Rəşad Mahmudov
Rəşad Məmmədqulu oğlu Mahmudov (18 yanvar 1974, Astara rayonu) — millət vəkili, ürək-damar cərrahı, tibb üzrə elmlər doktoru, Azərbaycan Ürək və Sağlamlıq Assosiasiyası idarə heyətinin sədri, Azərbaycan Respublikasının əməkdar həkimi (2014).
| Rəşad Mahmudov | |
|---|---|
| Doğum tarixi | 18 yanvar 1974 (47 yaş) |
| Doğum yeri | |
| Vətəndaşlığı | Azərbaycan |
| Elm sahəsi | Tibb |
| Elmi dərəcəsi | Tibb üzrə Elmlər Doktoru |
| İş yeri | Dövlət Gömrük Komitəsi Tibbi Xidmət İdarəsi Elmi Təcrübi və Tədris Mərkəzi |
| Təhsili | |
| Mükafatları | |
| ahha.az | |
| Vikianbarda əlaqəli mediafayllar | |
Həyatı
Rəşad Mahmudov 18 yanvar 1974-cü ildə Astara rayonunda anadan olmuşdur.
1980-1991-ci illərdə Astara rayonundakı Səməd Vurğun adına orta məktəbdə oxumuşdur.
Universitet təhsili
1991-1997-ci illərdə 9 Eylül Universiteti, Tibb fakültəsində ali təhsil almışdır.
Diplomdan sonrakı təhsili
1997-2003-cü illərdə Türkiyə Cumhuriyyəti Ege Universitetinin ürək-damar cərrahiyəsi Elmi Mərkəzinin doktoranturasında təhsil almışdır.
2003-cü ildə Türkiyə Cumhuriyyəti Ege Universitetində Uzmanlıq Diplomu müdafiə etmişdir.
2006-cı ildə Ali Attestasiya Komisiyası tərəfindən namizədlik dissertasiyası müdafiə edərək, Tibb elmləri namizədi alimlik dərəcəsi almışdır.
2007-2015-cı illərdə Ali Attestasiya Komisiyası tərəfindən doktorluq dissertasiyası müdafiə edərək Tibb üzrə Elmlər Doktoru alimlik dərəcəsi almışdır.
İş təcrübəsi
1997-2004-ci illərdə Türkiyə Cümhuriyyəti "Ege Universiteti"nin ürək-damar cərrahiyəsi mərkəzində ürək-damar cərrahı işləmişdir.
2004-2005-ci illərdə Türkiyə Cümhuriyyəti Kent xəstəxanasında ürək-damar cərrahı işləmişdir.
2005-2017-cı illərdə Mərkəzi Neftçilər Xəstəxanasının Ürək-damar cərrahiyəsi şöbəsinin müdiri və ürək-damar cərrahı işləmişdir.
2017-2018-ci illərdə Respublika Müalicəvi Diaqnostika Mərkəzində Elmi Tədqiqat işləri üzrə direktor müavini vəzifəsində işləmişdir.
2018-ci ildən hal-hazıra qədər Mərkəzi Gömrük Hospitalında Dövlət Gömrük Komitəsi Tibbi Xidmət İdarəsinin Elmi-Təcrübi və Tədris Mərkəzinin rəisi vəzifəsində işləyir.
9 yerli ürək və damar cərrahı kadrı hazırlamışdır.
Elmi fəaliyyəti
Ölkədə və xaricdə 75-dən çox çap olunmuş elmi məqalələr.
1999-cu ildə Türkiyədə "Aort Cərrahiyəsi" kıtabının həmmüəllifidir.
2014-cü ildə İtalyada "Trikuspid Qapaq Cərrahiyyəsi" kitabında həmmüəllifdir.
2005-2015-ci illərdə Mərkəzi Neftçilər Xəstəxanasında 8000-dən çox açıq ürək əməliyyatları icra etmişdir. Regionlarda (Naxçıvan, Lənkəran, Şirvan, Qəbələ, Zaqatala, Qazax, Gəncə, Şamaxı, Cəlilabad, Quba) yeni açılmış diaqnostik mərkəzlərdə 1000-ə yaxın açıq ürək əməliyyatları aparmışdır.
