ali hərbi məktəb) daxil olmuş və 2014-cü ildə həmin məktəbi motoatıcı ixtisası üzrə üzrə bitirmiş və ona leytenant hərbi rütbəsi verilmişdir. 2014-cü ilin sentyabr ayından 2015-ci ilin aprel ayına qədərTürkiyə Respublikası Tuzla Piyada Okulunda zabit ixtisas kursunu keçmişdir.

Hərbi xidməti

2015-ci ilin aprel ayının 3-dən iyul ayının sonunadək Azərbaycan Respublikası Silahlı Qüvvələrinin Təlim Tədris Mərkəzində zabit ixtisas kursu keçmişdir. Azərbaycan Respublikası Müdafiə Nazirliyinin təyinatı ilə xidməti vəzifəsini yerinə yetirmək üçün 2015-ci ilin avqust ayından 2015-ci ilin noyabr ayına qədər215 saylı hərbi hissədə motoatıcı taqım komandiri, 2015-ci ilin noyabr ayından 2018-ci ilin oktyabr ayına qədər 088 saylı hərbi hissədə xüsusi təyinatlı kəşfiyyat qrup komandiri, 2018-ci ilin okjtyabr ayından 2020-ci ilin sentyabr ayının 22-dək 088 saylı hərbi hissədə Qərargah və təchizat bölüyünün komandiri, 2020-ci ilin sentyabr ayının Vətən Müharibəsində şəhid olduğu tarixədək 077 saylı hərbi hissədə Xüsusi Təyinatlı bölük komandiri vəzifəsində xidmət etmişdir.Samir Mikayıllı 2015-ci ildən Azərbaycan Silahlı Qüvvələrinin Naxçıvan şəhərində yerləşən "N" saylı hərbi hissəsində "leytenant" hərbi rütbəsində xidmət edirdi.

Samir Mikayıllı 2018-ci il mayın 20-dən 27-nə qədər Naxçıvan MR-da baş verən hərbi əməliyyatlarda savaşıb. Günnüt əməliyyatı adlandırılan hərbi əməliyyatların nəticəsində Günnüt, "Ağbulaq" strateji nöqtəsi, Qızılqaya və Qaraqaya dağları Azərbaycan Silahlı Qüvvələri tərəfindən işğaldan azad edildi. Samir Mikayıllı hərbi əməliyyatlar zamanı Xüsusi Təyinatlı Qüvvələrin sıralarında olub və döyüş tapşırığını dəqiq yerinə yetirib. Buna görə də 2018-ci ildə ona "baş leytenant" hərbi rütbəsi verilib.

Vətən müharibəsində iştirakı

Azərbaycan Ordusunun Xüsusi Təyinatlı Qüvvələrinin kapitanı olan Samir Mikayıllı 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən müharibəsi zamanı Füzulinin və Şuşanın azadlığı uğrunda gedən döyüşlərdə savaşıb. 2020-ci ilin oktyabr ayınnın 17-də Naxçıvan Xüsusi Təyinatlı Qüvvələri tərkibində Vətən müharibəsində iştirak üçün Qarabağa gəlmiş, 18 oktyabr 2020-ci ildən döyüşə başlamışdır. Füzuli, Qubadlı və Xocavənd rayonları ərazisində gedən döyüşlərdə rəşadət göstərmişdir. Şuşa şəhərinin alınması uğrunda gedən döyüşlərdə xüsusi igidliklər göstərmişdir. Göstərdiyi igidliklərə görə komandanlıq tərəfindən vaxtından əvvəl 8 noyabr 2020-ci ildə "kapitan " hərbi rütbəsi verilmişdir. Daşaltı kəndi, Laçın koridoru ərazisində gedən döyüşlərdə igidlikgöstərmişdir. Samir Mikayıllı noyabrın 9-də Şuşa döyüşləri zamanı şəhid olub. Ağcabədi rayonunun salmanbəyli kənd qəbiristanlığında dəfn olunmuşdur. Həmin kənddə Samir Mikayıllı adına xatirəsinə park salınmışdır.

Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Samir Mikayıllı ölümündən sonra "Vətən uğrunda" medalı ilə təltif edildi.

Azərbaycanın Şuşa rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 29.12.2020-ci il tarixli Sərəncamına əsasən Samir Mikayıllı ölümündən sonra "Şuşanın azad olunmasına görə" medalı ilə təltif edildi.

Təltifləri

•   (26.06.2018) — "Azərbaycan Ordusunun 100 illiyi" yubiley medalı
•   (15.12.2020) — "Vətən uğrunda" medalı (ölümündən sonra)
•   (29.12.2020) — "Şuşanın azad olunmasına görə" medalı (ölümündən sonra)

İstinadlar

1. "Vətən müharibəsində şəhid olan hərbi qulluqçuların siyahısı" (PDF). www.mod.gov.az (Azərbaycanın Müdafiə Nazirliyi) ( (azərb.)). 08.12.2020. 2020-12-08 tarixində (PDF). İstifadə tarixi: 08.12.2020.
2. "Azərbaycan Silahlı Qüvvələrinin hərbi qulluqçularının "Vətən uğrunda" medalı ilə təltif edilməsi haqqında Azərbaycan Prezidentinin 15.12.2020-ci il tarixli Sərəncamı" ( (azərb.)). 15.12.2020. 2020-12-15 tarixində arxivləşdirilib. İstifadə tarixi: 15.12.2020.
3. "Azərbaycan Silahlı Qüvvələrinin hərbi qulluqçularının "Şuşanın azad olunmasına görə" medalı ilə təltif edilməsi haqqında Azərbaycan Prezidentinin 29.12.2020-ci il tarixli Sərəncamı" ( (azərb.)). 29.12.2020. 2020-12-29 tarixində . İstifadə tarixi: 29.12.2020.
4. "Azərbaycan Silahlı Qüvvələrinin hərbi qulluqçularının "Vətən uğrunda" medalı ilə təltif edilməsi haqqında Azərbaycan Prezidentinin 15.12.2020-ci il tarixli Sərəncamı" ( (azərb.)). 15.12.2020. 2020-12-18 tarixində . İstifadə tarixi: 15.12.2020.
5. "Azərbaycan Silahlı Qüvvələrinin hərbi qulluqçularının "Şuşanın azad olunmasına görə" medalı ilə təltif edilməsi haqqında Azərbaycan Prezidentinin 29.12.2020-ci il tarixli Sərəncamı" ( (azərb.)). 29.12.2020. 2021-01-04 tarixində . İstifadə tarixi: 29.12.2020.