2005-ci ildə xaricdə keçirilən 50-dən çox beynəlxalq konfransda iştirakçı olmuşdur. 2006-cı ildən etibarən R.Mahmudov Azərbaycanda və dünyanın müxtəlif ölkələrində 40-dan çox beynəlxalq , regional konfransların təşkilinə rəhbərlik etmiş və 35-dən çox elmi məqalələrin tərtibatçısı olmuşdur.
20-22 Noyabr 2014-cü il tarixləri arasında "20 Noyabr Ümumdünya Uşaqlar Günü"-nə həsr olunmuş "Children's hearts beat in Azerbaijan" (Uşaq ürəkləri Azərbaycanda döyünür) şüarı altında "Anadangəlmə ürək xəstəliklərinin müalicəsində yeniliklər" adlı beynəlxalq konfrans keçirilmişdir. Konfrans Azərbaycan Beynəlxalq Ürək Qrupu ilə birgə, Azərbaycan Respublikası Səhiyyə Nazirliyinin və Heydər Əliyev Mərkəzinin təşkilati dəstəyi keçirilmişdir. Heydər Əliyev Mərkəzində keçirilən beynəlxalq konfransda dörd qitəni (Amerika, Avropa, Asiya və Afrika) əhatə etməklə 47 ölkədən dəvət olunmuş pediatr, kardioloq və ürək-damar cərrahları iştirak etmişdir. Anadangəlmə ürək xəstəliklərinə diqqəti cəlb etmək məqsədilə Azərbaycanda ilk dəfə olaraq ürək-damar xəstəliklərinə aid "Ürəklər susmasın" adlı sosial öhdəlikli video çarx hazırlanmış və konfransın rəsmi tədbirində nümayiş edilmişdir.
Azərbaycan Ürək və Sağlamlıq Assosiasiyası
7 Sentyabr 2005 tarixində Azərbaycan səhiyyəsinin inkişafında xüsusi rol oynamış nadir səhiyyə təşkilatçısı mərhum professor, o vaxtkı Mərkəzi Neftçilər Xəstəxanasının baş həkimi işləmiş Fəxrəddin Cavodovun təşəbbüsü, onun bilavasitə təşkilatçılığı və rəhbərliyi altında, habelə Raşad Mahmudovun, MNX-nın həkim-cərrahı Qulam Rüstəmzadənin yaxın iştirakı ilə Azərbaycanda ilk dəfə olaraq "Azərbaycan Kardiovaskulyar Cərrahlar Assosiasiyası" təsis edilmişdir. Bu Assosiyasıyanın sədri vəzifəsinə də o zaman məhz doktor Rəşad Mahmudov layiq görülmüşdür. Daha sonra, 2010-cu ildə həmin İctimai birliyinin adı dəyişdirilərək, "Azərbaycan Ürək və Sağlamlıq Assosiasiyası" adlandırılmışdır.
Mükafatlar və təltiflər
28.12.2006-cı ildə Azərbaycan Respublikasının Prezidenti İlham Əliyev tərəfindən "Tərəqqi medalı" ilə təltif olunmuşdur.
2006-cı ildə Ali Attestat Komisiyası tərəfindən "Tibb Elmləri namizədi" ilə təltif olunmuşdur.
10.05.2009-cu ildə Heydər Əliyev Fondunun prezidenti Mehriban Əliyeva tərəfindən "Qızıl çinar" beynəlxalq mükafatı ilə təltif olunmuşdur.
16.06.2014-cü ildə Azərbaycan Respublikasının Prezidenti İlham Əliyev tərəfindən "Əməkdar Həkim" fəxri adı ilə təltif olunmuşdur.
2019-cu ildə Azərbaycan Respublikasının Prezidenti tərəfindən "Azərbaycan Xalq Cümhuriyyətinin 100 illiyi" medalı ilə təltif olunmuşdur.
Milli Məclis
2015-ci il Azərbaycan Respublikası Milli Məclis (V çağırış) seçkilərində Yeni Azərbaycan Partiyasından namizədliyi irəli sürərək, 77 saylı Astara seçki dairəsindən millət vəkili seçilmişdir.
2020-ci il Azərbaycan Respublikası Milli Məclis (VI çağırış) seçkilərində Yeni Azərbaycan Partiyasından namizədliyi irəli sürərək, 77 saylı Astara seçki dairəsindən millət vəkili seçilmişdir.
İstinadlar
Bu məqalədəki istinadlar müvafiq istinad şablonları ilə göstərilməlidir. |